ANIVERSARIO BA DALA 10 TRANSFORMASAUN HUSI FORCA GERILYA BA EXERCITO MODERNO FALINTIL-FDTL

F-FDTL labele tama partido politico, la bele halo politca pratica maibe sira tenki hatene politica estado demokratico ninian Xanana Gusmao Permeiro Ministro e Ministro Dedesa e Seguransa

FALINTIL-FDTL ohin halo sira nian tinan ba dalam 10 depois de transforma husi forca gerilia FALINTIL ba exercito regular e moderno iha dia 2 febreiro 2001. Atu hetan tinan sanulu FALINTIL-FDTL atravesa abstaklu e desafius barak. Desafius sira nee mak hanesan krizi iha distritu Lospalos 2004 nebe estado hariI equipa halo investigasaun e boot liu mak krizi 2006 nebe hahu husi militar sira nebe halai sai husi quartel geral FALINTIL-FDTL e Alfredo Reinado abandona quartel Policia Militar hodi halo petisaun ba Comando FALINTIL-FDTL. Maibe instituasaun ida nee ho Comando nebe forti mantein sira nian hirarkia hodi hasoru dezafius sira nee. Mesmo nune estado servisu hamutuk ho F-FDTL konsege resolve problema nee hoti haforsa liu tan e moderna liu tan FALINTIL FDTL.

Participa iha 10 aniversario FALINTIL-FDTL iha metinaro mak PPN Lasama, PM Xanana, SRSG Amirah Haq, CDF Australia Jeneral Houston, Marie Alkatiri e Lu Olo

Timor Leste tenke dezemvolve militar ida nebe ita bele analogia hanesan postura ema ida nebe iha ulun, isin lolon e iha ain. Desde 2001 too 2006, instituasaun ida nee so iha deit ulun (Constituasaun) e ain (decreto de lei organic FALINTIL-FDTL) maibe sidauk iha ninia isin lolon. Partido CNRT ho nian koligasaun koando tama guverna nasaun ida nee iha 2007, prioridade nacional ida mak oinsa hakat ba oin hodi investe iha desemvolvimento seitor Defesa iha areia hotu hanesan ; rekursus humano, infrastrutura ebaze legal e mos cooperasaun bilateral. IHa parte recursus humano ita lalika temi barak mas it abele temi netik balun hanesan recrutamento iha 2009, promosaun ba oficiais general nain rua ba Major Jenereal e Brigadeiro General e mos promosaun ba coronel para lidera komponenete sira mak hanesan Colonel Falur Rate Laek, Coronel Filomena Paixao, Coronel Maunana iha tinan 2010 e dia 2 febreiro 2011 agora promove tan Coronel Sabika Besi Kulit, Coronel

Coliati e Coronel Aluk, iha mos recrutamento nebe sei realize iha 2011 agora. Iha parte infrastrutura mak hanesan Quartel Policia Militar, Quartel Geral nebe ajuda husi China, Kazerna 100 casas ba FALINTIL-FDTL nebe oferese husi China, Kaserna Naval nebe agora sei construe hela, Posto iha fronteira, payol iha Metinaro, Centro Treinamento Specializada nebe oferese husi Australia, Centro Ingeneria nebe oferese husi Australia e seluk tan ba FALINTIL-FDTL. Iha parte lei nian ita prepara Lei ba Defesa Nasional, Lei ba Siguransa Nasional, Decreto de Lei Organic ba Policia Militar, Lei Disiplina Militar/Regulamento Disiplina Militar, Lei Promosaun, Lei Servisu Militar e seluk tan. Parte cooperasaun hakarak temi deit balun nebe importante e historic tebes ba FALINTIL-FDTL hanesan Defense Cooperation Programm ho Australia, Joint Exercise FALINTIL-FDTL ho US Marine, Military Cooperation ho New Zealang, Military Cooperation ho Malaysia para treinamento ba Peace Keeping and UN Military Observer, Canada (kurso ingles), India (Universidade), Brasil (Air Force) e Technical Cooperational ho Portugal nebe oferese asesoria. Defesa mos iha cooperasaun diak ho UN liu-liu UNMIT nebe halo treinamento ba Militar Liassion Officer para bele fasilita posto militar rua nebe agora iha fronteira. Ho Indonesia agora dadauk nee informalmente Timor Leste iha cooperasaun diak. 2009, Timor Leste haruka nia officer ida ba tuir SESKO Angkatan Laut iha Jakarta, iha tinan 2011, FALINTIL-FDTL sei haruka oficiais superior ida tuir curso LEMHANAS iha Jakarta.

Comadante Supremo FALINTIL-FDTL hatoo hela mensagem ba FALINTIL-FDTL Centro Formacao e Treino iha Metinaro

Tuir conceito de Emprego nebe deside tiha ona iha Conselho Ministro tinan desembro 2009, papel forca nian mos mak oinsa participa iha desemvolvimento nasaun nian. Tamba nee mak kompnha Engeneria F-FDTL agora ativo los ajuda povo iha areia rurais iha construsaun escola, klinika, centro juventude e iha futuru bele ajuda diak liu saida mak sai nesesidade povo ninia.

Presidente da Republica e Comandante Supremo F-FDTL Jose Ramos Horta simu honra militar iha Centro Formacao e Treino Metiunaro

Selebrasaun tinan 10 ba FALINTIL-FDTL, sai hanesan dalan ida para konsolida forca diak liu par abele hakat liu desafius e obstacle sira iha futuru mai. Iha selebrasaun ida nee, oportunidade mos commando FALINTIL-FDTL para halo mos promosaun ba officiais sira balun hanesan Sabika, Coliati e Aluk sae diviza ba Colonel. Maubuti, Rai-ria e Trix e Neves sae ba Tenente Coronel ou Capitaun Fragata. Importante liu mak joven balun komesa tama dadauk ona ba diviza major e kapitaun. Ida nee importante para sir abele estuda husi katuas veteran sira nebe iha FALINTIL-FDTL para iha future sira kaer forca nee diak liu.

FALINTIL-FDTL sira halo hela parade military iha metinaro dia 2 Febreiro 2011

Participa iha celebrasaun ida nee mak Presidente da Republika Jose Ramos Horta, Presidente Parlemento Fernando Lasama, Vice Presidente Parlemento, Permeiro Mnistro e Ex Komandante Em Chefi FALINTIL maun boot Kayrala Xanana Gusmao, Vice Permeiro Ministro Jose Luis Guterres, Secretario da Estado da Defesa Dr. Julio Tomas Pinto, MA, membro IV guverno constituasoinal, ex PM Marie Alkatiri, Ex-Presidente Parlemento Fransisco Lu Olo Guterres, Ambasadores e familia FALINTIL-FDTL sira. Iha ninia mensagem PR Horta hatoo katak nia koando simu novel da Paz, nia hanoin ona atu intrega medalha ida nee ba FALINTIL sira. E koando nia sama fali ain iha Timor Leste nia visita Ailiu e intrega kedas medalha ida nee ba

FALINTIL. Tamba nee mak tur PR Horta so FALINTIL sira mak unico kaer medalha iha mundo. Secretario de Estado da Defesa depois de promosaun iha ninia komentario katak promosaun ida ne;e laos buat fasil ida ba FALINTIL-FDTL tamba ho promove sira nee signifika katak sira tenki servisu diak liu, autoridade komando forti liu tan para komanda membro sira. Tamba ne;e sira nebe promove nee tenki kaer metin disiplina