Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VII

No. 17 THINGSULTHLIAH

Ni 11 May 2013

(INRINNI)

TUIRINI PRESBYTERY KTP MEET VAWI 4-NA THINGSULTHLIAH KOHHRAN-AH NEI MEK Kristian Thalai Pawl Tuirini Presbytery Meet vawi 4-na, kum khat dana neih thin chu ni 10-12 May 2013 chhung hian Thingsulthliah Presbyterian Kohhran-ah neih mek a ni. Tuirini Presbytery huam chhungah hian Pastor Bial 4 awmin KTP Branch 19 a awm a, nimin khan Meet hmang turte chu an lo thleng hlawm a ni. Meet chhung hian Bial leh Kohhran hrang hrang Zaipawl te an zai bakah Vawiin chawhnu dar 1:00 hian Variety Programme neih a ni ang a, hetah hian Solo, Duet, Beat Group, Short Play Drama, Musical Band etc. neih a ni ang. Inrinni zan leh Pathianni chawhnu inkhawm banah Fellowship Programme te neih a ni ang a, Pathianni zanah Meet hi a tiak ang. HSLC & HSSLC TOP - 10 A TLINGTE CHAWIMAWI DAWN Thingsulthliah Village Council leh Thingsulthliah Teachers Association(TTA) buatsaihin kumin 2013 HSLC & HSSLC Result a Top - 10 a tling te chawimawina chu karleh Zirtawpni (17.5.2013) chawhnu dar 1:00-ah Tst. Community Hall-ah neih a ni dawn a, Khuallian atan Bialtu MLA & Home Minister Pu R. Lalzirliana beisei a ni. Hemi rual hian HSLC & HSSLC pass thar zawng zawngte chawimawina neih nghal tum a ni bawk. Pass tharte hi an vaiin zirlai 60 an ni a, Thingsulthliah khawchhunga zirna In atanga pass te bakah hmundang atanga pass, Top-10 a lang chin te chawimawi an ni dawn a ni. Top-10 a lang 3 an awm a, chungte chu1. Lalramthari D/o Vanlalruata, D/A, HSLC Distinction, 10th Position, Radiant Hearts School, Thingsulthliah. 2. Malsawmdawngzela S/o C.Lalremkima, Tlangnuam,

INNEI Ni 9/5/2013 khan Lalduatpuii D/o C.Nundanga H/A leh T.L Lalrohlupuia S/o Zamliana, Khawzawl te Khawzawl Chhim Veng Presbyterian Biakin-ah an innei. Lalduatpuii thlahna hi ni 7/5/2013-ah an inah neih a ni. Ni 10/5/2013 khan R.Lalrinkima(AKima) S/o R.Zoliana Seling Field veng leh F.Lalneihtluangi D/o F.Lalhmingsanga New Serchhip te Tst Presbyterian SS Hall-ah an innei. TRANSFER TE Pu K.Jachhawna, Tlangnuam, Govt. Saichal P/S Headmaster chu Govt. Seling P/S-I Headmaster turin sawn a ni a, ni 1/5/2013 khan a post thar hi a zawm. C.Lallawmkimi, Teacher, Lailak M/S chu Tst. M/S-III, Tlangnuam-ah sawn a ni a, amah hi UPS Teacher niin Bawngkawn-a khawsa thin a ni. ASSEMBLY NEI Nimin zirtawpni khan Tst Farming Coop Society chuan Pu Hrangvunga In, D/A-ah Assembly an nei a, kum 201318 chhung hruaitu turte thlang nghalin tlaiah chawhlui an kilho nghal. MOTHERS DAY HMANG DAWN Naktuk, Pathianni hian Salvation Army chuan Nute Ni an hmang dawn a, Chawhma inkhawmah Nu te pualin inkhawm urhsun tak an hmang ang. Tst Bial Corps hrang hrangah pawh he ni hi hman a ni ang.Nu te leh naupang ten hla inchhang sain naupang leh thalai ten an nute chawimawina pangpar an hlan bawk ang. TST NGO CO-ORDINATION DIN Ni 6/5/2013 zan khan Tst NGO hrang hrang hruaitu kalkhawm ten khawtlang hmasawnna chak leh zual kan neih theih nan leh khawchhunga sorkar hmalakna hrang hrang tawiawma enpui tur, Tst NGO Co-ordination Committee an din thar a, Chairman & Secretary atan Jt. YMA atangin siam nise an ti a, OB post dang te chu MUP-I & II, MHIP Branch 2, ZDU, TSU, GSA atanga insiam tura tih niin tun May thla chhung hian OB post hi siamfel vek tura tih a ni.

HSSLC(Arts) Distinction, 3rd Position & Topper in Pol. Science. Tst HSS
3. P.T. Malsawmkima S/o Lalzarliana, C/A, HSSLC(Arts) Distinction, 9th Position, Helen Lowry School, Aizawl. THINGSUL-TLANGNUAM TOBACCO FREE VILLAGE-AH PUAN A NI DAWN Karleh zirtawp ni 17/May/2013 zan dar 7:00-ah ThingsulTlangnuam khua chu Tobacco Free Village-ah puan a ni dawn a, Programme tlangpui chu hetiang hian ruahman a ni. He Programme hi Tlangnuam Presbyterian Kohhran SS Hall-ah neih a ni ang a, Pi Lalriliani, President, Indian Society on Tobacco & Health (Mizoram Chapter) chu khuallian a ni ang a, Pu K.Lalchhanhima, Chairman, AntiTobacco Committee, Tlangnuam-in inkhawm a kaihruai ang. Zaithiam Vanlalsailova, Brand Ambassador, Campaign for Tobacco Free Mizoram-in hunserh hmangin thusawina a nei ang a, Pu Lalthangmawia, Secretary-in report a pe ang. Pi Esther Lalruatkimi, Secretary, Health & Family Welfare, Dr. Jane R.Ralte, State Nodal Officer, Pu C.Lalsiama, VCP Tlangnuam ten thusawina an nei ang a, Khuallian-in thusawina nei lehin Tlangnuam khua chu Tobacco Free Village-ah a puang ang. Programme karlakah hian zaithiam Nl Lalduhsaki, 1st Runner-up Youth Icon-2012, Joy Zairemmawia, Ramhlun Vengthar leh Nl Kawngkharmawii, Tlangnuam te an zai dawn bawk a ni. Pu VL Bela, Vice President, Indian Society on Tobacco & Health (Mizoram Chapter)-in Lawmthu sawina a nei ang.