Title: ANG MUNTING GAMU-GAMO

Radio Drama

Length: 10 MINS

Writer: Eguillon, Frecilo A.

1 MUSIC: SOUND OF CRICKET

2 NANAY TEODORA: Pepe. .Pepe. Tama na ang paglalaro at gabi na.

3 PEPE: (OFF) Nay sandal na lang po

4 NANAY TEODORA: Pepe huwag kang suwail. . Pumasok ka na dito sa bahay at gabi na.

5 PEPE: (FADING ON) Opo nay. . . nandyan nap o

6 SFX: SOUND OF RUNNING

7 NANAY TEODORA: Pepe, ano ba ang sabi sa’yo ni nanay? Hindi ba sabi ko huwag

kang tatak bo sa hagdan? At susunod agad sa utos ni nanay. . Lagi

mo na lamang kinaliligtaan ang mga bilin ko sa’yo. Pepe, anak

ayokong lalaki kang suwail. . at ayoko rin na matutulad ka sa isang

gamu-gamo.

8 PEPE: Opo nanay, (MATITIGILAN) Nay? Ano po ang gamu-gamo?

Magiging gamu-gamo po ba ako? Katulad ko rin po ba ang gamu-

gamo na maraming tanong?

9 NANAY TEODORA: Pepe, masyado ng gabi masama sa bata ang nagpupuyat. . Sige

mabuti pa matulog ka na.

10 PEPE: Nanay ano po ba ang gamu-gamo? Maaari niyo po bang sabihin

sa’kin? Sige na po nay.

11 NANAY TEODORA: Sige Pepe maupo ka at ikukwento ko sa’yo ang kuwento ng

munting gamu-gamo, ngunit gusto kong matulog ka na pagkatapos

mong marinig ang kuwnto ko sa’yo.

12 PEPE: Opo nay.

10 SFX: SOUND OF MOVING CHAIRS

11 NANAY TEODORA: Handa ka na ba sa aking kuwento Pepe?

12 PEPE: Opo nay handa nap o akong making.

13 NANAY TEODORA: Nais kong making kang mabuti upang mapulutan mo ng aral ang

kuwento. . Mayroong mag-inang gamu-gamo ang palipad-lipad sa

isang bahay.

14 PEPE: Nay, kanino pong bahay? Sa bahay po ba natin?

15 NANAY TEODORA: Pepe, making ka muna sa kuwento ni nanay.

16 PEPE: Sige po nay

17 NANAY TEODORA: Sa loob ng bahay ay mayroong isang apoy na nagniningas at

napakaliwanag na nagmumula sa isang lampara. Ng Makita ito ng

munting gamu-gamo, ito’y naakit at lumipad patungo sa

kinaroroonan ng lampara. Bago pa mantuluyang makalayo ang

munting gamu-gamo ay pinigilan ito ng kanyang ina. Nagtaka ang

munting gamu-gamo kung bakit siya pinigilan ng ina. Nagtanong

ang batang gamu-gamo kung ano ang dahilan.

18 PEPE: Nay ano po ang sumunod na nangyari? Nakalapit po ba ang

munting gamu-gamo sa lampara? Nasaktan po ba ang munting

gamu-gamo? Ano pong ginawa nung kanyang ina?

19 NANAY TEODORA: Pepe, patapusin mo muna ang kuwento ni nanay ng iyong lubos na

maunawaan.Sinagot naman siya ng kanyang ina, at sinabing, anak,

huwag kang lalapit sa lamparang iyon kung ayaw mong ika’y

mapahamak. Nagtanong ang munting gamu-gamo sa kanyang ina

kung bakit hindi siya maaarong lumipad sa maganda at kaakit-akit

na liwanag na nagmumula sa lampara. Ang sabi ng kanyang ina ay,

maaaring maganda at kaakit-akit ang liwanag na nagmumula sa

lampara ngunit ito’y kanyang ikapapahamak. Susunugin nito ang

kanyang pakpak at hindi na muling makalilipad pa. Hiniling ng ina

ng munting gamu-gamo na pakatandaan ang bilin nito sa kanya.

20 PEPE: Kung gayon hindi nga po nakalapit ang munting gamu-gamo sa

apoy, tama po ba nay?

21 NANAY TEODORA: Hayaan mong ituloy ko ang kuwento Pepe. Nang sumunod na gabi

ay napadakong muli sa bahay na iyon ang munting gamu-gamo. Sa

pagkakataong iyon ay hindi niya kasa-kasama ang kanyang ina.

Nakita niyang muli ang maganda at kaakit-akit na liwanag na

nagmumula sa lampara.

22 PEPE: Nay, bakit po siya nag-iisa? Nasaan po ang kanyang ina na gamu-

gamo? Hindi po ba bawal sa aming mga bata ang manatiling nasa

labas ng bahay kapag wala na o ang araw?

23 NANAY TEODORA: Tama ka Pepe. Ang ina ng munting gamu-gamo ay nasa hindi

kalayuan ngunit masyado itong abala sa paghahanap ng kanilang

makakain, kung kaya’t hindi nito napansin na lumipad muli ang

munting gamu-gamo patungo sa bahay kung saan naroroon ang

lampara.
24 PEPE: Ano na po ang nangyari sa munting gamu-gamo?

25 NANAY TEODORA: Dahil sa wala ang kanyang ina at masyado itong abala. MUnting

gamu-gamo ay tuwang-tuwa sa liwanag na kanyang nakikita. Tila

isang bato-balani ang liwanag na nagmumula sa lampara kung

kaya naman ay marahan nitong ikinampay ang mga pakpak at

lumipad patungo sa lampara. Nawala na sa isipan ng munting

gamu-gamo ang bilin ng kanyang ina na huwag itong lalapit sa

lampara. Nagpaligid-ligid ito sa palibot ng liwanag ng walang

anumang nadaramang panganib. Patuloy ang pagkampay ng

pakpak nito sa paligid ng lampara at lalo pang bumilis, hanggang

sa siya’y tuluyang mapalapit sa nagniningas na apoy ng lampara at

nadikit ang kanyang mga pakpak. Pagkaraa’y nasunog ang mga ito

maging ang kanyang katawan. Sumisigaw ito at tinatawag ang

kanyang ina, habang patuloy ang pagtangis nito sa sakit na

kanyang nararamdaman.

26 PEPE: Nay, nasaan na po ang kanyang ina? Hindi po ba niya ito

tinulungan?

27 NANAY TEODORA: Ang kanyang ina ay alalang alala sa pagkawala ng kanyang anak.

Hinanap niya ito ng hinanap, maya-maya’y nakita nito ang anak na

tumatangis sa sakit at nakahandusay sa paanan ng lampara. Mabilis

nitong nilapitan ang anak na noo’y malalagot na ang buhay.

28 PEPE: Ano pong nangyari nay? Nabuhay pa po ba ang munting gamu-

gamo?
29 NANAY TEODORA: Pepe, malungkot na malungkot ang inang gamu-gamo sa sinapit ng

kanyang anak. Humingi ng tawad ang munting gamu-gamo na

malapit ng mawalan ng buhay. Humingi ito ng tawad sa inang

umiiyak, sapagkat kinalimutan niya ang bilin ng kanyang ina.

Labis ang pagsisisi ng munting gamu-gamo hanggang sa ito’y

tuluyang mawalan ng buhay.

30 PEPE: Nakalulungkot naman po ang sinapit ng munting gamu-gamo nay.

31 NANAY TEODORA: Tama ka Pepe, kung kaya’t nais ko sanang huwag mong kaligtaan

at laging isa-puso ang mga bilin ni nanay, sapagkat mahal kita

Pepe at ayokong mapahamak ka pati ng iyong mga kapatid.

32 PEPE: Opo nay, pangakong hindi kop o kaliligtaan simula ngayon ang

inyong mga bilin upang hindi po ako mapahamak tulad ng munting

gamu-gamo.

33 NANAY TEODORA: Umaasa ako Pepe. . . O sige matulog ka na at masyado ng malalim

ang gabi.

34 PEPE: Opo nay sige po matutulog na po ako.

35 SFX: SOUND OF MOVING CHAIRS

36 NANAY TEODORA: Sige Pepe matulog ka na nawa’y mahimbing ang iyong pagtulog.

37 PEPE: Salamat po nay.

38 SFX: FOOTSTEPS

39 NANAY TEODORA: (TILA KAUSAP ANG SARILI) Nawa’y laging pakatandaan ni

Pepe ang mga bilin ko sa kanya. Diyos ko sana’y lagi niyo po

siyang gagabayan.

-end-