An Official Organ of The Bangalore Mizo Association Registered Under Societies Act of Karnataka No.

: BLU-S188-2007-08 Date 7 May 2007

Vol. XVIII Issue No.25 Bangalore Mizo Association Pathian Nitin Chhuak Chanchinbu Date: 30th Sep., 2012 Phek Khatna

BMA AW

TUALCHHUNG
$$ BMA Lucky Ticket Vangpui Kut puala BMA Lucky Ticket hralhchhuaktu zawng zawng ten, Nl. Jenny Vanlalpari, Treasurer hnenah a rang thei ang berin hralhna sum pek luh tur a ni e. Lucky ticket hi October ni 2, karleh thawhleh nia vawr tur a ni e. $$ BMA Directory 2012 Kumtina BMA-in a buatsaih thin BMA Directory-2012 chu October ni 2-a tlangzarh tur a ni a. Pu Ramdinsanga Saiawi, BMA Sr. Adviser-in ropui takin a tlangzarh ang. $$ Damdawi in chhuahsan Kan member, Pi Lily Dalpati, khawsik leh luak avanga Army Hospital-a lut chu, dam takin a chhuak ta. $$ Lalawmpuia zai dawn BMA member, Tv. Lalawmpuia, Pu Joel Sailo nau chu October ni 2 hian damdawi in zai tur a ni a. I tawngtaipui ang u. $$ . Tv. Ramsanga lo zin Bangalore Mizo Association executive committee member leh MSA President nihna chelh tawh thintu, Bangalore Mizo khawtlanga mi tangkai tak, Tv. Ramsanga Khenglawt pawn mimal thiltul avangin Bangalore a rawn zin. $$ Mizo Cultural Nite-2012 Vangpui Kut-Mizo Cultural Nite inbuatsaihna pawn a vawrtawp a thleng chho mek a. He hun a hlawhtlin theih nan member tin te intawiawm a inphungbawm dial dial turin kan inngen e.

BMA VANGPUI KUT SPORT DAY

Hun Hlimawm Leh Khamawm Loh Tak Hman A Ni
Bangalore, Tahrikni 30 September, 2012: Nimin inrin ni khan BMA Vangpui Kut Sport Day chu Cathedral School Playground-ah nilenga hman a ni a. Sikul naupang exam lai a nih avangin duh ang hun taka hun kan tan theih loh avangin item thenkhat erawh tih hman loh a awm a. Section hrang hrang inelna erawh tluang taka kalpui a ni. Neuh neuh kheuh dawn ila Hun kan nei lo va, a tul ber lo mai thei. Amarawhchu, sport kan neihna hmun tur Baldwins Boys School khelmual a rem loh thut avangin, chawpchilh takin a hmun sawn a ni a. Member tam tak ten sport neihna hmun hi rei tak zawng an awm avangin, Vangpui Kut Sport sub-committee chuan pawi a tiin, thupha an chawi. Chutih lai mekin, kan sawi chamchi a, kan sawi leh thin ang. Mizo tlangval fel leh zuanzang, hun tha leh sum senga, Bangalore Mizote kan infiam ho theihna tura buaipui ngai buaipui a, chaw mumal pawh fak hman lo tlangval tlawmngaite hi an hming sawilang lo mah ila, kan hre vek e. Fak an phu thlawt. Naupang intihhlimna a HOT! Pi Nicole Glasco leh a thuihhruaite chetla an hmuhnawm. Naupang mai ni lo, nula leh tlangval thenkhatte thlengin hlim takin infiamna hlimawm tak an huaihawt a. Naupangin puitling zinga BMA T-shirt hak lai an rawn hlihsak hawl hawl te, pheikhawk uih an rawn zawng kual te kha a dangdai. Tunlai tawng takin, intihhlimna HOT tak a ni a, a HIT hle. Infiamnaa tel naupang ten an kham lo vekin a lang. Nula Basketball hmuhnawm rapthlak! Bangalore Mizo nula infiamna lama duai lo tak takte han inkhuainuai vel kha chu tawngkama sawifiah chi pawh a ni lo! Lalsangzuali section phei chu tleirawl atang nula, nula senior leh nu thlengin an rawn thawk chhuak a, score chanve an score tain kan hria. Chutih rualin Vankhama section erawh thuamhnaw nalh tak, an kawr hnunga an hming chuang ngat, an hming erawh kan chhiarthiam lem loh nen an rawn inlan thung. Champion an phu a, an champ reng bawk a ni. PS Chawngthu section team te lah sawi hmaih chi an ni lo, runners up an ni kha mipui mak tih a ni lem lo. InIn-thingbung nawr Mizo pan insuknawr an nei thin a. Kumin BMA sport day-ah erawh suk hman tur a awm loh avangin Pu Josiah-a thing bung chhar chawp hman a ni a. In-thingbur nawrah vanduaithlak tak meuh in Pu Josiaha hi phur takin semifinal-ah a tla hlauh mai a. Tv. Alan, Rokunga Section leh Tv. Johny, Lalsangzuali section te hnar hmul pawr sung khawpa an innawr hnuin, Alana hi a champion ta a ni.

Vol. XVIII Issue No. 25 Bangalore Mizo Association Pathianni Nitin Chhuak Chanchinbu Date: 30th Sep., 2012 Phek Hnihna
Editor Tv. Lalmuanzuala Joint Editors Dr. Lalhmingmuana Sailo Tv. MC Zirsangzela Circulation Managers Nl. Lalchhanhimi Nl. Lalngaihsaki Hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

PUBLIC INTEREST LITIGATION

K. Remruatfela K.L.E. Law College, Bangalore Public Interest Litigation, PIL ti-a kan hriat lar zawk mah hi a hming ringawt hi chu kan bengah a mikhual lo mai thei a. Chanchinthar puannaah emaw, chanchinbu velah emaw te pawh a hming hi chu kan hriain kan lam ri fo tawh ngei ang. Amaherawhchu, a nihna dik tak leh a hman tangkaina tak hre lo chu kan la therfur tho a rinawm a. Chhiartute dan lama min hawizau tirtu leh dikna kawngkapuia min pen luh tirtu a lo nih ve theih tak mialin tih beiseina nen a awmze tlangpui a kimchang tawi thei ang berin hrilhfiah ve ka`n tum ang e. Public Interest Litigation hi khawtlang hamthatna atana lo awm a nih avang hian Social Intereest Litigation tih pawha sawi a hlawh fo mai a. A awmzia ni bera lang chu khawtlangah dikna (Justice) Mi rethei atanga mi hausa berte pawhin an chanvo tur dik tak (Distributive Justice) an chan theih nana, , khawtlang aiawhin, mi tupawhin khawtlang thatna turin Court-ah eng thu pawh sawiin/ziakin a zualko thei ang tihna a ni a. Ziaka tarlan anih danah chuan any public spirited citizen tih a ni deuh kher naa, hei hian ramri kham chin (demarcation) a nei tihna ni lovin, khawtlang vei pha chin/khawtlang thatna atana thawk chhuak thei tur chin, mi tupawhin khawtlang thatnan (for the interest of the public) Court-ah an zualko thei ang tihna a ni ber e. Khawtlangah dikna (Justice) a awm theih nana khua leh tuiten hamthatna (privileges) kan dawn P.I.L. hi Judiciary Department (an venghimtu pawl) in uluk leh nghet takin a vawnghim tlat a. Kan ram danpui Art. 32 tlawhchhanin khawtlang thatnan Supreme Court-ah kan zualko thei a. Chutiang bawkin Art. 226 behchhanin High Court ah kan la zualko thei bawk a. Chumai a la ni lo cheu, Cr.P.C. an tih mai Sec. 133-na tlawhchhanin Magistrate hmaah kan la zualko thei tho a. Hei hian kan ram (India ram) hian dikna a ngaisangin a khua leh tuite min ngaihsak hle a ni tih a lan chiantir hle a. He hamthatna hi thleibik leh huam bik nei lovin India khua leh tui tawh phawt (Jammu & Kashmir huap lovin Art.370) chu he dikna leh hamthatna chanvo hi pek vek kan ni. (Art.141). Chuvangin, heta tang pawh hian keini Zofate hian India mi kan ni lo/India sawrkar hian min enhrang bik tia iak iak thei kan ni lo tih pawh zirchhuak thei ila, a lawmawm hle ang. (Tun hnaiah he ngaihdan hi thangtharte rilruah a tla na hle tawh si a. Source : Facebook). A chunga kan tarlan ang hian mi tupawh hian khawtlangah dikna (Justice) a parchhuah theihna dikna (Rights) leh mawhphurhna (duties) pawimawh tak kan nei theuh a. America President hlui John F.Kennedy`an a ram mipuite hnena, Ka ramin eng nge mi tihsak theih tih aiin ka ram leh hnam tan eng nge ka tih ve theih ang tiha chona duhawm tak a siam ang khan keni khua leh tui (Citizen) te pawh hian khawtlangah dikna (Justice) a awm theihna mawhphurhna (obligations duties ringawt pawh ni lovin) rip tak kan nei a ni tih hi he thuziah tlawm tak atang hian zir chhuak theuh thei ila tih hi a ziaktu duhthusam tak meuh meuh a ni e (Tv. Fela, thuziak hlu tak min pek avangin kan lawm e. Jt. Ed)

E-mail: bmanews@gmail.com Website: www.bangaloremizo.info

Xw||t Xw||t
Tun hnaia Hindi film an tlangzarh thar Barfi! hian Mizo nula leh tlangval, nupaa insiam mai tur te tan zirtur tha tak min siamsak awm e. Bihchiang chhin ila He lemchanah hian, tlangval bengngawng-tawngthei lo vin, nula pangngai leh hmeltha tak aia a naupan lai atanga a kawmngeih nula tawngfiah lo leh pianphunga rualbanlo a hmangaih chungchang a ni ber a.Hmangaihna dik chu a tlo va, harsatna kawng tinreng karah pawh nupui/pasal te tan an theihtawp a chhuahtir thin. Kristian te kan inneih a, kutsuih chunga Pathian leh kohhran hriatpuia thu kan tiam, awlsam taka sut leh hi an va tam em! Hmangaihnain a dawhthei a, ngil a nei bawk thin; hmangaihnain a itsik lo va; hmangaihna a infak lo va, a uang lo va, a che mawi lo lo va, mahni hma a sial lo va, a thinur duh lo va, sual lamah a ngaihtuah lo va; fel lohnaah a lawm lo va, thutak erawh chu a lawmpui thin a; engkim a tuar hram hram a, engkim a ring a, engkim a beisei a, engkim a tuar chhuak thin tih hi vawngin nunpui ila. Kan rama sual tam tak hi chu, chhungkua atangin kan siamthain kan pumpelh thei ngei ang. I thatlai hun fimkhur taka hmangin kristian chhungkua din tum ngei ang che.

Vol. XVIII Issue No. 25 Bangalore Mizo Association Pathianni Nitin Chhuak Chanchinbu Date: 30th Sep., 2012 Phek Thumna

Vangpui Kut-2012
Indoor competition
October ni 2 thawhlehni, chawhnu dar 2:00 hian, Baldwins Boys School Auditorium-ah Indoor items hmanga inelna neih dawn a. He hun kaihruaitu atan Tv. B.C Lalremruata a ni. Hemi ni atana inelna tur leh mawhphurtu te chu heng te hi an ni: 1) Inzaisiak (solo competition): Section tin atangin mi 2 (Mipa 1 & Hmeichhia 1) theuh a tel theih ang. Endiktu atan Tv. Makima Chawngthu, Tv. HMS Dawngliana, Tv. Joseph Lalrammuana leh Nl. Wendy-te an ni ang. Solo competition atana intihsiakna tur hla te chu hmeichhe tan Ka Nuam ve e (Vanlalruatin Zoawi Lelte tih album-a a sak) tih hla a ni ang a, Mipa tan Tlaitla Engmawi (C. Lalrinmawian Nun Hlui tih album-a a sak) tih hla a ni ang. 2) Lengkhawm zai intihsiak: Section tin. Endiktu atan Rev. Dr. Hrangkhuma, Rev. Dr.K Sapthanga, Rev. Vanlalnunmawia Zawngte, Pu Lalrinawma Chawngthu te an ni ang. Intihsaiakna hla tur chu Kristian Hlabu no. 45 A Hmangaihnaa ka chawlhin tih hla a ni ang. 3) Naupang Fancy Dress i/c: Pi C. Singthangpuii leh Pi Krystalin Lalthansangi. 4) Special Items hmanga intihsiak: Section tin ten item an duh ber an thlang thei ang a, zai erawh phal a ni lovang. (Drama, skit, etc. section te duhthlanna ah a innghat ang).

An leng e, hlimlai chen in, An ngai lo'ng tleidang par he lei chinah; Ka nuam e an ianga, Hmatiang dawn ngai lo hmun nuam; Aw awm ve ngai maw hringnun. Vau, tuahpui leh chawnpui par zawng ten, Vul lai rel an kur siau ve; Romei zam chiai zing riai nen thal an mawi e. An par e vullai chenin, An ngai lo'ng tleidang par he lei chinah; Ka nuam e an ianga, Hmatiang dawn ngai lo hmun nuam, Aw awm ve ngai maw hringnun. ________________________________________________________

Enge an sawi?
Nikum atang tawhin kan lamah hian Score
ka tum leh thin. Nl. Angaihi of Vankhama section

Ka jersey suk fai sa emaw ka tia. Sukfai loh

vin ka lo dah reng si a. Inkhelh lai khan ka langsar bik ngawt ang. Tv. Bethel Pautu of Lalsangzuali section

U-mahming, engatinge basketball I khelh ve

loh? Awh, ka tihsual lutuk, hmeichhiain an khel mek a ni maw? Nl. Mapuii of Lalsangzuali section

Misual vanneihna a thleng leh ta. Ka

vawikhat inkawibahna a nia, pathumna ka ni thei - Nl. VL-i of P.S Chawngthu section

Ka kawrfual senno nalh tak mai, zantina ka

inlak-seksi vena chu ke phuarlhawm nan mai mai min hleh chhiat sak ta maw. Ka van ui em! - Nl. Mawipuii of Vankhama section Vangpui Kut - Mizo Cultural Nite 2012 Kut Pa: Pu Zoramsangliana, Art & Culture Minister, GoM Chief Guest: Mr. Govind M Karjol, Kannada Culture Minister, GoK Guest of Honour: Pu Lalrokhuma Pachuau DGP & IG, Karnataka

Hmeichhe Solo Competition-a hla sak tur

KA NUAM VE E A phuahtu: Butta A satu: Daduhi Tlang tin mual tin thing tin zar belin, Va tinreng kawp lai di nen, Lenlai ni chen lungrual ten an leng siau e. Zobawm dingdi tlangsampar sirsiar, Lentu chhawl hnawng ram daiah; Ramsa leng rual ten hlimin chham an chai e.

Vol. XVIII Issue No.25 Bangalore Mizo Association Pathianni Tin Chhuak Chanchinbu Date: 30th Sep., 2012 Phek Lina

Vangpui Kut - Mizo Cultural Nite-2012 Programme

A hmun: Baldwins Boys School Auditorium. A hun: Tahrikni 2, October 2012; 6:30pm : Ka zotlang ram nuam : Pu B Kapthuama, IAS(Rtd.), Org. Chairman : Pi Lalrinpuii, BMA President Souvenir Release 4. Presentation of mementos, Speech : Chief Guest 5. Presentation of mementos & Speech : Kut Pa Vangpui Kut Section Champion Trophy Felicitation 6. Presentation of mementos & Speech : Guest of Honor 7. Cultural Dance : Grace Home 8. Karnataka Troupe : Karnataka Troupe 1 9. Cheraw Kan : Mizo Cultural Troupe 10. Group Band : Boomarang 11 Karnataka Troupe : Troupe No. 2 12. Dance : Mizo Cultural troupe 13. Solo Song : Nl. Tlingi Zawngte 14. Karnataka Troupe : Troup No. 3 15. Dance : Mizoram Troupe 16: Solo Song : Nl. Tlingi Zawngte 17. Group Band : BMA Band 18. Group Band : Lr-a & Boomerang 19. Last Song : Lentupui kai vel leh romei chhumin 20. Vote of Thanks : Tv. Johnson D Thianga, Org. Secretary Programme hi a tul anga tih danglam theih an ni ang 1. Curtain raiser 2. Dedication 3. Welcome Speech

KUTNITEVANGPUI KUT-MIZO CULTURAL NITE-A MAWHPHURTU TE

Vangpui Kut Mizo Cultural Nite hlawhtling taka kan hman theih nan, a hnuaia mite hi mawhphurh bik pek an ni a. Tlawmngai taka an chanvo theuh tihlawhtling vek tura ngen leh hriattir an ni. 1. Visual Artist Pu Harish. A tul ang leh remchan anga projector lo vilpui turin TV. Amos Lalremtluanga leh Tv. Fancis Malsawmkima. 2. Mizo cultural troupe a tul anga dawnsawn leh Bangalore an veivahna buaipui turin Tv. Emanuel Lawmkima leh Tv. Lalhriatkima Chenkual. 3. Mizo Cultural Nite-a food stall ruahmanna siam turin Pi Lalrinpuii leh Pu B Kapthuama. 4. Ushering convener: Tv. Emanuel Lawmkima. A puibawm turin BMA Executive Commitee member-te leh Mizo sultural Nite sub-committee member zawng zawng te 5. Mi sawmbik te (Invitees) leh chanchinbumi te (Invitees) thutna tura thuziak tar tur buaipui turin Tv. Madawnga Hauhnar leh Tv. Amos Lalremtluanga. Tin, Usher-te batch awrh tur buatsiah turin Tv. Madawnga Hauhnar 6. Mi sawmbik te ei tur (refreshment) buaipui turin Nl. Jenny Vanlalpari 7. Media i/c: Nl. Mimi Hrahsel, Nl. Zorini Khiangte, Nl. Josephine leh Nl. Rebecca. 8. Photography: Nl. Laldinfeli, Grace Home leh Tv. Elthanpui, KLE. 9. Video coverage: Tv. Samuel Lalrozama Hmar leh Pu Ramdinsanga Saiawi.