Synfocity = 577

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

17 th March, 2016

Kohhran Hmeichhe Rorel Inkhawm vawi 8-na a tiak ta

March 11- 13, 2016 chhung khan Mission Vengthlang Kohhran Biak Inah Mizoram Presbyterian Kohhran Hmeichhe
Rorel Inkhawm vawi 8-na tluang taka neih a ni a, thupuiah 'Thlarau Thianghlim leh a hnathawh' tih an hmang a,
Speaker atan Rev. H Lalrinmawia an hmang.
January - December 2015 reports :
Kum 2015-ah Mizoram chhung leh pawn ami, Mizoram Synod hnuaia awm Kristian Chhungkaw dinhmun tehnaa
tel Bial 187 an awm a, Bial 2 atangin report a lut lo va. Bial 185 atanga Report khaikhawmna hetiang a ni :
1. Report lut zat
: 185
2. Kohhran zat
: 808
3. Branch Church zat
: 81
Total
: 889
4. Presbyterian hlang chhungkaw zat : 1,01,907
5. Inawm pawlh chhungkaw zat
: 4,342
6. Chhungkua zawng zawng zat
: 1,06,249
7. Nitin chhung inkhawm nei zat
: 67,087 = 63.14%
8. Buhfaitham tham ziah zat
: 1,04,018 = 97.90%
9. Hmeichhe member zat
: 1,69,961
10. Member tam ber Bial
: Bethlehem Bial (Member 3,229)
11. Member tlem ber Bial
: Bangalore Bial (Member 36)
12. Hmeichhe inkhawm nei thei vek Bial : 158
Kum 2015 hian ni tin chhung inkhawmah kum hmasa aiin 1.55%-in an pung a, Buhfaithamah 0.15% in an pung a, nikum
(2014) aiin Za za tham hi Bial 11 -in an pung bawk. Kristian Chhungkaw dinhmun tehnaah N.E. Khawdungsei Bial an
sang ber a, tun tum hi kum 14 a zawna a sang ber nihna an hauhna a ni a; Certificate leh Trophy hlan an ni.
Kristian Chhungkaw dinhmun tehna hi kum 1970 atang khan neih tan a ni a, a sang ber hnenah Certificate leh
Trophy hlan thin an ni. Kum 1970 hma lak kha chuan Buhfaithamah chauh intehna an siam thin a, a sang ber
hnenah chawimawi nan Shield an pe thin a ni.
Thurel tlangpuite :
Rorel Inkhawmah hian palai 455 (Palai = 388, Central Commt. Member = 47, Synod Puipate = 3, Central KTP
Palai = 2, ATTWI member te = 7, PWJC, Myanmar - 4, Pastor = 2, Kohhran Upa = 1 & NEICCWA President = 1)
an kal a ni.
1) Kum 2018 Mizoram Presbyterian Kohhran Hmeichhe Rorel Inkhawm chu March 9 - 11, 2018 chhungin Tuikual
Kohhranah nghah a ni ang a, Kum 2019 Kohhran Hmeichhe Khawmpui Lian chu March 8 - 10, 2019 chhungin Kolasibah nghah a ni ang a, Kolasib Diakkawn, Kolasib Venglai leh Kolasib Hmar Veng Bial ten an thleng dawn a ni.
2) Kum 2016-17 Inkhawmpui Lian Budget leh Project atan hetiang hian pawm a ni
Central Budget
:
Rs. 13,00,000.00
Women Centre
:
Rs. 20,00,000.00
Agape Chanchinbu
:
Rs. 3,00,000.00 (Khawpui chhunga Bial ten intum sem tur a ni.)
Total
: Rs. 36,00,000.00
3) 'Moral Reforms chungchang inzirtirna neih ni rawh se' tih chu pawm a ni a, Central Committee-in ruahmanna
an siam ang.
4) Synod Hospital, Durtlang tan Charity Fund pek leh tha tih a ni a, Kohhran Hmeichhe Inkhawm tum 2 thawhlawm
pek ni se, an ti.
5) HIV/AIDS veite tanpui nan ram pum Kohhran Hmeichhia ten Thawhleh zan inkhawm tum khat thawhlawm chu
Grace Home-ah pek ni se, tih chu remtih a ni.
6) Central Committee atan khawpui chhung Bial tin atanga inruat tawh lovin tun aia tlem ni se, tih chu pawm a ni.
7) Ram pum huap sual thupha chawina leh chhiatrupna lo thleng thei laka kan him theih nan awmni khama
tawngtai rualna neih ni se, tih a ni bawk.
8) Agape chanchinbu chhut man sang zelah a buatsaihna senso khuh turin a man sanna chawi belh ngai zawng
hi Pastor Bial tin budget siam ni se, kum 2017-2018 atanga hman tan ni se, an ti a. Kumin (2016-2017) ah chuan
Agape budget hi khawpui chhungah chauh intuk a ni.
9) Ei leh in fimkhur dan (Food Safety) ram puma inzirtirna neih rawtna chu pawm a ni a, Central Committee-in
ruahmanna an lo siam ang.

Synod-in chhawmdawlna pe
Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni.
S.No Khua
Pek chhan
Chhungkaw zat
Chhawmdawlna pek zat
1. Champhai Kanaan
Pandal thiahnaa vanduaina tawk 1
Rs. 20,000/2. Kanghmun
Damlo/Rethei
1
Rs. 3,000/3. Zobawk Vengthlang Damlo/Rethei
1
Rs. 5,000/TOTAL
Rs. 28,000/-

Synod Hospital
March 14, 16 leh 17, 2016 chhung khan Synod Hospital, Durtlang chuan thawktu pual retreat an nei a, speaker atan
Rev. Lalrinmawia, Electric Veng Bialtu Pastor hman a ni a, thupui atan "Thlarau thara rawngbawl" tih hman a ni.
Thawktu pual retreat hi thawktute batch 3-a inthenin ni thum chhung hman a ni.

Trust Dept
March 14 - 16, 2016 chhung khan Champhaia KTP General Conference neihna Pandal chim buaipui leh enpuiin
T/Upa Thangliankhuma, Assisstant Engineer (AE) leh Pu Lalremruata, O/A te an kal.
Contd,..

Synod Information & Publicity Department, Synod Office (Third Floor), Mission Veng, Aizawl

Revival Dept
March 16 - 19, 2016 chhung hian Synod Revival Speaker te tan Synod Revival Camping Centre, Neihbawihah
Camping neih a ni a, speaker atan Rev. Vanlalbela, Bawngkawn a ni a, Rev. Dr. LH Rawsea, ATC-in Bible Study a
neih pui thin dawn a ni.

Finance

March 17, 2016 (Ningani) hian New Capital Complex Kohhran-ah Synod sum vawn dan training neih a ni dawn a,
hemi hunah hian Tv. Zaihmingthanga, Accountant a kal ang.
1

Zin
w March 17 - 21, 2016 chhung a KJP Synod Mihngi neih turah Palai turin Rev. B. Sangthanga, Executive Secretary
leh Upa Hmingthantluanga te an kal.
w March 17 - 21, 2016 chhunga Ri-bhoi Synod neih turah Palai turin Upa H. Ronghaka, Synod Secretary (Sr) leh
Rev. Ralthansanga Ralte te an kal.
w March 19, 2016 (Inrinni) a Odhisa Mission Field thar hawn turah Rev. H.Lalrinmawia, Synod Moderator, Dr.
Robert S. Halliday, Coordinator, SMB leh Rev. TC Laltlanzova, BEC member te an kal ang.

Social Front
March 19 & 20, 2016 chhung khian Sangau Bialah Political Education Seminar neih a ni dawn a,hemi hunah hian
Rev. Dr. Lawmsanga, Upa C. Lalawna, Pu C. Ramsanga te an kal ang.

MSSU
w March 19, 2016 (Inrinni) khian Saitual North Kohhran leh Saitual Chhimveng Kohhranah Sunday Zirtirtu Training
neih a ni dawn a,hemi hunah hian Upa Lalhmachhuana (MSSU Trainer), T/Upa F. Lalenghluna (MSSU Trainer), Upa
K. Vanlalnghaka (MSSU Trainer) leh Upa C. Lalbiaksanga (MSSU trainer) te an kal ang.
w March 19 & 20, 2016 chhung khian N.E. Khawdungsei Kohhranah Sunday Zirtirtu Training neih a ni dawn a,
hemi hunah hian Rev. Zoramsanga, Upa K. Zoremsanga (MSSU trainer) leh Upa S. Kapzathanga (MSSU trainer) te
an kal ang.

KTP General Conference Pandal chim chungchang

March 11, 2016 (Zirtawpni) khan KTP General Conference vawi 56-na, Champhai pandal thiah laia a ruangam
(structure) a tlu a. Hetah hian hnatlang zinga mi Tv. Vanmawia (kum 48) chuan a nunna a chan a, hliam 6 an awm
bawk. He thu an hriat veleh Central KTP hotute leh Synod hotute inrawnin, Central KTP Committee atangin General
Secretary hovin mi 7 Champhai-ah an tlan chho nghal a. Tv. Vanmawia vuinaah KTP Gen. Secy Upa Zonunmawian
thu sawiin Mizoram Synod leh Kristian Thalai Pawl chuan he vanduaina hi a tuarpui takzet a, Kohhran pawl bik sawi
lovin Kohhran hrang hrangte pawhin an tuarpui thu leh vanduaina tawk chhungte ralna an dawn thu a sawi a. Synod
Moderator Rev. H. Lalrinmawian tuarpuina thu a thawn chhiar chhuah a ni bawk. Hetah hian Synod-in a ralna Rs.
20,000/- leh Central KTP-in a ralna Rs. 10,000/- leh hmun hrang hrang atanga ralna an dawn tling khawm, avaiin Rs.
55,000/- chu CKTP Asst. Leader Pu Samuel Laldinglianan mitthi chhungte hnenah a hlan nghal a ni.
Mitthi vui zawhah hian CKTP hruaitute chuan hliam tuarte an tlawh nghal a, dam lo kanna leh thlahualna Rs. 1,000/
- theuh, mi 6 hnenah hlan a ni. Central KTP hruaitute leh Gen. Conference Organising Committee ten pandal sakna
hmun an tlawh nghal a, hma lak zel dan turte an sawiho. Hemi thu bawhzui hian Synod chuan Synod Property Asst.
Engineer T.Upa Thangliankhuma leh Upa K. Lalremruata, Office Assistant-te chu pandal tlusawp endik tur hian a tir
nghal a. Organising Committee te nen endikin pandal thiah chhunzawm dan tur leh rinawm zawka pandal siamthat
dan tur te an rel ho a ni.

Synod Bookroom Mobile Bookshop nei

Synod Bookroom chuan kum tina an tih thin dan angin Thingtlang khua Synod Bookroom rawngbawl chhawr ve reng
phak lo te tan Synod Bookroom Mobile Bookshop, kar khat awh tur chu a buatsaih leh ta a, tun tumah hian Mizoram
khawchhak tlangdung pahnih - Tuichangral leh Tuipuiral khua te leh Sialkal tlangdung mipuite tan truck 3 hmangin
Synod Bookroom-a thawktute an kal a. Synod Executive Secretary, i/c PRESCOM Rev. PC Pachhunga'n tawngtaina
in a thlahliam a ni. Synod Bookroom Mobile Bookshop hi Tuichangral tlangdung tan Tualteah tan a ni a, Tuipuiral tan
Khuangthingah tih leh a ni a, Sialkal tlangdung tan Khawkawnah tih leh ani bawk.

Hruaina Eng FM Radio & TV Programme

w MARCH 17, 2016 (FM ZOAWI AIZAWL @ 7:30 P.M.):
Group : ANVN - Nitin Isua, Zaipawl : Dawrpui Bial Zaipawl - Hnehtu Krista, Sermon : Rev.Zosangliana Colney
thusawi - dam chhung ni chhiar dan, Zaipawl : Besy Choir - Amen, Solo : Zoramchhani -Lalpa duhzawng,
Zaipawl : Synod Choir - Lalthutthleng kiangah
w MARCH 17, 2016 (FM LUNGLEI @ 7:30 P.M.):
Group : ANVN - Nitin Isua, Zaipawl : Dawrpui Bial Zaipawl - Hnehtu Krista, Sermon : Rev.Zosangliana Colney
thusawi - dam chhung ni chhiar dan, Zaipawl : Besy Choir - Amen, Solo : Zoramchhani -Lalpa duhzawng,
Zaipawl : Synod Choir - Lalthutthleng kiangah
w MARCH 20, 2016 (Tv Programme) @ 3:00 p.m) :
Weekly Round Up, Documentary : Nepal Mission Field

Susamachar Prasaran Programme

w MARCH 20, 2016 (Pathianni) 5:00 pm.:
Group/Choir/Solo : Siyon Swaram - Tere Charno, Group/Choir/Solo : Sihphir Bial - Me Akhen Apni, Sermon
: Zohmingthanga - Yeshu Sabka Sahara, Group/Choir/Solo : Bungkawn Vengthar - Siyon Desh, Group/Choir/
Solo : Venghnuai Kohhran - Ham Syon Ka

Moderator Programme
Synod Moderator Rev. H. Lalrinmawia chuan tunkar tawpah hetiang hian hun a hmang ang :
w March 19, 2016 (Inrinni)
Odhisa Mission Field thar hawn

Synod Social Front Helpline: 9089777129;

Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

Synod Information & Publicity

Phone - 2314648

Synfo