Editor: H.

Malsawmtluanga
Ph: 9615425400 / 9436784572 sawma6970@gmail.com

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9862217691 Lalbiaktluanga : 9612322711 Ramngaizuala : 9862386148 ramngaiahmar@gmail.com

Thingsulthliah Sub - Town Weekly Newspaper

VOL. VII
Thingsulthliah zirlaiten

No. 37 THINGSULTHLIAH STUDY TOUR NEI

Ni 28 September 2013

(INRINNI)

Bialtu MLA Pu R.Lalzirliana, Home Minister hmalaknain nimin ni 27/9/2013 khan Thingsulthliah Students Union(TSU) hruaitute chuan Thingsulthliah khawchhunga Zirna In hrang hrang a naupangte 1st Term leh 1st Summative Exam-a ti tha zualte hruaiin Aizawl-ah tour an neihpui. Aizawl hmun hrang hrang an tlawh te chu Rajiv Gandhi Stadium, Mualpui, Raj Bhavan(Governor chenna), Secretariat Complex, Assembly House leh Aizawl Theological College(ATC) Durtlang te an ni. TSU tena naupang an hruai dan chu hetiang hi a ni:- Tst HSS atangin 10, Govt. Tst H/S atangin 5, Govt. M/S hrang hrang atangin 5 theuh, Presbyterian English School atangin 5, Radiant Hearts School atangin 5. CM HNENAH THLEN TUM 33 kv Sub-Station, Thingsulthliah chu a upat leh a khawl te a hlui tawh avangin thuam that vek a ngai a. Hemi atan hian Work proposal-ah Cheng Nuai 231 siam niin kumin 2013-14 work programme-ah Cheng Nuai 115.5 a chhuak nia hriain he SubStation-in a chawm khaw 6 VCP ten hna hi tan a nih thuai theih nan Power changtu Chief Minister hnenah ngenna thlen an tum niin kan lo hria. Ngenna an siamah hian VCP 6, heng Sesawng, Seling,
Tlangnuam, Thingsulthliah, Darlawng leh Tlungvel amiten hming an sign a, a copy hi Bialtu MLA 3 Pu R.Lalzirliana(Tawi), Pu K.Lianzuala(Tuikum) leh Dr. Ngurdingliana (Chalfilh) te hnenah pek an tum bawk a ni.

INNEI Ni 24/9/2013 khan K.Nuthuami D/o K. Ramdawngliana D/A leh R. Kawlkima S/o R.Lianthangvunga, Lungdai te an innei. Ni 25.9.2013 khan K.Zonunpari (Partei) D/o K.Zatluanga D/A leh Lalzahawma Tochhawng S/o Seiliana, Mualkawi te Mualkawi Presbyterian Biakinah an innei. Partei hi ni 23/9/2013 khan an In Diakkawn-ah thlahna hun an hmang.
Ni 25/9/2013 khan C.Lalrinchhana S/o C.Lalfela D/A leh Ramengmawii C/o Lalbuatsaiha C/A te an innei. Ni 27/9/2013 khan V.Lalawmpuia S/o V.Vanchhunga H/A leh Laldinthari D/o Ngentluanga Ngente, Kolasib te Tst Hospital Veng Presbyterian kohhran-ah an innei. MASTER DEGREE NEI THAR TE Rebecca Zohmingsangi D/o Raymond Lalbiaknunga chuan JSS University Mysore atangin MBA(Hon) (Human Research Management) 1st Division-ah a pass. Tunah hian Business Research Methodology (BRM) a zir chhunzawm leh mek. Lalramchhani D/o Laltlanthanga, Seling chuan M.A(Eng) tha takin a pass tih kan lo dawng bawk. Zirlai hlawhtling thar te Simeikhu-in kan lawmpui tak meuh meuh e. DENTAL SURGEON AWM LEH Tunkar ni 24/9/2013 khan Tst CHC chuan Dental Surgeon(Ha Doctor) kan nei leh ta a, a hma ami Dr. Vansangzuali chuan Order a hmuh veleh a zawm nghal a ni. Tst CHC Dental Surgeon hi hman deuh khan a post chawpa chhuak angin kan rawn tarlang tawh a. Tunah hian khawtlang hruaitu VC leh Rulling Party bakah Thingsulthliah Students Union ten DS kan neih leh theih nan theihtawpin hma an la hlawm a. Bialtu MLA & Home Minister-in theihtawp chhuah-a a beih hnuah Dental Surgeon hi kan nei leh ta a ni. TSU hruaitute leh Tst Congress Party te DS kan neih leh chungchangah Home Minister chungah an lawm hle tih kan dawng.

VC TEN TRAINING AN NEI Ni 24/9/2013 khan Seling BNRGSK Building-ah khaw 4(li) V/C ten training an nei a. Sesawng, Seling, Tlangnuam leh Thingsulthliah V/C member te leh Secretary ten Training of Para Legal Volunteers cum Establisment of Legal aid Clinic chungchangah training hi an nei. Training Programme hi Seling VCP Pu Raymond Lalbiaknungan a kaihruai a; Pi Sylvie Z.Ralte, Sr. Civil Judge, Pu Laldinpuia Tlau, Judicial Magistrate 1st Class cum Civil Judge leh J.Lalremruata, Advocate ten zirtirna hun an rawn nei a. Zirtirna an pek te hi Domestic Violence Act, 125 Cr.P.C, Criminal Amendment Act 2013, Guardianship, NREGS, Thurochhiah chungchang(will), Heirship dil dan, Consumer Protection Act, Thil/bungrua lei leh hralh chungchang, RTI, Right to Education, Motor Vehicle Act, Motor Accident Tribunal chung te a ni a. VC kalkhawm te pawhin an ngaithla ulukin bengvar thlak an ti hle a ni. PYKKA TOURNAMENT THULH / SAWN HLA Ni 1 4 October 2013 chhunga Thingsulthliah RD Block PYKKA Tournament neih tura ruahman chu sum sanction awm hrih loh avangin thulh a ni a, hun remchang hmasa-a neih tur atan sawn hlat anih thu BDO Pu Jim-a hnen atangin kan lo dawng. Sum awm hun tur hi la hriat mai theih a ni lova, kumin chhung chuan neih ngei tura ngaih erawh a ni. Dr. SAITHANLIANA KAISANG/ SAWN Dr. Saithanliana, M.O., Thingsulthliah CHC chu S.M.O.-ah a kaisang a, CMO Office, Aizawl West-ah a awm ang. Sr. Saia hian tunkar khan Order a hmu a, karleh hian a hna thar zawmin Aizawlah a kal dawn niin kan lo hria. A kaisanna hi kan lawmpui em em a, chutih rualin CHC a chhuahsan tur hi kan ui a, Doctor rawn dah belh an neih loh phei chuan indaih lohna a nasa ang tih a hlauhawm khawp mai.