Sei sulla pagina 1di 1

Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VII

No. 3 THINGSULTHLIAH

Ni 2 February 2013

(INRINNI)

INTERNAL ROAD BLACK TOP DAWN


MGNREGS atanga mipui thawhkhawm hmangin Thingsulthliah leh Seling VC te chuan Internal Road Black-top hna an thawk dawn a. Thingsulthliah-ah chuan Hospital Venglai kawng, P/S-III peng atanga Hospital Veng Presbyterian Biakin panna bul kawng te metal tum anih bakah Venglai kawng Metal hmabak atangin HYMA Hall panna kawng metal tum a ni a. Tuna ruahman dan chuan helai kawng Metal tur hi 300 mtrs vel a ni. Tst H/A Venglai Metal turah hian VC ten 24 BRTF hotute an ngen tawh angin Road-Roller hmangin an rawn pui dawn a. Road-Roller hi Seling Champhai Road Metal hna thawh mek an zawh hun February ni 11 kar atangin an rawn puih hman beisei a ni. Tunah hian Seling Champhai Road Metal hna hi thawk mekin Water-point leh Sakeibangla mual lamah kir lehin an thawk leh ang a, chumi hnuah Thingsulthliah lamah an rawn thawk dawn niin thu kan lo dawng. Seling VC te pawhin Internal kawng Metal tumin hma an la mek a, Seling Field kual kawng 114 mtrs vela thui chu black top turin hmachhawp an nei mek niin thu kan lo dawng. THINGSULTHLIAH H/S GOLDEN JUBILEE Ni 30.1.2013 khan Thingsulthliah H/S Kum 50 tlin lawmna Golden Jubilee Organising Committee te Thingsulthliah H/S-ah an thukhawm a. Sub-Committee peng hrang hrang te hmalak dan thlir hovin, Jubilee lawm dan tur leh a hun tur te an ngaihtuah. Jubilee hawn hun atan April 2013 an ruat a, a lawm hun atan October 2013 an ruat nghal bawk. A hawnna leh lawmna ni tur chu Committee leh a ruat turin an dah. SELING TUILAK CHUNGCHANGAH

CHC DOCTOR TRAINING DAWN Thingsulthliah CHC Doctor pathum zinga mi Dr. Zonunsangi Khiangte chu ni 6 17 Feb 2013 chhungin Aizawl-ah a training dawn a, Basic Emergency Obstetric Care chungchangah training hi a nei dawn niin kan lo hria. Dr. Saithanliana leh Dr. Vansangzuali, DS te chu an awm ang. CHC POOR FUND TAN PE Thingsulthliah CHC Poor Fund tan Thingsulthliah Kohhran hrang hrang Joint Thalai ten tun January ni 20 khan Rs. 3000/- an pe a; nikum ni 29/12/2012 khan Diakkawn Branch YMA, M Section ten Rs. 500/- an lo pe tawh bawk. Tun January 2013 chhung hian damlo harsa zual mi 3, Hmunpui lama Refer te hnenah Rs. 3000/pek chhuah anih thu CHC hotute hnen atangin kan lo dawng bawk. Poor Fund atana sum petute chungah CHC thawktute an lawm hle a ni. STUDY CAMP Tlangnuam H/S chuan HSLC Candidate te karleh ni 4.2.2013 atangin camp an neihpui dawn a, thawhtan tlaiah lutin ni 6.3.2013 thleng an camp dawn a ni. Thingsulthliah H/S chuan HSLC candidate te camp an neihpui mek chu ni 14/2/2013 thleng an kalpui dawn a, riaklut lovin chhun lamah camp hi neihpui thin an ni. Seling H/S chuan Exam hma camp neihpui an tum a, hetih laiin Tst HSS ten an candidate camp an neihpui chu vawiin hian an chhuak ang. HSLC & HSSLC EXAM TUR ZAT Kumina Govt. Thingsulthliah High School HSLC Exam Centre-ah High School hrang hrang pasarih atangin candidate 185 an awm dawn a, Thingsulthliah HSS Exam Centre-ah Thingsulthliah HSS leh Tlungvel HSS atangin candidate 69 an awm dawn bawk a ni.
CULVERT SIAM ZO Seling V.C te chuan Zahngai Veng-ah Culvert pahnih an siam chu tha takin an siam zo tih thu kan dawng.

VC PATHUM TEN INREMNA THUTHLUNG AN ZIAK


Seling Tuilak mek hi Khanpui leh Lailak ramchhung, Hriangtlang ram ami a ni a. Seling Tuilak te hi a tui hnar Tualbung kawng chunga Hmaiawna lui Intake leh Tualbung hnaih lam ami Intake te humhalh a nih theih nan Seling VC te leh a ram neitu Khanpui leh Lailak VC te nen ni 19 Jan 2013 khan humhalhna thuthlung an ziak a. Seling atangin VCP Pu Raymond Lalbiaknunga leh member zawng zawng te an han kal a, Khanpui leh Lailak VC member zawng zawng te nen Pu Zonunmawia In, Lailak-ah inhmuhkhawmna neiin Inremna thuthlung hi an ziak tih thu kan lo dawng. Inremna(agreement) an ziak dan ang chuan Seling tuilak hnar(intake) te hi humhalh tlat a ni ang a, intake tibuai thei zawngin tu tan mah chet a rem dawn lo a ni. An inremna thuthlung ziakah hian Intake humhalhna tur ram zau zawng te tihlan vek a ni. TLANGNUAM BRANCH YMA HNATLANG Vawiin ni 2.2.2013(Inrinni) hian Buannel ramah Tlangnuam Branch YMA Committee member te Thingro lain an hnatlang. Branch YMA te chuan YMA ram, Buannel Ramah hian eng thing mah (a ro emaw a hring emaw) la tawh lo turin mipui te an ngen a ni. PENSION THLAH Nimin ni 1.2.2013 khan Pu R. Lalpeka, Headmaster, Govt. P/S-I, Seling, VRS a pension chu Seling Teachers Union leh thenrual tha ten an Inah thlahna hun an hmang a, tlaiah chawhlui an kilho nghal. Pension thlahna hi MPTA Gen. Hqrs hruaituten an rawn hmanpui. Ni 31.1.2013 khan Pu D.K. Manthanga, UDC Tst RD Block chu Kum 36, thla 10 leh ni 28 a service hnuah pension-in a chhuak a. Staff Welfare Committee ten chawhnu dar 1:00 khan thlahna hun an hmang bawk.

Potrebbero piacerti anche