VOTE KHIAT DAN

LAMLAHNA

(VOTER EDUCATION)

Compiled
By
Dr. Khen Za Sian
August 15, 2015

A SUNG A THU OMTE

(The Contents)
I. Democracy ------------------------------------

- 1

II. Democracy nam nih ------------------------ 1 - 5

III. Union Election Commission ngimna --- 6 - 7
IV. Commission dinmun ----------------------- 7 - 9
V. Kiteelna leh leitung bup dinmun -------- 9 - 11
VI. Khialhna leh Dan piakna ----------------- 11 - 14
VII. Kiteelna Etcikna (Observation) --------- ---

14 - 19

VIII. Party leh Tangmite ------------------------ 19 - 22

IX. Parliament ----------------------------------- 22 - 24
X. Election Campaign ------------------------- 24 - 27
XI. Vote tang neite leh a khiat zia ----------- 27 - 34
XII. Vote khia theite sazian leh vaisaite ----- 34 - 36
XIII. Vote khiat dan

--------------------------- 36 - 52

LAIBU BAWL CIAMTEHNA

Laibu min
Vote Khiat Dan Lamlahna
(Voter Education)
Published
By
Dr. Khen Za Sian
Tel. 0931-550-340 Email : siakhen05@gmail.com
NRC. 5/Kah Lah Htah (N) 092800
Regd. No. : 2014/00057
Light of Zomi Literature
Khetna mun
Grace Printing House
Regd. No. 2014/11018
No. 141, 35th Street, Kyauhtada Tsp.
A hawmkhia
Impacts@ZoAw
Khet Ni
August 15, 2015
Khet zah
10000

References ()
1. -

2.

3.

4.
5. .
6.
7.
8. Direct Democracy The International IDEA Handbook.
9. International Obligations for Elections Guidelines for Legal
Frameworks.

10. Introducing Electronic Voting Essential Consideration.

11. Electoral Justice The International IDEA Handbook.
12. Voting From Abroad The International IDEA Handbook.
13. Pamphlets Myanmar Electoral Resources & Information Network
(MERIN).

14. Myanmar Constitution 2008

LUNGDAMKOHNA
November 8, 2015 (Sunday) ni in gambup kiteelna om
ding hi, ci-in Union Election Commision in kip sak hi.
Vote khiat dan pen hun beisa a vote khiat dante tawh
kibang lo ding hi.
I piak nop piak khialh ding patau ka hih manin UEC-te
tawh thumvei kimuh khopna ah ka kihel ciangin ei pau
tawh om loh phamawh ding hi, ci-in ka geel ciangin a
kisam laibu tuamtuam leh vai tuamtuam hong vaan pih Pa
Kap Khen Pau (Kapno) huhna tawh Voter Education,
laibu hong piang thei ahi hi.
Laibu draft a kizawh ciangin huhna nget theihna dingin
bu 10 ka bawl a, tua sum bei Ks. 15,000 Pu Cin Suan Mang
in hong vaihawm sak hi. Tua khit ciangin Pu Zo Khai
(Australia) in, Ks. 100,000 tawh hong kithuah pih ning ciin hong khak pah hi. Tua banah Kawlpi ah a om MP Pu Khai
Deih Tuang () in Ks. 100,000 tawh hong huh
thuah lailai hi.
Hih sumte tawh laibu suak zo nai lo ding ahih manun,
Pu Hau Mun Khai bang cih ding cih kikupna ka nei den uh
hi. Ka zaksakna bangun Zomi Innkuan USA, Inc. in, A khet
man beite huh dingin khensat ka nei uh hi, ci-in Dr. Pu Do
Khan Khup (President of ZIUSA) in hong zak sak hi. Tua khit
ciangin sim kim theih dingin laibu hong piang ahi hi.
Laibu hong pian theihna dingin lampi hong geelsak
Topa tungah lungdam thu i ko hi. A pian theihna dingin
Pasian hong zat mimalte leh ZIUSAte Topa in thupha
namcin hong piak sak ta hen.
Lungdamna lianpi tawh

I. DEMOCRACY
Tel genna
Kiteelna a om ciangin vote pia dingte adingin
Democracy manphatna theih kim ding a thupi mahmah ahi
hi. Democracy cih kammal pen Greek lai panin hong pai hi
a, a khiatna in: DEMOS = Mipi cihna hi a, KRATOS =
Ukna (Thuneihna) cihna ahi hi. Hih kammal nih a kigawm,
MIPI UKNA or MIPI THUNEIHNA, cihna hi. Tua
ahih manin Democracy cih in mipi in gam sung thuneihna
aana a neihna ahi hi. Upadi, thukhenna upadi leh ki-ukna
upadi-te khempeuh mipi in suakta takin a zat theihna ding
uh geelna in Democracy man tak hi kici bek thei hi.

II. DEMOCRACY NAM NIH

Hong tung ding November 8, 2015 ciangin gam sung
ahih theihna mun khempeuh ah hong uk ding gam makai
dingte kiteelna om ding hi. Tua kitelna ah gamtat luhek zia
ding a kisam tampi tak om a, tuate lak ah theih dingin a
kilawm a tomcingin a kikum nuam i hi hi.
Democracy pen nihin kikhen a, Direct Democracy leh
Representative Democracy, ahi hi.
1. Direct Democracy ()
A khatna ahih leh tanglai Greek mite ana ki-uk dan uh
ahi hi. Tanglai in Greek gam pen khuapi Athen panin hong
pan khia uh hi. Greek gam i cih pen khuapi Athen panin
ukna ahihna tawh kizui-in, tua khuapi bek ah na
kikaikhawm uh hi.
Hih bangin a kikaihkhopna uh pen mipi a tawm lai man
ahi hi. Ahih hangin numeite leh khuaneute in vote piak
theihna nei lo uh hi. Mihau leitang neite, sum leh paai haute
leh miliante ahi khuapi sung a teng mi tawmno bek in vote

Vote khiat dan

piak theihna nei uh hi. A hun tawh kizui-in tua bangin na

zang uh a, khuaneute leh tuikulh neu nono ah a omte in tua
vaihawmnate zui lel thei uh hi. Tua bangin a kihel thei ding
khempeuh in Liangko-kikimna (Equality), zatna ahi hi.
2. Representative Democracy ()
Vote nei thei dingin a kilawm mipi khempeuh kihel
theihna Democracy Policy pen hun hong bei tohtoh ciangin
zat dingin haksatna hong nei ta hi. Bang hang hiam cihleh
gam tuamtuamte gamgi khen leh a zainate hong kikim
nawn loin, mipi hong pun semsemna hang zong ahi hi. Tua
ahih manin gam mi khempeuh in politiks leh kumpi
vaihawmna lamah a kihel kim theihna dingin lampi thak
leh geelna thak-te zangin sepkhopna hong kinei hi. Tua thu
hangin mipi khempeuh kihel kimin, vaihawmna sangin a
baih thei pen dingin mipite in a deihna uh leh a kisapnate
uh a sem thei ding tangmi (Representative) teelin zatna hun
hong tung ahi hi.
Tangmi (Representative) hun ciangin hun bikhiah nei
in kiteelna kibawl den a, tua kiteelna ah tangmi ding mipi
in teel den uh hi. Tua bangin mipi in a teel cing tangmi-te
in a sep ding uh a sep zawh kei uh leh tupa tang dingin
midang khat teel ding ngeina hong suak hi. Hih
Representative Democracy deihna bulpi in, Mipi
lungkimna panin kal masa hong suan khia den ding hi.
(Referendum and citizen initiative).
3. Democracy Kingakna Thubulpite (Basic Principles of
Democracy).
Democracy kilamzia leh sepna ah gam khat leh gam
khat a kibat kim loh hangin, geel dan leh zatzia a kibang
om hi. Tua bangin i kalsuan zia kibat lohnate a kigen nuam
hi loin a kingakna thubulpite cih nopna ahi hi. Zatzia kibat
lohnate pen khat leh khat ki-etteh theihna ding ahi hi.

Vote khiat dan

Tua in Democracy a zang gam khat leh gam khat kietkak/kikhingkhai theihna ding hong hi zaw hi. A hun tawh
kizui in khel theih thu tuamtuam a om tei hangin a
kingakna thukhun pen paih theih hi lo hi. Hih a kingakna
thukhunte susia in: Kawlgam Democracy, Asia Democracy
leh Mipi Democracy cih bangin ei phuak nop peuh phuak
mawk theih hi lo hi. Democracy i cih in kingakna ngeina
leh thukhun a nei khin gige ahi hi. Tuate in:
a. A kum cing khin gammi khempeuh: minam,
biakna, numei leh pasal kideidanna om loin vote piak
theihna ahi hi.
b. Gam mi hihna a nei khempeuh in kiteelna ah lut
kim theihna ahi hi.
c. Gam mi hihna a nei khempeuh in party leh
kipawlna tuamtuam suakta takin phuat theihna ahi hi.
d. Gam mi hihna a nei khempeuh in media lam ah
suakta takin gen theihna, gelh theihna, phuankhiat
theihna, thupiangte top theihna ahi hi.
e. Gam mi hihna a nei khempeuh in kumpi lam pan
mat ding patauhna kisam lo a, kumpi na ngawn zong
khial/manlo a sak leh suakta takin gen theihna ahi hi.
f. Gam mi khempeuh in a omna gam sungah biakna
ah suaktakna, kikaihkhopna, lungkim lohna leh deihna
a om leh lamdung zui-in gen theihna leh a kisam
bangin gen theihna ahi hi.
g. Hong uk kumpite in mipi teelna hang tawh hong
uk uh ahih lam uh tel den ding hi.
h. Thukhenna ah maitang ettuam nei loin mi
khempeuh kibang kim ding hi.
i. Kumpite leh kumpi nasemte in mipite mah bangin
upadite thupi simin, upadi bangin gamta den ding uh
hi.

Vote khiat dan

j. Mipi in a teelna hangun a teelcing mi khat peuh in
mipite tangin thugen, nasem, gamta den ding hi.
i. Kumpite leh kumpi nasemte in mipite mah bangin
uapdite thupi simin, upadi bangin gamta den ding uh
hi.
j. Mipi in a teelna hangun a teelcing mi khat peuh in
mipite tangin thugen, nasem, gamta den ding hi. Tua
bangin a din zawhna dingin maitang en tuam lo a,
mipite tawh ahi zongin Parliament tawh ahi zongin
kikum khawm thei den ding hi.
k. Ki-ukna aana pen mipi panin hong piang khia ding
hi. Makai khat peuh leh kipawlna khat peuh in tavuan a
piak kei leh vai khat peuhpeuh kiphum tawm ngei lo
ding hi.
l. Gam mi hihna tawh ngah dingin a kilawm
khempeuh amahkhan pia ding hi. Thukhen mangte in
zong thu a khen uh ciangin maitang ettuam nei het loin
sem hamtang ding uh hi.

Democracy hoihna
Democracy ah thu neihna lian pen in mipite khut
sungah om hi. Gam vai thuneihna ah pang khawm bek hi
loin, gam huutna ding, mawhpuakna leh ahih theih lai
tengin gam adingin cilgilin citak den ding hi. Kumpi
thukhensatna khat peuh pen mipi deihna tawh kituakin
kipsak ding hi. Ahih hangin mawhsakna leh gensiatnate
pen thupi ngaihsutin manpha sa den ding a, tu banah thu
kituhnate ah lungnem tak leh lungduai takin huu in huai
den ding hi.
Democracy kihei zia leh kikhel zia.
Democracy man tak kalsuan theihna dingin kiteelna hi
a, a tawpna ah a kip Democracy Policy piang hi. Kiteelna
hangin a kip Democracy lamah a kalsuan hangin, a kipat

Vote khiat dan

lamin haksatna tuamtuam hangin mai nawt thei lo, nungkik

kik cih leh lamkal ah din khawl cihte om thei den hi. Tua
ahih manin Democracy kip leh mantak i zat theihna dingin
thakhat thu-in a kingah vat thei hilo hi.
Democracy kipatna pen kiteelna panin i cih hangin
kiteelzia leh tongte i et cingin: a kineih khem kiteelna,
thuman lopi tawh za ngahna leh geel lel a kiteelna-te a om
mah bangin kiteelna man mipi deihna a kidawk theihna
dingin kiteelna zong suak thei veve hi.
Gambup mipite luhek-gamtat ziate, ngaihsutna leh
upadite pen gambup kalsuanna dingin a hoih pen hi, ci-in
vote khiat dan mipi in a san theih uh ciangin Democracy
gam hi takpi ta hangin ci-in kingaihsun thei bek ding hi.
Democracy a khaktan theite
a. Mipi lak panin tangmi dingin mihoih teel theihna
dingin ngaihsutna a om kei leh.
b. Mimal kim in a pianpih hamphatna tawh ngah
dingin a kilawmte a huut zawh loh ciang.
c. Tua banah politiks paizia thusim lohna a om
ciangin ahi zongin.
d. Kiteelna vai ah lunglut lohna.
e. Democracy mantak tawh hong kalsuan pih thei
ding makai neih lohna hangin.
f. Ngaihsutna kibang lo, i omna mun ciat thupi
simna, minam lungsim neih luatna, biakna vai leh
nuntakna zia tuamtuam ah thuakzawhna a nei om lohna
hangin piang thei hi.
Makaite leh MP-te in a sep ding uh hong sep theih
lohna leh sep zawh lohna hangin Democracy tawh limtakin
a kalsuan theihna dingin kumpi lam nasepna, politiks lam
kalsuan zia khempeuh mipite in a sep ding tavuan ahi hi. A
baih thei pen i huh theihna in kiteelna ah hong makaih thei
dingin mipi hong vei dingte vote piakna ahi hi.

Vote khiat dan

III. UNION ELECTION COMISSION (UEC)

NGIMNA
A kip leh a man takpi Democracy a pian theihna
dingin mi khempeuh in suakta takin vote piakna tawh
kiteelna leh lingko kikim a, kiteelna theihna ding leh
maitang et tuam nei loin kiteelna a pian theihna ding ahi hi.
UEC Tavuan leh a sep dingte.
1. Parliament member ding teelna.
2. Parliament kiteelna ding ngeina leh tua
ngeinate a kizat theihna ding.
3. A dawldawlin Comission seh ding leh
sepsakna ding.
4. Sittelna leh sittel sakna ding.
5. Vote tang kaihkhopna leh kaihkhop sakna,
puahphatna leh puahphat sakna.
6. Khua hun haksatna hang ahi zongin, a mun leh
gam tawh kizui-in daihna leh muanna tawh kisai-in
ahi zongin, suakta takin mikim kihelin kiteelna a
om theih lohna munte ah kiteelna a hun khin thei
ding a, zong khawl sak ding uh hi.
7. Parliament member dingte kipsakna thu leh
phuankhiatna.
8. Kiteelna tawh kisai-in buaina khat peuh hong
om leh upadi tawh kituakin thukhen theihna dingin
thukhen ding mite sehna.
9. Upadi No. 276 H bangin amau leh amau kiukna a ngah (autonomy) Region sung leh State ah
vaisai dingte sehna leh tua bangin a sehte uh deih
lohna a om leh thu kician zaw theihna dingin upadi

Vote khiat dan

tawh kituakin thukhen thei dingin mi koih ding uh

hi.
10. Upadi No. 396 A leh B ah a om bangin
Parliament Member khat tawp kik sak nopna a om
leh a kuangluina mun (Constituency) mipite lak
panin 1% in Commission ah a zak sak uh leh upadi
No. 396 C, D leh E tawh kituakin a thu kantelin sit
thei ding uh hi.
11. A dawldawl ah Comission in sum zat ding
geelna leh a zatnate uh sittelna ahi zongin sittel
sakna ahi zongin nei ding uh hi.
12. Upadi tawh kituakin tavuan a kibangin sem
takpi ding uh hi.
13. Comission in khensatna leh sepna ah a nuaite
thute tawh kisai-in khensat theihna nei ding uh hi.
a. Teelcingte kipsakna.
b. Kiteelna thu ah thukhente khensatnate
leh thupiak ahi zongin, ngaihsut kik ding
a om leh etphat kikna.
c. Party khempeuh registration bawlna ah
upadi tawh kituakin sepna.

IV. COMISSION DINMUN

1. Comission bawlna
Comission pen a dawldawlin suakta takin leh kiciantakin
bawl ding hi. Kiteelna tawh kimematin gensiatna a om
theih lohna dingin thukhen mangte a kihel banah mipite
zahtakte ahi zongin, maitang ettuam nei loin, thu a
khingkhai theite, thumuhna a hau khin mite tawh
Comission dingin seh ding uh hi.

Vote khiat dan

2. Commissionte suahtakna leh a tuampianna

Kiteelna vai sai ding Comission pen suaktakna leh
kiciantakin bawl ding kisam hi. Kuamah a buai sak theih
lohna ding leh mawhsakna om lohna dingin maitang ettuam
leh deidan nei loin, upadi tawh kituakin genkhiatna leh
mipi kikhaikhopna a huut zawhna dingin tavuan la ding uh
hi. Tavuan bang loin nasepna in kiteelna ah liangko
kikimna a om loh banah maitang zahtakna om ahih manin
Comission tungah muan mawhna piang sak thei hi.
3. Kiteelna thu kician takin gen theihna
Comission in kician leh kitel takin sem ding uh hi.
Media-te adingin suakta takin thu a top theihna dingun
lampi hon sak ding hi. Khensatna khat peuh hawmkhiatna
leh kammal hoih zaw leh zaknop ding kammalte zangin
kician leh kitel takin gen khia thei ding uh hi.
4. Nasem dingte sehna leh sin sakna
Comission ah a kihelte leh a semdingte khempeuh
kiteelna a om ma-in, kician takin a sep theihna dingun
sinsakna neih pih ding thupi hi. Numei vai leh namneu
zawte liangko a kikim theihna dingun deidanna om het loin
seh kim dimdiam thei ding uh hi.
5. A bulpi
Kiteelna vaisaite kiciatna leh tel takin a sepna uh kicing
mahmah ding hi. Suakta tak leh sum leh paai vai ah kicing
takin om ding hi. Muanmawh om lo kiteelna khat neih
theihna dingin, commission in a hunte uh kicing takin pia
thei ding uh hi. A kisam lai thute leh sum leh paaite pen a
hun lapin vaihawm thei den ding uh hi.

Vote khiat dan

6. Gam mi khempeuh in kiteelna ah a hamphatna uh

leh tavuan
Kawlgam upadi No. 8 ah gammi hihna nei leh gam mi
khempeuh pianpih hamphatna leh tavuan pen upadi No.
369 ah, Gam mi hihna mantak a neite in Parliament
member dingte suakta takin vote piakna tawh teel theihna
leh kiteelna ah lut thei ding hi, cih kician takin om hi.
Kawlgam upadi No. 1 aneu 4 ah, Gambup ki-ukna aana in
gammi hihna a nei mipi panin hong piang khia ding hi, ciin kigelh hi.
Upadi zuun/puah theihna a nei Parliament member
khempeuh leh ukna aana neite ahi hi. Ki-ukna tavuan a len
khempeuh pen hun khat adingin (gentehna; Kum 4/5) sung
aana ap ding uh hi. Tua hun sungin a sep dingte uh sem
ding uh hi. Tua hun sungin a sep ding tavuante a sep zawh
kei uh leh mipi in a ngaihsutna bangin suakta takin
lungphona nei thei ding uh hi. Tua khit ciangin Comission
in tua mi tang dingin seh theihna nei ding uh hi.
Gammi hihna nei khempeuh in a deih telna tawh party
khat peuh ah lut theihna a neih banah a deih mite suakta
takin vote piak theihna a neih mah bangun, party-te, in
tangmi dingin a kisehte vote tang a ngah theihna dingun
maitang ettuam nei lo leh kician leh kitel takin vote tang
zon theihna nei uh hi.

V. KITEELNA LEH LEITUNG BUP

DINMUN
(Election and International Norm)
Kiteelna ah Democracy policy tawh kituakin mi
khempeuh kihel theihna hangin hong ding thak kumpi
ading leh policy tawh kisai thupit sakna ahi hi. A thupi khat
ah International Human Rights lai sung No. 21 bangin,

10

Vote khiat dan

Mi khempeuh in gam makai ding teelna ah vote tang nei

kim theihna ahi zongin, mekuang lui theihna ahi zongin nei
kim ding uh hi. Tua banah a lunglutna tawh a khensatna
bangin politiks ah kihel thei ding hi. Mi khat in gammi a
hihna hangin ngah dingin a kilawm khempeuhte ngah
theihna nei ding uh hi. Mipite tangsapna leh lungngulhna
pen kumpi aana neite kingakna bulpi hi ding hi. Hih bangin
a pian theihna dingin a hunhun in thuman tawh kiteelna
tawh lakkhiat theihna dingin mi khempeuh in suakta takin
vote piak theihna a neih ban uah kiteelna (secret ballot) ah
ahi zongin suakta takin vote piak kim theihna dingin
kiteelna a kibawl ahi hi.
Kiteelna zuih ding ngeina
1. A kilawm hunin suakta takin kiteelna bawl
ding.
2. Parliament member kiteelna ding mun
khempeuh ah mipi a tam zaw in vote a piak theihna
dingin lampi hon sakna.
3. Vote pia thei ciang in vote a piak kim theihna
dingin deidan tuam a om theihna dingin thukhun
bawl ding.
4. Vote piakna pen mimal ciat in a deih bang uh
pia thei ding uh a, vote tang simna pen a siangtho
leh kician mahmah in pulak theihna.
5. Vote ngah zah mipi tungah pulakna.
6. A ut peuh in party a din theihna dingin lampi
hon sak ding.
7. Tua party khempeuh pen a kibangin suahtakna
pia kim ding.
8. Aana neite in tua party khempeuh a kidem
theihna dingun lampi hon sak ding.

Vote khiat dan

11

9. Suakta tak leh maitang et tuamna nei loin

party khempeuh in mipi tungah a gen theihna ding
uh.
10. Aana neite in thu bawlna, thagum hatna tawh
gamtatna, patauh sakna-te khempeuh tangmite,
party-te, vote khia khempeuh-te a pautauhna ding
uh leh lungnop lohna-te a om lohna dingin sem ding
uh hi.
11. Deidanna om lo leh thutawm media-te zong
ciangtan nei loin suakta takin a gamtat theihna
dingun phalna pia ding uh hi.
12. Tua banah vote tawh teelcing tangmite pen
vaisaite tungah ap ding uh hi.

VI. KHIALHNA LEH DAN PIAKNA

Maitang ettuam omlo leh a siangtho kiteelna a sak
theihna dingin a kihel ahi: mipite, tangmite, vaisaite,
etcikna tavuan neite leh media in kiteelna ah vote khiat dan
ahi zongin kiteel dan ngeina ahi zongin theih dingin a
kilawm upadi leh ngeina khempeuh tel kim khin ding uh hi.
Ngeina tawh kituak loin gamtate leh upadi palsatte
thong kiat theihna leh liau sum kingen thei hi. Tua bangin a
kimuh zenzen leh kum khat gilbem ah om ding ahi zong
liau sum Ks. 100,000 (Sang khat) cih bangin thukhenna
kinei ding hi.
Khialhnate
Mi khat in suakta takin vote piak theihna a neih pen khia
thei lo dingin a khaktan thei: Zawhthawhna, patauh sakna,
aana zatna leh sumgolh nekna cih dan a zangte leh tua
bangmi a thapia in a huhte tungah thu kibawl ding hi.

Vote khiat dan

12

1. Kiteelna ah vote ngah theihna dingin sum zatna,

van piakna, an vakna, dihmun piakna, nasepna mun
pan a utna mun ah kikhin theihna dingin kamciamna
leh sumgolh piakna leh sanna.
2. Kiteelna ah mimal suaktakna zang thei lo dingin
MP ahi zongin, vote khiat theihna a nei mimal
tungah ahi zongin patauh sakna.
3. Minam vai ahi zongin, biakna vai ahi zongin
paulamin ahi zongin vote khiat loh ding leh khiat
ding genna, taangkona leh tua bang mi tha a piate.
4. Vote khiat ding khaktanna ahi zongin, kiteelna
nongkai sakna ahi zongin thapiakna, laigelhin
hawm khiatna leh thu tuamtuam tawh hanciamna.
5. Vaisaite in a bawl uh min sazian leh zaksaknate
ahi zongin kiteelna ding tawh kisai laihawmte
suksiatna leh sim theih loh dingin suksiatna.
6. Sazian ahi zongin vote khiatna ding laidal puakna
lai-ipte leh a lomte ngimna khat tawh suksiatna leh
sim theih loh dingin bawlna.
7. Vote khiatna laidal ahi lopi in zat dingin mi khat
peuh hanthotna.
8. A kizang Vote khiatna bungte a kisailopi khat in
suksiatna.
9. Khiatna ding mun khat bek ah khia loin,
mundang ah zong a khiate.
10. Khiatna ding mun khat ah nihvei a khiate.
11. Midang khat kineihin nihvei vote khiatna.
12. Vote khiatna mun ah lut theihna ding nei lopi-in
a lutte.
13. Bawltawm vote khiatna laidal a zangte.
a). Kiteel ni-in mikhat vote a khiat theih lohna
dingin vaihawmna khat peuh leh tua bangin
sepna tha a piate.

Vote khiat dan

13

b). Vote piak hun sungin buaina khat peuh a

piang sakte.
14. Kiteel ni in kiteelna huam dung kaih 500 sung
ah:
a). Campaign neihna.
b). MP khat vote pia dingin hanthotna.
c). Kiteel na ding ah piak ding leh piak loh ding
a gente.
d). Vote khia dingin hong paite lungkiat sakna
leh vaisaite sepna khat peuh nawngkai sakna ahi
zongin kaih 500 huam sungah awliatna zangin
ahi zongin taangko lualua na leh van khat peuh
zangin mipi lungsim nawngkai sakna.
15. A mot gamtatte.
a). Laibu bawlte, a khenkhiate address om lopi a
MP-te thapiakna leh vote ngah theihna dingin
vaisate in a bawl uh lai suanna, laidal tawh
hawmna a neite.
b). MP ahi zongin tangmi in a zatte ahi zongin
MP kuang lui lohna mundang ah MP ngaihsutna
leh geelnate MP in ahi zongin, a tangmite in ahi
zongin a va puak uk leh.
c). Kuanglui MP leh tangmi in a zatte in a pan
pih dingin kiteelna tavuan nei khat peuh tung
huhna ngetna ahi zongin a huh kha a om leh ahi
zongin, tua bang tha a piate khempeuh tawh.
d). MP khat in teel a cin theihna dingin a upna
biakna tawh kisai ciamtehna khat peuh zangin
vote khiat ding leh khiat lohna dingin zang thei
lo ding.
e). Kuanglui MP khat in a zawhna dingin Party
dang khat peuh, mimal khat peuh, thatang
zangin ahi zongin, thuman lopi genna leh lai

14

Vote khiat dan

tawh hawmkhiatna ahi zongin, mipi lungso
theihna dingin thapiakna a neite.

A tunga thute tawh kituakin a khial mite palikte in

thukhen zum ah va tut ding hi lo hi. Tua pen vote tang
neite, MP kuangluite leh MP in tangmi in a zat mite,
vaisaite leh tavuan neite in palik zumah thubawl thei bek
ding uh hi. Tua bang mi a om leh kiteel hun ma ahi zongin
kiteel khit ni 15 sungin zum kitun thei ding hi. Ni 15 a
khenkhit leh thu kibawl thei nawn lo ding hi.
Hih bangin khialhna neite pen: Vote piak theihna a
neite leh, MP leh mekuang cingin a koihte leh vaisaite ahi
zongin mikician khat in upadi bangin zum tun thei bek ding
uh hi.
Hih thu tawh kisai-in khialhna khat peuh kician takin
thei in a kimuh leh gilbem ah lut ding ahi zongin a kiliau
sak leh zong Ks. 100,000 sangin tam zaw lo hi ding hi.

VII. KITEELNA ENCIKNA

(Watch-Dog) PEN LEITUNG BUP
NGEINA TAWH KIBANG DING
Kiteelna mantak (Real Election)
A thuman in cile hang vote pia thei khempeuh in a deih
teelna uh hi ding a, tua bangin a pian theihna dingin
vaisaite in lam a lak ding uh hi. Vote tang neite in a piak
nop tangmi a om kei leh ama mimal khensatna leh deih
teelna tawh vote khia loin om thei ding hi. Ahih hangin
ahih theih lai tengin gammi hihna man tak a nei khat in, a
vote tang manphatna pen phawk den ding a, mot val sak
ngei lo ding hi.

Vote khiat dan

15

Suakta kiteelna (Free Election)

Suakta takin kiteelna cih pen mipi in politiks tawh a
kimemat thu khempeuh suakta takin genkhiatna ahi hi.
Human Rights phuankhiat 21 sungah a om bangin kumpi in
a zat ding uh ngeina ahi hi. A kidem mite in a kidemna
munte ah a kibangin a sep kim ciat ding uh a kisapna tawh
kizui-in, upadi tawh ahi zongin thuneite vaihawm dante ahi
zongin a kibang kimin ngah ciat ding uh hi. Kiteelna ah a
kidem nuam khempeuh in a tupna, a deihna leh a geelna-te
suakta tak genkhiat theihna nei hi. Tangpi-tangta neihsa
khat peuh zangin sem ngei lo ding hi. Media-te zong a
kibangin kizopna nei kim ding hi. Kiteelna vai ah tavuan a
neite in zong maitang ettuam nei loin sem ding uh hi. Vote
piakna, vote tang simna leh vote tang sazian kaikhawmin
bul lam ah a puakna uh kikhemna om loin, ahi bangin puak
ding uh hi. Vote tang a kiciat theihna dingin kuangluite
tungah vaisaite in tavuan pia ding uh hi. Vote tang vai ah
lungkim lohna leh buaina khat peuh a pian leh upadi tawh
kituakin khensat ding uh hi. Maitang ettuam nei loin
thukhenna zong kisam hi. Suakta takin thukhen theihna
zong om ding hi. Upadi tawh kituak loin a sem a om leh
zong upadi om bangin thubawl thei ding uh hi.
A siangtho kiteelna (Fair Election)
A siangtho kiteelna a pian theihna dingin kiteelna hun
a tun ma-in, kiteel hun ciangin zat theih dingin kigin
kholhna kisam hi. Tua tawh kimematin kitelma ahi zongin
kiteel khit ciangin ahi zongin mimal suaktaknate pen kician
takin gelkholhna neih ding kul hi. Gam mi khempeuh, party
khempeuh, tangmi ding khempeuh in suakta takin gen
theihna, mipi kikaihkhopna, mipi tawh holimna tuamtuamte
ah sep theihna nei ciat ding uh hi. Kiteelna ding ah zong:
patauhna, thagum zatna, upadi thusim lohna tawh manin
thuneihna leh sumgolh neknate tawh kisu kha lo ding uh hi.

16

Vote khiat dan

Media tawh kisai-in zong kiteelna tawh kisai-in suakta

takin gen theihna leh gelh theihna nei ciat ding uh hi. Mipi
khempeuh in zong kiteelna tawh kisai-in suakta takin sem
theihna leh kihel theihna nei ding uh hi.
Kiteelna hun (Regular Election)
Hun man tak tawh kiteelna bawl cih ciangin hunbi
khat seh khit sa in kinei a, tua hun a tun ciangin kiteelna
neih kikna ahih manin upadi sungah koih ding ahi hi.
Kiteelna hun khat leh hun khat kikal ah hun sawt a kivei
luat ding kisam lo hi. Teelcing khempeuh pen a tawntung
adingin a kip bangin ngaihsut ding hi lo hi. Gam makaite
adingin kum 5 hun sung hi ding a, Members of Parliament
adingin kum 5 hun pen kicing mahmah hi.
A siangtho, suakta tak leh liangko kikim theihna dingin
theih ding bulpite
1. Kiteelna upadite in maitang ettuamna leh
kideidanna thu om lo ding hi.
2. Election Commission in aana ngah party ahi a,
ulian aana neite ukna a om lohna ding uh leh langkai
ngei lo ding hi.
3. A dawldawlin a kiseh commissionte pen mipite
zahtak leh muante hi ding hi.
4. Upadi tawh kituakin kum 18 a cing khin
khempeuh in vote tang khat ciat nei thei bek ding uh
hi.
5. Patauhhuaina thu leh ciangtanna om loin, a
kicing piikpeek vote zon theihna, sum tha zon theihna
leh mipi kaihkopnate khempeuh party khempeuh in
nei kim ding uh hi.
6. Kumpi neihsa sum leh paai, inn leh lo leh zumte
party khempeuh in a kibangin zat kik theihna ngah
kim ding uh hi.

Vote khiat dan

17

7. Vote tangkhat a nei khempeuh in launa leh

patauhna om het loin vote khia thei kim ding uh hi.
8. Vote tangkhat nei khempeuh suakta takin a
khiat theihna dingin vaisaite in huut theihna upadi
bawl ding uh hi.
9. Vote tangkhat a nei khempeuh in tangmi-te
leh Party-te thute tel mahmah ding uh a, tua banah
vote khiat dan zong tel sinsen ding uh hi.
10. Kiteel hun sungin a kigen thu khempeuh
zuauthu leh khemna kammalte zat ding hi lo hi.
11. Comission in a dawldawlin a sep dan uh zong
mipite tel sinsen dingin gen ding uh hi.
Gam dang leh gam sung panin vote piak zia a tel
nuam leh a thei nuam khempeuh a kipat pan kipanin a zawh
dong suakta takin tel sak ding ahi hi. Tua bek hi loin vote
tang simna ah zong kihel ding uh hi. Kiteelna tawh
kimematin megu thei leh kampau hoih lo a zang om thei
ahih manin, tua in kinialna leh buaina tuamtuam piang sak
den hi. Tua bang a om leh a kip upadi tawh maitang ettuam
nei het loin thukhen zum mai ah din sak ding ahi hi.
Mikim Vote Piak theihna i cih bang hiam?
Hih tawh kimematin a kum cing leh gammi hihna nei
khempeuh in khaktanna om loin vote pia thei ding uh hi.
Mi cingtaklote leh kihuutna dingin galtai khempeuuh in
zong a mun ah pai in vote pia thei kim ding uh hi. Thukip
ahih theihna dingin theihna ding leh deihsak tuam a om
lohna dingin min sazian kikhopna neih ding ahi hi. Tua
bangin kaihkhopna ah sum ngetna om lo ding hi. Minam
neute leh mi tawm zawte vote piak theihna ciangtan neih
sak ding hi lo a, mi khempeuh vote piakna a manphatna
kibang kim ding hi. Teel ding mimal bang zah ding hiam
cih vote tang neite in thei ding hi.

18

Vote khiat dan

Vote tang nei a tam zawte deihna pen tangmi mekuang

luite in thupit sak kim ding ahi hi. A mi om tawh kizui-in
vote tang a om ahih manin, a khiat bang ciat uh lungkim
pih ding hi pah hi. 10% tung siah vote tang kilamdanna
hong om zenzen leh ngaihsut huai thu khat om pah hi, cih
theih ding ahi hi.
Etcikna (Observation) tavuan neite
Kiteelna ngeina leh upadi-te tawh a vil dingin
commission in tavuan a nei pen suak hi. A man lo leh khiat
dan a kipan mipi luhek ziate na ngawn en cinten ding uh
hi. A tung thute bangin vil in encik den ding uh hi.
1. Party. Kiteelna hun ciangin vote khiatna mun
(Polling Station) ah party sung panin a enik dingin mi nih
seh ding uh hi. Tuate in vote khiat khit ciangin vote tang
simna ah kihel hamtang ding uh hi.
2. Mipi. Mipi lam panin mi kiciangtan thei lo a, vote
khiat dan a man leh man lo ahi zongin a etcik banuah vote
tang simna ah zong kihel ding uh hi.
3. Media. A kisam mahmah khat ahih manin, amau in
kuamah deidan leh maitang ettuam nei loin, a muh uh leh a
theih bangbang uh a sia a pha kician takin ciamtehin
genkhiatna ding mun ah genin, gelhna ding mun ah
phuangkhia thei ding uh hi.
Hih a tunga thute ah Party panin ahi zongin, mipi
lampanin ahi zongin Media-te ahi zongin a encik ding mi
khat peuh in commission tung panin phalna la masa
hamtang ding uh hi.

Vote khiat dan

19

VIII. PARTY LEH MP TANGMITE

Party-te
Gam mi khempeuh in gam adingin deihna leh tupna uh
a kibang ah a sepkhop theihna uh a hoih pen in party phuan
ciatin politiks tawh kisai sem khawmin kalsuan ding pen
party vai lian pen ahi hi. Party khat leh khat policy kibang
peuh mah mapang khawmin mipi adingin kiteelna ah a
kilut ahi hi. Mipi phattuamna ding gam ki-ukna vai
tuamtuam leh mipi lunggulhna tangtun sakna dingin partyte tavuan ahi hi.
Democracy vai ah party pen a tawhtang (Key point)
ahi hi. Tua ahih manin kiteelna ah a kihel nuam peuh mah
ngeina bangin kumpi ah registration a bawl ding uh ahi hi.
Rgistration a bawl uh ciangin Registration nambat leh
ciamtehna (Logo) leh a tupna uh kician takin nei-in, mipi
tung phuangkhia ding uh hi.
Ciamtehna (Logo)
Gam sungah tu lai takin party 75 bang om ta ahih
manin Logo kibang dekdek leh a kibang lo om nianua ahih
manin party khat a Logo lim pen kician takin genin lim
tawh mipi lakah phuangkhia ding uh hi. Mipi in tel
khialhna a om het lohna dingin tel gen sinsen ding uh a,
ahih theih leh a kuang luina ding munte ah laidal tawh
kician takin hawm khia thei ding uh hi.
Tupna (Aim & Objective)
Hih thu zong a vote tang zonna ding uh ahih manin,
kician tak leh kitel takin kuanglui dingte in gen thei ding uh
a, tua bek hi loin lai tawh kician takin mekuang luina ding
mun ah hawm khia kim thei ding uh hi. Mun leh khua

20

Vote khiat dan

khempeuh ah a pai zawh loh hangin lai tawh a bawl uh

tupna logo pen mekuang luina ding mun khuate leh mikim
tungah a tun theihna dingin nasep lianpi khat ngaihsun ding
uh hi.
Party tawh kisai-in tupna kibang lo om thei a,
gentehna in: Federal State a deih leh deih lo nam nih om
thei hi. Federal State a deihte pen mualmite hi zaw deuh uh
hi. Tua ahih manin Federal State a deihte in a deihna uh
kician takin gen ciatciat thei ding uh hi. Federal State a deih
lote in tu lai tak ki-ukna dan mah in pai suak ding cih hi
ziau a, gen cian zong a kisam lo thu ahi hi.
Behlapna:
Mangngilh loh ding thu in: England kumpite tung panin
suahtakna ngahna dingin gamsung minam tuamtuam pan
kila ciat a, ahih hangin Kawlte a tam pen ahih manun, nam
tuamtuamte deihna thu a theih uh ciangin, namdangte hong
dong loin, Kawlte in England kumpi tungah suahtakna na
ngen uh hi. Tua lai a puak dingin Aung San leh Kawl makai
nih leh Galon U Saw London khuapi ah vai pai uh hi.
Hih nong ngetna uh thuman hi. Ahih hangin mualmi
makaite tawh lungkimna lai hong bawl pha kik un, ci-in
England kumpi in na dawng hi.
Aung San in Galon U Saw kiangah, Mualmi
khempeuh tangin na min thuh lecin thu a kiman theih ding
hi, ci-in a genna pen, Mualmi cih ciangin minam
tuamtuam ki-om ahih manin, mualmi khempeuh tangin min
ka thuh thei kei ding hi, ci-in na dawng kik hi. Tua a dawn
kikna hangin tu dongin Kawlte in Galon U Saw pen tel
khial mahmah uh hi. Tua thu hangin Shan State sung
Pinlong khuapi ah (March 12, 1947) minam tuamtuam
tangmite kikaikhawmin, suahtakna ding thukimna,
Pinlong Agreement, hong piang ahi hi. Tua thukimna ah
Federal State ding thukimna vai lian pen suak hi. Aung San

Vote khiat dan

21

leh a lawmte kisuam lum lo hi leh Federal State tawh a pai

khin ding i hi hi. Tua thukimna pen London ah a puak uh
ciangin England kumpi in suaktakna ngah dingin thukimna
nei uh a, ahih hangin Kawlte lungsim tel lua ahih manun
suahtakna piak dingin thukimna a neih khit hangun a ni
ding khensatna nei nai lo uh a, England kumpi in
mualtungmite thukim takpi hiam? Mual tungmite deihna
bang hi takpi hiam cih kan phot kisam sa ahih manun,
Maymyo Inquiry, cih (April 1947) sungin hong neih pih
masa phot lai uh hi. Hih thute ah ciamteh ding thu in,
Kawlgam suahtakna ngahna thu pen minam tuamtuam
thukimna tawh a kingah ahi hi, cih hi a, Deihna bulpi
ah: Suahtakna ngahna dingin thukimna gam sungah
kizang nai lo hi, cih phawk kikna ding ahi hi.
Party-te Tavuan
Gam mi khempeuh in gam adingin deihna leh tupna
kibang ah sepkhop theihna ding lampi a hoih pen party
tawh dingin politiks tawh kisai sem khawmin kalsuan ding
pen party vai lian pen ahi hi. Party khat leh khat policy
kibang peuh mah mapang khawmin mipi adingin kitelna ah
a kilut ahi hi. Mipi phattuamna ding gam ki-ukna vai
tuamtuam leh mipi lunggulhna tangtun sakna dingin party a
ding ciat i hi hi.
Party cih pen mipi leh kumpi kikal ah a kidawh lei bang
ahi hi. Tua ahih manin party om loin politiks` policy pen
kician takin kisem thei ngei lo hi. Kiteelna panin a zo party
in a uk ding kumpi makai thak geel theihna nei hi. Tua
bangin a hong pian ciangin campaign hun sungin mipi
adingin a gen khiat uh tupna leh ngimna ahi zongin mipi
phattuamna dingin a sep dingte ahi zongin muh theih in
sem khia pah giahgiah ding uh hi. Kiteelna a ngah khat lo
party-te pen a lang party in ding suak thei ding uh hi. Tua
bangin khialhna leh man lohna hong om ciangin party khat
leh kimawhsak ciatciatna in mipite adingin phattuamna

22

Vote khiat dan

lianpi a pian theih banah mipite in party tuamtuam tupna

ngimna hong tel semsemna ding uh ahi hi. Tua ahih manin
a langpang (Opposition) party omna pen Demcracy policy
picinna dingin a kisam leh a kul ahi hi.

IX. PARLIAMENT (Hluttaw)

Upadi tawh kizui-in tu lai tak pen, Union
Parliament (Pyidaungsu Hlutdaw), din mun khen nih
kisuah a, Lower House (Pyithu Hlutdaw) leh Upper House
(Amyotha Hlutdaw) ahi hi. Hih tawh kisai-in Peoples
Parliament (Pyithu Hluttaw) ah member 440 hi a, National
Parliament (Amyotha Hluttaw) ah 224 ahi hi. A nih in a
kigawm ciangin MPs 664 pha a, a hun ciangtan pen kum
nga sung ahi hi. State Parliament (Pyine Hluttaw) leh
Region Parliament (Tain Detahkyi Hluttaw) zong om hi.
Lower Parliament (Pyithu Hluttaw)
Lower Parliament tawh kisai-in mipi vote tang
tawh MP 330 hi a, 440 panin 25% (110) pen vote tang tawh
tel kul loin Defence Minsitry lam panin guan ziau ding ahi
hi. Tua ahih manin hi 25% pen galkapte in amau sung
panin kiseh ziau a, member ah a lut ding ahi uh hi.
Upper Parliament (Amyotha Hluttaw)
National Parliament tawh tawh kisai-in minam
tuamtuam kigawmin tangmi 224 tawh vaihawm khopna ahi
hi. Hih lak panin mipi vote tang tawh 168 hi a, 25% mimal
56 pen Defence Ministry panin hong seh ziau dingte ahi uh
hi. State leh Region 14 panin tangmi 12 a kikimin a kiseh
ahi hi.

Vote khiat dan

23

Region leh State Parliament (Hluttaw)

Region leh State Parliament sungah ah Member of
Parliament dingin Township (Myone) khat pan mi nih
kuang lui dingin a kikip sak ahi hi. Tua ahih manin Myone
khat panin mi nih ta Tua ahih manin mikhat in vote tang
thum a kinei suak a, tuate pen: State/Region ading, Upper
Parliament ading leh Lower Parliament adingin ahi hi.
Tawmcik a kilamdanna khat pen State leh Rigion ciat
ah minam min tawh kinei sak lai hi. Gentehna in:
Zangkong Region sungah namdang: Kayin, Rakhine cih
bang dan gambup mimal 0.1% (50000 val) omna ah minam
zui in taangmi nei thei ding uh hi. Tua ahih manin mual
tungmite in vote tang 4 nei thei cihna ahi hi.
President teel dan
Upadi bangin gam sungah lutangpi pen President leh
Vice President-te suak theihna ding pen gammi hihna man
tak a nei sung panin hi ding a, ahih hangin mipi in vote tang
piak theihna kinei lo a, President teel theihna tavuan neite
bek in kipsak thei ding uh hi. Tua bangin a teelkhia ding
mite pen Lower Parliament pan leh Upper Parliament panin
a kitel khia mite ahi uh hi. President leh Vice President pen
term khat ading ahi hi. Tuate banah: Union Minister, UEC,
Union Attorney lian pen, Thukhen mang lian pen, Region
and State Prime Minister leh Saziansit lian pen-te pen
President in hoih a sakte seh theihna nei hi.
Parliament (Hluttaw) Tangmite tavuan
Parliament tangmi khempeuh pen Upadi zat theih loh
leh a luite zuunpha ding leh phiat theihna ahi zongin, a
kisam bangin khel theihna dingin a vaanpite ahi uh hi. Tua
bangin a neih uh ciangin lai tawh kician takin gelh ding uh

24

Vote khiat dan

a, Parliament bupin vote tawh kipsakna a neih masiah

thucing hi thei nai lo ding hi.
Parliament (Hluttaw) tangmite ngeina
1. A kisam pilna leh theihna a neite hi ding hi.
2. Mipi deihna thupi sakin, gami khempeuh
phattuamna ding vai tuamtuam thupi sak pen ding
hi.
3. Party khat ading bek hi loin gam mi khempeuh
adingin khantohna ding a khatna ah koih den ding
hi.
4. Gam mi khempeuh manphatna leh nopsakna
ding manpha hi ci-in thupi ngaihsut ding hi.
5. Mipi adingin etteh tak dingin makai ahihna
tawh a kisam bangin sep thei dingin kiginkholhna
nei den ding hi.
6. Genna hawmna ah khuasak luhek khempeuhte
mipi tung panin a ngah theihna ding hamciam den
ding hi.
7. A mah tawh a kithuah a lawmte tungah tavuan
nei ahih lam a phawk den ding hi.
8. A muhna bangin tel sensen in a gen thei mi hi
ding hi.
9. A tupna pen mipi muh theih dingin sem khia
thei pah ding a, a sep theih mah bangin tel gen thei
ding hi.

X. ELECTION CAMPAIGN
A hun tawh kisai
Kiteel hun ma-in tangmi a kisehte in vote tangte a
ngah theihna ding leh a party uh vote a piak theihna dingun
campaign ding a hun kisehsa sungah nei thei ding uh hi.

Vote khiat dan

25

Tua hun sungin party khempeuh in a tupna leh a

ngimnate uh kician takin gen thei kim ciat ding uh a, aana
leh sum zatna tawh vote tang khia sakin lei thei lo ding uh
hi. Party khempeuh in a ngimna uh a tupnate uh lai tawh
ahi zongin vinyl tawh ahi zongin a suan nopna uh mun
khempeuh suakta takin suang thei ding uh hi.
Campaign leh mipite
Campaign hun sungin a lutna uh party ciat adingin
campaign ah kihel thei ding uh hi. Tangmi a kisehte bek hi
lo ding a, tangmite thugenna munte ah zong thungai in
lunglut takin a party ciat adingun thu ngai khikhe ding uh
hi. Mipite in Tangmite tangthu tel mahmah ding uh hi.
Tangmite khat leh khat mipi mai ah thugenna a neih
theihna dingun (debate) mipite in hun bawlsak thei hi. Tua
banah MP kuanglui dingte tupna pen mipi in a phattuam
pih takpi ding hiam? cih zong a inn ah va hawhin ahi
zongin, a thugenna mun khat peuh ahi zongin dot ngiatngiat
ding ahi hi. A gennate uh khat peuh a kiciat kei leh zong tel
siang matengin dot kikkik ding ahi hi. Hong tel gen theih
kei leh tua bang mite nung hong zuih tak het lo ding hi. Tua
ahih manin i mun leh gam ciat ah kuang hong lui dingte
ngaihsut tel mahmahna in mipite adingin phattuamna hong
piang thei ding ahi hi. Vote tang hong zon lai takun a
thugente uh ciamteh cinten ding a, MP hong ngah uh
ciangin a gen bangun hong sep kei uh leh mawhpaihna
kinei thei hi, cih mipi in phawk kik ding ahi hi.
Campaign hun sungin Party leh mipite theih ding thu
1. Biakna paulamin kuamah in vote tang zong
thei lo ding hi.
2. Minam paulamin kuamah in vote tang zong
thei lo ding hi.
3. Ukna aana zangin vote tang zonna nei ngei lo
ding hi.

26

Vote khiat dan

4. Tua ban ah vote tang ngah theihna dingin
zawhthawh thu tawh vote khiat sak dan ding gen
ngei lo hi.
5. Tua bang a piang sak thei thute khempeuh peel
ding ahi hi.

UEC in Campaign adingin a bawl uh thukhun

Union Electoral Commission in kuang lui thei dingin a
kipsak uh MP in kipsakna lai zong a paina khempeuh uah
lak thei ding uh hi. Hih MP dingin kipsakna lai pen a kisap
ni pan kipanin kiteel ding ni khat in a sap dong a kip hi bek
ding hi.
Independent tawh kuang lui dingte ahi zongin Party
panin ahi zongin vote tang a ngah theihna dingun: A tupna
leh a ngimna ahi zongin MP ngah leh a sep dingin kician
takin gen ding hi. Tua banah laitawh a hawm khiat nop leh
a nuai bangin sem ding hi.
1. A kuangluina ding mun (Constituency) sung
bek ah mipi kaikhopna leh lai hawmna nei thei bek
ding.
2. Tua bangin a sep nop leh a sep ma ni 7 in
amah tawh a kisai anuai a munte ah phalna la masa
ding hi.
3. State ahih kei leh Division in a dawldawlin
Commission zum a honnate uah zasak ding hi.
4. Disrict leh Township zum khente ah zong hi
ding hi.
5. Kuangluina ding mun (Constituency) Tps. ah
hi bek ding a, a dang ah hi thei lo ding hi.
Ngetna kisam lote
Party zum leh zum khenna mun tuamtuam a neih uh
leh phalna nget kul zenzen lo ding hi.

Vote khiat dan

27

Hih a tunga bangin Phalna a ngen thei dingte

Kuanglui dingin vaisaite tung panin phalna a ngahte bek
hi ding hi.
Ngetna lai tungah a kihel ding thute
MP kuanglui ding khempeuh in mi kaihkhopna ding
thugenna ding ahi zongin, vaisaite in a bawl uh ngeina
bangin gamta ding uh hi. Tuate in:
1. A sepna ding mun.
2. A bawl ding ni.
3. A kipat hun ding leh a zawh hun ding.
4. A kaikhop nop mimal zah.
5. A thugen dingte min leh matpongten leh
Address.
6. Phalna a ngetna a nei-te min leh matpongten
leh address.

XI. VOTE TANG NEITE LEH

A KHIAT ZIA
Kiteelna ah vote tang a nei khempeuh in vote khiat
ding pen tavuan hipi pen hi. I deih tangmi khat vote piakna
tawh pan lakna pen gammi mimal khempeuh adingin a
thupi mahmah ahi hi. I vote tang manphatna ciat pen a
manphatna mah bangin zat ding ahi hi. Na neihsun a
manpha na vote tangpen sum tawh zuakna leh sum zonna in
zatna in gammi khat na hihna a manphatna a susia i hi hi.
Vote khia lopi-in i om hithiat khak leh zong gamin khat
hihna tawh tavuan theilo leh phawk khalo i hi hi.
Vote khiat zia
1. Advance in a khia lo khempeuh in vote khia dingin
i khiatna ding mun ciat ah pai ciaiciat ding ahi hi.

28

Vote khiat dan

2. Vote khia dingin tangmi kizang thei lo ding hi.
3. Na khiatna ding mun ah vaisaite leh tavuan neite in
vote tang ding hong piak ma-in, min leh sazian tawh
kizui-in, vote tang nei mi in, minthuhna ahih kei leh
khutpi mekna tawh vote tang piak theihna a neite pia
khia bek ding uh hi.
4. Tua vote tang na khut sung hong tun ciangin
vote piakna ding mun ah, i piak nop tangmi min leh a
logo kiuli nei sungah khen ham tang ding hi. Tua khit
ciangin na vote piak kuamah in a theih lohna dingin i
vote tang laidal pen khep-in mebung sung ah khiat
ding ahi hi. Tua laidal tungah vaisaite minthuhna leh
nang deihna cih loh adang kihel lo ding hi.
5. Vote tangte in vote tang a neih leh neih loh i
tel theih kei leh ahi zongin, vote tang khia thei i hi
zongin, khuamu theilo ahi zongin, vote pia thei
sazian sungah a om bangin vote tang nei mi: pa, nu,
pasal, zi, tanu, tapa leh sanggam suahpih khat peuh
in vote khiat dingte deihna bangin a khiatna nopna
mun lian ah a khiat theihna dingin huh ding uh hi.
6. Vote khia ding khat cidam lohna a neih leh
vaisaite in vote a khiat theihna dingin huh ding uh
hi.

Vote khiat hun leh khiatna ding mun

1. Kitelna hun ding pen zingsang nai 6 panin
nitak nai 4 dong kihong ding hi. Tua ahih manin
vote pia ding theih kholh ding thu in ni tak nai 4
ciangin kikhak kha ding hi.
2. Nitak nai 4 lian ciangin a kikhak ciangin, a pia
man nai lo vote piakna mun a tung khinte min
sazian kila ding a, tuate bek in pia thei lai ding uh
hi.

Vote khiat dan

29

3. Advance tawh a piate cih loh buang vote piak

theihna a neite khempeuh in vote piak theihna lak
kim ciat ding ahi hi. Tua khit ciangin vote piakna
mun ah piak kim ciat ding ahi hi.
Vote pia theite hihna
Leitung gam tuamtuam ah i gam upadi tawh kituak
ciatin ngeina om hi. Vote khiat theihna ding mun
(Constituency) sehna pen a thupi mahmah ahi hi. Mun khat
leh mun khat mimal kikim lohna om thei hi. Tua ahih
manin a mun ding a kiseh ciangin vaisaite in vote tang a
kikim theihna dingin geelna zong kisam hi.
Vote tang manphatna
Gammi hihna man tak a nei kum 18 tung siah
khempeuh a lian leh neu ci loin vote tang manphatna kikim
hi. Leitung na manpha tuamtuam leh sum leh paaite in
kumpi hihna ding lei thei lo hi. Vote tang khat in mi khat
kumpi suaksak theihna a neih bangin, khaktan theihna zong
a nei hi pah hi. Hih pen a manphatna ahi hi. Tua ahih manin
vote manphatna a zang siam lo peuh mah ei leh ei a kineu
ngaihsut i hi hi. Tua ahih manin mi khat zakhang sak thei
ahih lam mimal ciat in theih kim ding ahi hi.
Vote tang khiatna pen Democracy lungtang ahi hi. Tua
ahih manin ahi bangin vote tang zat theihna in mibatna khat
hi a, i zat theih kei leh mibat lohna ahi hi. Gamdang ah ci le
hang vote tang nei khat in khatvei vote a khiat kei leh a hun
kik ciangin vote khia sak nawn lo uh hi. Vote khiat theihna
na neih hangin na khiat kei leh, miginalo pawl khat in nang
tangin na khia ziau ding uh a, tua in na cihtak lohna ahih
banah mi hoihlo khat bang na pia kha zenzen leh gammite
supna piang sak thei hi.

30

Vote khiat dan

Vote pia theih dingte

A nuai a bangin hihna a nei khempeuh kuamah
deidanna om loin vote pia thei ding uh hi.
1. Kiteel ni in kum 18 a pha khinte. Upadi
bangin a gamta gammi hihna a nei, gamdang pan
gam sungah hong om pakte leh vote piak theihna
dingin kumpi tung pan phalna a ngahte.
2. Vote pia thei ding mi sazian sungah a min
kihelte.
Vote pia theilo dingte:
1. Biakna lam ah hunbit nasemte
2. Khialhna hangin thong sungah a omte
3. Lungsim kicing lote
4. Kitelna ngeina in a phal loh mipite
5. Gamdang mi leh gamdang mi hihna a neite
Vote tang neite phattuamna
1. Vote suakta takin pia thei ding
2. Kuamah zahtak leh kihtak kul loin suakta tak
a deih mite vote piak theihna
3. Kitel hun simin vote piak theihna
4. Party tuamtuamte geelna leh tupna khempeuh
tel theihna nei hi.
A kidop huai thu
1. Galkap tangmite sim loh a mekuang luina
ding ah a om mite in vote a piak theihna dingun tua
mun mah ah a tengte hi ding hi.
2. Vote tawh teel ding ciangin a munmun ah a
om MP teelna dingin vote tang khat bek nei thei
ding hi. Mun dang khat ah a piak khit ciangin
mundang khat ah vote khia thei ngei lo ding hi.

Vote khiat dan

31

3. Vote khiat hun sungin a nuai a mite sim loh

vote khiatna mun ah om thei lo ding hi.
a. Vote khiatna mun tavuan la te.
b. Vote khia dingte.
c. Tavuan nei palikte leh tua mun ah a om
vaisaite.
4. Vote khia ding khat in a min a sim theih kei
leh ahi zongin khiat zia ding a theih kei leh ahi
zongin midang dong thei lo ding a, a tung a mite
bek dong thei ding uh hi. Mittaw khat in vote a
khiat ding leh: a pa, a nu, a zi, a ta, a tanu leh a
sanggamte in a khiatsak theihna dingin vaisaite in
huhin panpih ding uh hi.
a. Kiteelna tawh kisai Commission in a
seh vaisaite
b. Tangmite in a seh uh vaisai dingte
c. Kiteelna ah mi khat peuh in midang
kineih tawmin vote khia dingin kithawi-in
vaisaite in a theih zenzen leh a vote khiat
ding khaktan pah ding uh hi.
5. Vote sazian sungah address, laimal khialhna
leh a kicianlo a om hangin vaisaite in et sak kik
ding a, a man mah aih leh vote khia thei veve ding
hi. Tua bangin a khiat theihna dingin vaisate tawh a
khialhna munte (Vote piak dan ding No. 12) bangin
bawlpha kik hamtang ding uh hi.
6. Vote khiat theihna a nei lo khat in kineih
tawmin khiat a sawm; mimal, tangmi, vaisaite in
vote kiteeldan ngeina No. 14 tawh kituakin a kisam
bangin behlap ding uh hi. Tua lai ah tangmi leh
vaisaite ahi zongin a khial mi ahi zongin minthuhna
om hamtang ding hi. A zenzen in vote tang nei napi
in lai a gelh theih kei leh khutpi mekna nei ding hi.
Tua khit ciangin zong vote khia thei tuan lo ding hi.

32

Vote khiat dan

Advance Voting ()
Kiteelna vaisai lamte in a munmun ah sehna vote
khiatna ding mun ah a om lo, gamdang ahi zongin
mundang ah ahi zongin a om leh kiteel hun ma in, vote piak
theihna (advance voting) nei thei ding uh hi. (Kiteeldan
ngeina 58 A No. 2 bangin).
Kiteelna vaisaite in a ngah uh advance vote tangte pen
a sangna uh laidal tungah ahi zongin, vote khiatna laidal
nung lamah ahi zongin min kithuh hamtang ding hi.
(Kiteeldan ngeina 58 C bangin).
Tua bang vote a san khit uh ciangin a kimemat pih
Embassy ah lai-ip tawh puak ding ahi zongin vote tang
neite teekteek in va puak thei ding hi. Tua tawh kisai-in
kiteeldan ngeina 58 A & B bangin hi ding hi.
Vote khia theite adingin Embassy ahi zongin kumpi in
a sem dingin a koihte in ahi zongin vote a kikhiat theihna
dingin mun kician mahmah geel sak ding uh a, a hun lapin
za sak kim ding hi. Vote khia thei khempeuh adingin,
Khia thei ding hi, cihna laidal nei kim hamtang ding uh
hi. (Kiteeldan ngeina 57 A bangin).
Advance tawh vote khia thei dingte min sazian a
kikaih khop ciangin (Making lists for advance voters) a
kimemat pih Parliament tawh kizui-in Kiteldan ngeina 56
A: 1, 2, 3 bangin sem ding.
1. A kizopna veeng leh khua ah kitelna tavuan
neite in advance tawh vote khia thei dingte min
sazian kician takin nei ding uh hi. Tua vote tangte
khua leh veengte ah tavuan neite puak ding uh a, tua
pen kitelni (November 8) in tavuan neite tungah ap
thei ding uh hi. Tua tawh kisai-in vaisai lamte
minthuhna om hamtang ding hi.
2. Tua bang mite pen a min sazian gelhsa in
advance in vote a piak theihna uh leh a piak khitna

Vote khiat dan

33

uh laidal om ding a, tua tungah vaisaite in minthuh

ding uh hi.
Advance vote pia theilote
1. Vote tang pia theih khat peuh vote piak hun
ma-in khualzin khia in, vote piak ni-in a tun kik
zawh kei ding leh pia thei ding hi. Tua hih theih
lohna thu pen lai tawh kician takin a vote khiat
theihna mun vaisate tungah theihsakna nei masa
ding hi.
2. Vai tuamtuam hang tawh vote piak ni-in a om
theih loh hangin, vote a piak nop leh vaisaite in
kician takin teel sak ding uh hi. Tuate in:
a. Phak natna a neite.
b. Nausuak lai takte.
c. Upa ham khinte.
d. Palikte lock-up ah a om vat khate.
e. Zato lumte
f. Kumpi nasem khat peuh tavuan hang
tawh vote khiat ni in a om thei lote.
A khiatna ding mun ah a om thei lote
Tavuan khat peuh hang ahi zongin, nasepna hang ahi
zongin vai khat peuh tawh vote khiat ni in a khiatna ding
mun ah a om theih kei leh a nuai a bangin hi ding hi.
1. A khiat theihna mun ah ciah pak in vote
khiatna.
2. A khiatna ding mun ah vote tang nei khat in
khiat pah theihna.
Advance vote khia thei dingte
1. Galkapte tawh a om khawm innkuante.
2. A pua lam tung sangnaupangte.
3. A pua lam a tung training kahte.
4. Koikoi ah a om zongin Innkuan sazian lai nei
in, a omna (Innsap) ahi zongin hausate theihpihna a

34

Vote khiat dan

om leh khia thei ding uh hi.
5. Vai tuamtuam hang tawh mundang ah a omte.
6. Lock-up ah a om pakte.
7. Zato lumte.
8. Kumpi phalna tawh gamdang a va zin pakte.

XII. VOTE KHIA THEI SAZIAN

VAISAITE IN UPADI TAWH
KITUAKIN SEPNA DING
1. Gammi hihna kician nei lote, lungsim kicing
lo deih tel theihna a nei lote, khialhna hangin thong
sungah a omte khempeuh vote piak theihna nei lo
ding uh hi.
2. Sazian guanna ding ah gen banna a neite,
innkuan sazian leh matpongten sungah min gelh zia
kipelhte.
3. Sazian sung laimal kikhialte
4. Sazian tawh kisai-in gam mi hihna, Party-te,
tangmite, Mipi lam panin (CSO) in a man leh man
loh sit tel theihnate tawhsem thei ding.
5. Vote pia thei min sazian a man pen a suak
theihna ding.
6. Vote khia thei takpi maw?
7. Kinial theihna ding khempeuh a suk veng khit
uh ciangin phuankhiatna nei ding hi. A zaw deuh in
vote khiat ni in buai theihna ding khempeuh a hun
cinma in puah pha khin thei hamtang ding uh hi.
Vote khia thei khat leh a sep dingte
1. Kiteelna vaisaite a dawldawl ah, vote khiatna
mun ah cihte ah panpih in huh thei ding hi.

Vote khiat dan

35

2. Kiteel lai takin zong a man leh a man loh

encik thei ding uh hi.
3. Vote tang gusimte, vote piak ding khak tanna,
mi khat in khatvei sangin a tam zaw vote khiatna,
sum zangin vote leina leh zuakna, cih dan tuamtuam
a om leh thuneite tungah tua thute va puak thei ding
hi.
4. Innkuanpihte leh vengte in vote sazian a puak
kim theihna ding uh leh a min uh kihel kim maw
kim lo cihte sazian va etna leh midang zong
hanthawn thei ding uh hi.
5. Vote khiat ding haksa a sa u ham khinte leh a
cingtaak lote deihna bangin panpih in huhna nei thei
ding.
6. Vote tang simna ah zong teci dingin a gei ah
om cinten thei ding.
Tua ahih manin kiteelna siangtho a suak theihna ding
vote tang khiat theihna a nei khempeuhte tavuan lian
mahmah ahih lam phawk huai hi.
Vote khiat ni a gamtatzia ding
1. Vote pia thei sazian sungah na min a kihel leh
hel loh thei masa hamtang ding
2. Na min a kihel kei zenzen leh a kiseh hun
sung mahin vaisaite thei sak pah ding
3. Na vote khiatna ding mun thei ding
4. Zingsang na 6 pan nitak nai 4 sung man hun
ah vote va khia ding
5. Na vote khiatna tawh kisai-in na laidal tungah
minthuhna leh kitelnate seal a kitum hiam cih thei
ding.
6. Vote piakna ding laidal pen kheel gawpin
keksak lo ding.

36

Vote khiat dan

7. Vote piakna ding laidal a kisiat zenzen leh
vaisaite zasak pah ding.
8. Na tel tangmi leh a pary logo huam sungah na
thukimpih letmat om hamtang ding.
9. Parliament khat a dingin vote nih vei pia thei
lo ding.
10. Vote tang khat pen MP khat a dingin khatvei
hi ding a, vote tang thum ta nei thei ding cihna ahi
hi.
11. Midangte nawngkai sak theih genna, sepna
leh gamtatna khat zong nei lo ding.
12. Vote khia dingin kigualh diudeuh lai takin
luangduai mahmah tawh thuakzawh ding kisam hi.

XIII. VOTE KHIAT DAN

Vote khiat dan ding pen i theiksa bangin hong hilo
ding a, seal khat zangin i deihna mun ah tup ding ahi hi.
Tua ahih manin vote manphatna pen a manphatna mah
bangin I zat theihna dingin vote khiat dan pen i khiat ma
pan kipanin telcian mahmah kisam hi.
Khialhna a om theih lohna dingin kisin kholh a kulna
tawh kimematin a nuai ah khiatdan dik leh diklo a lim tawh
hong kisuaksak hi. Tua pen:

SEAL TUPNA DING MUN,

telna dingin, vote khia khempeuh in a deihna mun ah a
khiatkhialh theih lohna dingin nuai ah a lim (sample) tawh
ong kisuak sak hi.

Vote khiat dan

37

Theih masak ding

Vote khiat hun a tun ma-in a khia theih ding min sazian
ah na min a om leh om loh en masa in. A om kei leh a nuai
a form zangin na khiatna ding mun Commission-te tungah
ngetna nei pah hi. *Online pan a en nuamte ading*
https://checkvoterlist.uecmyanmar.org

38

Vote khiat dan

Na min gelh a man kei leh

Sazian sungah na min om napi-in a gelhdan a man kei
leh a nuai form bangin na khiatna ding mun Commission-te
kingah vote na khiatma in bawlpha sak pah in.

Vote khiat dan

39

Khaktan nop na neih leh

Vote khia thei lo khat ahi zongin khatvei sangin
tamzaw a khia ai zongin vote khia khat peuh tungah
thuman lohna na muh leh a nuai form zangin khaktanna lai
na khiatna ding mun Commission-te tungah puak in.

40

Vote khiat dan

Khialh lohna ding

Vote tang khat hanin gualzawhna leh gual lelhna piang
ding ahih theih kim ciat ding ahi hi. Tua ahih manin a nuai
a thute tel masak kisam hi.
1. Na piak ding pary Logo leh a min na tel mahmah kisam
hi.
2. Na piak mi min tuanna ciantakin en masa ding.
3. A min leh Logo a kituak hiam cih sit tel lai ding.
4. Tua khit ciangin na piak nop mi kician takin na piak
theihna ding a min omna lian leh a awngna mun ah ahi
zongin seal tup ding ahi hi.
Hih tawh kisai-in a nuai ah a kisang ding leh a kisang
theilo ding namnih a lim (sample) om bangin tel masak
kisam ding hi. A kisang thei dingin na piak theih kei leh na
a manpha na vote tang pen a mawkna suak ding hi. A
kisang thei dingin na piak theih leh a manpha na vote tang
pen a manphatna mah bangin a zang na hi hi.
A khiat dan dik pen nam 6 om a, a diklo pen nam 5 om
hi. Tuate kician takin takin na tel naak pen bang mah
patauh ding om lo hi.
Tua bangin dik takin i khiat theihna dingin a kigolh dang
pen:
1. Mikim zat ding vote khiatna laidal
2. MP kuangluite min
3. Party Logo
4. Seal tupna ding mun awng
Khatna
Nihna
Kuangluite min
leh Party min
Vote khiat dan

Thumna

Logo
41

Vote khiat dan

41

Constituency 1,158
Polling Station 42,000
August 24, 2015

Na vote khiatna ding mun ah

min sazian kisuang khin
Vote khiat hun ma in,
NA MIN!

*Om maw? Om lo?*

*A gelh dan man maw?
Man lo?*

HUN LAP IN VA EN!

your VOTE
is your VOICE
A MANPHA NA

VOTE

GAM LEH MINAM ADINGIN ZANG IN

42

Vote khiat dan

Khiatdan man nam 6

1. Khiatdan man: *A awngna laizang lian tung lam nga*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party

Pi Nei No
Seekthuuk Party

Vote khiat dan

43

2. Khiatdan man: *A awngna laizang lian nuai lam nga*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party

Pi Nei No
Seekthuuk Party

44

Vote khiat dan

3. Khiatdan man:

*MP min tung lian ah*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian
ah boilpen tawh (
) kui ziau ding.
3. Khat bek vote pia thei ding.

Pu Ngal Ngam
Dawnpawl Party

Pi Nei No
Seekthuuk Party

Vote khiat dan

4. Khiatdan man:

45
*Logo tung lian ah*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party

Pi Nei No
Seekthuuk Party

46

Vote khiat dan

5. Khiatdan man: *A awng khat tawh a tup khop hangin

a deihna lam ah tam zaw*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian
ah boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party

Pi Nei No
Seekthuuk Party

Vote khiat dan

6. Khiatdan man:
huam kha veve*

47
*A pualam a tun hang a deihna mun

Singgah pianna State sungah om Myone MP-te in singgah

party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah boilpen
tawh (
) kui ziau ding.
3. Khat bek vote pia thei ding.

Pu Hang Sai
Nahtang Party

Pu Ngal Ngam
Dawnpawal Party
Pi Nei No
Seekthuuk Party

48

Vote khiat dan

Khiatdan man lo nam 5

1. Khiatdan man lo: *Min leh Logo ah tum khawm*

Singgah pianna State sungah om Myone MP-te in singgah

party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah boilpen
tawh (
) kui ziau ding.
3. Khat bek vote pia thei ding.

Pu Ngal Ngam
Dawnpawl Party

Pi Nei No
Seekthuuk Party

Vote khiat dan

2. Khiatdan man lo: *Logo nih tungah tum*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party
Pi Nei No
Seekthuuk Party

49

50

Vote khiat dan

3. Khiatdan man lo: *Huang nih a kikim lianin kawm*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
)kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party
Pi Nei No
Seekthuuk Party

Vote khiat dan

51

4. Khiatdan man lo: *A sik lam tawh huang nih kawmin

a kikim lianin tum*

Singgah pianna State sungah om Myone MP-te in

singgah party min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah
boilpen tawh (
) kui ziau ding.
3. Khat bek vote pia thei ding.

Pu Hang Sai
Nahtang Party
Pu Ngal Ngam
Dawnpawl Party
Pi Nei No
Seekthuuk Party

Vote khiat dan

5. Khiatdan man lo: *A pua lamah tum*

Singgah pianna State sungah om Myone MP-te in singgah party

min tawh kuang lui ding ci pong.
1. Na piak nop tangmi min san lian ah seal tum in.
2. Adavance vote a piate in tangmi min san lian ah boilpen
tawh (
) kui ziau ding.
3. Khat bek vote pia thei ding.

Pu Hang Sai
Nahtang Party

Pu Ngal Ngam
Dawnpawl Party
Pi Nei No
Seekthuuk Party

52

UNION ELECTION COMMISION

TAWH
KIMUHKHOPNA
LEH
CIAMTEHNA

Laimai 1

UEC tawh

2010 kiteel lai-in party kuanglui kitam het lo

hi. Tua ahih manin USDP in Parliament a phuan zo
suak ziau hi. Tua khit ciangin Party tuamtuam
hong piang khia a, tu tung kiteelna ding ah Party
hong tam mahmahna tawh kizui-in 2012 pan
kipanin kiteel kik adingin vaisai lamte lunghih
mawhna lianpi nei uh hi.
2010 kum kiteelna dan kizang kik leh patauhna
om ahihna tawh kizui-in kiteel dan ding vaisai
lamte in lim ngaihsut mahmah uh a, PR zat dingin
vaisai lamte in vai lian khatin hong nei uh hi.
Tua tawh kisai-in Parliament ah kiteelna
ngeina zat dingin khensatna hong om ciangin
vaisaite in vote khiat dan ding hong kheel uh a,
tua hong kheel uh ciangin dotna tampi hong piang
khia hi.
Tua thu hangin UEC in Civil Societies, Party leh
Media-te tawh kimuhkhopna nei den uh hi. Hih
bangin kimuh khopna ah, ni thum ta hun bei in
Park Royal Hotel Yangon ah nei den uh hi.
Ni khat ni: UEC leh Civil Society-te
Ni nih ni : UEC leh Party-te
Ni thum ni : UEC leh Media-te
Cih bangin neih pih den hi. Hih kipawlna
thumte sung panin Civil Society & Media @Zomi
cih min tawh thumvei a kihel thei i hi hi.

Laimai 2

UEC tawh

Party tawh kimuh khopna ah ei sung panin

Zomi Congress for Democracy (ZCD) kihel den hi.
Hih i kihelna ah ka thuzakte, dotna kidawn kiknate
leh hong hawmkhiat uh laite tung tawnin hih laibu
sungah a thute tom-kim-cing takin kigelh hi.
Hih laibu pen mailam ah zong kiteelna hong om
kik ciangin zat theih suak dingin a kigeel ahi hi. Tua
bang kimuh khop simin kiteelna vaisaipi Chairman
U Tin Aye in thukong honna leh thukhupna nei
den hi. Thukong honna khit ciangin a pai
khempeuh in lunghihmawhna dotna tuamtuam
kinei den a, tua khit ciangin minit 15 sung a paite
group in hong khenin kisam lai dingin a
ngaihsutnate uh ahi zongin, kaih khop kikna hong
nei den uh hi.
*UEC Chairman U Tin Aye in thu a gen lai tak*

Hih kimuhkhopna pen Myanmar Electoral

Resources Inforamation Network (MERIN) leh
International Foundation for Electoral System
(IFES) in makaih den uh hi.

Laimai 3

UEC tawh

Myanmar Electoral Resources Inforamation

Network (MERIN) ah Pa Kap Khen Pau (Kapno)
Director ahih manin ki-teek tang tuam mahmah hi.
Tua ahih manin hih lai ah hong kihawm khia lo
laibu tuamtuam zong hong vaan pih pah hi.
MERIN ah Pa Kap Khen Pau (Kapno) Director
ahihna tawh kizui-in speech minit 15 kipia den a,
MERIN nasepna leh a kalsuan ziate uh genna hong
nei thei den hi. *Kapno thugen lai tak*

Kiteelna vai tawh kisai zong dotna mikim in

suakta takin kinei thei a, dotna khempeuh zong U
Tin Aye in lungduai takin dawng hiathiat den hi.
Dotna a kidot ciangin:
Vote khia thei sazian vai: Hih tawh kisai pen State
leh Region-te ah Commission om ahih manin
amau tavuan ahih banah, tuate nuai a, a dawldawl
in Commission kiseh suk diuden lai hi. Tua
khempeuh pen amau tavuan a kipia khin ahi hi, ciin dawng hi.

Laimai 4

UEC tawh

Vote tang guk theih ding vai : Hih tawh kisai-in i

teel nopte adingin kician takin kibawl a, i deih ciat
ah seal a kibang tup dingin kigeel khin hi. Tua ahih
manin, vote khiat dan pen hun beisa tawh kibang
lo ding ahih manin, mipi in a tel kim theihna dingin
hong huh un, ci-in thuumna nei den hi.
Kei zong hun man khit ciangin ka kiang ah
hong pai phei in, hong hopih a, vote tang guk vai
ka dotna pen hong tel gen kik hi. Tua bangin hong
tel gen lai takin ka kizaih uh Photo, a nuai ah.

Cih bangin kuamah deidan nei loin mikim dotna

pen a dongte tel masiah hong a tel gen ciatciat
pen thupi kisa mahmah hi.
Reported
by
Sia Khen