* Hun awl

hmanthat
* Kristian nundan
tha ngaihsan
* Zofate hmasawnna ngaihtuah

Kumpuan : Ram leh Hnam Humhalh

Nang Malsawmna ni ang che....

Estd. : 24. 10. 1994 Pro. Permit No - 25 of 2004

Vol - XVIII Issue No 286, the 28th December 2014 (Pathianni) Darthlalang Chanchinbu,

Krismas chawlhin min nang a, kan

chanchinbu chhut dan pangngai lo
deuh hleka kan chhut avangin damlo list, Blood Bank Report etc kan
tilang thei lova, chhiartute hriatthiamna kan ngen a ni.
#
Pu J Lalrosanga (Sangmama) SecIII chu a damlohna vangin Amri Hospital
Kolkata-ah enkawl mek a ni a, dam taka a
lo haw leh thuai theih nan i tawngtaipui
ang u.
#
Volunteers for Beautiful Serkawn
te chuan felfai zawka hunpui kan hman
theih nan Faina Hnatlang an thawk
ngawrh hle a. Traffic Island bul vel te
leh Indoor Stadium peng te, hmun hrang
hrang tifaiin hah leh ngawrh takin an bei
a, khawtlang faina atana VBS te inpekna
a ropuiin a fakawm em em a ni.
#
Serkawna Whatsapp Group
pakhat, Saisih Welfare chuan memberte zingah phal ang ang thawhlawm
inkhawnin an sum hmuh tlingkhawm
atangin Rs 3050/- chu BCO Serkawn (Nau
Hnuchham In) tanpui nan an hlan bakah
Serkawna chhungkaw harsate tanpui
nan Rs 1000/- an hlan bawk a. A vaiin Rs
4050/- an hlan a ni. Dt 21.12.2014 (Pathianni) tlai khan Saisih Welfare Group enkawltu (admin) Tv K Lallawmzuala Section-III
chuan group member te aiawhin thilpek
hlanna hi a nei a, member ten an tawiawm
tha hle. BCO-a thilpek an hlannaaah Tv K
Lallawmzuala hian Serkawn thalaite hi
midangte tan nasa lehzualin kan luangchhuak tur a ni tih a sawi. Saisih Welfare
group te hian Dt 23.12.2014 tlai khan
Section-III huamchhung kawngpui dung
tihfai hnatlang an thawk bawk
#
Chdk Mual tlawhtute hnena Chdk
miten coffee, Sticky Rice, Desert etc an
zawrhna atanga hlep an hmuh te chu
Dt 23.12.2014 khan Serkawn mi tanpui
ngaia an hriat mi 20 hnenah tanpuina
pawisa faiin an hlan a. A hnua sum hmuh
tlingkhawmte pawh a tul anga mi chanhaite tana hlan zel tum a ni bawk. Chdk
mite midangtana an inpekna a fakawm
hle a ni.

Keep Serkawn
Beautiful.....

Branch YMA,

Serkawn :

Kartin

Chhuak

Phek 1- na

YMA Thu Hla

1.
Duty Chungchanga Ngenna:

SYMA Executive Committee Meeting in a rel angin SYMA
huamchhunga Section hrang hrangah duty insiamin duty post pawh
siam a ni a. Section hrang hrang ten tha takin kan kalpui a, duty pawh
kan chhuak tha hle thin a, a lawmawm takzet a. YMA member, kan
khawtlang him nana duty thin zawng zawng chungah pawh Branch
YMA hmingin lawmthu kan sawi e.

Kan khawtlang a him lehzual theih nan duty te hian a tlem
berah vawikhat tal mahni section huamchhung hi fang kual thin turin
kan inngen a. Kan vengchhung a him lehzuala, a ralmuan lehzual theih
nan kan theih tawp i chhuah tlang zel ang u.
2.
SYMA Lawmthu Sawina leh Ngenna:

Branch YMA Serkawn chuan him tak leh harsatna lian tham
thleng lova Krismas kan hman zawh theih avangin lawmawm kan ti a,
Serkawn mipui zawng zawng hnenah lawmthu kan sawi a. Kumthar
lo thleng tur pawh him leh ralmuang taka hman hi SYMA chuan kan
duh dan a ni a, him tak leh muang taka Serkawn mipui nunau zawng
zawngin Kumthar kan hman theih nan mi tin te thawm bengchheng
siam lo tur leh midangte tibuai zawnga awm lo turin kan inngen a.
Kumthar vuakvetah mite tana harsatna siam leh khawtlang tibuai zawnga khawsa kan awm a nih chuan a tul ang zelin SYMA chuan hma
kan la dawn a ni
SYMA Education Committee Thu

Branch YMA Serkawn Education Committee chuan kumin 2015
chhunga Serkawn huamchhunga zirlai tithate chawimawina neih ni se
tiin a rel a. Degree Course leh chunglam china Ist Div chin chunglama
pass te chawimawina hlan tum a ni a. Hemi rual hian Board Exam result chhuaka kan hlan ve remchan tak lohte pawh hlan tel an ni dawn
a ni. Chawimawina dawng thei chin kan hriat theih te hming kan han
tarlang a:

Dawng thei tur, heta kan tarlan hmaih te kan lo hria a nih chuan
SYMA Education Commtt. Secy Lalnunsanga Pachuau (9436157181)
hnenah emaw Darthlalang Editor hnenah emaw kan inhriattir zel dawn
nia
sd/- LALNUNSANGA PACHUAU
Secretary
SYMA Education Committee

SYMA LIBRARY HAWN HUN : THAWHTANNI, NILAINI, INRINNI (3:30 PM - 4:30 PM)

Vol - XVIII Issue No 286, the 28th December 2014 (Pathianni) Darthlalang Chanchinbu,

Clean Christmas....

Issue hmasa khan Serkawn ah Clean Christmas hmang ang
u, Krismas fai tak, chhungril leh pawnlamah pawh hmang ila, kan
ruaithehna ningnawi senghawi danah thlengin Krismas Fai i hmang
ang u tih angreng vel kha kan rawn thailang zeuh a. Khawtlang tana
mi thahnemngai leh ngaihtuahna seng thintu mi pathum pali vel lai
hnen atangin a lawmawm tih thu kan dawng let a, keini pawh kan
lawm takzet a ni, kan thu fahrah te te min lo ngaih hlutpui tute an
awm thin hian min tiphur a, min tilawm ve em em thin.

Khata kan tarlan vanga rawn ti ta hluai pawh ni chuang
lovin faina chungchangah Serkawna mimal leh pawl, thianzaho etc
ten Krismas denchhena hma an la suau suau mai hi a ropuiin a
hmuhnawm hle a.... Vengdang/ khaw dang ten beng lo chhu ngawng
se, Krismas denchhen hian vengdang/ khawdang tam takah Carol
Service, Coffee Nite, eikhawm neuh neuh, khawlai chei te leh Sikri
Nite te thlengin an huaihawt a. Mimal pawhin Krismas a lo thlen a
kan ngaihtuahnaa lian ber chu thawmhnaw thar, ei leh in tuihnai etc
a ni. Krismas denchhena faina hnatlang thawk veng leh khua hi an
awm ve a nih pawhin an tam hauh lovang....

Dt 23.12.2014 a VBS ten Krismas urlawkna atana khawlai
tihfai hnatlang an thawk a, Pu David-a leh Pu Hlima (Grace-i Pa)
te hova Tv Hriata (Mars Zadeng!!!!), Dingpuia, Zomawia etc te
thian zahote, Nl Biaki Sec-IV etc an han che suau suau mai te kha
Krismas lawmna chhinchhiah tlak a va ni tehlul em! Hemi ni vek
hian Krismas urlawk nan Saisih Welfare Whatssapp Group ten Section-III huamchhung khawlai an tifai a, an hruaitu Tv Adika leh Tv
Dutpuia te hovin Tv Rintea, Tv Ruotmoia te ho an han thawk tak tak
chu vengthlang lam a fai vuk mai, an hnatlan lai hian kawngpuia an
hmelhriat lo tlan apiang EHEEE tiin an lo au hman vek bawk....

A huho leh pawla che chhuak te kan han tarlang bik deuh
a, mimal leh chhungkaw bik ang te pawha faina nena Krismas
hmuaktu, Krismas Fai hmangtu kan ngah hle a, a lawmawm em em
a ni. Khawvel hmundangah Clean Christmas hmangtu hi awm ve
tak maw? Clean Christmas/ Krismas Fai hi Serkawn mite atangin
a lo piangchhuak mek a, kan vulh lian zel ang a khawvelin min
la hriatpui ang.... Elvis Pressley ten Krismas laia an lunglen zia
Blue Christmas tih hla hmanga an vawrhlar theih chuan Serkawn
mite Krismas Fai hi khawvelin min la hriatpui ve ngei dawn a ni.
Serkawn Krismas faiin mawi zel rawh se, Krismas neitu Krista
Thianghlimna nen pawh a inhmeh em em a ni.....

Kan Ambassador Te

Serkawn mi, hnathawhna, zirna leh thil tul dang dang vanga
hmundanga awm tam tak kan awm a. Hmundanga awm te zinga
tam tak hian tunah Krismas leh Kumthar hunpui hmangin Serkawnah in rawn awm mek a, hei hi remchangah hmangin hetiang
zawng hian titi han vawrh ila.

Serkawn mi hmundanga awm te hi khawi hmunah pawh
awm ila, Serkawn aiawhtu palai (ambassador) kan ni. Hmundanga
kan awmna ami te, Serkawn la hmu ngai lo te pawhin kan awmdan
leh khawsa zia atangin Serkawn an zir ang a, Serkawn hi keimahni
atangin an teh fo dawn tih hre reng ila. Zirlai kan ni emaw hna
thawk kan ni emaw, sumdawng kan ni emaw, palai kan nihna hi
hriatreng a tul hle a.

Serkawn mi, hmundanga awm, an awmna hmuna mi rin
hlawh leh fak hlawh tak tak awm thin te hian Serkawn nih an ti
nuam thin a. Awmna hmuna mite rin hlawh, khawtlang leh Kohhran hiala hruaitu atana an lo hman tangkaite pawh an awm thin,
a lawmawm hle a ni.

Serkawn mi hmundanga awm te kan awmna hmun apiangah
palai rinawm, mahni veng hming ti thatu, mite fak leh rin hlawh nih
theuh i tum ang u..... Zau zawka Serkawn hmingthat theihna leh
hmingchhiat theihna in kutah a awm e...

Branch YMA,

Serkawn :

Kartin

Chhuak

Phek 2- na

YMA Chhang Pual

KUMTHAR VUAKVET.....

#
Khawvelin kumthar lawmna a hriat
hmasak ber chu Babulon-ah a ni a, kum 4000
chuang kalta khan kumthar hi an lo lawm
tawh.
#
Khawvel pumthar aimahin Kumhlui thlah zan hian lawmtu a nei tam zawk
a ni.
#
National Insurance Crime Bureau
(USA) in a tarlan dan chuan ni dang zawng
aiin kumthar ni hian mi lirthei rukbo case a
tam zual ziah a. Ruruk Case hrim hrim hi
kumthar niin a tam bik tiin an report ve tlat
#
Sydney, Australia hi mi tam takin
kumthar lawmna hmun tha berah an ngai
a, kum tinin kumthar lawm tum mi nuai
tam an pungkhawm ziah a. Sydney Harbour Bridge-ah hian kumthar lawm nan
halpuah/halmawi etc 100000 vel lai an hal
ziah a ni.
#
Juda mite khuan kumthar ni hi
Rosh Hashanah an ti a, a lawm nan apple
leh khawizu an uar em em a ni.
#
Kum a lo thar hian kumthar thutiam
neih kan uar hle a. The People chanchinbu
in Europe leh Asia khawmualpuia zirchianna a neiha a landan chuan hengte hi
kumthar thutiam lar zual te chu an ni:
i)
Taksa rihna tih tlem

ii)
Insawizawi tam

iii)
Meizuk sim

iv)
Zu nghei etc

Kumthar thutiam tiamtu za zela 88
vel hian February Thla ral hmain an bawhchhia niin he zirchianna hian a sawi.
#
Kumthar Hla lar kumhlun Auld
Lang Syne tih hi a awmzia chu Times
gone by (Hun a ral zel) tihna a ni.
#
SYMA Hruaitu Hlun, Pu (Tv)
Mamuana Colney Sec-I hian kum 1984-ah
ama pualin camera a nei tan a. Kumhlui ni
tla tur (31st December tlai) hi a thla a la ziah
a. Kum 2005-a Digital Camera a neih hnuah
pawh la chhunzawm zelin kumhlui ni tla
tur thlalak a ngah tawh hle.... Engzatnge a
neih tawh lo chhut chhin teh u.
#
Bhutan mite hian kumthar an
hmang tangkai hle. Mimalin piancham
(birthday) an nei hran lova, Kumthar Ni hi
an zavaia pianchamah an ngai a, kumthat
niah hian kumthar chibai inbuk pahin piancham chibai an in buk suau suau mai.
#
Calendar hlui in la dahtha em? Kum
2015 lo thleng tur atan hian kum 2009, 1998,
1987, 1981, 1970, 1959, 1953, 1942, 1931, 1925
etc calendar te hi an hman nawn theih dawn
a ni.
#
Kum 2015 Calendar te hi dahtha la,
kum 2026, 2037, 2043, 2054, 2065, 2071, 2082,
2093, 2099, 2105, 2111 etc ah a hman nawn
theih dawn a ni.

E Mail: Darthlalang@gmail.com/ WWW.Facebook.com/Darthlalang

Vol - XVIII Issue No 286, the 28th December 2014 (Pathianni) Darthlalang Chanchinbu,

Kumthar Te Tak Te

MIN TANPUI RAWH....

December Ni 31 zan chu a vawt hle mai, Maurice-a
chu vawt ti tak chungin a mu a. Zing khawvar dawn lamah
hian Maurice-a chuan a pindan tukverh kik kerh kerh ri hi
a hria a. Tukverh atanga a han bih chuan mipa naupang
tereuh te, vawt tih hmel deuh hi a hmu a, Tunge i nih a?
tiin mak ti takin a han zawt a.

Naupang te chuan Kumthar ka ni a, mi tam tak tan
malsawmna thlen tir ka duh a, keimah mai chuan engmah
ka ti thei si lo, khawngaihin min pui ta che a lo ti reuh a.
Maurice-a chuan Ka peih lo, a vawh vawh nen tia khum
lam a pansan leh mek lai chuan kumthar mipa naupang te
chuan Nilo, min tanpui hram teh tia a ngen tlat avangin
peih lo tak chung chuan Maurice-a chu a va chhuak ve ta
a.
KHAWNGAIH WHEEL BARROW

Pawnah chuan tawlailir lian em em mai hi a lo
awm a, a chhungah chuan thilpek hlu tak tak a khat vek
a. Kumthar mipa naupang chuan He tawlailirah hian
ngilneihnate, khawngaihnate, thlamuannate, remnate leh
thil tha tam tak a awm a, mite hnena hnuk thleng turin
keimahin chakna ka nei lo, min puih a ngai a ni a ti a.
Maurice-a nen chuan tawlailir chu an hnuk ta a.

A hmasa berin Maurice-a te huan enkawltu putar
hnenah chuan thilpek hlu tak an pe a, putar chu lawm
vangin a tap zawih zawih a, a nunah thlamuanna a thleng
nghal bawk a. Chutiang chuan kumthar mipa naupang leh
Maurice-a chuan tlang sang takah te, phaizawl leh hmun
hrang hrangah tawlailir nawr kualin mite tan thilpek an pe
a, remnate, lawmna leh thlamuanna te, malsawmna hrang
hrang te an pe zel a. Maurice-an nuam ti em em a, kumthar
mipa naupang thilpek a sem pui lai chuan HAPPY NEW
YEAR tih ri hi a hria a, a harh zawk a, a mumang a lo ni
reng a.
KUMTHAR THILPEK LAWMAWM

A pindan kawngkharah chuan a farnu Lily chu lo
dingin Lily chuan Maurice, kumthar chibai, i mumang a
tha maw? a lo ti a. Maurice chuan hlim takin a mumanga
a thil tawn chu a hrilh nghal mawlh mawlh a. Lily chuan
Mumang tha tak a nih chu, lokal rawh kumthar mipa
naupangin kan chhungkaw tana a thil min pek va en ang
a ti a, a nute mut pindana an va luh chuan a nu chuan
naute mipa duhawm tak a lo nei reng mai a. Maurice chuan a awh em em unaupa a nei ve ta a ni.... He kumthar
tuka a mumang leh a thil tawn te atang hian Maurice hian
a damchhungin midangte tanpui a peihin midangte tana
malsawmna nih zel a tum ta a ni.....
2015 KUMTHAR THILPEK

Le, kum 2015 lo thleng tur hian, mi zawng zawng
tn thilpek tha leh hlu tak pek a duh a ni. Mahse kum AD
2015 hian kut leh ke a nei lova, a hmu thei lova a khawih
thei hek lo. Mahse, mi zawng zawng tan malsawmna thlen
tir a duh tlat. I hmuhsit thin kha hmuhsitin awm tawh lo
se a duh a, i bawl mai mai thin khaw bawlin awm tawh lo
se a duh. I thenawm hnai lawka mi chanhai, an dam loh
mangana tanpuitu nei ngai lo khan tanpuitu nei ve tawh
se a duh a ni. Mahse heng zawng zawng a taka thlen tira
tisaa chantir tur chuan i tanpuina a mamawh a ni. Kumthar
2015 hian mite tan malsawmna thlen se i duh takzet a nih
chuan nangmah ngei kha he hun tharah hian malsawmna
ni ang che.
KUMTHAR POSTMAN:

USA-ah thianpa hausa tawntaw nei ila, ka thianpa
chuan Dk-ah Cheng Maktaduai 100 lakchhuah theihna
cheque min lo thawn se, Dk semtu (Postman) te chuan ka
hnenah rawn
ti thleng
si lo se la, kae....
tn a sawtna a awm
Column
lehlamah
kantachhunzawm

Branch YMA,

Serkawn :

Kartin

Chhuak

Phek 3- na

Column lehlam ami chhunzawmna....

lovang.... Kumthar 2015 hian mi tin tan HLIMNA,

LAWMNA, THLAMUANNA, REMNA, KHAWNGAIHNA te leh thil tha tam tak, mi tin ta tur a rawn
keng a. A thlenna tur dik taka a thlen vek theih nan
kan zavai hian a semchhuaktu (postman) kan ni.
KUMTHAR 2015 THILPEK hlu tak tak kan sawi tak
te hi a dawng tur zawng zawngin an dawn theih nan
kum 2015 chhung hian a semchhuah hna i thawk
tang tang ang u.....

Kumthar Mual Programme-ah

I Tel ang u

Pathianin rem a tih chuan Ni 1.1.2015 ah BCM

Mualah Kumthar Mual Programme hman kan lo tum
leh ta a. Hetah hian Serkawn mipui zawng zawng tel
theuh turin kan insawm a ni.

Kumthar Chibai bukna hla mawi takin bul
tan a ni ang a, Fancy Dress ropui rapthlakin a chhunzawm ang. He Kumthar Mual Programme-a tel tur
hian khawvel hmun hrang hrang atangin mi ropui
chi hrang hrang an lokal dawn a, an lokalna atan hian
khawvela thlawhtheihna tharlam ber an hmang dawn
a ni....Snow White, Titanic tih vel an lokal ang a, Cheer
Leaders atan khawvela modelling lama langsar ber
ber, No-1 ni mekte sawm an ni.Korean tleirawl rual
lam te pawh kan hmu ngei tur a ni a, SERKAWN
RAPPERZ an che ngei tura ngaih a ni. Sawi lawk
chi loh, harsatna thlen thei khawpa thil hmuhnawm,
MURMU PARTY leh thil dang tam tak a awm ang.

Hetianga programme tha, khawtlang inpumkhatna tha tak min neih tira min thlung khawmtu
Kumthar Mual Programme tun thlenga kan la nei thei
hi Kohhran dangte aia kan vanneihna a ni e.

He rawngbawlna pawimawh takah hian lo telin
a tihlawhtlingtuah rawn tang ve ngei la, Hmalam hunah pawh programme tha zawk, tangkai lehzuala kan
neih zel theih nan KUMTHAR 2015 ah hian Kumthar
Chibai i lo in buk tlang teh ang u....

A tawp nan, sawi ngai lutuk lo anga lang han
sawi ri ta mai mai ila. He Kumthar Mual Programme
hi Kohhran Programme pawimawh a ni tih hriain rui
chunga hmang lo turin kan inngen a. Rui nawi taka
hetiang huna khawsa kan awm hian khawtlang leh
Kohhran te kan mualpho phah thin a, khawtlang leh
Kohhran ti mualphotu ni lo theuh turin kan inngen
lawk bawk a ni.
-R Lalhriatpuia
STK Kumthar Mual Programme Committee

SYMA Section-V
Lawmthu Sawina leh Hriattirna

SYMA Section-V duty te thingpui in nan Pu

F Vanlalnghaka Sec-V chuan Rs 300/- min pe a, a
chungah SYMA Sec-V chuan lawmthu kan sawi a.

SYMA Section V huamchhung kawngpui
dungah hian lirthei sil lo turin kan inngenin kan
inhriattir a. Mipui ten min zawm sak theih chuan
kan lawm em em ang
sd/- Secretary
SYMA Section V

I thil tih zawng zawng saw thlir teh,

Hunin a liampui saw....

Thuvawn: YMA chu tanpui ngaite tanpuitu a ni

Vol - XVIII Issue No 286, the 28th December 2014 (Pathianni): Darthlalang Chanchinbu,

Darthlalang Chanchinbu Chhiartu zawng

zawng te Darthlalang Editorial Board ten
Kumthar Chibai kan buk che u a, kum 2015
chhungin Pathianin awmpuiin veng che u
rawh se
Thupha Chawina

Krismas chawlh lai a nih avang leh a chhutu BPP

chhungkaw lamah chhiat kan tawh hlimchhawn te a nih
bawk avangin kan chanchinbu a hun takah kan chhu thei
lova. Kan tihchhuah dan pangngai ang chuan vawiin Dt
28.12.2014 (Pathianni) a chhuak hi nimin Dr 27.12.2014
(Inrinni) a tihchhuah tur kha a ni a, a chhutna lamah a
remchan zawk avangin Pathianniah kan tichhuak ta zawk
a ni. Chhiartu zawng zawng te hriatthiamna kan dil e.

M/S Khawlhring Pickle Industry Serkawn

M/S Pickle Industry Serkawnah hian pickle ch

i hrang hrang tuihnai takin kan siam thei reng a. Pawl/
mimal sumtuak nana zawrh chhawn tur te, inneih, lungphun, chaw eikhawm etc ami tur te pawh order theih reng
a ni. Min han dawr ve teh
- 9436763214

Ar Bawp....

Sangpuii Dawr, Christian Hospital pengah kumhlui thlahna atana tuihnai tak ar bawp, ar lolipop, a sa
pangngai leh a thial, thianghlim taka pack sa lei tur a
awm reng e. Bawngsa ti pawh kan nei a, inchhung khur
mamawh hrang hrang tlawm takin kan zuar bawk a ni.
Min rawn pan ve teh le
- Sangpuii Sec-III

SYMA Hriattirna

Serkawn thlanmual-ah hi tunlaiin zanlamah te leh

chhunlamah pawh ruihtheih thil tih nan leh zu in nana
hmang kan awm thin tih hriat a ni a. Hei hi Branch YMA
Serkawn chuan a ngai pawimawh hle a. Thlanmualah
hian tumah ruihhlo ti tur leh zu in tur te hian kal tawh lo
turin kan inhriattir nghal a ni. Hei hi tilui kan awm a, kan
inman a nih chuan SYMA chuan na taka action lak a tum
a, hetiang ti thin te pawhin rang taka sim nghal turin kan
inhriattir a. Thlanmual hi kan thenrual, kan khawtlang
mi kal hmasate kan dahna, chhungkaw tam tak te tana
an hmangaihte thlan awmna a ni a, khawtlang tan hmun
pawimawh tak a ni. YMA chuan kan humhalh tlat a, thil
sual leh khawtlang duh loh zawng tih nana hman kan
remti lopva, kan dodal tlat a ni tih kan inhriattir e

Editorial Board

Editor
- Lalbeiseia Pachuau - 8014773591
Jt Editors
- John Laldingngheta - 8974420334

H. Lalbiaktluanga - 8414047995
Manager
- Ng Lalmuanawma - 9612063939
Asst Manager - Chanchinmawia
- 9612539593
Circulation Staff:R. Lalthanpuia
N.K. Zama
ZD Lalremruata
Lalchhanhima Ralte
Malsawmkima Sailo
Members
C. Lalremruata Remlalnghaka Renthlei R. Rohmingliana
P. Lalhmingchhuana
P. Laldinmawia
Lalthanmawia Chhangte
K. Lalruatkima

O/B In Charge:H Lalduhthanga (Secy, SYMA) Ph - 9436157460

Branch YMA,

Serkawn :

Kartin

Chhuak

Phek 4- na

Darthlalang ti ti
#
Tun issue hi Kumthar hmuahna issue, kum
2014 thlahna issue ni bawk a ni a, Column khat
hmawkin titi teh ang... Kan pawhraw viau ang.
Kumthar Mual Programme ah kan vaiin kan Zero
leh vek dawn tho... Khai le....
#
Kumthar Mual Programme chungchang article hi tha kan ti khawp mai..... Chhiar hmaih chi a ni
lo, a ziaktupa ang mai a tawi fel a ni... Chhiar theuh
ila, KMP-ah inhmu vek ang u aw.....
#
Tv LBKA (Section bik em em a nei lo, Serkawnah
chuan a lar ve tawk) hian Serkawn a rawn chuang
chhuak leh ta hlawl mai, kan lo lawm e. Tv Dinga
Sec-V (TKP, Shilong Unit President), Nl Biaki Sec-IV
etc te hi lo haw kan hriat langsar zual te an ni.... In
vaiin, heta kan tarlan loh te pawh Chibai vek ule....
#
Pu Baje-a (Melte) hi KMP-a a tel theih dawn
leh dawn loh kan zawt a, KA DAM PHAWT CHUAN KA TEL ANG a ti hmiah... KMP tihlutute
zing ami Pu Baje-a hian Khualkhuaa makpa thi leh
zingkar ruahsurin KMP a dang zo lo... a ti....
#
Kan Murmu Party te, KMP atan in inpuahchah tha tawh hlein kan hria.... Enthlak ruk che u kan
tum a, kan hmu zo lo che u. Pu Thanhlira huanah
nge Pu Huala tualah in zir? Pu K Rova te inah zawk
emi? Hmuh in har hle mai.... Ram kang chu thelh mih
theih, thinlung kang chu thelh theih loh, nangni te,
lam rawh se... Kan lo thlir ang che u.
#
Pu Zahminga Sec-IV hi Champhai atangin
Krismas chawlh hmangin a rawn hawng a, kan lo
lawm hle.... Ram vawtah a awm nasa a, a rawn keu
haw vuk mai.... Kan sap tlangval Bruce-a nen hian
kan hriat pawlh hman alawm le....
#
Pu Zika Sec-V in Chdk Muala coffee man a
bat zawng zawng Pu Hmingthana Sec-III hian a rulh
sak tih thu kan dawng....
#
Pu Tluanga (Mechanic) Sec-II hian Kumthar
Mual Programme-ah Pu Kaia Sec-II te nen Taliban
lema an tan tir a hlau a, a hmuihmul a met daih....
Thildangah an la hmang dawn tho tho.....
#
Zara Pa Sec-I hian kumthar a nghakhlel hle
a, a nghahhlelh chhan hi malpui paliin a mu ve tawh
dawn tihna a nih hmel... - Chat-a PaSec-I
#
STK Krismas Ruai Committee hian rorel an
thiam kan ti.... Mahni inlama sa siam ngai lo, alu kang
hmui ve thei tak, U Mawitea Alu Kan Group Leader-ah an dah a, an thiam kan ti hle a ni..... Mahse, U
Mawitea hian sap nulaho a buaipui lutuk na lamah
alu pawh an kang hmin thei lo lek lek a ni.
#
Tv Joseph K-a Sec-IV leh Tv Vensanga SecII Krismas hmangin an lo hawng a, an chhungte aiin
DEB ten kan hmu zing zawk.... Mahni inah chaw
vawihnih ve ve chiah an la ei....
#
Tv Zothantluanga Sec-I hi kahna tur kan
nei tha lutuk.... Pu Asanga te kawmchhak lampang
chanchin te pawh kan hre vek.... Hostel-a a luh leh
hmain kan rawn kap ang....
#
Tv Ut-a (Freddy) Sec-II, Sangkawia Sec-I,
Lawma Sec-III, Afaka Sec-I etc te nen Krismas ruaithehnaa tui incharge han nih a, nilenga inzui chuan
tlai lamah chuan kan nawi zo vek mai alawm mawle...
- Pu Manunmawia Sec-II
#
Pu Nuna Sec-II hian Kei chu ka chhip a ruak
lo, ka chal a ruak, Lrk-a hi a chhip ruak daih zawk
a ti.....
#
Kumthar Mual Programme Committee rorel
lai hi drama angin siam se, a hit viau ang an ti....

Published and Edited by Lalbeiseia Pachuau for and on behalf of Branch YMA, Serkawn : Printed at BPP Serkawn, 550 Copies