Sei sulla pagina 1di 2

[Khang tangthu] Zomi te kawlgam sung lut na

Thumasa

I pu leh pate ka kan ciangin Noah tapa thumte lakah Japhet suante i hihna ka mu khia hi. Noah tapa thum Shem, Ham leh Japhet-te ahi uh hi. Mihing pianzia a kan khia mipilte leh ciimte in leitung minam pen nam thum bekin khen uh a: Vun Kaang (White), Vuun Vom (Black) leh Vun Eng (Y ellow) cih bangin a khenna uh tung tawnin ka lak ahi hi. Tu lai tak mi pawl khat in Ham tapate sung panin Joktan suan hi ding hi hang ci-in Piancil 10:30 sung, Nisuahna lamah a pai uh hi, cih siksanin Ham suan hi ding hi hang ci-in a um om hi. Ham suante leh khakte in vuun vom Izipt mite ahihna Kumpi David in kician takin Late 105 sung a neu 23 leh 36 ah na gen hi. Tua ahih manin ei vuun engte pen Ham suan hi loin, Jophet suante i hi zaw hi. Tua ahih manin Zomi mite pupi Japhet pen cik hunin Sen gam tung uh hiam cih tangthu gelhna tawm mahmah ahih manin kikan thei lo hi.

SEN GAM UKPITE I pute pate pen Sen gamah 4000BC in na teng khin uh hi. Tua hun lai-in ki-ukna kician om loin, khua khat gam khat, bawngkhat, Behkhat kumpi khat cih bangin na teng khawm uh a, khua khat leh khua khat kisimin tualgal hun cih ding hi mai hi. 2205BC in Xia minamte makaihna tawh tawh khua tuamtuam beh tuamtuam leh bawng tuamtuamte in kizopna na nei uh a, tua pan kipan in Xia minamte in kumpi (Ukpi) hihna hong panin, tua a pat uh pan kipanin Sen gamah a nuai a bangin ukpi hong kikhek to diamdiam hi. 1. Xia Ukpi Hun (2205-1766 BC) Xia minam lak panin makaipi ahi Pu Y u in ukpi suak masa pen hi. Amah in tualgal bei theihna dingin kizopkhop a sepkhop zia ngeina leh kimakaihna hong bawl hi. Tua ngimna tangtung ahih manin Pu Y u in Ukpi masa pen suak a, Xia mite ukna pen 1766BC in bei hi. 2. Shang Ukpi Hun (1766-1122BC) Pu Y u makaina tawh kizopna dan leh sepkhop dan kician takin na phuan khin uh hi. Ahih hangin khua tuamtuam kivaipuak zia ding na geel kha lo ahih manin, amah a sih khit ciangin Shang mite tua siksanin 1766BC kumin Xia mite ukna na lakhia uh hi. 3. Zomi Ukpi Hun (1122BC-256BC) Shang minamte in ukpi hong sep uh ciangin ukna za khempeuh amau minamte bek pia uh ahih manin, namdangte in tua pen zadah uh hi. Tua minam kideidanna Zomite in siksanin Shang minamte ukna 1122BC in na sut khia uh hi. Zomite uk hun sung pen Sen gam pen nuntakzia (Social Life) kikhel hun leh khantoh hunin kiciamteh hi. Bang hang hiam cihleh Grik mipil Plato etc. te zahin minthanna a nei tampi Zomi sung panin na piang khia hi. A min a kilang zawdeuhte in Confucious, Lao, Tzu leh Mencious-te ahi uh hi. Tuate bawlkhiat nuntakzia ding pen tu dongin Sente in zang uh a, tu lai tak a Zomite ngeina zong tuamah 90% kizang hi. Chin (Qin) Ukpi Hun (221BC-Tu dong) Zomite ukna pen minam kideidanna a om het loh hangin siahkaih lamah duhhop lua kisa ahih manin Chin (Qin) minamte in 221BC in na sut khia hi. Chin ukpi masa pen in 267BC in a suak Zhaoxiang ahi hi. Tua panin tu dong pen Chin minamte ukna hong suak hi. Zomite in tu lai tak a,SEN, i cih kammal pen, QIN cih panin i ngah ahi hi.
China is derived from Chin and Chin is derived from Qin, ci-in Sen gam tangthu gelh khempeuh in na ciamteh hi. New York ah ka laibu lei Sima Qian in a gelh, The First Emperor a kici Selection of from Historical records- Oxford World Classic (Published an an Oxford Worlds Classic paperback, with new Preface by K.E. Barshier, 2009 aand Reissued 2009) a cihna sungah hi bangin na ciamteh hi, The short-lived Chin (Qin) dynasty unified China in 221BC, and created an imperial legacy that last until AD 1911, ci-in na ciamteh hi.

KAWLGAM SUNG LUTNA


Chin minam in Sen gamah uk a kipat uh ciangin kulhpi (Great Wall) cian kipan uh a, anaa tawh mipi na sem sak ahih manin tua pan kipanin Sen gam pan kipan in mite lal khiat kipan hi. Tua panin a lal khiate pen Kawlgam sungah hon khat na lut uh a, Karen i cihte na lut masa in Kawlgam sung leitaw lamah na teng uh hi. Tua khit ciangin Kawlte na lal uh a, Kawlgam laizang tengah na teng uh hi. Tua khit ciangin Kachin i cihte leh Zomi na lal khawm uh a, Zomite in Kawlte tenna dong na pai suakin, Kachinte ahih ahih tu lai tak a omna gam uah na teng suak uh hi. Tua ahih manin i pute pate leh Kawlte pen Kawlgam laizangah a tenkhopna thu uh Kawl tangthu sungah na kiciamteh hi. Chin Min i Ngahna
Zomite Kawlgam laizang a lut ding uh ciangin Kawlte in, I taikhaitna Chin mite in a gam uh panin kulh ciang ding hong delh uh hi, ci-in Zomite

pen Chin-te nasa uh hi. Kum 100 kim bang a na kido uh ciangin i pute pate in, Ko pen Chin mite hi loin, Zo (Shou) mite ka hi uh hi. Note mah bangin a galtaite ka hi uh hi, a cih uh ciangin kilemna na bawl uh a, Kawlgam laizangah na teng khawm uh hi. Aih hangin kawl mipite in Zomi cih tawh na lo nawn loin Chin tawh na lo zaw uh a, i pute pate in zong na nial khawl lo uh a, a kilemna uh na thupi ngaihsut zaw uh hi ding hi. Mikang kumpite hong lut ciangin, Kawlte pawl khatin ko Bahma mite hi ung na ci a, nitumna lamah muatungah a teng mite Chin mite hi, na ci uh ahih manin, Mikang kumpi in tua bangin hong ciamtehna pentu dongin a kizang ahi hi. (Note: Chin hong kicihna pen i nungah seeng Bawm i puak hang hi, cih thu ahi hi. Tua hun bek hi loin tu hun dongin Kawlgam sungah ei bek hi loin sengpua kitam mahmah lai ahih manin tua bang ngaihsutna pen phuah tawm hi ding hi, ci-in ka kip sak hi). LAIMI LEH CIIMNUAI-MI

Kawlzang panin Zomite mualtung lam zuanin i pai ciangin hong khatin Ciimnuai na sat uh a, hon khat in Lailun khua na sat uh hi. Lailun khua pen Falam panin tai 5 in kigam latna munah om, ciimnuai ahih leh Saizang khua gei-ah om hi.
Lailun panin a piang teng pen Laimi kici a, tua pen tu lai takin Falam leh Hakha mi bek huamin, Matu, Kanpalet, Paletwa leh ei lam hong huam kha lo hi. Ciimnuai mi cih ciangin Ciimnuai ah a teng ngei teng hi a, tu lai tak a ZOMI cih i minam min mantakin a zang nuam teng hi pha diak hi.

Tua ahih manin Zomi pen Chin hi ngei lo a, Chin pen Zomi hi ngei lo hi. Sen gamah a om ngei Chinte pen China kici a, 1990 kum ma in Kawlgam ah hong lut het lo uh hi. Tua khit ciangin hong lut pan uh a, tu hun ciangin galkap kumpi in gam mi hihna bawl sakin hong lut tam semsem hi.

NOT CHIN BUT ZOMI


Hih thu pen cian sisen ka hih manin Zomi cih Kawlgam nitumna mualtungah a teeing mi khempeuh adingin I minam min man tak ahi hi. Pawl khatin ZOMI daai a kan phet un Chin a kici zong pawl khat om uh hi.
(Note: Tel baih pen ding leh ciamteh ol pen dingin kong gelh ahi hi. Dotna na neih khak zenzen leh World Histiry laibu khempeuh sungah, Sengam thu, a kigelhna na sim in. Kei zong a tung a ka gen tute laibu Bu 100 val sung pan kaikawmin kong gelh ahih manin lai na sim lecin kei sangin na tel zaw kan ding hi).

I HIHNA MANTAK NUNTAK PIH CIAT NI


by , Khen Za Sian (Khenzs)

__._,_.___

Home

Older Post

Worldwide Zomi. Simple template. Powered by Blogger.