Ka unaute hnenah i hming ka hril

ang a:
Inkhawmho zingahte chuan ka fak ang
che..

Nang Malsawmna ni ang che

- Jacoba 3:17

Ram leh Hnam

Humhalh

Estd. : 24. 10. 1994 Pro. Permit No - 25 of 2004

Vol - XVIII Issue No 058, the 12th March, 2016 (Inrinni): Darthlalang Chanchinbu,

DAMLO
Chanchin kan lakkhawm laia kan
vengchhung mi CHS awm te:
1. Zangura
Sec-III
2. RK. Lalrinliana
Sec-I
3. K. Laltlinpuia
Sec-IV
4. ZD. Vanlalrempuii
Sec-IV
5. HP. Lalrinzuali
Sec-IV
6. Np. Lalruathlua
Sec-I
7. ZD. Malsawmtluangi
Nurse
BLOOD BANK REPORT
Chanchin kan lakkhawm laia CHS
Blood Bank dinhmun chu:
A
B
AB
O
Nil
Nil
Nil
Nil
THISEN PE
Chanchin kan lakkhawm laia CHS
a Thisen pe te:
1. K. Lalthanmawia
Sec-V
2. R. Laltlansanga
Sec-III
3. Lalrinsanga
Sec-IV
4. Lalvensanga
Sec-II
5. Lalbiakzara
Sec-V

TUALCHHUNG NEWS
*
5 th March, 2016 (Inrinni) zan
khan
Ramdinsanga
Ralte
s/o
R.Lalnunsanga tun hnaia RGKA National Level U-16 Football Tournament
neih zawh taka Mizoram team a Gold
Medalist zing a mi chu YPC in lawmpuina
Citation leh Football Boot a hlan a.
Ramdina hi Germany a kum 6 football zir
turin a kal dawn a, tunah hian an koh
huna kal thei turin a awm mek a ni.
*
9th -13th March, 2015 thleng awh
tur BCM Assembly Rorel vawi 120-na
chu BCM Biak In Bazar, Hnahthial ah
neih mek a ni a. LH. Lalmalsawma s/o
LH. Sangliana (L) Sec-V chu naktuk
hian Pastor atana nemngheh (Ordained)
a ni dawn a ni.

SYMA SECTION-IV
HRIATTIRNA
19 th March, 2016 hian SYMA
Section-IV te chuan sumtuak nan Blanket sukkan tum a. Blanket suk tur neite
chuan a hnuaia Phone No. tarlan ah
hian in hriattir theih a ni e.
Joseph Zoremmawia, Section Leader:
Ph No. 9615181116
Malsawmzuala Fanai, Section
Secretary:
Ph No. 9089929594

Branch YMA,

Hun awl hmanthat *

Kristian nundan tha ngaihsan *
Zofate hmasawnna ngaihtuah *
Serkawn :

Kartin

Chhuak

Page

YMA THUHLA
1. KHAWHAR INRIAK:
Deborah Lalramdinpuii thihna avanga khawhar in riakte:
1. Andy Saihmingthanga
5. Alex Lalmalsawma
2. Laltanpuia
6. F. Lalfakzuala
3. C. Lalmuanpuia
7. Vanlalruata Chhangte
4. RK. Rohmingliana
2. SYMA EDUCATION COMMITTEE REPORT:
29th February & 1st March, 2016 khan SYMA Education
Committee te chuan zirlai Board Exam tur, Class-X leh Class-XI te
tlawh chhuakin, fuihna hun an nei a. Heng zirlaite hnenah hian
Pen leh File Cover an sem theuh a ni.
3. DAWHKAN HAWH THEIH:
SYMA Section-IV chuan mamawh hun apianga hman tur
Dawhkan sei pahnih (2) hawh tur an nei a. Engtik lai pawha hawh
theih a ni; hawh duh chuan SYMA Section-IV Treasurer,
Lalruatdiki, Phone No. 8419909797 ah dil theih a ni e.

SYMA EXECUTIVE
COMMITTEE MEETING
A hnuaia hun leh hmun tarlan ah hian SYMA Executive
Committee Meeting neih a ni leh dawn a. Member te kal theuh
turin kan in hriattir a ni. Kohna lehkha hmulo kan lo awm palh
a nih pawhin hei hi kohna a ngaih tur a ni.
A hun
A hmun

: 14th March, 2016 (Thawhtanni) 7:00pm

: SYMA Meeting Room

SYMA HRIATTIRNA
Vawiin 12th March, 2016 hian tlak lam (Aizawl Lamlian)
meikawngsial hnatlang thawh tur a ni a. YMA Member te kim
taka thawkchhuak turin kan in hriattir a ni. Zing dar 9:30am
ah Bazar Shed ah innghahkhawm tur a ni ang. Hnatlang tur te
chuan chem hriam tak leh mahni tui in tur pai theuh tur a ni.

SYMA
LIBRARY
SYMA Library ah lehkhabu tha tak tak a lo thleng thar
leh ta a. YMA Library ah hian Thawhtanni, Nilaini leh Inrinni,
4:00pm-5:00pm chhungin lehkhabu a hawh theih leh ta e.
Tin, SYMA Library a dah tur Lehkhabu donate duh te
tan engtiklai pawhin a hnuaia Phone No. tarlan ah te hian a
hriattir theih reng a ni.

9862820064/9863616235
sd/VANLALZAWNI
Secretary
SYMA Library Committee

SYMA LIBRARY HAWN HUN : THAWHTANNI, NILAINI, INRINNI (4:30 PM-5:30 PM)

Vol - XVIII Issue No. 058, the 12th March, 2016 : Darthlalang Chanchinbu,

KHAWI KHUA NGE I

NIH?
Upa C Zorema (RIP)
tawngkam tawite, Be Serkawn
a tih hi a lo ril ngawt mai. Tun
tumah chuan heti zawng hian i
han sawi kual teh ang....
Kan veng mi thenkhatte hian kan addressah hian Ramzotlang/ Melte tih angrenga veng bil
hming pek kan ching niin an sawi a, ka han zawh
kual zau deuh hian mi tam ber hi chuan tha an lo
ti lo ve hle. A then phei chuan, a ching zual nia
an hriat mi pali panga hming pawh min hrilh hial
nghe nghe a ni.
Kan lehkha pawimawhte chu a rawn
thleng ve tho pawh a ni maithei, mahse, ngun taka
ngaihtuahin Serkawn tih lang ngeiin kan address
hi kan pe thin tur a ni. Ho viau-in lang mah se a
pawimawh tlat. Serkawn hi engnge ni? tiin inzawt
ta ila, Serkawn chu khua/veng pakhat a ni a, a
chhungah Vengthlang, Chdk, TUV, Serkawnphei,
Ramzotlang, Melte, Khawiva, Saitlakkham, Saisih etc,
hmun pawimawh hrang hrang a awm, a khawi mah
hi an Serkawn bik hlur lova, an zavaia
infinkhawmin Serkawn hi an siam a ni.
Vengthlang, Ramzotlang ti tein insawi thin mah
ila, zau zawk leh official-a kan hman tur kan identity chu Serkawn a ni.
A thu hrimah tam tak hi chuan hre reng
chungin kan tilui te pawh a ang. Serkawn
huamchhung khawilaiah emaw awm ve duh reng
si, mahni awmna veng bil/kawtthler hming chauh
pu duha, Serkawn nihna pu duh lo (zahpui ?) ho
hi Serkawn khua leh tui tha an ni theih angem?
Entirnan, Serkawn Vengthlangah i awm duh a, i
awm a nih chuan inti vengthlang lovin Serkawn
ni mai rawh! Serkawnphei khua, TUV khua,
Vengthlang khua, Chirhdiakkawn khua,
Ramzotlang khua, Melte khua, Khawiva khua ni
lovin, Serkawn khua i ni dial dial ang u.....
Veng a zau tawh lutuka a Serkawn vek
theih tawh loh ti kan awm em? Manchester khua
hi khawpui lian lem lo tak a ni thin. Mihring an
pung zel a, an khaw daifemah khawpui zauh nan
Greater Manchester an din a. A khaw hmun hluia
awm an ni emaw greater lama awm an ni emaw,
chumi piah lamah pawh Manchester hming an
la pu zel thei tlat. An khaw tihmingthatu ber
pakhat, Manchester United FC ngei pawh hi
Greater Manchester pawn lam daiha awm a ni,
mahse an la Manchester vet vet khawp mai. Keini
veng, zingkara U Mawitea ten kea an fanchhuah
tham lek hi kan inpumkhat thiam lo a nih chuan,
chhuanlam dang vak a awm thei lo, kan inenfiah
a ngai a ni....

CLEAN
SERKAWN

Branch YMA,

Serkawn :

Kartin

Chhuak

Page 2

YMA CHHANG PUAL

RAWNG PENCIL (CRAYON)
Crayon hi engnge a nih kan hre theuh ang a.
Rawng pencil/Pencil rawng te pawh kan ti thin.
Naupang atanga puitling thlengin a awmdan leh nihna,
leh a hmanna chu kan hre theuh awm e.
Vawikhat chu lemziak thiam pakhat hian ram lem
(scenery) mawi tak a ziak a, rawng chi hrang hrang mawi
tak tak, a sen, a pawl, a hring, a buang, a eng etc te chu a
hmang kual a, a ram lem ziak pawh a zo dawn hnai ta a.
A lemziak chu a mawi khawp mai, rawng chi
hrang hrangte chuan anmahni lanna laite chu enin Khilai
khi keimah, khi khi nangmah an inti tawn a, an hlimin
nuam an ti em em a. Chu milem mawi tak chu khawvel
hmuhah phochhuah an la ni dawn a, a nawm dan turte
an sawi nak nak a.
Chutih lai chuan rawng langsar lo tak, rawng
mawi lem lo tak hi chu rawng pencil bawmah chuan a
awm ve a. Chu rawng pencil chu lemziaktu chuan
vawikhatmah a la hman ve lo avangin chu pencil chu a
lunghnurin a thiante aia pawimawh lo bik niin a inhria a
ni. A thiante lah chuan chutianga tel ve lo chu an hmusitin
an nuihzat hial a ni.
Tichuan lemziak chu mi hausa tak hian lemziak
mawi ber berte phochhuahna (exhibition) a phochhuah
atan manto taka rawn lei tumin a rawn kal ta.
Lemziaktupa nen chuan rei ngial an indawr a, mahse, a
tawpah chupa chu lei lovin a kalbo leh ta a. Lemziaktupa
chuan a lemziak chu engvanga duh lo nge an nih tih hriat
tumin a han en nawn vang vang a, tih hmaih palh pawi
tak a lo nei a ni.
A lemziaka a kil kar leh a khawimaw laite chu
rawng pakhata tih thim deuh ngai te, han nul that deuh
ngai te, a lo awm nual mai a. Chu a thil hmaih pawimawh
tak siamthat nan chuan rawng dang zawng zawng chu
an hmantlak ta miah lo, rawng mawilo bik leh a la hman
ve miah loh rawng chu lachhuakin a lemziak tih famkim
nan chuan a hmang ta zawk a. Tichuan, a lemziak pawh
chu a hmaa a man aia to daihin a hralh thei ta a ni.
Mite zingah pawimawhna nei miah lo leh langsar
ve lovin i inhria a ni thei. YMA, TKP Kohhran leh
khawtlang-ah te pawh i thiante aia langsar ve lo angin i
inhria a ni maithei. Zai/ lam leh inkhelh i thiam lova,
musician i ni lova, lehkha thiam tak i ni lova, i thiante
aiin i hmeltha lovin i hria a, i hausa lova, hotute leh
hruaitute hriat leh duhsak te pawh i hlawh rih lo hiala i
inhriat chang i nei a nih pawhin lungngai suh....
I nunphung hloha nunkawng dik lo i zawh a nih
ngawt loh chuan, chak lo leh nep tak anga i inngaih lai
khan khawilaiah emaw chuan mamawh lian ber i la ni
dawn. I tel lova famkim theih miah lohna hmun hi chu a
la awm ngei ngei dawn a ni. Chhungkua, khawtlang leh
Kohhran te, kan ram hian a mamawh ngawih ngawih
hun che a la thleng ve dawn alawm....
Pathian hian chhan (reason) nei lovin tumah a
siam lo. Nangpawh chhan neia siam i ni e. Tunah mite
rawng duh ber leh tangkai ber i ni hrih lo a nih pawhin
i hun a la herchhuak ve ang a, Pathianin kutchhuak,
lemziak mawi tak, khawvel leh a chhunga awmte zingah
hian i pawimawh hun a la awm ang, a mawina leh thatna
ti famkimtu pakhat i la ni dawn a ni. Chhan tha tawk
neia siam i ni a. Nangmah pianchhuah tirtu hian i tan
ruahmanna fel tak a nei tih pawm ngam ang che.

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No. 058, the 12th March, 2016 : Darthlalang Chanchinbu,

MI THINLUNG HNEHTU VRS

KAWL RENG THEITU
Thu leh hla thiam Louis Fischer khan Mahatma Gandhi kha mipui hmaah hetiang hian a
hmelhriattir (introduce) a:

Hei hi Mahatma Gandhi a ni, amah hi mite thinlung

hneha vawng reng theitu mihring a ni
(Here is Mahatma Gandhi, he is the human being who
can win ones heart and keep it) tiin a mite a
hmelhriattir a.
He inhmelhriattirna/ introduction hi a mawiin
a ropui khawp mai. Mi thinlung hneh nge har kawl/
vawn reng tih hi ngaihtuah tham a tling a ni. Zau tak
phei chuan kan sawi hman lovang. Kan khawtlangah
mai pawh hian han ngaihtuah la, mite rilru hneh mai
hi chu thil harsa vak niin a lang lem lo. Hneh han tih
hian a lo fel viau mai, mi tha tak a nih hi tih mai tura
awm hi chu a harsa vakin a lang lova. Serkawn atang
hian hmun dang daihah pawh han awm la, miten
mi pangngaia an ngaih ve mai tura awm a, mite
thinlung hneh deuh mai hi thil harsa a ni hran lo.
Hruaitute atang hian en ta ila. Thenkhat, Hei
ngei hi a nih hi ti-a miten an ngaih ropui em em, mi
thinlung hneh em em, mahse kumkhat emaw lek hnua
Ani ve mai mai hi chu.... tia an deusawh zui leh tak
mai mai te pawh an awm ve thin. Sawisel pawh
thiang lova kan ngaih te kha, hun tlemte a lo liam a,
kan rel bur ni chho ve leh thei. Hei hi mipui lam rilru
le loh vang ngawt a ni bik lo, khang mite, kan
ngaihsan ber berte khan an awmdan leh an chetdan
atangin kan thinlung an hneh tirh lai ang khan an
vawng reng thei bik lo tihna a ni ve thei. Thenkhat, a
tira kan duh lem loh leh hruaitu tlaka kan ngaih vak
ngai loh, hun a rei tulh tulh a, an thatna leh ropuina
kan hmuh a, kan duh tulh tulh te pawh an awm ve
thung. Heng mite hi chuan a tirah mi tam tak hneh lo
mah se an hneh sa an vawng reng a, an hneh zau
tulh tulh thin a lo ni.
Hruaitu dinhmun atang kher lo pawhin han
chhut vang vang la, khua leh tui i nihna atang hrim
hrim pawh khan, miten khua leh tui tha, pawisawi
lo leh hnawksak lo tak nia an hriat tur han nih mai
chu a harsa lo, nih reng erawh chu a harsa a ni.
Chuvangin kan nunhona leh khawtlanga mi chi hrang
hrang kan chenhonaah hian fimkhur taka kan kal
thiam a pawimawh a, mi thinlung kan va hneh pup
pup thei kher lo a nih pawhin mi thinlunga kan lo lan
mawi vena te hi, a lo chuti/ khati tia min paithlak
lehsi na tur awm lo thei ang berin, a theih chin chinah
vawnhim kan tum tur a ni.
Mi thinlung hneha vawng reng theitu ropui
ber chu Isua Krista a ni. Ani chuan danglam lovin mi
thinlung a vawng reng a, a thatnate, a felna leh a
ngaihdamnate a danglam loh avangin mihringte tan
zui tlak, belh tlak a ni a, a ni reng dawn bawk a ni, a
zui tam apiangin an hrechiang. Amah ang chu ni thei
ngai dawn lo mah ila, Kristian Nundan Tha
Ngaihsangtu YMA memberten hei hi Isua Krista
atanga kan zir tur neih pawimawh tak niin a lang....
Mi engzat thinlung nge i hneh theih tih ai mahin
engzatnge i kawl that theih tih hi a pawimawh a nia....

Branch YMA,

Serkawn :

Kartin

Chhuak

Page 3

ZONUNMAWII
(AN IDEAL MIZO LADY)
Tunlai tawngkam takin Zonunmawii hi ka star
a ni! ani chuan ka star tih pawh a hre kher lo ang,
keimah ang tho a ngaizawngtu leh star tu pawh an
tam. Khawtlang hriat meuha starte hming han sawi
chu mi a ni leng tan lo chuan a tih hian a tih chi loh
hrim hrim, mahse a ni hi zawng at pui tham a tling
reng a tin ni!
Mi tam tak chu mahni hming pu zo lem lo tak
hi kan tama, Lalfela tih hming pu fel hauh si lo te,
Lalngaihsaka tih hmingpu Pathian ngaihsak reng reng
lo te kan tam mai, Zonunmawii erawh hi chuan a
hming hi pu zo ah ah tak a ni. A hming hi thumal
pathum in a siam a ni a, thumal pahnih angah pawh
a ngaih theih e, kei chuan pahnihah ka then sak,
ZONUN tih leh MAWI tihin, a hran ve ve a thlur bing
dawn pawhin he thumal pahnihin a ken leh a kawh
hi chu a hlen chhuak vah vah hle a..ti hian ka han
sawi ve na a, dik tak chuan ka tawngkam thiamin a
hril chhuak zo mawlh lo ve.
A inti sap miah lova, a inla Korean hek lo. A
rualpuiten korean fashion an uar laite, Lady Gaga an
entawn sup sup lai pawhin a ni erawh a principle-ah a
chiang, Mizo nina na na korean ang nih a tulin a hre lo
a, Mizo nula nina na na, sap nula anga awm a tulna
lah a hre hek lo. Mizo nula takin a awma, a inti Mizo
hle a ni. Suk leh sum inlaichinna hi a tul hunah chuan
thiltihin a lan tir thei mai zela. Tui a chawi thiama, masi
chhang ban tur leh hunpuia ei tur chhangban den pawh
thiam tak a ni. A chhangban den chu a tui bik thin riau
lehnghal. Buh thlei a thiam nala, chhemthei mawina a
pawh pha tlat bawk.
Ar a lawi thiama, mite ngaiha tul lemlo puan
tah pawh zu han thiam lehzel a mawle. Ka ngaihsan
em em na chhan pakhat chu mizo lam hrang hrang
nal taka a thiam kim vek hi a ni. Hip-hop beat leh R&B
rimawi ruala kan tunlai thangthar nulate an insawi
thiam em em laia kan zozia, zonunmawiin a ken tel,
lam mawi tak takte an thiam leh si loh lai hian,
Zonunmawii hi chuan nal takin a thiam vek a ni. A
lam han intheh vel an hmuh hi chuan kawmthlang
Pu Hrawm-a te pawh an khi vun vun zel mawle.
A hawihhawma, a zawm thaw lova, a duh
apiang ngam bawrh bawrh chi a ni hek lo. Naupangte
hi an nih angin a chhawn chhaih thiama, puitling, nu
leh pate biangbiak a thiamin, pitar leh putar tante hian
a ngainatawm thin em em a ni. Tlangvalte star rawn a
ni a, fapa nei nu leh pa apiangin mo atana an awh
rawn a ni a. A nula puite entawn ber a ni bawk.
Thawmhnaw brand leh, tunlai tawngkam taka
Ori takin a inchei hi ka hmu mang lo, thawmhnaw mawl
te te hi a ha tlangpuia, mahse a nalh em em reng tho
mai. A vawk chaw chhum lai pawh hi, veng chhak nula
lepler ve tak Pian-i te inchei ai pawhin nalh ka tiin mawi
ka la ti zawk. Hetiang a engtik lai pawha a nalh reng
thei hi eng dang vang a ni lo, a nungchang hian a zir
em vang a ni. A nungchang mawi tak hian thawmhnaw
man tam leh tha aiin a nun leh a lan dan hi a cheimawi
em em a ni.
Ruaithehnaah in tih no kual vel tum avangin
thirfian a hmang kher lo a, kutin a bar maia, a nalh
leh em em tho a, a nu em em tho a, a changkang tel
tho bawk mawle! zing dar 7:00 a.m ah Veng chhak
phek lehlamah chhunzawmna....

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No. 058, the 12th March, 2016 : Darthlalang Chanchinbu,

ZIRNAKAWNGAINFUIHTHARNA
Vawiina kan thupui hi theihai rah nena
tehkhinin kan sawi dawn a ni. Theihai kan duhna
chhan ber hi a thei (pulp) hi a ni. Theihai rah chhan
(reason) hi mihring leh ran te ei atan mai ni lovin
theihai kung dang siamchhuah leh hi ni zawkin a
lang. Chutianga a lo awm theih nan a kawr hian a
tuam him a, a kung atanga a tlak huna a chi rawn to
chhuak lo chawmtu atan a tak (pulp) a awm leh a. A
chhungril berah a chi chu a awm a ni. An pathum
hian an pawimawh theuh a ni.
He theihai rah ang hian zirna lama kan lo tiah
a, kan than len a, kan lo par a, kan lo rah ve theih
nana thil pawimawh tam tak zinga a pawimawh zual
pathum chauh kan sawi dawn a ni.
Pakhatha-A Pil:
Zirana kawnga min vawnghimtute hi Pathian
venhimna, nu leh pa, khawtlang leh Kohhran te,
school leh zirtirtute hi an ni. Zofate zinga kan mithiam
hmasate khan khawtlang leh Kohhran an bel tha em
em a. Mi hlawhtling tak tak, IAS Officer te pawh an
chhuak hnem thin a nih kha. Nursery atanga university thlenga kan zirtirtute tel lo hian pawl engzat
thleng nge kan zir theih ang? Khawtlang nun khalh
ngiltu tha awm lohna khuaah hian mifing, pa rawn
tlak, lehkhathiam an chhuak tam tak tak thei lo.
Kan vengah school naupang/ zirlai, Pathian
zahna chang hre lo, Biak In pawh pan ngai lo, Biak In
chhunga awmdan pawh hre lo kan pung tual tual em?
Nu leh pa thawhchhuah ring, an thu zawm duh si lo
hi kan tam tawh viau lo maw? Mahni school leh
zirtirtute zahna nei lote hi awm ta lo ila, zir zawh hmaa
school bansan (drop out) hi a ngah ber veng pakhatah
min chhiar hauh lovang. Kan khawtlang hruaitute
hruaina ang te hian awm ta theuh ila, Kumpuan Committee te hi an awlthawng deuh ngei ang.
Pahnihna - A Tak:
Zirlaite zirlai kan nih hriattheihna ber chu
school, college leh university te hi an ni. Theihai pawh
i lung ti awitu ber chu a tak, pulp a nih avangin a
peng dangte pawhin uluk takin an chawm thin. Keini
pawh helai stage-ah hian kan awm a, Kohhran leh
khawtlang, nu leh paten min chawm rawn a ni.
Tunlaia zirna in -school leh college nuam ti lova
chhuahsan ho hi mi khawngaihthlak an ni. Hengho
hian kawm chianin ruih takngial pawh nuam an ti
chuang bawk si lo. Theihai rah la hmin lo, hmin ang
maia eng ve piat ang hi an ni. Theihai nen an inan
lohna erawh chu theihai hetianga awm chu hmin tak
tak turin siamthat theih a ni tawh lova, Point of No
Return a thleng tawh a. Kan unau school banga
ruihhlo lama tlan te hian Point of No Return hi thleng
emaw an inti fo thin. Anni hi chu chutiang an la ni
lova, siamthat theih, la hmin leh thei an ni.
phek 3-na chhunzawmna....
nula Kawl-i te an la zan lai tluk tluk laiin Zonunmawii
erawh hi chuan kan hneha tho leh Nazareth Tlangval
hniakhnung zuiin hma takah a tho chhuak daih tawh thin.
Zonunmawii, ka duhna tizualtu ber chu Pathian
tih mi a nihna hi a ni. Tuk tin fianrial hmang mi a nihnate,
a rin Pathiana innghat mi a nihnate hian min hneh
takzet a, hei hi amah star lo thei lova min siamtu leh,
inthlahrung tak leh hreh tak chunga he thu min ziah tir
tu hi a ni!

Branch YMA,

Serkawn :

Kartin

Chhuak

Page 4

PANGPAR
Pangpar mawi tak tak, chi hrang hrang kan nei e.
Chhiatni thatni ah pangpar engtiklai pawhin kan
khawi sak thei. I duh ang thlapin kan lo khawi sak
ang che Min lo dawr ve rawh le.

Vanlalmawizuali
Ph No. 9612844007
URBAN DEVELOPEMENT OFFICE

DISTRICT DEVELOPEMENT & POVERTY

ALLEVIATION DEPARTMENT
HRIATTIRNA
UD&PA Department Lunglei hnuaia
sumdawnna leh thil siamna Licence neitu (Licence
Holder) zawng zawngte chuan kum 2016-2017
chhung atan Dt 31.3.2016 ral hma ngaiin UD&PA
Office Lunglei Chanmari BCM Biak In opposite ah
Licence renew vek tur a ni. Hun tiam chhunga Licence renew lo te chu an chung ah action lak a nih
pawhin an sawi buai thei lo ang.
sd/ALBERT VANLALLIANTLUANGA
District Urban Developement Officer
Urban Developement & Proverty Alleviation Department
Lunglei, Mizoram
#
Internet hmanga thil zawnna lar tak Google
atanga thil zawn tam ber chu Interesting Facts tih hi
niin hriat a ni a, googles enkawltute sawi danin he thu
hi thla tin vawi Nuai 30 vel google hmangin zawn ziah
a ni. Tuna kan YMA Chhang Pual lawrkhawm pawh
hi hemi keyword hmanga kan zawn hmuh hi a nih hi.
#
Naupang leh puitling tan pawha hmuhnawm
en tur tamna leh khawvela hmun hmingthang leh
tlawhtu ngah ber pawl Disneyland-ah leh a chhehvel
hnaiah hian Chewing Gum an zuar miah lova. A
chhan chu naupang tlawhtuten an chewing gum an
paih mai mai chuan a tlawhtu dangte tan leh
enkawltute tan harsatna a siam nasat vangin a dintu
Walt Disney-a khan a khap a ni.
#
Mi pangngai hian nitin samzai 50 - 100 vel kan
thlauh (kan lu atangin a tla) ziah a. Mak angreng deuh
chu mi tinin hetiang zat sam kan thlauh hian kan
khawlai leh inchhungte leh puipunna hmunah te hian
samzai/sam nawi awm niai nuai awm tak a ni.
#
Rhyme tih awmzia kan hre tawh em? Thumal a
thluk inang tlang ti mai ila, entirnan tone, lone, bone,
cone, one etc te hi an rhyme a inang tlang a. Lake, take,
make han tih te hi rhyme thuhmun an ni leh ang....
English thumalah hian Month (Mizo Tawnga Thla
kan tih) hian eng thumal mah rhyme pui a nei ve lo niin
hriat a ni a, saptawng thumal dang saptawng thumala
rhyme pui nei miah lo hi a awm lo niin hriat a ni.
#
Hartsdale, New York-ah chuan Ran Thlanmual
an nei a, Pets Cemetry tiin an vuah. He Pets Cemetryah hian ran 12000 aia tam an phum tawh nghe nghe.
Keini ramah chuan pa titi thiam deuhte chuan mikhual
vannei deuh leh ar talhtu ngah deuhte hi Ar Thlanmual
tiin an sawi fiam thin...

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies