FESTA NHO SANTU AMARU

Dedikadu pa Po-di-Terra, Niu, Luísito, Nilza, Sousa, Txibisku, i tudu maltas di timi Tarrafal, PIC Park-USA

By Dr. Azágua

Tarrafal e kapital

Tarrafal e txon-di-kal !

Nha gentis!

Nhos ben pasa sabi

Na festa di Nho Santu Amaru

K’e santu más karu!

Baxu festa

Baxu múzika

Baxu lua

Baxu strela

Noti-manxi !

Ku Funaná,

Ku zouk,

Ku morna

Ku batukaderas

Noti-manxi !

Tarrafal e kapital

Tarrafal e txon-di-kal !
 Na kabésa di kartás

E ken ki ben, ki odja!

Na kabésa di kartás

E ken ki pasa sabi!

Na kabésa di kartás

E ken ki prometi torna ben!

Fladu-fla,

Po-di-Terra

Kre volta pa terra!

Minis di Merka

Kre ben mata sodadi

Kre ben goza mosidadi

Kre ben xinti liberdadi i flisidadi!

Nhos ben!

Nhos podi ben!

Nu sta xintadu ta spera nhos!

Povu sta spera!

Tarrafal sta spera!

Santu Amaru sta spera!

Tarrafal e kapital

Tarrafal e txon-di-kal !