BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVIII Issue No.21 Bangalore Mizo Association Pathianni Tin Chhuak Chanchinbu Date: 19th August 2012 Phek Khatna

Tualchhung Kan Chief Minister zahawm tak in keini Bangalore-a awmte buaina hrethiam in min a hmun ngeia min rawn hmuh puia min rawn buaipui turin kan Health Minister Pu Lalrinliana Sailo leh MLA Pu John Siamkunga te bakah Journalist Pu Vanlalrema Vantawl te a rawn tir a, kan thlamuanpuiin a chungah Bangalore khawtlang ang pawhin kan lawm hle ani. Nimin khan kan BMA hruaitu thenkhat te chuan North East Solidarity forum huaihawtin candle light vigil, Bangalore town hall ah an va hman puia, heath hian Pu HT Sangliana leh kan President ten thu tha tak tak an sawia, chumi zawh ah hmun ralmuang lo lai ni a ngaih Deelasandra biala muslim hruaitute chaw hlui an va kil pui a, muslim hruaitute pawhin that an lo chhuah hle. Kan Secretary Dr.Lalhmingmuana Sailo pawj vawiin hian Bangaloreah alo let leh hman tura ngaih ani. BMA league (Pu HVLT Mawia memorial Running trophy) chu tunlai kan boruak vel avangin chawlh lailawk ani a, khelh zawm leh hun tur chu bouak kal dan a ziria ruat chawp tura ruahman ani. Tunlai kan boruak vel avangin Bangalore mizo te lo chi ai lo turin kan in chah nawn leh a, fimkhur erawh chu fimkhur tlang ila, BMA te MSA te leh kohhran lam hruaitute pawh member him lo leh buaina tawk te tanpui turin englai pawhin an in huam a, buaina tawk palh in lo awm anih chuan englai pawha biak pawh theih anni e. ******************************

Muslim-NE Buaina chungchang

Last Sunday zana he buaina chungchanga SMS hrang hrang kan dawn atang khan Bangalore Mizo te pawh kan chi-ai hle mai a, hemi avang hian NE Leader hrang hrang te chuan 14th Aug 2012 atang khan meeting an nei deuh reng a. Nimin pawh khan North East Solidarity Forum huaihawt in Candle Light Vigil neih ani a, hetah hian North East tangin hnam hrang hrang leh sakhaw hrang hrang te lungrual takin an kal khawm a, tunlai North East ho chunga thil thleng duhloh zia lantir in, Chhak leh thlang, chhim leh hmar ah pawh awm mahila pum khat kanni, tih chu an au hla ani. Hetah hian Pu HT Sangliana chu khuallian niin ani hian thuthang diklo avanga chi ai mai lo turin mipuite a chah a, Bangalore hi tun dinhmunah chuan a la him hle ani a ti. Kan BMA President pawhin thu sawiin tuna North East te chi ai nachhan hi thuthang diklo tamtak karah thil thleng eng tak tak a hmun ngeia finfiah te a sawi tar lang bawk. A hnuai kan han tarlan tehi tun boruaka BMA anga hmalakna leh thiltih thenkhatte anni. Heng bakah hian buaina tawk neuh neuh te an awm rualin buaina lian tham tawk leh hliam tuar nasa erawh hriat an an la nilo thung. 1. BMA President Pi Lalrinpuii chuan Mizo ten attack/vauna kan tawh ve tak zeuh zeuh avangin Pu Lalzirliana, Home Minister, Govt. of Mizoram chu Mizoram lamah Muslim emaw Vai an lo tihbuai ve mai kan hlauh avangin Press conference YMA/MZP leh NGO dang te nen lo nei a, law & order khauh deuh taka lo vawng turinTelephone in a han ngen nghal a. Mizoram CM pawh Karnataka CM hnena Mizote thlamuan tur leh a tul dan ang a security pawh lo pe turin ngenna a siam nghal a. Mizoram Chief Minister pawhin rang takin kan dilna te ngai pawimawhin Karnataka CM chu message a thawn bakah phone in a be nghal a ni. Hei bakah hian, kan harsatna te minh rawn hmuhpuia minlo thlamuan turin Mizoram Minister pakhat tal leh Police Officer te emaw lokal turin ngenna siam a ni bawk a. NE leaders dang te pawhin an State Govt theuh hnenah ngenna an siam bawk a ni. Hriat tawh chinah Assam Transport Minister a lokal tawh a, nizan ah khan Nagaland atangin Minister lo thleng tura beisei a ni. Tin, Arunachal atangin an MP a lokal bawk a, Mizoram Sawrkar pawhin kan ngenna te ngai pawimawhin naktuk hian Health Minister Pu Lalrinliana Sailo, Pu John Siamkunga leh Pu Vanlalrema Vantol Zalen Editor te an lokal tur thu an rawn hriattir tawh nghe nghe a ni. (phek hnihna ah chhunzawmna) **********************************************************

Vol. XVIII Issue No. 21 Bangalore Mizo Association Pathianni Tin Chhuak Chanchinbu Date: 19th August 2012 Phek Hnihna

(phek khatna chhunzawmna..)

Editor Lal Muanzuala Joint Editors Dr.Lalhmingmuana Sailo MC Zirsangzela Circulation Managers Nl.Lalchhanhimi Nl.Lalngaihsaki hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

2. Bangalore a mizote mahni awmna hmuna him lo ni a in hria te tan Mizoram House ah awmna tur dilsak an ni bawk a. Mizoram House a lenglo khawp kan nih chuan ECHO CENTRE FOR JUVENILE JUSTICE, Kamanahalli ah pek min tiam bawk a ni. Shelter mamawh tan BMA hruaitute engtik lai pawn biak theih reng an ni. An contact details hrelo tan BMA website www.bangaloremizo.info ah a awm. 3. Nizan khan Karnataka Minister pakhat, Assam Minister leh DCP Bangalore South leh mi pawimawh dang ten nen meeting kan neihna ah, tunlai thilthleng hi rumour mai a nih tawh loh zia leh venhimna thra tak kan mamawh thu kan sawi nasa hle a ni. Vawiin khan ECHO CENTRE FOR JUVENILE JUSTICE te huaihawt a North East Solidarity Forum ah BMA Executive Committee member engemawzat kan kal thei bawk a, kan President hian thu a sawi nghe nghe. hrangte khum zo tur leh el phak tur mi fing, mi ril leh mi thukte hi kan nei ve reng em? 4. Tin, nizan dar 8.00pm khan Shantinagar MLA Pu Harish-a leh Muslim Leader ten nen IFTIAR Mosque, Neelasandra ah meeting kan nei leh a. Hetah hian Pu Harish-a hnenah pawh rumour mai anih lohzia leh incident awm te hriattir a ni a. Ani chuan englai pawha harsatna a awm chuan amah ko turin a phone no. te min pe a, a thlamuanthlak hle mai. BMA chuan theihtawp in NE mite kan himna turin hma kan la a, Executive Commitee tak ngial pawh kan thut hmanloh avangin online ten kan meeting nawk nawk a. Kan theih ang ang a hma kan lo lakna a Bangalore Mizoten minlo support na leh thurawn min lo pek thin naah te kan lawm hle a. SMS a min rawn thlamuan a, min lo tawngtaisaktu zawng zawng te hnenah lawmthu kan sawi a. Kan mut tlem em em avangin kan taksa a chaklo tan a, minlo tawngtaipui zel turin kan ngen takmeuh che u ani. Naktuk zing dar 7.30 hian Arunachal Pradesh MP leh a thruihruaite nen meeting neih leh tur a ni. Kan Minister te an lo thlen ve hunah hian Bangalore a Mizo Association hrang hrang hruaitu te bakah Church Leader ten nen Joint meeting neih tura ruahman mek a ni.\

E-mail: bmanews@gmail.com Website: www.bangaloremizo.info

Editorial
Tunlai chu Assam buaina avanga muslim thenkhatin an rik rapna avanga North East mi hlau leh thlabar a Bangalore chhuahsan kan an tam hle a Police ten theihtawp chhuahin venhimna hna an thawk zeal, amaherawh chu in ven sen tak tak a har a, chuvangin mi tin i fimkhur ang u. Amaherawhchu hetiang thil thleng vang hian muslim hrim hrim hlauh ngawt tur an nilova, tamtak mi fel tak tak an awm ani tih hre rengin fimkhur tul na laia fimkhur mai kha kan tih tur ni main a lang. Mi tlemte thil tih dikloh avanga community pum pui anga lak ngawt hi a tunlai tawhlo a, keini North East ho pawh min stereotype ngawt kan duh biklo angin. India ram hi mi tin zalenna ani a, hetianga a ram mipuiten himlo ni a in hria a, mahni ram ngeia sa himna an zawng ta mai hi sawrkar mualphona ani in thil serious tak zawng ani e. Chutiang chiah chuan muslim tamtak fel leh tha tan chuan a muslim ang zawnga hetianga thil a kal ta mai hi a rilru nat thlak in a thinrim thlek letling zawk ngei ang. Chutiang te hre reng chung chuan a muslim ang zawnga generalize ngawt lovin fimkhur tak chung si a kan awm tlan dial dial hi a tha tak zet ani. ***************************** BMA aw ah hian advertisement chhuah duh tan man tlawm te a chhuah theih reng ani a. hriattirna leh advertisement chhuah duh nei te tan inthlahrung lo takin hmun a awm e. ****************************

********************************************************

7th BMA Football Tournament (HVLT Mawia Memorial Running Trophy) 2012
BMA Football Tournament (HVLT Mawia Memorial Running Trophy) 2012 chu India-in Independence Day a lawm ni Aug 15th 2012 khan tan a ni a. Hemi ni hian member kal pawh kan tha hle. He Tournament hi Rev. R. Lalthanmawian tawngtaina hun a hman zawhah ropui takin a hawng a, Tv. Lalhriatkima, Secretary, BMA Sports Secretary in oath taking a nei bawk. Opening Ceremony tawi te hman a nih zawh hian inkhelh dan tur Team captian-te awm laiin pawh a ni a, inkhelh tan nghal a ni. Hemi ni hian game kua (9) khelh hman niin Group tin ten an khel chhuak hman vek a, team thenkhat game hnih khel hman an awm bawk. Ruahhmanna ang chuan he tournament hi nimin Inrinni (18th Aug 2012) khan chhunzawm leh tur a ni a, amaherawhchu, kan boruak tawnin a zir tak loh avangin kan ruahhmannate thulh a ni. Tournament khelh leh zel dan tur hi remchan angina a hun tur kan la inhriattir leh dawn nia. *************************************************************