Editor : Tv. Lalrinzuala (Tavala) 9862040071 Jt. Editors : Pu P Lianzama Tv. C.

Laltanpuia News Editors : Pu Sangzuala Hmar Pu Saibiaknunga Pu Lalrinchhana

Production Manager : Tv. Lalthanzama Tv. Lalnunfela Circulation Managers : Tv. Moses Lalrempuia Tv. Amos Tv. Lalremsiama Treasurer : Nl. Lynda Zosiamliani

Volume 3 No. 23

Thlakhata vawihnih chhuak

December 9, 2012

DVSC EXECUTIVE COMMITTEE VAWI 6-NA NEIH A NI.

an ti hle a, tun tum Local Tournament neih zawh tak chu Organising Secretary Tv. Vanlalpekan report tawi a pe a, an phak tawk angah chuan hlawhtling thawkhat ah an ngai a, vengchhung Football Player ten an hlut thiam hle a an hriat thute leh theih ang tawka tan an lak thu te chu committee chuan lawmawm an ti hle. Committee chuan kum 2013 a DVSC hruaitu thar tur thlan chungchang an ngaihtuah hova, Hruaitu thar thlanna hi DVSC Constitution in a sawi angin kumthar January ni 17 ah neih nise tiin an rel a, inthlan hun leh thil hriat tur ang te a hnuai a mi ang hian an rel. A hun : Dt. 17.01.2013 (Ningani) zan dar 7:00 A hmun : YMA Indoor Stadium. Inthlan hi Post by Post a thlan tur niin Floor atangin mi pathum aia tamlo Nominee siam theih a ni bawk ang. A hun te a la hlat deuh avangin Inthlan buaipuitu tur leh Nominations te chu Issue leh ah lo tarlan kan tum ang. DISCIPLINE HRANG HRANG REPORT: Discipline hrang hrang Report ngaihthlak a ni a, phek lehlam DVSC News Column ah tarlan a ni. DVSC SUM AUDIT CHUNGCHANG: DVSC Constitution in min phut angin kan sum te Audit nise tiin Committee chuan a rel a, inthlan hma ngeia Audit nise an ti. Auditor turte hetiang hian an ruat; Senior Auditor atan Pu. C. Siamliana leh Junior Auditor turin Pu H.K. Lalchhuanawma te an ni.

awrpui Vengthar Sporting Club Executive Committee vawi 6-na chu Dt. 4.12.2012 (Tuesday) zan khan Pu Chhingdailova te inah neih a ni a, member 15 kalin member 6 inan pha a ni. Kum 2012 chhunga Executive Commit tee neih hnuhnun ber tur a nih tawh avangin an Agenda leh thurel kan hriat awmte zingah kumthar 2013 hruaitu thar thlan chungchang leh Local Tournament neih zawh tak thlirletna te an nei a ni. Committee hi President Dr. Lalrinawman a kaihruai a, Local Tournament 2012 DVSC in a buatsaih zawh tak hlawhtlin theihna tur atana Main Sponsor Pu P.C. Sapnela ten an fapa Pu P.C.Rohmingliana (Ungtea) hriatrengna atana sum thahnem tak an lo thawh chu lawmawm an tih thu an sawi. Thalai te hmakhua ngaia in phal taka sum an rawn thawh chu committee chuan lawmawm

TAWI KIM
DVSC Jt. Editor Pu P. Lianzama fanu Lalmuanpuii chu drama zirtura a kal lampang bike in a su palh a, ngaihtuahawm erawh a ni lo hlauh. A su tupa hian an inah a thlah thlap a ni. DVSC Ex-Officio, Pu Lallawmsanga te chhungkua pawh chhungkaw thil pawmawh a Shillong lama an kal chu dam takin an rawn hawng. DVSC Ex-Officio Pu J.Laldawngliana pawh Ni. 30.11.2012 a sawrkarin Infiammite leh Manager/ Coach te hnena Incentive Cash Award an pekah Karate Dicpline bikah Rs. 25,000 a dawng. manager ah a dawng hnem ber a ni. DVSC Property i/c Tv. Jonathan Lalngaihawma pawh tunlai hian Exam a beingawrh hle, hlawhtling ngei turin duhsakna kan hlan nghal bawk e. DVSC tena Function kan neih apianga tlawmngaia min rawn zai sak thintu Nl. Zairemkimi (YMA Bial-1na) chu Youth Icon 2012 neih mekah top 50 ah inhlang kai ve in, top 20 erawh a kai zo ta lo. Kan tawrhpuiin a kal leh zel na turah duhsakna kan hlan mawlh mawlh a ni.

Local Football Tournament tluang taka zawh a ni ta.

DVSC ten kum tina kan lo tih thin Local Football Tournament chu ni 22-24 November 2012 khan tluang takin Jt.YMA Field ah khelh zawh a ni a. He k He kan Local Tournament ah hian Senior leh Junior team te a inelna buatsaih niin, Senior Team ah hian Team Sawmpakhat an tel a, chungte chu - FC Kan Team A & B, FC Martin, Lateii MeMizo Lin Dan morial FC A & B, Mampui & Maria FC, Fly Catchers FC, C Square FC, Oldies FC, FC Denis leh Basketball FC te an ni a. Junior (U-16) ah hian Team tel pali awm bawkin chungte chu - FC Kan Team Academy, Satdaia Memorial FC, Oldies Jr. FC, FC Denis Jr. te an ni. Senior Team te hi Pool hnih a then niin, Pool A-ah hian FC Kan Team A, FC Martin, Latei Memorial B FC, Mampui & Maria FC leh Fly Catchers FC te an awm a. Pool B lamah FC Denis, FC Kan Team B, Basketball FC, Lateii Memorial FC A, C Square FC. leh Oldies FC te an awm bawk a ni. Pool hnih te hian Knock-Out a khelin Semi Final lut te chu Pool A ah FC Kan Team A leh Mampui & Maria FC te an ni a, Pool B ah Basketball FC leh C Square FC ten semi-final an lut bawk a ni. Semi final match hmasa zawkah Mampui & Maria FC ten FC Kan Team A 1-0 in an hneh a, lehlam Semi Final-ah Basketball FC-in C Square FC
-phek 2naah chhunzawmna

-2-

DVSC News :
A tawpna nilo se.....
Dawrpui Vengthar Sporting Club te chuan Local Football Tournament an buatsaih chu tluang takin kan lo hmang zo leh ta reng mai a. Kan vengchhung a Football khel thin te thahnem fe mai kan han inlan thei kha a ropui khawp mai. Kumin a kan Local Tournament neih hi kum dang anglo takin kan Local Team te pawh an inbuatsaih nasa a ni tih a hriat in an in khel pawh a hmuhnawm hlawm hle a. Kan Player naupang Talent nei tha zawk tak tak te leh hmel thar te pawh kan lo hmu nual a, a lawmawmin an khelh zelna turah hmasawn tum a khela, inpuahchahna an neih zel kan duh a ni. Tin, kan Player thenkhat te phei chu kumthar a DVSC Football Team a khel tura sawm te pawh in awm leh dawn a, heng hunah hian Veng tan ti a, thahnemngai taka thawkchhuak turin leh theih tawp chhuah turin kan in sawm lawk a, Local atan chauh a khel thin lo a, kan veng aiawha khelh tum ngei turin kan in sawmin kan in ngen a, kan thiamna leh kan theihna te hi Local Tournament-ah chauh hian tawplo se hmalam pan a Dawrpui Vengthar tana theihtawp chhuah zel turin kan in ngen e.
President Dr. Lalrinawma Hnamte Sr. Vice President Pu Henry Vanlalhruaia

Basketball : 1st Division League (1st Leg) khelh zawh takah DVSC Basketball Team-te chuan tum li khelin kan chaklo fai vek a, 2nd Leg hi kum thar January thla a khelh leh tur a ni a, hemi tur atan hian players te an inpuahchah mai bakah MBBA Cup nimin khan tan a ni bawk a, kan veng basketball team te hi seeded kan ni a, kan match hmasaber hi Ni. 13 ah kan khel ang. Volleyball : Winter Tournament-ah DVSC hmeichhe Volleyball team te an tel ve a, tournament awm tur hi kan hriat tlai deuh avangin inpuahchahna kan nei tha lo hle a, 1st Match-ah Laipuitlang tumin kan chak lo nghal a, amaherawhchu kan player pahnih Nl. Lalhriatpuii c/o C Zomuana (YMA Bial 6) leh Nl. Elvira Zothanpuii d/o H. Lalsailova ( YMA Bial 4) te chu Inter District Volleyball Tournament-a Aizawl District aiawh tura thlan an ni a, DVSC chuan kan chhuang hle. Local Football Tournament - phek 1na chhunzawmna 3-0 in an hneh leh a ni. Junior Team lam ah Final Match khel turin FC Kan Team Jr. leh Satdaia Memorial FC ten an tumpui te ve ve hnehin Final an lut ve ve a. Final Match hnih te hi ni 24 Nov 2012 ( Inrinni) dar 10:00 ah khelh tan niin Final First Match ah Junior(U-16) lam ten khel hmasain FC Kan Team Jr. te chuan an tumpui Satdaia Memorial FC te 1-0 a hnehin kum 2012 a Junior Team Champion an ni a, hemi zawh hian DVSC Executive Committee te leh SAY ten Friendly/ Exhibition Match khel leh in DVSC Executive te hian 3-2 in hnehna an chang hram a, zawngchhang tlak an ti hle a ni. Hemi hnu hian kan Function chu tan niin kan Tournament neih theihna tur atana sum leh pai min tum saktu Pu PC Sapnelan min rawn hmanpui a, hemi hnu hian kan Final Match ropui leh hmuhnawm tak chu Mampui & Maria FC leh Basketball FC te chuan khelin hun a tawp meuh chuan Mampui & Maria FC te chuan Basketball FC te chu 6-0 a hnehin an Champion ta a ni. Tuntum kan Local Football Tournament neih zawh takah hian mimal chawimawinna hrang hrang siam niin chung lawmman latute chu - Junior ah: Top Scorer : Eddie Zothantluanga (SM FC), Best Player : Lalmuansanga (FC Kan Team Jr), Most Promising Player: Frankie Ramnunsanga (SM FC) te chu thlan an ni a. Senior lama mimal chawimawina dawngtute chu - Top Scorer : Vanlalhruaia (Mampuia & Maria FC), Best Player : Lalnunsanga (Basketball FC) te chu thlan an ni bawk. NGAIHDAM DILNA DVSC ten Local Football Tournament kan buatsaih zawh takah khan thil tihsual leh felhlel kan ngah ang, a hmasa berin kan chanchinbu issue hmasa tihchhuahah khan Pu Rohmingliana hming kha Pu Rohmingthanga ti a kan rawn chhut sual palh avangin Pu PC Sapnela te chhungkaw chungah ngaihdam kan dil tak meuh meuh a. Chubakah organising board ten Local Football kan organised chungchangah tihsual leh felhlel deuh te kan neih kan ring a, chung zawng zawngah chuan DVSC Local Football Organising hmingin ngaihdam kan dil bawk e.xxx DVSC Basketball Team & Incharge LAWMTHU SAWINA Pu PC Rohmingliana (L) hriatreng nana kan local football Tournament Tv. Jona - a Scooty man min sponsor sak tu Pu PC. Sapnela te chhungkaw chungah lawmthu kan sawi nen Millenium kawtah tak meuh meuh a. DVSC te kan manganna leh harsatna te min hriatpuia kan mamawh sum leh pai min tumsak avangin kan Local Tournament pawh hlawhtling takin kan nei thei a ni. Local Football Tournament kan buatsaih hlawhtlin nana vengchhung Team rawn tel zawng zawng te chungah Dawrpui Vengthar Sporting Club chuan lawmthu kan sawi tak meuh meuh a, hun lo la kal leh zel turah pawh vengchhung tana theih tawp chhuah a, thahnemngai taka thawk chhuak zel turin kan in ngen a ni. Pu HK Lalchhuanawman a tul apianga hman tur sum thahnem tak kan Official-te min pek avangin a chungah DVSC chuan lawmthu kan sawi bawk a. Tin, Pu Lalchhuanmawia Jt. YMA Field a mawhphurtu in Field hman man tlawm zawk a min tihsak a, a chungah DVSC chuan lawmthu kan sawi bawk a ni. Lawmthu sawina tam tak DVSC hian kan neiin, sawi hmaih palh pawh kan neih kan ring a, chungah te chuan ngaihdam kan dil nghal bawk e.

D V S C OFFICE BEARERS

Vice President Pu Aldrin Zosangliana Secretary Pu KC Lalthanthuama Asst Secretary Pu V. Lalthazuala Treasurer Dr. Lalfamkima Fin. Secretary Pu Ricky Lalnunmawia Propery i/c Tv Jonathan Lalngaihawma Information i/c Pu Johny Zothanmawia

-3-

DAWRPUI VENGTHAR SPORTING CLUB LOCAL FOOTBALL TOURNAMENT

HLIMTHLA THENKHATTE

Thlawhna hmanga khawvel hmun hrang hrang tlawhkual kan duh chuan Emirates Airlines hi a rintlak ber awm e. Tunhnaiah nasa takin an thang a, mipuite mai bakah Arsenal Football Club pawhin 2004 atanga an lo rin tawh thin angin kum nga dang an ring leh dawn. Arsenal leh Emirates te hi kum nga dang, 2018/2019 season thleng inremna an ziak a, lehlam lehlam tan hlawkna nasa tak anih ngei a rinawm. Arsenal stadium Holloway a awm hian an inrem tawh angin 2028 thleng chu 'Emirates Stadium' tih hming a pu ang a, Arsenal hian an kawr hmaah 'Fly Emirates' tih an la ziak ang. Tun hnaia inremna thar an neih angin Arsenal chuan Nike siam kawr ha tawh lovin Adidas siam kawr an ha tawh bawk ang. 2013/2014 season atang chuan Arsenal kawr hmaah Fly Emirates leh Adidas logo a awm tawh dawn tihna a ni. Inremna hmasaah Emirates hian Arsenal hi season tinin 5.5 million pounds an pe a, tuna inremna tharah chuan season tinin Emirates hian Arsenal hi 30 million pounds an pe tawh ang. Hei hi nasa takin pung nasa mahse pawisa hlutna a chet ve reng avangin ngaihdan siam thiam a har maithei. Engpawhnise, Arsenal leh Emirates tan chuan hlawkna nasa tak a nih ngei a rinawm.

ARSENAL LEH EMIRATES IN INREMNA PAWTSEI...

ZANIN INKHEL TURTE

EPL
City Vs United 7 :00 PM Everton Vs Tottenham 8:30 PM West Ham Vs Liverpool 9 :30 PM

Serie A
Cagliari Vs Chievo 7:30 PM Palermo Vs Juventus 7:30 PM Pescara Vs Genoa 7:30 PM Siena Vs Catania 7:30 PM Torino Vs Milan 7:30 PM Inter Vs Napoli 1:15 AM

La Liga
Levante Vs Mallorca 4:30 PM Ath Bilbao Vs Celta 9 :30 PM Atl Madrid vs Deportivo 11:30 Betis Vs Barcelona 1:30 AM

League 1
Reims Vs Bordeux 6:30 PM Olympique Vs Lorient 9:30 PM Etienne Vs Lyon 1:30 PM

DVSC THIL TUM

Thalaite ruihhlo laka an fihlim theih nana kaihhruai. Infiamna kawng hrang hrang hmanga mahni intodelh tura thalaite chher. Rilru leh taksa hriselnan infiamna uar. Khawtlang leh chhungkuaa mi tangkai ni tura thalaite kaihhruai. Infiamna hmanga khawtlang inlungrualna siam.

Goal Line Technology hmang tan

Goal-line technology chu FIFA in a vawikhat na atan Club World Cup opening game ah a hmang chhin ta a, Japan club Sanfrecce Hiroshima leh Auckland City te chu FIFA hnuai official match-a goal line technology hmang hmasa ber club te an ni ta a ni. He FIFA Club World Cup hi khawmualpui hrang hrang a club champion ten khawvel a club tha ber nih tum a Japan a intihsiakna an neih thin ani a, inkhel hmasa ber Thursday a inkhel ah hian Hiroshima-in Auckland City 1-0 in an hnehna ah goal line technology hi hman ani ta ani. European champion lai Chelsea-in kar leh lamah he tournament hi semi final atangin an zawm ve dawn a, FIFA hian goal line technology a hmanrua pahnih an hman (microchip leh Haw-Eye) siamtu company pahnih atangin Club World Cup atang hian 2013 Confederation Cup, Brazil a khelh turah hman tur zawk an thlang dawn ani.

TUNLAI FOOTBALL TI TI :
Manchester United chuan a rukin Crystal Palace player Wilfred Zaha chu an dawr mek a, a man atan hian 20m pound vel an chhiar ani. Chelsea striker Daniel Sturridge chuan Liverpool lama a kal dawn anih chuan kar khat ah 80,000 pound tal hlawh a duh dawn thu sawiin winger ang ni lova striker pangai a khelh a duh tur thu a sawi bawk. Carlo Ancelotti-an beisei anga PSG a chet that pui loh avangin PSG chuan an khaw pa Arsene Wenger-a chu club enkawl tura lak luh an tum dawn. Arsenal chuan 6m pound in Schalke striker Klass-Jan Huntelaar chuan January thla hian lak luh an tum dawn a, Huntelaar hian tun season chiah hi contract hma zawh tur an nei tawh ani. Man Utd chuan season tawpah hian Borussia Dortmund player Lewandowski chu lei tum in hma an la thar leh dawn niin an sawi. Arsene Wenger chuan an tlarhma tichak turin tunhnaia goal thun thei tak Newcastle United striker Demba Ba chu January thla hian lak luh tum in hma a la dawn a, Demba Ba man tur hi 7.5m pound vel anih rin ani. Sum ngah club pahnih PSG leh Chelsea te chuan Barcelona manager hlui Pep Guardiola chu lak luh tum in hma an la mek niin an sawi. Tottenham boss Andre VillasBoas chuan 24m in Porto midfielder Joao Moutinho chu White Hart Lane lamah lakluh a tum niin an sawi.
Liverpool chuan CSKA Moscow midfielder Keisuke Honda chu 12m in January transfer hunlaia lakluh an tum. Mourinho hnuaia hmun chang tam lo tak, Brazilian midfielder Kaka chu US lamah LA Galaxy tan a khel maithei tih Spanish Media lam chuan an tarlang nasa hle. Kaka hi kum 30 lai alo ni ve tawh bawk nen, USA lama a kal mai ringtu pawh hi an tam hle a ni.
450 copies

City Vs United Thlirlawkna

A chak zawk zawk champion tur tihna chu la nilo mah se, a pawimawh dan chu kan hretlang vek ang chu. Manchester United tan chuan hmelma lian team points 6 a kalsan chu duhthusam a ni a, Manchester City tan pawh points inang a hmahruai na hun remchang tak a ni ve tho mai. Man Utd ang team lian points 6 a hmahruai tir chu thil tha a nih lo zia chu Mancini hian a hriatchian viau pawh ka ring. Midfielder nei tha zawk leh home a khel tur City hi chak tura rinkai zawk an ni ngei ang. Chutih rualin United winger tlanchak leh cherang tak te hi City left & right fullback Maicon leh Zabaleta ang tuanmuang lam hian an chelhding zo lo ang tih erawh a hlauhthawnawm khawp mai a, Sir Alex hian Rafael aiin Smalling a hmang a nih chuan City winger te duhthusam a thleng ve thung ang. Season hmasa lamah City hi home & away ah an chungnung zawk a, rilru lamah chuan City chan a tha zawk ngei ang, nimahsela ropui taka comeback thin United hi zuam ngawt a chi loh ang.

PREMIER LEAGUE THUNAWI...

Khawvela League ngaihhlut leh Mizo football enthin mi tam zawk ten kan tuipui em em Barclays Premier League chu 2012-13 Season-ah hian Gameweek 15 khelhkual a ni tawh a, vawi 38 khelh tur la awm ah Game 15 an khelh hian 40% an khel chiah a ni. Goal chhuah hmasa thei tak Manchester United in hma hruai mekin point 36 an hmu a, anni hi point an hloh tawh mai dawn emaw tih hnuah ropui takin an rawn comeback leh mai thin. Pahnihna-ah hian season hmasa champion Manchester City awmin, an ni hi player tha rual awmna an ni a, nimahsela beisei aia season bul an tan thatloh avangin United aiin point 3 in an hniam a ni. Chelsea pathumna ah awm in point 26 hmu mek mahsela 10-na a awm Arsenal nen an inthlauhna hi point 5 chiah a ni a, Roberto Di Matteo an ban hnuah Benitez an la lut a, Benitez-a enkawlna hnuaiah duh angin bul tan chiah lo mahse Chelsea hian player tha an kawl nual avangin an dinhmun an siam that leh thuai a rinawm. Arsenal hi season tir ah an che thei chho fu dawn emaw tih laiin an tableah an hniam tial tial bawk, tunhnaiah chak hleithei lo mahse a sang zawnga an dinhmun an siam leh mai a rinawm bawk. Kum in ah West Brom an rawn chetha thar angreng hle a, Everton leh Tottenham te langsar lutuk silo in an tlo em em bawk. Swansea City in big club an chai thei viau zel bawk te hian League a ti hmuhnawm a, Striker indaihlo Liverpool hmasawn hleithei miahlo pawh hi thil mak angreng tak a ni ve tho mai!! Kum danga table top ten mawi tu ni thin Aston Villa leh Newcastle United te kumin chu an la chetha lo angreng khawp thung. Season tan hma a player tha pangngai ve tak tak lakhawm a team thar din tu QPR hian table mawng ah pel hleitheilo tlat mai te hian League a ti ropui ve re re bawk a, tin Harry Redknapp-an Mark Hughes ai an awh takah chuan QPR lam hi engtiang takin nge hma an sawn ang tih pawh hi hmuh a chakawm hle a, heng te te hian EPL hi a ti ropui ve mai mai bawka ni. Gameweek 15 thleng a goal thunhnem te chu : 1. Suarez (Liv) 10 2. Michu (Swansea) 10 3. Van Persie (Man Utd) 10 4. Defoe (Tot) 9 5. Ba (New) 8 6. Fellaini (Eve) 8 7. Tevez (Man City) 7 8. Bale (Tot) 6 9. Dzeko (Man City) 6 10. Fletcher (Sunderland) 6

Published by Dawrpui Vengthar Sporting Club

Edited by : Lalrinzuala (Tavala)