ZRC AWGING

Weekly News

Lom 3, Hawm (43) Restoring Hope, Rebuilding Lives 15/06/2014

Innkuan Lutpih Tawh Kisai
UNHCR zumpi ah ka innkuan pihte hong tung ka gen
zawh kum 1 val ta hi napin tu dong hong ki sam nailo
aci peuh mah in ZRC zum pan lai ki khak thei hi cih thu
hoih kong zasak uh hi.

UNHCR-CDU Pan Sapna
UNHCR ulian te tawh akimu nuam peuhmah in Central
Market ah June 17, 2014 (Tuesday) ni zingsang nai
10:00am-2:00pm dong kimuh theih ding hun hong
gelsak uh hi. Aki mu nuam ngiatten zong va kimu thei
aa, nang ii UN vai dot nop, tel nop khempeuh zong ki
dong thei ding hi.
Date : 17 June 2014
Day : Tuesday
Time : 10:00 am - 2:00 pm
Address: 1
st
and 2
nd
floor, Central Market Annexe
Jalan Hang Kasturi
Kuala Lumpur.

UNHCR-IAD Leh Kipawlna Makaite Kimu Khawm
June 13, 2014 (Friday) ni zingsang nai 10:30am in
UNHCR zumpi ah Individual Assist Desk (IAD) te leh
Tune Insurance company te tawh ki muh khopna ki nei
hi. Malaysia ah om gambeel mi pen tam mahmah
ahihman in ei gambeel mite cih mawh dong tuak
khempeuh pen UNHCR-IAD pan in hong huh khin gai
zolo hi. Adiakdiak iin, ei gambeel mite sung ah zato
pai/lum ki tam mahmah aa, sum ih piak zawhloh ciang
ki buai mahmah thei hi. Tua ahihman in ei gambeel
mite ading ngaihsutna mah tawh ih ci mawh dong tuak
ciang hong huh thei ding Tune Insurance (aamah khan)
te tawh ki ho uh aa, anuai aa bang iin thukimna nei
khawm uh hi.

Tune Insurance (aa mah khan) ah aki pawl nuam
peuhmah te theih ding thu:
1. Tune Insurance (aa mah khan) tawh aki pawl nuam
nuam peuh mah in UNHCR card nei hi ding.
2. Kum 1 ciang member lut man mikhat guak (single)
RM 120 hi ding aa, Innkuan khat ciang kum khat ai
RM 140 hi ding hi. Innkuan khat cih ciang in, apa-
anu, tapa-tanu 3 dong ki hel ding hi. Tua a tapa/tanu
te pen kum 18 nuai siah ahih kul hi.
3. Tua kipawlna na lut khit zawh ni 60 khit ciang Tune
Insurance ii mi khat in hong kisim pan ding hi.






Tune Insurance member khat ii hamphatna
1. Kum khat sung mimal ahi zong innkuan bup ahi
zong zat theih ding zah sum pen RM 10000 hi ding
aa, innkuan khat ah mimal 6 pan atung siah te RM
12000 hi ding hi.

Tua Sumte Koi Mun Teng Ah Ki Zang Thei
1. Zato na lup ciang in, Tune Insurance ah na lut lam
gen peuh leh cin zato lup man RM 10000 a cin ma
siah ei lam pan bei na omlo ding hi. Ahi zong zato
lup kullo aa, hong ciah sak kik leh ei leh ei a bei zah
piak ding hi leuleu hi.
2. Innkuan te ciang in, mi mal khat ciang RM 12000
hilo aa, iinkuan bup ciang RM 12000 hamphatna
om cihna hi zaw hi.

A tel beh nuam, athei beh nuam ih om leh 012-330
6469 tung ah zingsang nai 8:00am-8:00pm dong Kawl
pau, Malay pau, Mikang pau tawh ki dong beh thei hi.

Nausuak Ding Ten Theih Huai Hi
Pasian thupha tawh Zomi ten nau nei ziahziah ih
hihman in lungdam huai hi. Ahi zong UNHCR card
tawi nailo Nupi nau pai pawl khat nau a suah khit zawh
lian uh ciang in, immigration ten hong na kepsak thei
zel ahihman in ki dop ding kong zasak uh hi. Hi thei hi
leh tu lai tak nau nei nailo ten nupa ki kal ki dalna
tuamtuamte zang thei leng hoih ding hi cin ACTS
clinic pan hong vai khak uh hi.

Zatopi na pai ding leh UNHCR card atawi nailo peuh
mah in hih a nuai aa aki gelh munteng ah pai loh ding
kong theisak uh hi.
1. Government Hospital Kuala Lumpur (GHKL-
chowkit)
2. Salayang Hospital
3. Hospital Serdang

ACTS Pan Mobile Clinic Penang Batawet Ah Nei
Ding
ACTS pan Penang, Batawet kiim aa om gambeel mite
ading in June 19-20, 2014 kikal sung teng man lalo
(free) in natna hong velsak ding uh hi. Penang, Batawet
kiim a damlo aa om ii mipihte zasak sawn ciat ni.

1. Amun: Tradewinds Corrido Sdn BHD.
Ladang Sungai Tekai , Batu 28,
Jalan Naka-Nami, 06350 Naka.
Kedah Darul Aman.
Ani : June 19, 2014


In God We Trust
2. Amun: No 15, TKT 2, TKT Ciku 5,
Taman Ciku, 14000 Bukit Merthjam,
Pulau Pinang.
Ani : June 20, 2014

ZRC Taangmi(Palai) Ding Sapna
Malaysia a om Zomi Refugee Committee (ZRC) Zumpi
ah hong tung ding July 01, 2014 ni-in 2014-2015 taang
mi hong sepsak ding Zomi a it, avei, adeihsak alai nat
mi te leh hun bit nasem ding, kisam a hih man in a
lunglut a ki piakhia nuam te in anuai aa thu dotpi khat
peuhpeuh kiang ah a nunung pen June 22,2014 ni maa
in Sayin kipia thei hi.
No. Min Phone
1. Sia.Paul Pau Cin 016 2474 211
2. Rev.Tun Hau Thang 016 9196 124
3. Pa.Dai Za Kam 019 3385 142
4. Pa.Nang Za Khup 010 2587 894
5. Pa.Lian Khan Pau 017 2754 403

HIV Aki-sit Nuamte Ading
Human Immune-deficiency Various (HIV) ih cihciang
in mi hing pumpi sung ah om natna dal
zawhna/damsakna tha hong kiam sak thei natna nam
khat ahi hi. HIV akici natna pen nupa om khopna pan
ahi zong, zatui ki sutna phin pan ahi zong ki lawh thei
hi. Aki sit nuam i om leh ACTS ah Monday ni pan
Thursday ni dong zingsang nai 9:00am pan nitaak nai
3:00pm dong man ngenlo (free) in ki sit sak thei hi cih
thu hoih ACTS pan hong vaikhak uh hi.

World Refugees Day
Hong tung ding Leitung bup Gambeel te ni ahi June 16-
22, 2014 ciang in Malaysia ah om UNHCR ten zong
KL central ah hun la ding uh hi. UNHCR khangno ki
pawlna (Youth Collective) pan zong June 19, 2014
(Thursday) ni in hun la ding uh aa, tua hun sung in mipi
lak ah thu gen (Public speaking) sinna nei ding in gel
uh hi. Khangno a man akua mapeuh in va uap ciat ding
kong deihsak uh hi.

Australia Vai Zaksakna
Australia Form shiauhna tawh kisai in, asiau khin sa
pawlkhat te, Australia Immigration pan laikhak a ngah
khin omta hi. Tua laikhak pen Australia Immigration
pan hi a, nong siauhna lai ngah ungh cih zaksakna ciang
bek hi pan in, Australia kumpi in, hong sang cihna hi
pah nailo hi. UN zum ah vapai in gen ding kullo a,
limtak kep ding ki sam hi. Tua lai na ngah khit ciang in
zong, Australia immigration pan in Malaysia ah a om
Australia Embassy zum ah na lai ki khak khin hi cih
theihsakna lai khat hong tung kik ding a, Tua zawh
asawtlo in Australia Embassy pan Interview hong ki
sam ding hi. Na tangthu leh kawlgam pan napai khiat
na ahang limtak kigin kholh ding thupi mahmah hi.



ZRC zun hon hun: Mon-Sat (09:00am-06:00pm)

2014-World Cup Time Table
(Sunday 15 June)
Columbia Vs Greece (12:00AM-MYT)
Uruguay Vs Costa Rica (3:00AM- MYT)
England Vs Italy (6:00AM- MYT)
Cote dIvoire Vs Japan (9:00AM-MYT)

(Monday 16 June)
Switzerland Vs Ecuador (12:00AM-MYT)
France Vs Honduras (3:00AM-MYT)
Argentina Vs Bosnia Herzegovina (6:00AM-MYT)

(Tuesday 17 June)
Germany Vs Portugal (12:00AM-MYT)
Iran Vs Nigeria (3:00AM-MYT)
Ghana Vs USA (6:00AM-MYT)

(Wednesday 18 June)
Belgium Vs Algeria (12:00AM- MYT)
Brazil Vs Mexico (3:00AM-MYT)
Russia Vs South Korea (6:00AM-MYT)

(Thursday 19 June)
Australia Vs Netherlands (12:00 AM-MYT)
Spain Vs Chile (3:00AM-MYT)
Cameroon Vs Croatia (6:00AM-MYT)

(Friday 20 June)
Columbia Vs Cote dIvoire (12:00AM-MYT)
Uruguay Vs England (3:00AM-MYT)
Japan Vs Greece (6:00AM-MYT)

(Saturday 21 June)
Italy Vs Costa Rica (12:00AM-MYT)
Switzerland Vs France (3:00AM-MYT)
Honduras Vs Ecuador (6:00AM-MYT)
-------------------------------------

Nasep atuamtuam alunglut ten ZRC zum ah min ong
pia khol un. Kaalsim Monday leh Thursday ni sun
11:00am iin interview om den hi. nasep pen a hunhun
in omden hi.

















Email:zrcmly@gmail.com ZRC Tel: 039-224 7283
Deihloh pen in Kimatna tuah
zenzen leh
012-301 1206
tung ah na hopih hamtang in

Zato pai pih ding aneilo (or)
apai theilo akua mapeuh in
Sya Suanpi 011-150 84215
tung ah huhna ki ngen thei hi.
Deihloh pen iin ki matna tuah
zenzen leh Francis-012-301
1206 Tung ahna hopih
hamtang in.