Documenti di Didattica
Documenti di Professioni
Documenti di Cultura
REPORT
Rev.Dr.K.Lalrinthanga
AGS i/c M&E
A hmasain Mission & Evangelism Committee member zawng zawngte chibai ka bûk a che u.
Pathian leh Kohhranho te duhsaknain AGS i/c M&E mawhphurhna chu ka han la ve tan a. Ka
hma ami ten hneh takin he mawhphurhna hi an lo chelh tawh thin a. Mahni kova a’n tlâk
chiah chuan a huphurhawmin insit a na duh hle mai. Chuvângin tawngtaina nêna min vênpui
a, min finchhuah a, thurawn min pe fo tûrin M&E Committee member zawng zawngte ka
ngên a che u. M&E Committee hnuhnung ber leh tun inkara kan hma lâkna report tlângpui
chu hetiang hi a ni:-
Heng kan missionary lâk tharte hi BCM Headquarters Office-ah Orientation Class neihpui an
nih hnuin May 30th 2010 khân BCM Model, Hnahthial South Bialah Tirhchhuah Inkhawm
buatsaih sak an ni.
2. Zin report:
Zin chhan: a) Mission Fields Account Audit
b) Planning Commission Thurel bawhzuina
c) FMPB nena MOU Sign
d) NBCC nena kan thawhhona chungchang
a) Fields Account Audit Chungchang: 1st. June 2010 khân Sêrkawn atangin kan chhuak a.
Tluang taka kalin 2nd June ah Shillong Baptist House, Audit neihna hmun tur kan thleng.
Bangladesh atangin Rosanglûra Fânai a lo tel lova, a chhan kan hre chiah lo. Nepal
atangin Pu H.Laltlankima damlohna avângin a lo kal thei lo bawk.
Auditors: i. Pu K.Lalrohlua Finance Officer BCM
2
c) FMPB nên MOU Sign a ni: Assembly-in a lo rêl fel tawh angin Friends Missionary
Prayer Band-te nên MOU kan signed a. BCM aiawhin Rev.C.Rothuama, President leh
Rev.Dr.K.Lalrinthanga AGS i/c M&E ten an signed a. FMPB atangin Rev.Helien
Singhsit FMPB Promotional Secretary for North East leh Rev.Dr.Simon Ponniah,
General Secretary FMPB ten an signed.
e) Kohhran Tlawh Report: Kathmandu-ah hian ni 2 kan châm a. Kan châm chhûng hian
kan Kohhran enkawl lai leh NBCC Office te, Nepal Bible College te tlawhna remchâng
min lo siam saka, a hahthlak deuh nain kan lawm hle. Kathmandu Baptist Church kan
tlawh a, a hlimawm hle. Biakin an la nei lova, mi ram man chawia luahin sak an tum
mêk. Balaju Baptist Church kan tlawh bawk a, anni pawhin Biakin sak an tum mêk, a
hmun an nei tawh, sakna tûr an tuak mêk. Dapakhel Baptist Church: An ni pawh hian
loan lain Biakin hmun lei an lo tum mêk. Heng kohhran pathum, Biakin sak tum mêk te
tanpui theih dân hi awm se a tha hle. Lalitpur Baptist Church: Hei hi chu an
changtlung tawh deuh ber a, NBCC khaidingtu ber pawh an ni.
f) NBCC hotute kawmna: An hotute nên dârkâr hnih zet inkawm khawmna hun kan
hmang. Kathmandu Valley hi BCM kan pe che u a ni, an ti tawp mai. Evangelism leh
Church Planting lama hmalâk an phùr hle, mi rilru pawh a inhawng anih kan ring. Nepal
ramah hian a bîk takin Kathmandu valley-ah hian Lalpan min ko tak zet niin kan hria.
NBBC building chhawng chung ber atanga Kathmandu khawpui kan thlìr lai chuan ka
rilru-ah he thu hi a lo lang a.“Ninevi khua, khawpui ropui tak, a chhûnga mi nuai khat
leh singhnih aia tam, an ding leh vei pawh thliar thei lote leh ranrual tam tak awmna hi,
ka khawngaih lo vang em ni?” (Jona 2:11). (Kathmandu khua, khawpui ropui tak, a
chhunga mi nuai hnih leh sing nga aia tam, an ding leh vei pawh thliar thei lote leh
3
ran rual tam tak awmna hi ka khawngaih lo vang em ni? tiin BCM hian lalpa aw kan
hria niin ka ngai).
g) Model Baptist Church: 2008 December thla khân Model Baptist Church din a ni a.
Hetih lai hian BCM-in Nepalah hian thawktu 8 lai kan support a. Chûngte chu:
1.Lalnunmawia 2. Ratna Rai 3. Pradip Rana Magar 4. Lok Bahadur Gole 5. Pravesh
Subha 6. Prem Kumar Karki 7. Vijay Subha 8. Raju Thulung 9. Sunil Maharjan 10.
Shyam Magar.
Prem Kumar Karki leh Vijay Subha te hi NBCC-ah lungawilohna nei an nih avângin
BCM-in NBCC a thawhpui dawn chuan Life Word Mission (Korean Mission) kan zawm
zawk ang tiin min chhuahsan ta a.
Tunah hian Nepal-a thawktu kan neih dân chu hetiang hi a ni:-
1. Pu H. Laltlankima: Coordinator
2. Pu Rodingliana te chhûng: Evangelist
3. Pu Lalnunmawia (Native) : Dapakhel Baptist Church-ah Asst. Pastor a ni.
4. Rev.Ratna Rai (Native): NBCC General Secretary a ni. A hlawh kan tum sak
5. Lok Bahadur Gole (Native): Balaju Baptist Church-ah Asst. Pastor a ni.
6. Pravesh Subha (Native): Kathmandu Baptist Church-ah Pastor hna a thawk mêk
7. Raju Thulung (Native): Lalitpur Baptist Church-ah Pastor hna a thawk mêk
8. D.B. Lama (Native): Rampur khuaah kohhran a din tan mêk.
h) MOU No. 5: Model Baptist Church kal pui dân tûr BCM Principle tih hi sawifiahna a
awm si lova, NBCC nêna kan thawhho dân tûr târlan engmah a awm bawk si lova. NBCC
hruaitute hian BCM hian tiphîr ngei dawn a, rinna leh hlauhna an nei nasa hle a ni.
Anmahni nên hei hi a tùl dâna la sawi ho zel tûr a ni.
i) NBBC (Nepal Baptist Bible College): Hei hi kum tin Rs.50,000/-a BCM-in kan tanpui
mêk an ni. Zirtirtu tûr B.D chin an mamawh zia leh BCM-in min pe thei se tih beiseina
sâng tak nên an sawi nasa hle.
Tuntum kan zin hi Kohhranho te min tawngtai sakna zârah Pathian vênna leh awmpuina te
kan dawng nasa a, kan lawm hle. Dam takin 14 June 2010 hian Sêrkawn kan lo thleng leh.
Lalpa chu fakin awm rawh se!
3. Assam-Bengal Field tlawh report: July 19, 2010-ah Sêrkawn atangin kan chhuak a, 20th
July-ah Guwahati kan thleng. 21 July-ah missionary-te awmna hmun hrang hrang tlawh tûrin
kan chhuak nghal. Rev.F.Ramdinmawia, Regional Director leh Rev.Joseph Vanlalruata, F.D.
Assam-Bengal ten a tawp thlenga taima taka min tawiawm avângin an chungah ka lawm tak
zet a ni.
Lalmati kan tlawh hmasa ber. Pu K.Lalchhanhima te chhungkaw awmna a ni. Adivasi
kohhran a enkawl. An awmna Area-ah hian kohhran 6 a awm.
Dubri-ah zân kan riak. Field Director leh School lama thawktute an lo awm kim. Hun tha tak
kan hmang ho.
Jaigoan –ah kan Field Director Rev.Zirsângliana Râlte leh a thawhpui TBZ missionary te
nên hlim takin kan inhmu.
Mendabari-ah zan khat kan riak a. Nl.F.Zoramthangi leh Nl. Lalchhandami ten zo takin min
lo thleng. Dipsing Academy pawh an lo enkawl tha viau mai.
Sikkim kan pan leh a. Pu Daniala Hnamte te chhungkua an lo dam e. Heta tang hian
4
Rinchengpong-ah kohhran ding thar tlawh tûrin kan kal leh a. Chaw kan ei a, inkhawmna te
kan neihpui.
Birpara-ah Pathian ni châmin zan hnih kan riak. Thawktute an lo awmkima kan hlim hle.
Tulsipara-ah lângin kan va kal a. Pu C.Thangzela te nupa awmna a ni. Hlim takin an
kohhran enkawlte nên kan inhmu.
Garganda Baptist Church-ah Pathian ni zânah kan inkhawm. Nepali leh Adivasi inpawlh
kohhran an ni. Nepali an tam deuh zawk.
Debitola: Mount Olive Principal Nl.H.Lalrinpuii leh a thawhpui te, Pi F.Khawlmawii te
chhûngkua te nên hlimtakin min lo dawngsawng a, inkawmhona hun tha tak kan nei. RBCU
hruaitute nên pawh an Office-ah dârkâr khat zet kan inkawm khawm. Zankhat kan riak.
Rangapani kan tlawh a, Pu T.Lallawmawma-te chhûngin hlim takin min lo dawngsawng.
PatkiJuli pawh kan tlawh a, zan khat kan riak. Pu Vanlalthuama Colney te nupa leh an
thawhpui ten min lo lawm thiam hle a, kan lawm hle.
Samdruk Djongkhar-ah Kan Evangelist Pu Lama te chhûngkua pawh kan va tlawh.
Tawngtaihona hun te kan hmang thei a, kan lawm hle.
Kan missionary-te awmna hmun leh rawngbawl dân te chiang zawka a hmuna kan han
hmuhpui hian Mizoram atanga tawngtaipuitu nih leh thawhlawm thawhtu nih hi chu ziaawm
tak a ni tih min ngaihtuah thar tir nasa hle.
30th July 2010 khân dam takin kohhranhote tawngtai sakna zârah Sêrkawn kan headquarters
kan lo thleng leh a ni. Lalpa chu fakin awm rawh se!
4. Tv. Remlalliana Fanai: Africa khawmualpui Ghana-ah kal tûra tih fel tawh a ni. Muslim
Thalai zîngah rawng a bawl ang. Work Permit pêk tawh a ni. Visa buaipui mêk a ni. August
12-ah kal tûra beisei a ni. Ticket pawh book fel tawh a ni.
5. Tv.V.L.Buatsaiha: Kenya ramah a kal ang. A inhmanna ber tûr chu Evangelism and
Church Planting a ni. Missionary Trainingna a nei mêk a, August 2010-ah a zo ang. Kuminah
hian a kal hman ngei beisei a ni.
9. Nl. Lalhlupuii Sailo: English Teacher, Xian International Studies University China.
Chhutti sei hmang tûrin lo hawn a tum mêk.
10. Nl. Jenis L. Bawihtlung: English Teacher, Xijing University. Chhuti sei hmangin a lo
haw, BHSS-ah a pui mêk.
13. RPM Mission School Results 2010: Mission School-a kan zirlaite hi a tlângpui thuin
rethei te te, mahni ina lehkha zirna hmun leh boruak tha pawh nei lote an ni a. Kan zirtìrtute
pawh hi thiamna lama mi chhuanawm han tih tûr ni lo deuh vek an ni. Mahse Lalpan
Kohhranhote tawngtaina hi a ngaithlain kan mission rawngbawlna hi mal a la sawm duh tlat a
ni ber e. A lawm hle a ni.
Candidate
2nd Div
3rd Div
1st Div
Failed
Comp
Total
Dist
Sl Name of Schools
13. Chakma Bible Translation chungchâng: June 21 atanga 30, 2010 thleng khân
Bangladesh-a kan evangelist Kanti Chakma leh a thianpa Kiran Chakma te chu intensive
Bible Translation tranining nei tûrin Silcharah kan tîr a. An zin veivahna sênso pawh RCM
atangin kan pe a. BII hotute hian an hnathawh nân hian Computer pakhat an mamawh ngei
tûr thu leh pek ngei nise an duh thu an rawn sawi bawk a. Desktop Computer pakhat lei nân
Rs. 30,000/-kan lo pe. July 2nd atanga 19 thleng khan Silcharah training an nei leh tawh a ni.
Kan awmna bial theuh vah M&E Committee member zawng zawng ten mission lama kan
rawngbawlnaah hma kan sawn zel theih nân theihtawpa kohhranhote fuiha tan la zel tûr leh
kan report te hi lo puangzar zel tûrin ka ngên a che u.