BMA AW

An Official Organ of The Bangalore Mizo Association Registered Under Societies Act of Karnataka No.: BLU-S188-2007-08 Date 7 May 2007
Vol. XVIII Issue No.35 Bangalore Mizo Association Pathian Nitin Chhuak Chanchinbu Date: 9th Dec., 2012 Phek Khatna

TUALCHHUNG
## Madawnga lo haw BMA secretary tum hnih lai ni tawh leh Bangalore Mizote tana mi tangkai tak Tv. Madawnga Hauhnar chu, chhungkaw hun hmanpui leh tul dang avanga hun engemaw ti chen Mizorama a haw hnuin December ni 5 zan khan tluang takin Bangalore a rawn let leh ta. ## Lehkhabu tlangzarh MSA President ni lai mek, Tv. K Remruatfela lehkhabu ziah Zoram Khawthlir tih chu December ni 8 khan Pi Lalmuankimin (w/o Pu Rotea) a tlangzarh. Lehkhabu hi Rs. 120/a lei theih a ni ang. Lehkhabu tlangzarh thei tur BMA member zinga an awm thin hi kan chhuang hle a ni. ## Mizoramah haw hlen dawn Bangalore Mizo te tan tangkai em em Pu Aris V N Fanai chuan December 10 hian Mizorama awm hlen tawh turin Bangalore a chhuahsan dawn ta. A hmalam hun atan duhsakna kan hlan e. ## Pasal nei dawn Tahrikni 20, December 2012, ningani hian kan member, Nl. Malsawmzuali Khawlhring leh Tv. Robert Lalhmangaiha te chu Presbyterian Church, Electric veng, Aizawl-ah an innei dawn. Rev. Dr. K. Sapthanga te chhungkua hian BMA te min sawm a. Tuak thar tur te duhsakna kan hlan e. ## Naute nei Kan member ni tawh thin, Mami Sailo, Pondicherry-a pasal nei ta chuan fapa duhawm tak an nei a. Kan lawmpui e.

CHANCHINBU, CHANCHINBU, LEHKHABU

Lalhmingliana Saiawi Lehkhathiam hnam inti Mizo hian lehkha chhiar kan peih lo. Lehkhabu lei nan pawisa kan ui. Zaithiam CD lei nan lem kan ui si lo ti an awm. Kei chuan ka ti ve lo. Zat leh zatah keini Mizo aia chanchinbu ngah chuang hnam dang an vang ang. Ni tin chhuak chanchinbu ngawt pawh Aizawlah hian a tam hi. Awih la awih suh la: latu ngah ber Vanglaini hi sing li chhut ni awmin a chhuahtuten an sawi. A dawttu The Aizawl Post pawh sing chuang fe chhut niin a chhuahtuten an sawi ve bawk. A sang tela chhut Mizo Aw, Evening Post leh a dang pawh a la awm. Thlakip chhuak lah hmel mawi tak tak kan ngah. Latu pawh kan tam. Agape September thla chhuak hi 35,400 lawih chhut a ni. Kristian Tlangau (September) pawh 31,000 chhut a ni. Mizo hian chhiar peih lo ila chuan chutiang khawpin chanchinbu kan ngah lo vang a, kan neihte pawh chutiang em ema chhut tam an ni hek lo vang. Chanchinbu chhiar hi kan peih hle a nih chu. Lehkhabu chhiar pawh kan peih e. A lei nan pawisa kan ui tih tih tur pawh a ni lo. Kum tinin lehkhabu thar za chuang fe a chhuak a, kum 2003-ah 103, 2008-ah 133, 2011-ah 183 a chhuak. Chawhrualin lehkhabu chhuak tharte chu bu 200 aia tam theuh hralh ni ta ang sela, kum tinin Mizo hian lehkhabu 30,000 aia tam kan lei ziah ang a ni ang. Chu mah mah kan lei tam ber thin Pathian Lehkhabu leh Kristian Hla Bu leh Sunday school zirlaibu leh Nilai zan Thupui Bu chhiar tel lovin a ni. Presbyterian Sunday School zirlaibu 2012 hi 56,000 chhut a ni. Maktaduai pawh tling lo Mizovin chutiang zat zat lehkhabu kan lei kum tin chu lehkhabu lei nana pawisa ui tih tur kan ni lo. Zaithiam CD hralh tam hi Mizo writer-te hian kan thik tur a ni hek lo. Zai ngaina hnam kan ni a, zaithiam hi kan atchilh a ni hawt a, zaithiam lar vek vek chuan an CD-te hi an hralh thei em em tur reng a ni. An CD hralh zat kan lehkhabu kan hralh theih loh vanga Mizo writer-te hi mahni inkhawngaih tur ni lovin kan tih ve thiam zawng lehkhabu ziakin kan bur ve ngar ngar tur a ni mai. Zaithiamte CD hralh theih awt chuan zai hi zir ve nghe nghe se, an zir peih tak tak chuan an thiam ve mai mahna. Hman kum 30 kum 40 vel thleng khan zaithiam an tam ngai lo va, mipui hmaa malzai ngam phei chu vang tak an ni. Tunah chuan Aizawl veng tihtham chin leh khaw dang lian deuhah zawng zawng mipui hmaa malzai chu a chaka chak an tam tawh a, kohhran tinin zaipawl tha tak tak kan neih tawh hi. Mizo aw hi a mawi ta em a ni ngawt lo: zaithiamte hian zai thiam hi an tum em a ni. Annin zai thiam tuma an zir nasa ang chuan writer-te pawhin thu ziak hi zir nasa ila tun ai hian kan ziak tha thei zawk daih ang. Tunlai Mizo lehkhabu chhuakte hi a man a tlem tawh lem hek lo. 2010-a chhuah JF Laldailova German Ral Run Leh Thu Ngaihnawm Dangte hi phek 175 a ni a, a man Rs 100 a ni (Phek hnihnaah chhunzawm a ni)

Vol. XVIII Issue No. 35 Bangalore Mizo Association Pathianni Nitin Chhuak Chanchinbu Date: 9th Dec., 2012 Phek Hnihna
Editor Dr. Lalhmingmuana Sailo Joint Editors Tv. Lalmuanzuala Tv. MC Zirsangzela Circulation Managers Nl. R. Lalnuntluangi Nl. Laltlankimi Hmar Tv. Samuel Khawlhring Nl. Vanlalnghaki BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

Article chhunzawmna Nikum 2011-a chhuah L. Keivom Thukhawchang hi phek 199 a ni a, a man Rs 150 a ni. Lehkhabu chhuak thar tlawm te te hi a awm mang tawh lo hrim hrim. Thusawi leh thuziaka mahni insawi tel hmang ka ni bawk a, ka lehkhabu ziah vete ka han sawi teh ang. Ka lehkhabute hi a leituten to an ti dah ang e tiin ka chhiar tam lo hram hram thin. Tuna ka zawrh tan Thukhawchang: Bu 5na Korea hi phek 206-a chhah, Korea-a ka cham chhunga thlalakte nen a ni a, inthlahrung takin Rs 120 ka chhiar a, lehkhabu chhuak dang phek 200 tling lo leh tling tawk tawk, thlalak tel lote pawh Rs 150 lai a ni a, chungte ngaihtuah chuan chhiar to lo tak ka ni. 2009 kuma Thukhawchang: Bu 4na ka chhuah phek 339 pawh Rs 120 ka ti a, 150 tal tih tur alawm, ti an awm. Mi lehkhabute aia tlawm zawka ka lehkhabu tharte ka la chhiar chu lehkhabu ziaktu dangte lakah ka inthlahrung deuh a, chhiar to ve dawn ila ka lehkhabu min hlutpuitute lakah ka inthlahrung dawn bawk si. Ka lehkhabute zinga ka chhiar to ve ber chu a tlawm ber pawl Thukhawchang a ni. Ka lehkhabu ziah hmasak ber, 1989-a Bombay-a ka chhuah a ni. Phek 160 tling lo a ni a, Rs 45 ka chhiar a. Bombay-a Mizo thiante ka han bel a, SA Col. Chianghnunan, Rs 15 man awm vel a ni, a ti. A hun laia pawisa hlutna ngaihtuah chuan a ti dik viau. A chhut man ngaihtuah chuan ka chhiar to si lo. Ka hralh zo daih tawh a, ka lawm hle. A kawmah ka fanu hmeichhe naupang, a hnunga kan inpui (Kawlkulh Venglai) nena thlalak ka hmang a, chu chu lehkhabu chhuahtu dang tihhmuhtu ni vein thianten an sawi.

E-mail: bmanews@gmail.com Website: www.bangaloremizo.info

Xw||t Xw||t
te, BMA AW chhiartu duh tak te,

EditorKar hmasaah Editor-te inrinthulh avangin BMA AW in dawng lova, takzet Chutih pawi kan ti takzet a ni. Chutih rualin BMA AW lamtu in awm nual tih kan hriatin kan lawm viau lawi si. Vawiinah Mizo lehkhabu ziak thin zingah hian tu nge thiam i tih ber, thi tawhte pawh tiamin? tiin inzawt hlawm ila, chanchinbua thu ziak thin tam tak chuan issue pahnih in dawng ta a nih hi. Mizo zinaga thuziaktu lar leh hmingthang, a dik leh tha nia a hriata huai taka tang ngam leh, a tul chuan Chief Minister hial pawh tlang taka bei ngam Pu Lalhmingliana Saisawi thuziak tha tak kan dawn hi, thuziak kan chhuah thin aiin thui deuh mah se, chhiartute chhiartuten in hlawkpui ngei kan ring e. BMA AW hi chhiartlak a nih theih na te nan Editorial Board ten theihtawp kan chhuah ve thin a. Chutih rualin kan theihtawk leh phaktawk erawh a beitham thin hle. Thu leh hla kan uar luatah maw, luatah mi pawi kan sawi chang emaw, thu dikhlel kan chhuah chang a awm changin, mai thei. Chutiang a awm palh changin, taka tihdik khawngaiha taka kan tihdik loh min hrilh zilhhau thurawn min hrilh a, min zilhhau a, thurawn min pe zel turin chhiartute kan ngen nawn leh a che u. BMA AW chhiar nuam le.

Zikpuii Pa an ti duh viau ang. A thih hnu daih tawhah pawh a thuziak leh a hla phuah hahipa fakna thlakip chanchinbuah a chhuak tam. Zikpuii Pa ai pawha mi tam takin an dah san zawk a awm si. Ka hmelhriat pakhatin chanchinbua ka thuziak leh ka lehkhabu \ha a tih thu ka hnenah a sawi a, Mizo tawng hi i lo thiam hle mai, min ti a. Mizo tawng thiam tia min fak hi an awm ngai lo hle a, ka lawm khawp mai a. Chutah, JF Laldailova dawttu i ni, min ti. Ka lawm hle. JF Laldailova (1925-1979) kha Mizo zingah thuziaka ei zawng hmasa ber a ni mai thei. English a thiam hle a, Mizo tawng a thiam zia pawh ka sawi mek hi. English a thiam hle a, Mizo tawng a thiam zia pawh ka sawi mek hi. Mizo tawng a thiam em em mai kha a pianpui tawng a ni na a, a zir chawp titih a ni. A naupan tet lai atanga lehkhazira vai rama tap tlat a ni a, a tlangval chhuah tirha Mizorama a rawn awm chuan Mizo tawng chu a thiam lo hle tawh a, thiam a duh si a, zir tak takin a zir ta a, a thiam tak tak ta a ni. Mizo tawng leh Sap tawng a thiam zia chu English-Mizo dictionary a siamah hian a chiang tawk. A vanglaia thuziaka ei a hmuh dan ber chu cyclosestile-a thu ngaihnawm chhuahin a ni. Thu ngaihnawm a chhuah tam ber chu English articles leh lehkhabu Mizo tawnga a lehlin a ni. A lehkhabute pawh Sap\awng lehkhabu Mizo tawnga a lehlin a ni ber. Ama phuah tak tak lehkhabu hi a tam awm lo ve. Bible Thlirna bu hi Pathian Lehkhabu Mizo tawngkam a sawiselna, ama phuah tak tak a ni a, a bua siamtu chu amah ni lovin Omniprint press neitu R. Lalrawna phuah khawm leh chhuah a ni. JF Laldailova ngaisangtu an la tam zia tichiangtu pakhat chu kum 2010-a bu 4,000 zet chhut German Ral Run hralh tla tak hi a ni. Ka lehkhabu ni se chuan chutiang zat zat ka chhu ngam lo hrim hrim ang a, hralh pawh ka hralh thei lo viau ang Phek thumnaah chhunzawm a ni

Vol. XVIII Issue No. 35 Bangalore Mizo Association Pathianni Nitin Chhuak Chanchinbu Date: 9th Dec., 2012 Phek Thumna

Article chhunzawmna A dang leh chu a fapa Peter Lalthankiman JF Laldailova Jr intia lehkhabu a chhuah a hralh zo duak duak thin hi a ni. Ani pawh hian a pa ang bawkin Saptawng lehkhabu Mizo tawnga lehlin a chhuah ber a, a hnuhnung ber The Alchemist pawh hi a lehlin a ni a, phek 207, Rs 150 man a ni a, a hralh zo rang hle a ni awm e. Kima hi ka lawmpui tak tak a ni. Hei pawh hi keia ziah ni se chuan ka hralh tam lo ngawt ang. JF Laldailova kha a thih hnu kum 20 aia rei a ni tawh tihah pawh huhang a la nei fe mai a, kei chuan ka tluk lo hle a nih chu. Mizo writer dang pawhin an tluk lo. Nimahsela mahni phuah lehkhabu ziak tam lo tak a ni a, chutih thilah chuan writer tluk loh a ngah ve thung. Ama phuah ngei Bible Thlirna pawh hi mi dang pawhin an sawi ve thin a ni. (Pu Hminga, I thuziak tha tak min pek avangin kan lawm e. I Thu leh hla dang pawh kan beisei zel e. _Editor) ________________________________________________________________

nang ka kal bosan vang che hian ka hmangaih ta lovah che min ngaihsak lo la. Ka hmangaih vang chein ani, ka neihchhun chhun pawha I tan thil ka leisak thin che ni. Pa khawngaihna leh hmangaihna tel lova harsatna I tawh ka ngaihtuahin, ka in bang chu thinrim leh lungngaihna hrih thlak nan ka hmang a. Beidawnna hrui hrual leh dawhsan te chuan nang fahraha chang mai tur dawn tirin I tan a sirah ka hnawl leh hram thin ani tih hian ka hmangaihna che hi phuar khawm tlat rawh se. Vawi tam I tan I nu hmaah zah pawh dawn lovin thingthi meuhin chhungkhata insiam ka dil lawm lawm thin a, mahse I nu chhanna chuan he ka khup thingthitna hi thinrimna leh khawvel sualna lamah min kal tir ta a ni. Ka fapa duhtak, he khawvel sual leh fel inbuk tawkna ramah hian ka tel lovin hun I hmang chho dawn ta chu ani si a. Khawngaihin harsatna I tawh changin hnem thei dawn lo mah che ila kei I Pa hi I rilru ah lo lang tharin chakna petu ah hmang la. Hlimna lawmna I tawh changin I rilru ah kei I pa hi dahin khawngaihin hlim nui ri nen I pa hi mi rawn au thin dawn nia. Engtin I chungah tih theih neilo mahila Nang ka fapa hi ka tan chuan I hlu a. Ka engkima engkim I nihzia ka mittui far hian I chungah leihbaw zawih zawih rawh se. He thu I chhiar zawh meuh chuan he khawvelah KA PA tia auh tur I nei tawh ngai lovang a. Khawngaihin mi dawihzepa leh fa hmangaih lovah chuan kei, nang hmangaihtu leh I tana huaisen taka ka tawrh thin te kha I thinlungah riah tir suh ang che. Hmangaihte hmangaih taka enkawl seilen theih loh ai chuan he khawvel piah lam atanga I rawn seilen tur lo thlir ka thlang ta zawk a ni. Ka fapa duhtak, nang hian he khawvel bul hi min tansak a, nang vek hian min tawptir leh ta si a ni. Khawngaihin ka fapa duh tak, MIN NGAIDAM ANG CHE. (Carey-a, thu leh hla hmanga Mizoram atang BMA I la hre reng hi hlu kan va ti em! Han ziak zel rawh khai. _Editor)

KA FAPA, MIN NGAIDAM RAWH

Carey Sailo
Pa nihna dinhmun awhzo lo leh mawhphurhna hlen lo ni mah ila, Pa-in a fa a hmangaihna erawh nang ka fapa ina he lei boruak I hip chhung hi chuan a dai leh tawh ngai lovang. Zirtawpni tlai apiangin nang hmuh chak chein a ni, ka lirthei leh ka rilruin I lam a hawitir thin a. Hlim taka kan infiamna kawt tual nuam ni thin kha tunah chuan lungngaihna leh tahna ruam ah an a chang ta si. Duat leh hmangaih taka enkawl ka huamzia chu chung vana arsi leh chhawrthla te khian min hriatpui ka ring a. Chung chhawrthlapuiin zan lam hun chauha a lamtluang a chhui chu demin keizawng I tan, ni chhuah rual leh tlak thlengin ani I nun ka chhui thin a ni. Ka pa hian engvanga kei leh ka nu min thlah thlam na chhan hi enge ni le? tiin I rilru pawh a insual zantin a ni mai thei e. Mahse ka dem lo che, a chhan ka la hrilh loh vang che a ni! Ka fapa duhtak, kei leh I nu nundan phung engmah hre lova tun hun I chuang kai hi chung vana kan Pathian hnenah tun thlengin lawmthu ka la sawi zawk a sin. I tel lovin ka hun leh ni te chhiar thin mahila, thianten an fa duh taka an pawm ka hmuh hi chuan ka thinlung chhung hi keh sawmin ka rilru hi a mawih tial tial thin a. Nang, ka fapa vang hian he lei khawvel hrehawm hi chhuahsan tep thin mah ila, Nang ka fapa vek hian a ni min chhan chhuak leh thin tu chu ni. Khawngaihin I rilru ka lam hawiin,

Fo U Fimkhur Fo Ang U
Nizan dar 9 vel khan, Dr. Lalpanmawia Hmar, MVSc (Nutrition) NIANP, Adugodi-a research bei lai mek chu, laboratory kal tura kawngpui a kan laiin Bike-a chuang tleirawl pathumin tibuaiin, a rin loh laiin a mobile phone an laksak. Khawpui lian, mitin chitang chenna a nih avangin, Bangalore-ah hian kan him reng thei lo va. Fimkhur taka awm chang pawn vanduaina tawn chang erawh a awm fo. Chuvangin, mitin te i fimkhur fo ang u.

Vol. XVIII Issue No.35 Bangalore Mizo Association Pathianni Tin Chhuak Chanchinbu Date: 9th Dec., 2012 Phek Lina

Lawrkhawm
$$ Zenghri danna chiu sual avangin boral Pu Rozama fanu Lalchhanhimi thla hnih-a upa, Zotlang, Lunglei chu December ni 5 khan a nuin polio injection la-in health sub-centre-ah a kalpui a, damdawi chi thum lak turah damdawi chi hnih injection an pe a. A malpui veilama an injection pekna turah nausen hman chi hriau te a awmloh avangin hriau lian-in an lo chiu va. An chiu hnu atang hian, chiu-na atang hian thi a chuak reng a. A tuk December ni 6 zanah a malpui chu vungin, a khua a sik hnuah a, a kaih ta chiam a. Zan 11:30-ah Christian Hospital Serkawn panpui niin, December ni 7, 4 AM khan a boral. He thil thleng avang hian Lalchhanhimi nu leh pa te hi an hrilhaiin tuarthiam har an ti hle. (Chanchinthar, Facebook group) $$ Saruaka Bike khalh man December ni 6 zanlai vel khan tleirawl awm tha duh lo mi 4/5 vel saruaka bike khalhte chu Khatla-ah man an ni. Heng tleirawl awm tha duh lote hian thuamhnaw engmah ha lovin zan khawvawt tak hnuaiah bike an khalh a, an tlan kual pahin Khatla kawna tlangval thenkhat lo awmte chu an cho vel a, hemi hnu hian an tlan tlang a, a ngaiah bawk an rawn tlan kual leh avangin man an ni. (Romei chanchinbu) $$ Phawngpui Tlang sanzawng teh tha Mizoram a Tlang sang ber - Phawngpui Tlang chu Public Higher Secondary School Ramhlun Venglai Department of Geography te chuan tahrikni 4 December 2012 khan hlawhtling takin an teh a. Phawngpui tlang san zawng hi, tuipui zawl atanga 2158 meters a sang a ni. (Chanchinthar, Facebook group) $$ Mei zu mi 8 an man Lunglei District Anti Tobacco Squad te chuan thawhtanni khan Lunglei khawpui chhunga sawrkar Pisa 16 ah meizu an awm leh awm loh an check a, mei zu lai mi pariat an man a; cheng zahnih theuh an chawitir. Meizuk that lohna leh zu lui lo tura inzirtirna nei nghalin Office dawrtu mipuite pawh Office leh mipui punkhawmnaah meizu lo turin an zirtir nghal zel. (Vulmawi.com) $$ Nau nei lai thlalak avangin MCHP an lungawi lo Saiha District Hospital-a Nurse pakhatin tunhnai khan nu pakhat nau nei lai Mobile phone hmanga thla a la nia sawi chungchangah Mara Chano Py (M.CH.P.) Hqrs chuan an lungawiloh thu Health dept thuneitute hnenah an thlen. He thil thleng hi pawi an tih thu leh an thiamloh a nih thu sawiin CMO chuan tun hnuah thleng leh tawh lo tura tan an lak nghal tur thu a sawi a, a titu Nurse pawhin ngaihdam dil nghalin, a phone camera-in thlalak a tum a, amaherawhchu a hmanthiam loh avangin a lak tak loh thu a sawi a ni. Chaki chuan Damdawiin leh Sub. Centre te pan uar tura theihtawpa an inzirtirlaia an mualphona tawp khawk tur Damdawiin ngeia a thleng chu pawi an ti takzet tih sawiin, mirethei zawk leh mi mawl zawkte innghahna tlaka thawktu zawng zawngte insiamtha tura an duh thu a sawi bawk. (Vulmawi.com)

Week! Pics of the Week!

(Chawngkhum Dan Tlang Huat loh)

Hei le, a in-pose zei namen! Teddy-bear kuah avang hian in hmuzuam ngawt ang e, a khik sil mai ang che u. Tv. Samuel Lalrozam Hmar (Sammy emaw Sammy Kungfu tia hriat lar bawk) hi Bangalore Mizote zingah a mikhual lo mai ni lovin, mi tangkai tak a ni a. Khawtlang leh kohhran tan a theihtawp chhuah a, thalai te tana entawnthlak a ni. Infiamna lamah India ram aiawha tel pha leh hruaitu nihna a nei nual bawk. Tin BMA AW Editor ni tawhin thu leh hla lamah pawh a duai lo hle a ni. Ram leh hnam tan a theihtawp chhuah a, rilru leh ngaihtuahna seng thin mi a ni. Tv. Sammy hi, tlangval tawng tam lutuk lem lo (nula duh chi), chutih ruala fiamthu duh tak a ni thung. Vacancy a awm leh awm loh kan hrechiang thei lo a, pawi kan ti hle mai