SANDIWARA NATAL

PESTA NATAL DI TANO Komunis

============================================

Pelakon:
1. A. Hasiolan
2. Hasiolan
3. Fidelis
4. Perfidus

5. Suru-suruan Rafael dohot tolu Suru-suruan na asing

6. Pastor, Bruder, angka donganna
7. Dua (2) Polisi Komunis

B AB AK I
Pemandangan:

Sada jabu. Di bagasan modom amani Hasiolan dohot anakna, si Hasiolan.

Hasiolan:

(Dungo ibana, ala adong sinondang na tompu-tompu tolu hali. Longang ibana
huhut dipiu-piu simalolongna). Amang.... Amang... (A. Hasiolan ndang olo dungo.
Ndang dibege ibana jou-jou ni anakna. Mata ni si Hasiolan lulu-lulu.... sian dia
haroro ni sinondang na menghehei ibana).

A.Hasiolan:

(Tarsonggot hehe) Aha i Hasiolan, adong ro jolma? (Mamereng humaliang). Na

marnipi do ho?

Hasiolan:

(Dung sip satongkin, tarsongon na naeng tangis). Amang... nunga diboan inang
sian hurungan. Dirante do tanganna duansa. Nunga diboan ibana tu tano lapang,
pasiak-siakon ni Palisi, jala pamateonna oma di si.

A.Hasiolan:

(Marsak) Ah... sai na godang do hatam Hasiolan. Sian dia dapot ho kabar
sisongon i? Borngin do nuaeng (huhut diapo-apoi simanjujung ni anakna). Nipim
do i anakhu, modom ma hita, unang sai susa ho dibahen nipim i. Ndang tutu i.

Hasiolan:

(Nanget-nanget mulai modom muse, diulosi amana ibana).

A.Hasiolan:

(Modom mandongani anakna. Hundul muse, dung renge anakna. Mansai marsak...
tumatangis... hehe mambuat silang sian peti-peti... Marsinggang, martangiang:)
Jesus, Ho do nampuna hami. Tu Ho ma husombahon hami diri nami. Jesus, ramoti
ma hami, Amin. (Dipaulak silang i. Modom muse dung mamereng dompak anakna
na renge i. Dung renge A. Hasiolan, ro muse sinondang tompu-tompu lima hali).

Hasiolan:

(Hehe, sinondang tolu hali nari ro tu bohi ni si Hasiolan huhut mamulos-mulos

simalolongna... mabiar... mamereng humaliang... marsurak) Amang....!!!
Amang....!!!

A.Hasiolan:

(Tompu hundul umbege jou-jou ni anakna. Dihaol anakna na manggirgir ala ni

biarna... Dung so mabiar be anakna i) Aha dibereng ho Hasiolan? Boasa mabiar
situtu ho? Adong hansit dihilala ho? (Huhut manjama pardompahan ni anakna)
Songon na somal do mohopna.

Hasiolan:

(Huhut gagap) Aaa...mmm... mang, nnn...nu..nga dipamate dainang. Digotap

rungkungna, ala so olo ibana mansoadahon ugamo na sintong i. Hubereng do
amang! Amang, nunga mate dainang.... (tangis si Hasiolan).

A.Hasiolan:

(Tarilu-ilu) Ah, Hasiolan, unang sai dipaolo-oloi ho nipim. Nipim do i anakhu.

Ndang mate inang pangintubum. Pos ma roham, Tuhan do donganta. (Diapo-apoi
anakna, diabing jala dipareak tu podomanna). Modom ma ho anakhu, unang sai
digugai nipi na jorbut i ho. Bagas dope borngin. Pukul tonga tolu dope. (A. Has.
modom muse, dungi hehe muse... tumatangis, dibuat silang sian bungkusan,
marsinggang, diumma silang i, martangiang:) O Tuhan, Ho do parmahan nami,
sotung ditadingkhon Ho hami, ramoti jala jama hami (modom muse).

Hasiolan:

(Tongkin nari ro sahalak suru-suruan. Disalimuti suru-suruan i bohi ni A. Hasiolan.

Dungi dijonoki podoman ni si Hasiolan jala didungoi si Hasiolan. Si Hasiolan
tarsonggot huhut marsurak:) Amang..!!!! Amang...!!!

Suruan :

Sssssttttt.... !!! (Huhut diambathon jari-jari situmuduna tu pamanganna.)

Hasiolan:

Eh.... golap na i...( huhut mabiar mamereng suru-suruan i. Suru-suruan i laho

ndang tarida. Hasiolan songon na naeng marlojong, tompu jong-jong) Ndian do
dainang.... inong.... inongoiiii..!!!

A.Hasiolan:

(Songgot hehe) Ah, nipi siburiapus i. (Dijonohi anakna, ditogu nanget) Ndang di si
inong, Hasiolan. Di hurungan do inongmu. Sai idaonta doi muse, unang mabiar
ho! Tuhan do donganta.

Hasiolan:

(Manjua-jua) Ndang amang, ndang na marnipi ahu. Tutu do na hubereng on.

Niadu do dainang. Martata suping do ibana dompak hita. Ida ma amang, nian do
oma (Huhut manudu...).

A.Hasiolan:

(Manatap dompak na tinudu ni anakna. Dipamanat mangida) Ndang adong.

Hasiolan:

Ida ma bapa, hundul do oma nian. Godang do donganna. Uli-uli do pahean nasida
sude. Santu Josep do donganna sabangku. (Musik: Tuhan do marmahan ahu....
dst. halus. Dipatinggil pinggolna. Bege ma bapa... marende do nasida.
(Dipatinggil pinggolna) Ndang hubege Hasiolan.... O Tuhan, aha do ulaning na
hubege hami on? (Musik habis).

A.Hasiolan:

Hasiolan:

(Lungun rohana) Ndang tarida be oma, Bapa!

A.Hasiolan:

(Songon na marsak) Marsinggang ma hita anakhu, martangiang ma hita.

(Marsinggang si Hasiholan, amana mambuat silang, diumma silang i huhut sai
dibereng si Hasiolan. Diumma si Hasiolan silang i, dungi dipeakhon silang i di jolo
nasida.) Jesus, husomba hami do Ho. Ala ni i Jesus, tu ho ma hupasahat diringku,
tu Ho ma hupasahat anakhu na sasada on, tu Ho ma hupasahat inana, namansai
huhaholongi hami... Ah, Jesus... tutu do na niida ni anakhon??? Tutu do ende na
hubege hami tongkinon? Amen. (Tu si Hasiolan) Nunga loja ho anakhu. Saborngin
on holan na susa dibahen nipi pargabus i. Beta martapian ma hita jolo, unang
magalehu dagingmi. Nunga timbo mataniari. (Laho, huhut marpingkir-pingkir jala
lungun).

Pemandangan:

Songon babak I. (Ndung sae maridi, Hasiolan paturehon podomanna)

A.Hasiolan:

Ro ho anaha, asa husuri obukmi.

Hasiolan:

Ah, ndang porlu marsuri ahu. Jempek dope obukhu (huhut diapus uluna,
ditorushon mangalipat salimutna).

A.Hasiolan:

Ah, roa hubereng molo so marsuri. Ro ma hasian, asa husuri. (Hasiolan ro, huhut
dipadompak sormin tu bohi ni anakna) Bereng ma ne, da nunga uli...?? Pature ma
lani podomanmi. ( Tanda dope marsak A. Hasiolan, tompu ro sahalak doli-doli.)

Fidelis:

Horas amang boru! (Tarsonggot A. Hasiolan dohot si Hasiolan).

A.Hasiolan:

Oh... horas Fidelis (huhut didapothon). Songon na sogot ma langkam, aha kabar
diboan ho...?

Fidelis:

Ndang adong khabar amang boru, na manungkun barita do ahu umbahen na ro.

A.Hasiolan:

Manungkun kabar? Ba sian dia ma dapotan barita hami di jabu on, ai so hea ro
manang ise tu son...

Fidelis:

Tutu do naung Komunis si Perfidus...?

A.Hasiolan:

(Dung marpingkir satongkin) Tutu, aha huroha di si?

Hasiolan:

Toho do Fidelis, na burju hian do ibana nian marugama, alai... nuaeng nunga tung
sega ibana...

Fidelis:

Hubege baritana, ibana do na manjehehon namboru parjabuon. Ibana do

mangaduhon tu polisi ni Komunis. Tutu do i amang boru???

A.Hasiolan:

(Unduk satongkin) Tutu do Fidelis, alai.... ah....

Hasiolan:

Di dia si Perfidus nuaeng, Fidelis? Adong dope harapan mulak burju ibana?

Fidelis:

(Holan dibereng si Hasiolan, ndang olo ibana mangalusi) Jadi boi do hasipponon i?
Pasombuon sambing songon i?

A.Hasiolan:

Ndang huantusi dope maksudmu Fidelis. Jadi?

Fidelis:

(Dohot soara na gogo) Molo olo ho amang boru, asa balasonta...!

A.Hasiolan:

Ah... Fidelis, unang magogohu soaram. Sotung adong na umbegesa, gabe dohot
ho dialuhon tu polisi ni Komunis...

Fidelis:

Anggo saonari, ndang mabiar be ahu tu polisi... Sai habiaran ma hape angka jolma
ulok... gari angka jolma na burju do so nihabiaran... ba lam ma polisi ni Komunis.
Ulaonna pe holan na so hasea do: manangko, mangalelei sude parugamo...
mamunui...(huhut muruk). Jadi boha do sautna amang boru?

A.Hasiolan:

(Longang) Ah... aha do huroha maksudmu Fidelis? Laos so huantusi dope?

Fidelis:

(Diondolhon gogo) Ingkon pamateon ibana!!!

A.Hasiolan:

(Tarsonggot) Ise? Si Perfidus??? Pamateonta???

Fidelis:

Olo!!!

A.Hasiolan:

(Mangupir) Ah... Fidelis, unang ma adong pikkiran si songon i di bagasan roham.

Ndang parrohaon ni sahalak Kristen songon i, Fidelis. Dumenggan an ma
tatangiangkon ibana, asa anggiat mulak burju.

Fidelis:

Sai tangingkonon dope jolma si songon i??? Mabaor ma i. Tumagon an ma

nidabuhon i tu tao bolak an manang binolokhon tu binanga i. Gari angka dongan
do ndang tinangiangkon.

A.Hasiolan:

Naung lupa do ho di parenta ni Tuhan na umbalga jala na parjolo i?

Fidelis:

Huboto do amang boru. Godang dope huboto parenta ni Tuhan i. Huboto:

ditompa Debata do jolma tu hasiangan on, asa sude jolma i pasangaphon Ibana.
Hape, tabereng ma, gumodangan do jolma na so pasangaphon Tuhan i. Gariada
tahe adong na mangaleai. Ndang tama mangolu jolma si songon i di tano on,
ndang i amang boru?

A.Hasiolan:

Tutu do na nidok mi Fidelis, alai lupa do ho diparenta na umbalga i. Di dok

Tuhanta do: "Ingkon haholonganmu do musum, jala ingkon tangiangkonnonmu do
angka halak na mangelelei hamu."

Hasiolan:

Tutu do i Fidelis, dainang na hinan pe nunga hea didok tu ahu songon i.

Fidelis:

Ah, malambokhu do parrohaon ni Kristen sisongon i. Nunga sai dilombuti annon

tanggurung niba, sai tangiangkonon dope ibana. (Mangupir) Ndang masuk dope
tu hutok-hutokku parrohaon sisongon i. (Tu A. Hasiolan) Molo songon i,
pasombu ma ahu mangurus i amang boru... horasma... (laho ibana).

A.Hasiolan:

Manat-manat ho Fidelis sotung gabe dohot ho tartangkup.

Fidelis:

Olo, tong-tong hian do au sai manat-manat. (A. Hasiolan mangupir huhut

mamereng si Fidelis).

Hasiolan:

(Dung laho si Fidelis) Songon na murukma si Fidelis i ate, bapa. Tutu do na laho
pamateonna ulaning si Perfidus i?

A.Hasiolan:

Martangiang ma asa unang dipasaut sangkapna na jorbut i, Hasiolan. Ai songon i

do angka naposo, sipata magirahu gur-gur mudarna marnida hasalaan ni
donganna. Na burju do si Fidelis i. (Tompu ro dua halak polisi marpistol masuk tu
jabu. Tarsonggot A. Hasiolan dohot si Hasiolan, dungi jong-jong nasida).

A.Hasiolan:

(Hormat situtu) Horasma di bapa i, songon na sogot ma langka ni bapa i. (Polisi

na sada riting bohina) Tu jabu ma hita manghatai. (Dua polisi torus sip huhut
diihuthon A. Hasiolan tu jabu) Hundul ma bapa i (huhut dilehon hundulan).

Polisi II:

(Muruk situtu) Ndang naeng hundul hami umbahen na ro tu son, diboto matam
do???

A.Hasiolan:

(Sip satongkin) Ndang hudok amang naeng hundul umbahen na ro hamu, asa
sonang do hita manghatai taringot tu haroro muna on.

Polisi II:

Ba sai diajari ho dope na matua (mansai muruk). Ndang porlu sai sungkunsungkunanmu haroro ni halak...

A.Hasiolan:

(Muruk saotik..) Ba hea do i amang. Molo ro dongan tu bagas niba, nda tama do
sungkunon? Asa binoto mangurupi molo tung boi, i do alana umbahen na
husungkun haroro muna.

Polisi II:

(Polisi I tarburju, ndang muruk berengon) Songon na barani ma baoan

manghatai... na so ditanda ho do manang ise na ro on?

A.Hasiolan:

Tutu do ndang hutanda dope hamu amang... alai tarida tangkas polisi do hamu...

Polisi II:

Sip babami... unang sai ambati halak manghatai. Na dirimpu ho do nuaeng

donganmu hami on? Huhoto hami do tangkas, Katolik do ho (diondolhon) jala
songon naung binotom tangkas, ndang hea mardomu Katolik dohot Komunis. On
ma polisi ni Komunis asa tandaonmu!!!

Hasiolan:

Polisi Komunis do manangko inong nami... na jahatan do nasida. Dipamate nasida

do dainang ala so olo mangaleai ugamo Katolik. On do na manangko dainang i
5

amang??? (Tu polisi) Hamu do na manangko dainang i polisi? (Tamba muruk

polisi i).
Polisi I:

(Tu si Hasiolan) Na so mabiar do ho mamereng on? Hutembak ma ho? (Tu A.

Hasiolan) Hutembak ma anakmon? (Huhut diondam baba ni pistol i tu si
Hasiolan).

A.Hasiolan:

Unang raja nami, sombakhu (Huhut dihaol anakna na mabiar i).

Polisi II:

(Ditiop tangan ni si Hasiolan naeng saratonna huhut didok tu A. Hasiolan) Songon

i do ajarmu tu anakmon?... Hurang ajar!!!

Hasiolan:

(Marsurak huhut mabiar) Amang!!!!

A.Hasiolan:

(Tamba barani ibana, muruk, jala tompu disongkik polisi II. Hasiolan jong-jong
tardao, mansai mabiar huhut mamereng amana na marbada i).

Polisi I:

(Hatop ditangkap sian Polisi II pestol jala dipadompak babani pestol i tu A.

Hasiolan) Palua... molo ndang hutembak!!! (A. Hasiolan paluahon pongkikpongkik i. Polisi II naeng mambalos, naeng di tinju ibana A. Hasiolan huhut
muruk, diambati polisi I, huhut didok:) Unang ganggu jolo. Rante ma ibana asa
taboan tu tangsi. Di si pe annon asa tabal-bali, jala tabalik-balik, unang somal.

Polisi II:

(Tangan ni A. Hasiolan ditali duansa) Saonari lomongku nama di ho, hutoparhon

ma?

Polisi I:

Beta ma... boan ma ne, annon ma i.

Hasiolan:

(Tangis) Amang.... amang.... amangoi...

A.Hasiolan:

(Dibereng anakna) Beta ma Sihol!

Polisi I:

Unang sai manghatai ho, so hutembakkon ho (muruk). (Tu si Hasiolan), Di son

ho, sotung dohot! Annon mulak do hami dohot amanta. Sotung ditinggalhon ho
jabu on da, sotung ro panangko mambuat barang muna i. Unang tinggalhon jabu
on, alai manat: adong do suruonhu mamereng-mereng. (Hasiolan lam gogo tangis,
A. Hasiolan diboan).

Hasiolan:

(Mansai lungunan... manungkap tu podomanna, tu bantal... tangis tarilu-ilu...

satongkin nari hehe... dibuat sada tas... dipamasuk angka abitna, dungi borhat
haruar... mardalan ndang tontu tujuanna huhut sai tumatangis... mabiar... ranapranap).
T U T U P L AY AR

B A B A K II
Pemandangan:

(Dalan... tangsi ni polisi... tarida mardalan si Hasiolan sasadasa, tompu

monggop, ro dua halak polisi, maradian nasida di lambung ni si Hasiolan
manghatai).

Polisi I:

Nunga tung loja ho? Molo songon i, maradian ma jolo hita di son satongkin.

Polisi II:

Ndang dope loja nian, alai hundul ma hita manghata-hatai (Duansa ndang sopan
parhundul na).

Polisi I:

Boha do bahenonta jabu ni si Hasiolan i. Balga jala uli do ate? Namora do huroha
nasida!

Polisi II:

Tabagi dua mai, jabu i di ho, sude angka barang-barang na di ahu...!

Polisi I:

(Ragu-ragu) Godang do barangna... ai inanta parjabu i hian pe boru ni namora do,

boru ni Bupati Passiun naung gabe Komunis i. Dumenggan ma annon di si
tahatai... mamereng di si ma i. Molo godang do barangna, barang i pe taho di ahu.

Polisi II:

(Mengkel saotik) Antong beta ma, borhat ma hita (jong-jong duansa).

Polisi I:

Anakna i bohama? Barani hian ate, dakdanak songon i umurna nunga tung barani!

Polisi II:

(Longang) Sai hira songon i do hubereng luhut halak Katolik. Tung holan sahalak
pe, ndang adong na parbiar. Dakdanak, angka na matua, doli-doli, gari angka na
marbaju sai hira luhut do parbarani.

Polisi I:

(Diunduk-undukhon simanjujungna) Gabe ahu do sipata mabiar marnida

habaranion ni halak Kristen on. Huroha tangiang na nidok na i do mambahen
ndang mabiar nasida. Dibereng ho do inanta ni si Sihol na hinan? Nang pe naung
dipeakhon podang (raut) tu rungkungna, martata suping dope, jala martangiang.
(Mangupir-upir) Sipata longang do iba. Beta! (Hape Polisi II lupa mamboan pestol
na pineakhon di hundulanna) Di dia pestolta?

Polisi II:

(Didadap sakkuna) Bah... lupa ahu... (hatop dilului).

Polisi I:

(Dung ro polisi II) Dapot do?

Polisi II:

Dapot, hea do i!!

Polisi I:

Ima daba, asa ingot-ingot do iba. I do ngolunta. (Dijalo pestol i) Aut so ala ni on
nunga mate hian hita. Aut sugari ndang adong on na sogot, mate hian do ho
bahenon ni amani Hasiolan i. Ninna rohangku habis hian do hita songkihonna.
(Diundukhon Polisi II, Polisi I paulak pestol) Beta, borhat ma hita, sotung
tarlambat hita annon. (Fidelis ro huhut maniop sada golok, momar simalolongna)
Dungi ro si Perfidus sian jolo, pajumpa nasida).
7

Perfidus:

Horas Fidelis. (Fidelis muruk, Perfidus longang) Na laho tu dia do ho, puang?

Fidelis:

(Muruk manantang) Unang sai sungkuni langka ni halak (huhut naeng disabut
golok).

Perfidus:

(Muruk) Songon na hebat ma baon!!! (Fidelis naeng mansabut golok, Perfidus

mabiar huhut maringkati, dilele Fidelis. Fidelis tarsonggot... so jala mulak. Adong
ro jolma. Perfidus rap dohot dua polisi nangkin mandapothon Fidelis.

Polisi II:

Ro tu son ro!!!!! Stop!!! Stop!!! (Ditembakhon pestolna sahali. Fidelis ro ndang

mabiar, ditiop rautna martungkol gonting.

Polisi I:

(Dijalo pestol) Bolongkon balati mi. (Ditunjangkhon tanganni Fidelis. Fidelis

manganot-noti tolunsa, dipajonok naeng tihamonna.)

Polisi II:

Na laho tudia hian balatimi i ???

Fidelis:
Perfidus:

Laho pamatehon parjehe on!!!

Hupamate ma??? On pe Katolik do on. Songon na muruk ibana ala na gabe
Komunis i ahu. Apala namboru ni on ma inong ni si Hasiolan na baru tapamate i.

Polisi I:

Tole, ikkat tanganna, boan tu tangsi. Di si pe annon tapasiak-siak.

Polisi II:

Beta ma, nunga sae be i. (Fidelis dohot A. Hasiolan diihoti duansa, haruar).

Polisi I:

Hundul hamu na dua di si! Pahatop!!!

Polisi II:

Perfidus, jaga nasida na dua. Mardalani jolo hami. Nion pestol. Molo diuji-uji
nasida naeng lari, tembakhon sambing ma di si, asa mate (haruar nasida).

Perfidus:

(Mangarehei) Boha do puang, tabo ni Katolik i ate. Aga... tabo do Fidelis? Tabo
do amani Hasiolan? On ma daba anak muda ni Komunis... asa tandaonmu. Ndang
hurang manang aha. Hepeng? Sadia porlu, beres! Sipanganon? Sadia habismu...
rade, Komunis i do Tuhan!

Fidelis:

Huhilala dos do ho dohot biang.... asu!!! Biang ni Komunis! Ditanda ho do

biang??? Molo marlapatan tu iba, nilehon mangan. Molo so marlapatan be,
dipajagalhon gabe tambul ni tuak. Diboto ho do, asu!!! Songon i ma ho!!! (A.
Hasiolan mengkel suping).

Perfidus:

(Mansai muruk, diansam si Fidelis dohot pestol).

Naeng hupultakhon ulum i? Ndang diboto ho diujung ni pestol on do hosam?
(Fidelis dionjorhon dohot pestol) (Tu A. Hasiolan) Songon na mengkel babam!!!
Dirimpu ho dope songon na ditingki haposoonmu... lomo-lomom! Saonari

mangakku ma abang tu ahu, nunga boha puang, tong dope uli dibereng ho inanta
parsonduk bolonmi? Didia pardijabumi saonari?
A.Hasiolan:

(Muruk) Hurang ajar, aut sugari ndang ditali ho tanganhon, aga Perfidus... posa ni
hatami puang hu natua-tua!

Perfidus:

Songon na margogo dope huroha baoa na daol-daol on. Mangalo-alo dope

hubereng ho. Huribakhon ma babam i? Saonari diahu do hosam, diboto ho do?

Suruan:

(Sahalak Suru-suruan ro nanaeng paluahon si Fidelis dohot amani Hasiholan.

Amani Hasiolan tompu hehe, longang ibana, tanggal tali sian tanganna. Perfidus
bingung, ditembakhon pestolna alai macet. Fidelis hehe, tanggal tali sian tanganna.
Perfidus lam mabiar, naeng lari, alai garbas, diapus-apus uluna. Ditembakhon
pestolna, alai macet. Naeng dipukkul si Fidelis si Perfidus).
Maporus ma hamu, suru-suruan do ahu. (Fidelis dohot A. Hasiolan maporus huhut
sai manaili tu pudi. Perfidus manembakhon pestolna tolu hali, denggan do.
Longang situtu huhut dibalbalhon pestolna).
TUTUP LAYAR
B AB AK

Pemandangan:

Hasiolan:

III

Golap songon na botari-botari. Adong sada sop-sopo na buruk dohot

bangku-bangku na buruk. Hasiolan huhut mabiar mardalan tu sopo i,
dibuat sada salimut na met-met.)
(Hundul di bangku-bangku jala mulai mondok-ondok. Andorang so modom, huhut
tarilu-ilu:) Among... golap nai amang. Mabiar ahu. Pulut ni rohami ma among
maninggalhon ahu. Tung ro ma annon babiat i... (Modom ibana. Tompu soara
mallutum gogo situtu, hehe dipatinggil pinggolna. Mallutum muse. Hasiolan
marsurak huhut mabiar:) Amangoi.... inangoi... nunga ro babiat among...
Baaaabiiiiaaat... (modom muse).

(Suru-suruan manenter si Hasiolan na modom i tolu hali leleng-leleng. Dung hira leleng
dungo si Hasiolan, hehe dibereng humaliang... mabiar. Marsiberengan nasida).
Hasiolan:

(Marsurak) Inong... Among... nunga ro begu. Begu inong...

Suruan:

Hasiolan.....! Hasiolan....! Unang mabiar ho... ndang begu ahu.

Hasiolan:

Antong aha do ho?... Aha do goarmu?...

Suruan:

Si Rafael do ahu, Suru-suruan ni Debata (dipajonok).

9

Hasiolan:

(Longang) Boo... bo... boasa ro ho? Boo..bo... boasa botoonmu gooarhu?

Suruan:

Inanta do paboahon goarmu tu ahu.

Hasiolan:

Inang?... Inonghu?.. Dainang?... Dainang nunga mate!

Suruan:

Olo... (tompu soara: tar... tar... tar... tolu hali. Dihopos Suru-suruan i si Hasiolan
na mabiar) Unang mabiar ho Hasiolan... na manjou hita do i... Soara ni Jesus do i!

Hasiolan:

Soara ni Jesus songon i gogona? (haruar nasida).

TUTUP LAYAR

Musik: MANSAI SONANG

Suruan:

Olo....!

Hasiolan:

Didia dibereng ho omakku, Rafael?

Suruan:

Di surgo.

Hasiolan:

Di surgo? Dainang di surgo? Bapa diberengho?

Suruan:

Hubereng... (Tompu tarbege soara gogo tolu hali. Dihopos si Hasiolan Surusuruan alani biarna, dungi dipalua) Unang mabiar ho (ditiop abarana) Na manjaga
ho do ahu umbahen na ro. Beta ma tu Jesus, soarana do i. Na manjou ho do Ibana.

Hasiolan:

(Longang) Tu Jesus?... Didia Jesus?

Suruan:

Poso-poso na imbaru tubu dope Ibana, borngin on.. beta ma tadapothon, dijou
Ibana do ho, ale-ale-Na do ho.

Hasiolan:

Di dia tubu Jesus? Dao?

Suruan:

Beta ma tabereng (Ditogu si Hasiolan. Tompu: tar... tar...)

Pemandangan:

Liang hatubuan ni Jesus, dihaliangi tolu (3) halak Suru-suruan. Mula-mula

mansai golap do inganan i, holan suruan na marpahean na bontar i do
tarida. Tarida si Hasiolan dohot Suru-suruan Rafael).

Hasiolan:

Dao dope Jesus i? Nunga loja pathu, ompa ma ahu. (Ndang olo si Hasiolan
mardalan. Musik: Gloria in Exelcis Deo..., dungi sip).

Suruan:

Nunga jonok Jesus i (musik lam gogo, giring-giring halus).

Hasiolan:

(Longang) Aha do i....? Ise na marende i?...

10

Suruan:

Angka Suru-suruan do i. Paboa naung tubu Jesus. Beta ma tu Jesus, nunga

dipaima-ima hita. (Di togu si Hasiolan, mardalan nanget-nanget tu liang)
Marsinggang ma ho Hasiolan!

Hasiolan:

Boasa marsinggang?...

Suruan:
Hasiolan:

Nunga jonok Jesus, marsinggang ma ho. (Huhut diodothon si Has).

(Longang) Ho, boasa ndang marsinggang?...

Suruan:

Ssssttt....! (Tolu suruan pagalakhon lilin)

Hasiolan:

(Tu suruan na tolu i) Ise do i?...

Suruan:

Sssttt.... (Musik: DI BETHLEHEM DO TUBU {tar gogo saotik})

Hasiolan:

(Dipamanat mamereng) Didia do Jesus i?...

Suruan:

(Manudu, musik sip) Martangiang ma ho tu Jesus i, pasangap ma Ibana, dokma

mauliate, pangido ma manang aha na porlu di ho...

Hasiolan:

(Dibereng tu si Rafael) Ndang adong na porlu di ahu.. ho ma mangido!

Suruan:

Ale-alem do Jesus i, dok ma tu Ibana!

Hasiolan:

Ndang diantusi Jesus i, gelleng dope Ibana.

Suruan:

Antusan-Na do i, dokhon ma!...

Hasiolan:

(Ditatap humaliang) Jesus, ale-alengku do Ho (Sip satongkin). Ndang dialusi...

ndang diantusi dope i!

Suruan:

Diantusi do i, Hasiolan. Sude do diantusi Jesus, pangido ma tu Jesus asa ro

Amanta.

Hasiolan:

(Songon na muruk) Ah, boha ma pananda ni Jesus on di damang? Nunga

ditangkup Komunis bapa.

Suruan:

Pangido ma, lehonon-Na do i!!!

Hasiolan:

Boi lehonon-Na Amang?

Suruan:

Olo... boi do...

Hasiolan:

Dainang...? Boi?

Suruan:

Ipe, boi do!

11

Hasiolan:

(Dibereng tu Jesus) Ate Jesus, boi do lehonon-Mu bapangku? O, Jesus, nunga

masihol situtu ahu tu inong, dohot tu amang. (Diapusi iluna. Suruan lao, ndang
tarida. Tangis huhut marsinggang).

(Musik: Tuhan i marmahan ahu... Ro sahalak Pastor, godang donganna rap dohot A.
Hasiolan nang si Fidelis, sahalak Bruder, si Perfidus di pudi. Di pudi nasida mardalan si
Rafael. Sude marsomba ujung tu Jesus, holan si Perfidus satonga marsinggang ala mabiar
tu Jesus. Suruan lao, musik sip. A. Hasiolan manganot-noti Hasiolan, heran anakna do i
manang ndang).
Pastor:

(Hehe, dipaunduk uluna tu Jesus, dungi ninna) Hamu sude donganhu

sahaporseaon, na huhaholongi di bagasan Jesus Kristus na tubu di tonga-tonganta
di borngin on. Tasomba ma Tuhanta, tadok ma mauliate ala olo Ibana manjou hita
tu inganan-Na nabadia on marhite-hite suru-suruan-Na. Mauliate godang ma
tadok tu Jesus, ala olo Ibana manogu-nogu angka donganta sian haliluon ni
Komunis. Gomos ma hita martangiang tu Jesus, Tuhanta na di son. (Pastor
marsinggang dohot natorop, Hasiolan torus tangis).

A.Hasiolan:

(Dipajonok marsinggang tu si Hasiholan, dibuat gombaran ni anakna sian

sangkuna jala dipatudos tu anakna i. Fidelis ro tu lambung ni si Hasiolan,
marsinggang).

Suruan:

(Tarbege soara) Anakmu si SIHOL doi! (A. Has. longang) Si Hasiholan do i.

(Hasiolan longang) Ha... si... ho... lan...!!! (Hasiolan patinggil pinggolna) Nunga
ro amanta... bereng ma tu pudi...

Hasiolan:

(Marsurak jala didapothon) Amang....!!!

A.Hasiolan:

Hasiolan....! (Marsihaolan nasida, lungun.) Ha... si....ho...lan... (Keadaan mati/

seluruh gerakan mati/ tidak ada satupun yang bergerak semua mematung seperti
gerak terakhir, diikuti MUSIK: MANSAI SONANG....)
T AM AT

Direproduksi oleh:
SANGGAR BINA IMAN
Alverna - Sinaksak (1996).

file: komunis

12