Nang Malsawmna ni ang che

Riltamte chu thi tha takin a ti

puar a, Hausate chu kutruakin a
kal bo tir ta a

- Luka 1:53

Ram leh Hnam

Humhalh

Estd. : 24. 10. 1994 Pro. Permit No - 25 of 2004

Vol - XVIII Issue No 032, the 12th September, 2015 (Inrinni): Darthlalang Chanchinbu,

Damlo
Chanchin kan lakkhawm laia kan
vengchhung mi CHS awm te:
1. C. Thangbilha
Sec-V
2. PC. Lianmawia
Sec-V
3. Elisianmawia
Sec-II
Blood Bank Report
Chanchin kan lakkhawm laia CHS
Blood Bank dinhmun chu:A
B
AB
O
6
15
11
30

TUALCHHUNG
#
Nl. Priskil Lalrinpuii d/o J.
Lalthanchama Sec-I chu Dt. 4.9. 2015
khan in check-up turin phai lamah an kal
a. Dam taka an lo hawn thuai theih nan
duhsakna kan hlan e.
#
VC Vice President Tv. Lalbeiseia
Pachuau leh Secretary Pu C
Zohmingliana chu VC thil pawimawh
hrang hranga office dawrin tunkar
liamta khan Aizawl an kal a, Ningani
khan an rawn kir leh a ni. VC Serkawn
Vice President Tv. Lalbeiseia Pachuau hi
Lunglei District VC Association-ah General Secretary atan than thar a ni.
#
Serkawn Tuachhung Kohhranin
camping vawi hnihna an neih chu tukin
hian an rawn chhuak dawn a. Camper
68 awmin Speaker Rev. Lianchhunga
Khiangte a ni a. Camp boruak a thain an
hlim viau niin thu kan dawng. Serkawn
Tualchhung Kohhran hian zanin (Inrinni
zan), Pathianni Zing, Pathianni
chawhnu leh Pathianni zanah te camp
follow-up crusade/ zaikhawm te an nei
chho dawn a, a duh tan Biak Inah
councelling class pawh a awm reng ang,
khawtlang mipui tam thei ang ber
Kohhran programme-ah hian tel turin
STK hruaitute chuan an sawm a ni
#
Tunkar chho ah ruah a sur hnem
deuh avangin khawtlangah leimin leh
chhiatna engemaw a thleng nual a, a
pawi hle. Ruah leh thli vang te leh kawng
dang danga chhiatna thlengah a theih
ang chin chinah inpui tawnin i
intawiawm hram hram ang u.

Branch YMA,

Hun awl hmanthat *

Kristian nundan tha ngaihsan *
Zofate hmasawnna ngaihtuah *
Serkawn :

Kartin

Chhuak

Page

YMA THUHLA
SYMA EXECUTIVE COMMITTEE
HRIATTIRNA
A hnuaia hmun leh hun tarlan ah hian SYMA Executive Committee neih tur a ni a. SYMA Executive Member zawng
zawng te kim taka kal theuh turin kan inhriattir a ni. Committee kohna hmulo kan lo awm palh a nih pawhin hei hi kohna a
ngaih nghal tur a ni e.
A hun
: 14th September, 2015 6:45 pm
A hmun
: YMA Meeting Room
1. CEC MEETING-AH PRESIDENT KAL:
Kan Branch President Pu Lalbiakzara chu Central YMA
hnuaia Committee sang ber Central Executive Committee Meeting-a tel turin 10th September, 2015 khan Aizawl panin a kal. Pu
Biakzara hi Sub. Hqrs YMA Lunglei aiawha CEC member te zing
ami a ni. CEC-ah hian YMA Sub. Hqrs leh Central YMA hnuaia
committee penga hruaitu nihna zawn atanga tel te, mimala tel ve
hrim hrim te an awm thin a. Kan branch President hi ama mimal
a direct-a CEC a tel a ni a, a chhuahawm hle a ni. Tluang taka a lo
hawn leh thuai theih nan duhsakna kan hlan e.
2. LAWMTHU SAWINA:
Upa R. Lalrosanga Sec-I chuan atul apianga SYMA-te hman
turin, Puan pathum (3) min pe a. A chungah SYMA chuan
lawmthu kan sawi a ni.
3. FAINA CHUNGCHANG BAWK:
YMA leh tlawmngai pawl te bawlhhlawh bawm dah
tlawmngaia lo paihfai thintute chuangah lawmthu kan sawi a.
Kan khawtlang tana in thahnemngaihna leh in tlawmngaihna hi
kan veng faina kawnga ti hmelmawitu leh tihmingthatu ani tih
kan han tarlang a ni. In chungah lawmthu kan sawi takzet e.
Faina hapta kan lo hnaih leh ta hle mai a. Serkawn mipuite
theihtawp chhuaha mahni in leh a chhehvel fai taka enkawl
chhunzawm zel turin kan inchah nawn leh a. Kan veng chhunga
bawlhhlawh bawm kan dahte hi uluk leh tha taka kan enkawl tur
a ni tih kan inchah nawn leh bawk e. Khawtlang fai leh nuam ber
ni zel turin hma la zel ila. Mimal tin ten faina kawnga theihtawp
kan chhuah hian kan khawtlang hi a lo nuam in a lo fai zual zel
mai dawn a ni.

H R IATTIR NA
E/Roll Summary Revision

Volunteers For Beautiful Serkawn

15 September- 14th October, 2015 chhung hian Dt. 1.1.

2016 a kum tling tur chin tan ahnuaia hming tarlan ah te hian
E/Roll ah inthun thar theih a ni a. Birth Certificate (Attested
Copy) leh Thlalak (Passport Size) pakhat (1) ken tel tur a ni.
Hemi chhung hian hming paih leh particulars diklo
siamthat theih a ni bawk ang.

THUVAWN IV-NA

SAICHAMA KHIANGTE
BLO-I

Thing leh mau leh nungcha dangte

humhalh turin theih tawp ka chhuah
ang.

th

R. BUATSAIHA
BLO-II

SYMA LIBRARY HAWN HUN : THAWHTANNI, NILAINI, INRINNI (4:30 PM - 5:30 PM)

Vol - XVIII Issue No. 032, the 12th September, 2015 : Darthlalang Chanchinbu,

Editorial Board
Editor
Jt Editors

- John Laldingngheta
-9862196929
- Remlalnghaka Renthlei - 9089198412
H. Lalbiaktluanga
- 8414047995
Manager
- Ng Lalmuanawma
- 9612063939
Asst. Manager - P. Laldinmawia
- 9615141387
Circulation Staff
Lalrinchhana Lianhna
Lalengkima
Lalruatliana
Malsawmzuala Fanai
N.K. Zama
C. Lalenkawla
C. Lawmsangzuala
K. Vanlalneiha
K. Lallawmzuala
K. Lalruatkima
Members
P. Lalhmingchhuana
R. Rohmingliana
Lalbeiseia Pachuau
K. Lalrindika

O/B In Charge
F. Lalhmangaihthanga(Secy, SYMA) Ph - 9862311359

CHHUNGRIL LAM FAINA

Faina Hapta kan lo thleng leh dawn ta reng mai.
Serkawn mipui rilru sukthlek hrim hrim han en hi
chuan faina lam hi kan ngai pawimawh thawkhat niin
a lang a, a sawia han sawiho pawhin faina hi kan
nunah a bet ve ta viauin a lang. Min lo zirtir thintu
Rev. Dr. HS. Luaia te leh kan mi hmasate bakah vawiin
thlenga pulpit sermon-a la telh thin te, ziakmi te leh
khawtlang faina atana tha thawhtute, YMA
bawlhhlawhbawm lo paihfai thintute zawng zawng
thawhrah a ni a, faina kawngah hian hma kan sawn
ve zel dawn a ni.
Pawnlam langthei faina hi kan ngai pawimawh
zel tur a ni a, hma kan la zel bawk ang. Nun chhungril
lama faina leh nun thianghlim, moral tha hi kan ngai
pawimawh bawk tur a ni a. Pawnlam fainaa hma kan
sawn zel rual hian hemi kawngah pawh hian rahbi
thar kan rah chhoh ve zel a tul a ni.
Kohhran, khawtlang hruaitu dinhmuna ding
apiang an tlin lohna hmu a, sawi uar em em ching te
kan la awm chuan thinlung bawlhhlawh a ni tih hriain
thianfai ila, mi tlinna leh thatnate, tangkainate hmuh
thiam i zir ang u. Tu emawin chawimawi a hlawh a,
fak a hlawh veleha sawiselna tur leh an hmelhemna lo
hriatsak chingte kan la awm em? Thenfai a ngai a ni.
Tu pu emaw miin an faka lo lawmpui mai aia
Ka pu a ropui zawk lo ti chi te kan la awm em, Tu
patea emawin chawimawina a khum a, lo helh tlat,
Ka patea hlan zawk tur lo ti chi kan la tam chuan
kan thinlung a la fai tawk lo tihna a ni thei ang, mahni
theuh inbih chiang ila. Tu emawin sawisel a hlawh
deuh a, kan lo phurpui a, tihhmingchhiat zau dan kan
lo ngaihtuah chuk a nih chuan kan thinlung lamah
thenfai ngai tlem a zawng a awm tihna a ni.
Khua leh tui kan nihna angin midangte nena
kan chenhona atana hnawk thei thil hrang hrangte hi
thianfai zel thiam ila, kan khawtlang chu a nuam ngei
ngei ang. Chhunglam leh pawnlama min tihnawktute
thenfai zel hi thianghlimna kawng pawimawh tak
pawh a ni e.
Taka, Faina Hapta lo thleng turah hian
ngaihtuah zui atan thildang deuh pakhat
chhawpchhuak leh ta ila - Kan Serkawn hi
BAWLHHLAWH PAIHNA AWM LOHNA
SERKAWN ni turin kan siam thei angem tih hi
ngaihtuah zawm teh ang u....

Branch YMA,

Serkawn :

Kartin

Chhuak

Page 2

YMA CHHANG PUAL

TLAI LUAT A AWMLO
Ka tlai lutuk tawh... tiin thil tam takah kan
sawi thin a. Hlawhtling tur hian tlai lutuk a lo awm
lo, mi thenkhat an hun tawp lama hlawhtling ve
chauh tam tak an awm, heng zinga thenkhat,
ngaihnawm tak tak han tarlang ila:
1. Alice Porlock:
British thuziak thiam lar tak a ni a, a lehkhabu
hmasa ber a ziak hian kum 102 mi a ni tlat.
2. George Burns:
US mi, lemchanthiam lar tak a ni tih kan hre
tawh mai thei. A film hlawhtling ber leh mi hriat a
hlawhna ber Radioland a chan kum 1994 khan kum
94 mi a ni tawh.
3. George Bernard Shaw:
Irish thu leh hla thiam George Bernard Shaw
kha mi tam takin phu em ema an hriat laiin a that lai
hunah Oscar Award kha a dawng ve thei tlat lova.
Kum 82 mi a niha a screenplay ziak, Pygmalion chuan
Oscar Award hi a dawng ta a Nobel Prize for Literature a lo dawn tawh sa nen, khawvela heng
chawimawina ropui pahnih dawng kawp hmasa ber
leh a awm chhun a ni ta rih a ni.
4. Lance Armstrong:
1971 a piang, US mi, Cycle intlansiak lama
hmingthang tak hi kan hria em? Hepa hian a rawlthar
chhuah hlimah cancer natna a vei a, thi mai tura ngaih
a nih hnuah a rilru paukhauh leh tumruhna avanga
dam lehin cycle intlansiakna lar leh rothap tak, Tour
De France-ah 1995-2005 khan a zawna champion
vekin record a siam a. He record ropui tak hi tumahin
an la khum leh ta lo a ni.
Heng mite hi kan la hre lar vak lo maithei, an
tumruh dan leh an hlawhtlinnate hi a ngaihnawm
dangdai leh khawp mai:
1. Ludwig Van Beethoven (1770 - 1827):
Hla leh rimawi phuah thiam hmingthang
Beethoven-a hi 1817-ah a beng a ngawng pumhlum
hlauh a. Hemi hnu hian rimawi ropui leh hriathlawh
tak tak a la phuahchhuak tho.
2. Sarah Bernhardt (1844-1923):
French nula lemchan thiam leh lamthiam a ni
a. 1914-ah a ke a bung daih mai a. Mahse lemchan
leh lam a la bansan chuang lova, film ropui tak tak
leh Dance Video hlawhtling tak tak a ke bulh hnu
hian a la siamchhuak thei tlat a ni.
3. Andrea Bocelli (1958-):
Italian zaithiam a ni a. Kum 12 mi a nihin a mit
a del a. Mahse khawvel hriata zaithiam a ni phak tho.
4. Louis Braille (1809 - 1852):
Piantirh atanga mitdel niin mitdel hawrawp
kan tih mai Braille Letter hmuchhuaktu hi a ni.
5. Frank Gardner (1952-):
Ani hi BBC News reporter tunthlenga kan hriat
lar em em hi a ni a. Kum 2004 khan Saudi Arabia-ah
a hna thawk lai silaiin an kap chiam tawh a, hei lo
pawh hi huaisen taka journalist hna a thawh avang
hian beih a tawk hnem hle tawh a. Mahse a hna hi
huaisen leh rinawm takin a la thawk reng a ni.
Hlawhtlinnate, hmingthannate hi pawnlam
langthei ni mai lo, chhungrila beidawng duhlo leh
tumruh tlat thin te chan a ni e.

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No. 032, the 12th September, 2015: Darthlalang Chanchinbu,

SERKAWN THLANMUAL-II
(1947-1996)
Serkawn Branch YMA a din tirh atanga kan
hmalakna pawimawh tak mai pakhat chu
Thlanmual enkawl hna hi a ni awm e. Hruaitu hmasa
te thahnemngaina avangin kan thlanmual pawh a
fel fai in a changtlung viau a ni. Kan tarlan tawh
thin angin Art & Culture Department hnuaia 13th
Finance Commission atangin Thlanmual (ThlanmualII) tih changtlun theihnan pawisa hmuh anih angin
YMA ten hmalak a ni a. Sum leh pai hi he thlanmuala
phum Rev. Chuautera leh Pu Lalmama te Thlan
cheithar (Renovate) nan hmuh anih angin an thlan
pawh chei thar a ni. Hemi bakah Deptt. lam hotu te
nen ruahmanna te siamin, Step, Chawlhbuk leh Gate
te siam a ni. Step hi Gate atanga a tawp thlengin
siam a ni. Chawlhbuk leh Gate hi siam zawh tawh a
ni a, ruahtui a tam deuh avangin, rawng la hnawih
rih loh a ni.
Convener,
Thlanmual chei Sub-Committee

Serkawn :

Kartin

Chhuak

Page 3

CHRISTIAN HOSPITAL SERKAWN

PRESS HAND-OUT AUGUST 2015

1. Hospital Statistics April 2015
OPD a inentir zat
- 2319
Admit zat
- 330
Naupiang zat
- 42
Hospital-a mitthi zat
- 12
Major Operation zat
- 48
Minor Opertion zat
- 41
Endoscope en zat
- 60
Utrasound en zat
- 176
Labouratory exam zat
- 1384
X-Ray zat
- 229
Blood Transfusion zat
- 122
2. August 2015 chhungin Hospital Poor Patient Fund
Rs. 57,430.00 mi thahnemngaite, pawlho leh
Kohhranho te atangin dawn a ni a kan lawm hle.
Tin, August 2015 chhungin a hnuaia tarlan ang
hian Christian Hospital Serkawn tan thilpek dang
kan dawng bawk a, kan lawm hle:
Sl.No
Petu
1
Pu MS Dawngliana,
BMP Electric Pastor
2
Bial, Lunglei
3

BKHP Serte Pastor

BKHP Rahsiveng
Pastor Bial
BKHP Serkawn Pastor
Bial

Branch YMA,

Thilpek
Rs. 4,000.00 Dialysis leina
Rs. 17,350.00 CHS
tihchangtlun nan
Hmawlhte suih tam tak
Refrigerator tha tak pakhat
Rs. 23,4200.00 CHS a
mattress leina tur

3. August 2015 chhung khan heng a hnuaia tarlante

hian Christian Hospital Serkawn Blood Bank a dah
turin Volantary Blood Donation an nei a, a
lawmawm hle:
S l. N o .

1.
2.
3.
4.

Chawlhbuk
Step
Gate
Rev. Chuautera
leh Hrangnghini
Thlan
5. Pu Lalmama
Thlan

1
2
3

P aw l H m in g
T K P S e rk a w n P a s to r b ia l
( D t 15.8.2015)
K TP T h e n za w l P asto r B ial
( D t 28.8. 2015)
M Z I, Lu n g le i ( D t 31.8.2015)
TO TA L

T h is e n U n it
p e k zat
41
83
16
140

MIPUITE HNENA NGENNA

-TBC. Vanlalsanga (Lala)

1. Kan khawtlanga chhiatna tawk an awm hian mitthi
vui hun a thusawi tute hian tawi thei ang ber
thusawi tum ila. Vui chhunga thusawi tur,
chhungkhaw aiawh leh pastor tih loh thusawi duh
chuan vui hmaiin kan thusawi tur te lo sawi hmasak
i tum ang u.
2. Mitthi chanchin hi tawi thei ang ber sawi tum ila.
Kimchang leh tawi thei ang bera sawi thin tum ila
a lawmawm hle ang.
3. Lal Isuan min fan chhuak a,
Amahah kan famkim ta;
Ka pumin min tidam ta,
Beramni ropui rawh se.
tiin fakna siamtu chuan thiam tak maiin a lo chham
chhuak a. nang leh kei hi englaiah nge ka awm tih
inngaihtuah ang u.

SERKAWN I VAWNG FAI ANG U

Darthlalang a thuchhuah te hi Darthlalang Editorial Board ngaihdan a ni vek kher lo.

Vol - XVIII Issue No. 032, the 12th September, 2015 : Darthlalang Chanchinbu,

INFIAMNA
KHAWVEL
FOOTBALL
International break a zo leh ta a, League hrang
hrangte inelna lamah mit leh beng i chhi leh tan tawh
teh ang. Kartawp inkheltur zingah ngaihven hlawh ber
tur chu English Premiere League bikah chuan club lian
leh sulhnu nei tha pahnih, tunhnaia thawm nei hleithei
ta chiah lo ve ve, North-West Derby-an tih Manchester
united leh Liverpool zanin dar 10:00 pm a khelhtur hi
a ni. Club pahnih intum tawhah hian ManU hian tum
77 chakna chang tawhin Liverpool lam hian tum 64
hnehna an chang ve thung bawk a, inhnehtawkin tum
51 an inthathen a ni. Hemite pahnih hi English club
record nei tha ber ber an ni a, an pahnih Trophy lak
tawh belhkhawm hi Trophy 86 lai niin, Liverpool hian
Trophy liantham 44 la tawhin Manu hian Trophy 42
an hui ve tawh bawk a. Mahse Manu hi Premier League
bikah chuan tum 20 Champion in Liverpool hi tum 18
an champion ve thung a ni. Inkhel ti hmuhnawm zual
em emtu chu player thlenga an inhal na rilru hi a ni a,
club pahnih ten league an inhmachhawn tawhna
zawng zawngah Red card hi tum 14 phawrh sen a ni
tawh a ni.
Saturday 12.9.2015
Everton
Vs
Chelsea
5:15pm
Arsenal
Vs
Stoke
7:15pm
Crystal Palace
Vs
Man City
7:15pm
Man United
Vs
Liverpool
10:00pm
Sunday 13-9-2015
Athletico Madrid Vs
Barcelona
12:00am
England Captain Wayne Rooney chuan England
tan goal thun hnem ber record thar a siam.
Arsenal player beiseiawm Wilshere chuan
inhliam dang a nei leh ta.
Chelsea player chhuanvawr Hazard chuan club
zawng zawngte hian Chelsea chu an beihrawn niah a ngai.
BOXING
Boxer tawngduh leh insawi thei ve tak,mahse
thiam tak a hnehloh la tawng lo, mizo mipui mai nilo
khawvelin a ngei rawn American Boxer Floyd
Mayweather chuan amah cho zek zektu British Boxer
Amir Khan hnek duh loin, a vawi ruk inhnek atanga
vawi thum a zawna chak lo Andre Berto zawk chu a
inhnek vawi 49 na ni turin MGM Grand Garden Arenaah Pathianni zingah a hnek dawn a. Mayweather hi a
chak anih chuan boxer ropui Rocky Marciano record a
pha ve dawn a. Tin, hei hi a inhnek hnuhnungber tur a
ngaih a ni.
TENNIS
US Open chu a hmawr an bawk dawn tan ta a,
ruahsur nasat avangin hmeichhe semifinal khelhtur
an post-poned a final kheltur result kan rawn dah hman
ta lo a ni.
US OPEN Semi-Final
W omen's Single
Simona Halep
Vs Flavia Pennetta
Serena Williams Vs Roberta Vinci
Mens Single
Novak Djokovic Vs Marin Cilic
Roger Federer
Vs Stanislas Wawrinka

Branch YMA,

Serkawn :

Kartin

Chhuak

Page 4

HAUHULH ELECTRICALS
-&GROCERIES
(Damdawi In peng, CHS Guest House hnuai)
Electric Bungrua kim chi hrang hrang
Lunglei rate in kan pe thei a, a mamawh te tan a
hnuaia phone number tarlan ah hian engtiklai
pawhin dawr theih reng kan ni e.
Tin, chhungkaw mamawh (groceries) chi
hrang hrang kan nei a. Frosted Foods (Sausages,
Chicken Nuggets, etc.) leh Ice-Cream chi kim lei
tur kan nei bawk e.

MIN LO PAN VE RU LE....!

9862389837
9862876054
0372-2342408

ZU IN LUI TANG TANG IN

IN MILIAN THUR THUR AN
AWM NGAILO..!
Darthlalang ti ti
#
Hlawhfa vil hmanhmawh ber U Valpuia
Hrahsel Sec-V, October hmaa inpeih chian loh a hlau
bawk a niang Pu Ramsanga Sec-V te ho hian a bula
hnathawh hrehawm an ti hle a, Zo thuai thuai ru,
hmanhmawh a ngai.... a ti deuh reng niawm tak a ni.
#
Pu Zohminga Sec-IV hi Social Welfare Director room-ah a lut a, inti phungthlu fe hian, hawi mang
hlei lovin Ka pu chibai... a han ti lut rawk a.....
Director kha hmeichhia (Pi Vanlaldini) a lo ni leh si a,
a lo nui char char a, Pu Zohminga zah zel chuan E..
ka pi zawk i lo nih hi mawle.... te a ti nawi nuai a.....
Director hian thingpui a khilai ringawt..... Nikhat
thil thua Director, Depeauty pahnih leh Account Officer room-a thingpui han in chu, Pu Muanawma SecIV leh Pu Mahruaia Sec-IV, Pu Sentea Sec-IV te ina
in kual nen chuan a inang miah lo te a la ti zui.....
#
Eheee.....! Tv. Ut-a (Freddy) Sec-II leh Tv
Lawma Sec-III te chu camp lut leh hmiah mai.....!
An pianthara an awm that zel chuan setanan a
chicken fry tawh miah lovang.....
#
Kan Editor chhuak ta Beia Pachuau Sec-III
pawh hi Pu Zohminga nena an zinnaah a che fuh
thlap thlap bik lo, file kengin office pakhatah a tei kual
nasa lutuk a, office-a thawktu thenkhatin an peon thar
emaw te an lo ti vel..... Tin, Beia Pachuau hian Lunglei
Dist-a VC Assn Gen Secy a nih dawn takah hian Pu
Ngaia (Rev) te nen hi chuan rank khat theuh theuh
kan nia, GS theuh theuh te a ti vel niin kan hria.....
#
SYMA Section-III Leader hi kum 15-30 inkar
Gospel Camping ah luh a tum ve ringawt a. A zak
leh deuh si a eirawng bawlna lamah a awm ta char
char ringawt...
- Pu Romuana Sec-II Leader
#
Pi Chhingpuii (VC) Sec-V veng dang mittthi
inah pangpar kengin a kal a. A pangpar ken a a hming
ziah leh mitthi hming a lo in anglo reng reng lo mai
a... Mitthi in atangin pangpar chu ngawi rengin a
keng chhuak leh tih kan lo hria...

Published and Edited by John Laldingngheta for and on behalf of Branch YMA, Serkawn : Printed at BPP Serkawn, 550 Copies