1

LÂWMTHU SAWI
Châng thlan:- Leviticus 7:12; Johana 11:45; Ephesi 5:20; Philipi 4:4-7;
Kolossa 2:6-7; I Thessalonika 5:14-18; Thupuan 7:11, 12.

I. Thuhma:-
- March ni 8, 2010-ah K|P Gen. Conference report pêk pahin thuchah tawi
‘Taihmâk i chhuah ang u’ tih hmangin thuchah tawi ka sawi.
- June ni 11, 2010 (Zirtåwpni) Gospel Camping-a Peniel kan neih a\anga ka
rilru-a awm a ni a. Pathian hnêna ama pâwlna dîla ka \awng\aiin min
chhang lo, amah faka chawimawi leh lâwmthu ka’n sawi chu (Thup.
7:12) Pathian awmpuina ka dawng.
June ni 13, Fellowship sharing hunah leh July ni 12 Inkhâwm ka
hruai zânah tlêm azawng ka sawi chhuak.
- He thu hi kan mamawh ber nia ka hriat, ka rilru-a thi theilo a ni a. Inrinni
zân inkhâwm ( July 31)-a sharing leh Chairman (Upa Chawngthan\huama)
thusawi a\ang te, Aug. ni 1 Pathianni zân sermon (Nl.Hmingthansangi)
‘Hriatchian lehzual ka duh’ tih han ngaihthlâk a\angte in he thu sawi hi min
tichâk zual.

II. Bible-a kan hmuh dân leh chhui zauna:-

- Thuthlung Hlui hunah chuan inthawina thil hlânin Pathan hn>nah
lâwmthu an sawi \hîn (Lev. 7:12, 13, 15; 22: 29; 2 Chro. 29:31; 33:16; Sam
50:14, 23- ‘Lâwmthu sawi inthawina hlântu chuan min chawimawi’).
- Thuthlung Thar-a Pathian hnêna lâwmthu sawina te hi Pathian ‘fakna’,
‘chawimawina’ tih nên thil inang, lâkhran hleih theih loh a ni.
- Tirhkoh Paula lehkhathawnah hian lawmthu sawina \awngkam
(eucharisteoµ= to give thanks) vawi 46 a awm a. Paula lehkhathawn bu 13
zînga 2- Galatia leh Tita bu-ah te chauh lo chuan lâwmthu sawina
\awngkam a awm vek a. Galatia bu hi Thuthlung Thar bu-te zinga ziah
hmasak ber, Paula pawhin rawngbâwlna a \an tirh lama ziak niin an chhui.
Kolossa bu-ah kan hmu tam ber a, kohhran danga pêk chhâwn leh tûra a
tih a ni nghe nghe (Kol. 4:16). Lung in tan laia ziak a ni a (Kol. 4:3, 10, 18),
Kolossa hi zirtîrna dang (Gnostic)-in a tihbuai an ni a, Krista ring tlat chunga
lâwmthu sawi uar tûrin a fuih a ni (Kol. 2:7).

Hmânlai Greek-ho lehkhathawn kalhmangah chuan, chibai bûkna, a

thawnthu hming leh nihna, a thawna hming an ziah hnuah lâwmthu sawina
hi an ziak \hin. Tirhkoh Paula pawhin he kalhmang hi a zui niin an hria.

-Laldinpuia: Sermon for 2nd August, 2010 (Monday) night

 2

III. Engtik hunah nge lâwmthu kan sawi ang?

1) Harsatna kârah: Tirhkoh Paulan ‘dam rêng kan inbeisei tawhlo’ (T.T. 27:20) a
tih hialna hmunah pawh Pathian hnênah lâwmthu a sawi (T.T. 27:35) a.
Kawng engkimah, kan chêt vêlna zawng zawng, khawi hmun a\ang pawha Pathian
hnêna lâwmthu sawi tura min fuihna thu a ziahna hmun hi Lung in a tân laia a
lehkha thawn zînga mi an ni tlat! (I Thes. 5:18; Phil. 4:4-7; Eph. 5:20; Kol. 3:17).
Daniela chu a thihna t<r (sakeibaknei pûka paih) kawng nia lang a
hriat tik-ah pawh a tih \hin dân angin, Pathian hnênah lâwmthu a sawi tih
Dan. 6:10-ah kan hmu. ‘7Ni sawmthum chhûng chu, nang, lal (Daria) hnênah
chauh lo chuan tu man, an pathian hnênah emaw, mi dang hnênah emaw eng mah an
dîl tûr a ni lo… a awih lo chu sakeibaknei pûkah paih tûr a ni’ ….. ‘10Lal chuan
thupêkah hming a ziak ta tih Danielan a hriat veleh a hâwng a. A in chhâwngah
chuan Jerusalem lam hawia tukverh inhawng a awm hlawm a. Ni tin, \hing\hiin,
tukverh inhawng hawi chuan a \awng\ai \hîn a, chutiang bawk chuan a Pathian
hnênah lâwmthu a sawi leh ta tho va’ tih kan hmu. Habakuka 3:17-18…
2) Pathian Biak Inah: Sam 95:2-ah ‘Lâwmthu sawiin a hmaah kal ila…’ tih leh,
Sam 100:4-ah ‘Lâwmthu sawi chungin a kawngkhârah lo lût ula’ tihte kan hmu a.
Pathian ringa hlim taka ama rawngbâwl leh lâwmthu sawia amah biakna
hmuna kal leh awm tûrin min duh a ni.
3) Kawng engkimah, Eng lai pawhin: Eph. 5:20-ah ‘Kan Lalpa Isua
Krista hmingin eng lai pawhin engkimah Pa Pathian hnênah lâwmthu
hril rawh u’ tih kan hmu a. Phil. 4:6,7 thuah pawh ‘Engah mah mangang
suh u, eng thilah pawh \awng\aiin, in mamawh chu Pathian hnênah thlen
ula, lâwmthu hril zêl chungin dîl rawh u. Tichuan, mihring hriat sên rual loh
Pathian thlamuanna chuan, in thinlung leh in rilrute chu Krista Isuaah chuan a
vênhimsak ang che u’ tih kan hmu bawk.
He thu kan hriat avâng hian, mi tam tak chuan kan \awng\aina
thu-a Pathian hnêna lâwmthu sawi chuang lovin, ‘…lâwmthu sawi
chungin kan dîl e’ kan ti \hin. Lâwmthu sawi ila, lâwmthu sawi
chungin ti leh kher lovin Lal Isua hmingin kan dîl zâwk tûr a ni.
I Thessalonika 5:16-ah chuan, ‘ engkimah lâwmthu hril fo
rawh u. Hei hi Krista Isuaah chuan Pathianin in tih a duh chu a ni’
tih kan hmu bawk.
Eg. Tûnhnai khân ka chabi bawr- K|P room, Library bookshelf, etc. hawnna chu ka
dahna ka hre tlat lo mai a. Ka rilru a buai khawp mai, a awmna awm ka rilru-in a dap
kual a, ka zawng bawk a. Pathian thu-in ‘eng thilah pawh lâwmthu sawi chunga \awng\aia
dîl’ turin min tih kha maw, tiin kan \awng\ai a: ‘Aw Lalpa, ka chabi bâwr pawimawh tak
mai a awmna ka hre lo va, heti anga ka rilru buai taka ka awm thei hi ka lâwm e’ kan ti a.
Ka amen zo deuh chiah chu ka bag pakhat, University ka kal chauha ka ah \hin kan en
chhin a, ka chabi bawr chu a lo awm a….
-Laldinpuia: Sermon for 2nd August, 2010 (Monday) night
 3

IV. Engvângin nge Lâwmthu kan sawi ang a, engnge a hlâwkna?

1) Pathian ropuina tûrin: II Kor. 4:15-ah ‘…Pathian ropuina tûrin lâwmthu
sawina pawh nasa takin a pung ang’ tih kan hmu.
2) Kan tih tûr (thupêk) a ni: Sam 50:14-ah ‘Pathian hnênah lâwmthu sawi
inthawina hlân ula, Chungnungber hnêna in thutiam chu hlen zâwk rawh u’ tih leh;
Phil. 4:6-ah, ‘Engah mah mangang suh u, eng thilah pawh
\awng\aiin, in mamawh chu Pathian hnênah thlen ula, lâwmthu hril zêl
chungin dîl rawh u’ tih kan hmu.
3) Vân lam tih dân a ni: Thupuan 4:9; 7:11, 12-ah te chuan vân miten
Pathian hnênah lâwmthu an sawi thu kan hmu. Thup. 7:11, 12
‘11Vântirhkoh zawng zawng chu lal\hutthlêng leh upate leh thilnung palite hualin an
ding a, lal\hutthlêng hmaah chuan an bawkkhup a, Pathian chibai an bûk a: 12Amen,
Fakna te, ropuina te, finna te, Lâwmthu sawina te, chawimawina te, thiltihtheihna
te leh Chakna te kumkhuain kan Pathian ta a ni, Amen,’ tih kan hmu.
4) Lal Isua tih dân a ni: Chanchin |ha bu li- Mat. 11:25; 15:36; 26:27; Mk.
14:23; Lk. 22:17, 19; Joh. 6:11, 23; 11:41 thu-ah te Lal Isuan Pathian
hnênah lâwmthu a sawi tih kan hmu.
5) Kan tân a \ha: Sam 92:1-ah, ‘Lalpa hnêna lâwmthu hril hi a va \ha em!’
tih kan hmu.
6) Pathian duh dân a ni: I Thes. 5:18-ah chuan, ‘engkimah lâwmthu hril fo rawh
u. Hei hi Krista Isuaah chuan Pathianin in tih a duh chu a ni’ tih kan hmu.
Pathian hnêna lâwmthu sawi hi rinna nêna kal kawp tlat a ni. Kan Pathian
hi engkim-ti-thei, engkim hria leh hmu, engkim chunga thuneitu leh rorêltu a
ni tih hi ring nghet tlat ila chuan, kan hlim leh lungngaih ber lai pawhin Pathian
hnênah lâwmthu kan sawi thei ngei ang.
Lâwmthu sawi hlâwkna Bible-ah hian tam tak kan hmu a, chung zînga
kawng hnih chauh han tarlang ila:-
1) Pathian chawimawi: Sam 50:23-ah ‘Lâwmthu sawi inthawina hlântu chuan
min chawimawi a ni’ tih thu kan hmu a. Pathian chawimawi tûr chuan kan
chunga ro a rêl ang ang- a \ha leh \halo nia kan hriat angah te pawh
lâwmthu kan sawi mai hian Pathian kan chawimawi a lo ni.
2) Pathian thlamuanna dawnna a ni: Phil. 4:6,7 thuah chuan, ‘Engah mah
mangang suh u, eng thilah pawh \awng\aiin, in mamawh chu Pathian hnênah
thlen ula, lâwmthu hril zêl chungin dîl rawh u. Tichuan, mihring hriat
sên rual loh Pathian thlamuanna chuan, in thinlung leh in rilrute chu
Krista Isuaah chuan a vênhimsak ang che u’ tih kan hmu a.
Kan ngaihzâwng avâng emaw, hna leh zirna avângin emaw kan rilru a
hahin a hrehawm a ni thei. Chhiatna kawng hrang hrang- kan beisei ang lo tak
kan tâwk a ni thei, kan phurritte hi Lal Isua hnênah i thlen ang u, anin min pui
thei a; kan hrehawm a phal lo.

-Laldinpuia: Sermon for 2nd August, 2010 (Monday) night

 4

Kan Bible châng tarlanah khân, lâwmthu sawi chung zêla dîl tura min tih
tlat avângin lâwmthu sawina tur pawh kan dap ang. Rilru hah theia min siam
avâng tal pawhin lâwmthu kan sawi thei, rilru hah ngailote (mi ang lo kan ti) chu
enkawl ngai tak niin hmun bîkah an awm \hîn. Heti chunga Pathian
thlamuanna kan dawng lo anih chuan, Pathian thu hi a diklo tihna a ni ang a,
sakhaw dangte nên kan danglamna a awm lo vang. [Pastor pakhat leh a nupui
chanchin han sawi ila:-
Damdawi in pakhatah hian, Pastor pakhat nupui hian mi ang lo, mihring
pangngai pawh pu lo fa a hring hlauh mai a. A nupui chu naute hmuh an phal lo
va. Pastor-in a fa leh a nupui a hmuh hma chuan, mi pakhat (Dr. Barnhouse-a)
chuan, ‘|hianpa, hei hi Pathian remruat a ni,’ tiin Exo. 4:11-a ‘Mihring hi tu siam nge ni
a, \awng thei lo te, bengngawng te, mitvar te, mitdelte pawh hi tu tih nge ni? Kei Lalpa hian a ni lo
vem ni?’ tia Pathianin Mosia a hrilh thu a chhiar a. Rome bung 8-a Pathian chuan
Amah hmangaihtute tân chuan an \hatna turin engkimin a thawhsak \hin tih thuin a
hnêm bawk a. Pastor chuan Exo 4:11 thu hi a nupui hnêna sawi hmasa in ‘Kan fa
chu a piangsual a ni’ tiin a hrilh a, a nupui chu lungchhe takin a \ap a.
Nau pingsual chanchin chu damdawi inah chuan a darh thuai a, damdawi in
telephone chhângtu chuan a ngaihven zual a. Ani hi kristian pawh ni lo, a tak
takah chuan Kristian leh Kristian lote danglam hauh lova ngaitu, harsatna
hnuaia Kristiante mangang hmêl hmuh châk a ni a. A mangang au thawm hre
châkin, Pastor nupuiin a nu telephone-a a biak lai pawh a lo ngaithla ru a.
Pastor nupui chuan a nu hnênah, ‘Pathianin mi ang lo fa in mal min sâwm a;
eng ang chiaha malsâwmna nge a nih chu kan la hre lo va; mah se malsâwmna
a ni tih chu kan hria,’ tia mittui leh mangang rawl tel hauh lova a han hrilh
chuan telephone chhangtu chuan mak a ti êm êm a, mi dangte pawh a hrilh ta
chûk a. Damdawi ina mi zawng zawng chuan Pastor leh a nupuiin an
vanduaina an lo dawnsawn dan chu an hre ta vek a.
Pathianni leh chuan Pastor chuan thu a sawi a. A hriat lohvin chu telephone
chhangtu leh nurse leh damdawi ina thawk mi dang sawm sarih lai an lo inkhâwm
reng a. A thusawi tawp lamah chuan Pastor chuan la ringlote hnêna Isua pawm
tura a han sâwm chuan, damdawi in a\anga lo kal mi sawmthum laiin Isua an ring
ta a ni. Hetiang a lo awm theihna chhan chu Pastor te nupain vanduaina an tawh
vâng chauh a ni… Miten Pathian an hmuh theihna tûr, a ropuina tûr anih chuan
kan tawrh a phal, e.g.Lazara, Piantirh ata mitdel, etc.]
Pathian ram kan chan leh theih nân Isua Krista min pe a,
khawngaihna avânga chhandamna kan chan hi a ropui a, a lâwmawm êm
a, englai pawha lâwmthu sawi mawlh mawlh tûr kan ni.
Kan tâna a inpêkzia te, min khawngaihna leh min hmangaihna,
engkimtithei leh engkim chunga rorêltu, leh thuneitu anihna te hi hre
chiang ila chuan, kan chawimawiin kan fak lo thei lo vang a, lâwmthu
kan sawi bâng lo vang.
-Laldinpuia: Sermon for 2nd August, 2010 (Monday) night