ab kis ka geet sunaatay ho us tan mann ka jo do-neem hua...? us khwaab ka jo raiza raiza in aankhon ki taqdeer hua...? us naam ka jo tukray tukray galiyon men bay-toqeer hua...? us MASHRIQ ka jis ko tum nay naizay ki ani marham samjha...? is MAGHRIB ka jis ko tum nay jitna bhi loota, kamm samjha...? un maasoomon ka jin kay lahu say tum nay firozaan raaten keen...? ya un mazloomon ka jin say khanjar ki zubaan men baaten keen...? IS SHAAHI KA JO DAST BA DAST AAYI HAI TUMHAARAY HISSAY MEN...??? KYUN NANG e WATAN KI BAAT KARO KYA RAKHA HAI IS QISSAY MEN...??? aankhon men chupaaye ashkon ko honton pay wafa kay bol liyay... is jashn main men bhi shaamil hoon nauhon say bhara kashkoal liyay...