BMA AW

An Official Organ of The Bangalore Mizo Association Registered Under Societies Act of Karnataka No.: BLU-S188-2007-08 Date 7 May 2007
Vol. XVIII Issue No.32 Bangalore Mizo Association Pathian Nitin Chhuak Chanchinbu Date: 18th Nov., 2012 Phek Khatna

TUALCHHUNG
$$ Dar rimawi a ri dawn e Kan member hlun tak pahnih Tv. Lalawmpuia Zote (Mapuia) leh Nl. Lalkungpuii Chawngthu (KP-i) te chuan, November ni 22, ningani hian Ramhlun North Presbyterian Biak In-ah damchhung atan tiam tlat e an ti dawn ta. Fanau maltluan chawia kristian chhungkua din ngei turin duhsakna kan hlan e. $$ Chhiat tawk Pu Lalmana, kum 9O, Chaltlang veng, Aizawl, Tv. Branco M.S.Dawngzela Kristu Jayanti College-a zirlai pu chu, November ni 1O, zanlai dar 12 vel khan zunthlum natna vangin a boral. Tin Pu Ramthianghlima, Chhinga veng Aizawl, BMA member Tv, Steve Lalrinzuala (Mandya-a zirlai) pa chu, thinro avangin zirtawpni tlai dar 5 khan a boral bawk. Khawhar chhungte tawngtaipui ang u. $$ Pu Rotea hna a nghet ta Pu Lalrokhuma Pachuau IPS chu November 7, 2012 khan DG&IGP atan dah ngheh a ni ta. $$ Interview dawn MPSC Combined Competitive Main Examination neih takah Tv. Lalramdinpuia Khiangte chu a tling a. Interview paltlang ngei turin duhsakna kan hlan e. $$ Grace Homers, kan lawm e. Kuki unaute, Chavang Kut lawmnaa BMA aiawh kal Grace Home hostel nula leh tlangvalten, Cheraw leh lam mawi tak an va entir a. BMA chuan kan chhuangin an chungah kan lawm hle.

Chin-KukiChin-Kuki-Mizo Chavang Kut

Kut hlung leh ropui tak hman a ni
14th November 2012: Kuki Students Organization, Bangalore ten kumtina an huaihawt thin Chin-Kuki-Mizo Chavang Kut chu, Lincoln Hall, Baldwins Boys High School-ah, ropui taka hman a ni. Chavang Kut-ah hian Pi Lalrinpuii, BMA President Khual Zahawm niin, thutawi tha tak a sawi. Kut huaihawttu te pawn Nu Rini thusawi tawi leh tha bawk si kha an fak hial a ni. BMA Secretary Dr. Lalhmingmuana Sailo pawhin he kut hi chhim vein, KSO hruaitute hnenah Chhinlung Magazine leh BMA Directory a hlan. Tin, BMA Treasurer, Nl. Jenny Vanlalpari chuan zei takin kut hi a,kaihruai a. Kuki tlangval hoin an lawm fal hle niin thu kan dawng, Tv. Samuel Lalrozama Hmar chu he huna Special guest zingah telin, Chavang Kut Lanu (Miss Changvang Kut) thlannaah Judge a ni. Kuki unau te hian Mizote min ngaipawimawh thiamin, min tiunau em em a. An khuallian Rev. Dr. Angam ngei pawn kan inunauna chungchang a sawi uar hle. *****************************************************************

LALROTLUANGIN PI F. LALROTLUANGIN ORDINATION A DAWNG

Pi F. Lalrotluangi (Pi Mapuii) chu University of Jerusalem, Chennai chuan Ordination a hlan. Pi Mapuii hi, AIR leh Doodarshan artist a ni a. Pathian kohna chhangin Eastern Theological College, Jorhat atangin kum 1984 khan BD chu tha takin a zo. BD a zawh hnu hian Chawngte-a Boarding School-ah Headmistress hna thawkin rawng a bawl a. Hetia Chakmate zinga rawng a bawl chhung (1984-85) hian chanchintha avangin hrehawm tam tak a tuar a, thihna ko tlangah tum hnih tum thum lai a ding nghe nghe a ni. Pi Mapuii hian thu leh hla lamah pawh sulhnu a nei nual a. Lekhabu pahnih a ziak tawh a, a lehkhabu hmasa zawk chu Bible-a Thu Harsa: Zawhna leh Chhanna tih a ni a. A bu hnihna, Chhungkaw Entu tih chu 1989 khan a chhuah leh a, hei phei hi chu miin an hlut hle a, 2003 khan ennawnin a chhuah leh hial a ni. Rawngbawlna lamah pawh Pi Mapui hi Pathianin a hmang nasa em em a, amah kaltlangin mi tam takin tihdamna an chang thin a ni. Pathian thu zirna hi a ngaisang a, tun thleng pawhin a la zir chhunzawm ta reng a; kum 2013 January thlaah hian D. Min. degree dawng thei dinhmunah a ding mek bawk. Tunah hian NGV, Bangalore-ah a pasal leh a fate nen an khawsa mek. Thulakna (Banglore Mizo News Network, Fb Group)

Vol. XVIII Issue No. 32 Bangalore Mizo Association Pathianni Nitin Chhuak Chanchinbu Date: 18th Nov., 2012 Phek Hnihna
Editor Dr. Lalhmingmuana Sailo Joint Editors Tv. Lalmuanzuala Tv. MC Zirsangzela Circulation Managers Nl. R. Lalnuntluangi Nl. Laltlankimi Hmar Tv. Samuel Khawlhring Nl. Vanlalnghaki BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

Khawihtute Ka Mit Laa, Ka Rilru Khawihtute

Dr. Mahminga Sailo Citibank ATM Tuk dang ang bawkin tlangval lai atang tar tih takah, morning walk ka nei zo chu, inrin ni zing a ni bawka tiin Citibank ATM rauhsan tawh dawhsanah chuan ka thu chawl a. He hmun hi kawngpui bula awm a niin, kawng atang feet nga vel zeta sang a nih avangin a thengthaw nuam hle. Hunawl ka neih changin ka thu chawl fo thin. Naupang pathum Ka piah lawka dawr bathlarah chuan naupang an ri nak nak a. Kan en phei chuan naupang pathum, inchhangbung vek an ni ngei tur hi an ni a. A upa ber hmeichhe naupang kum 4 vel chuan khawi atang a chhar nge ni, parva thi (ruang) hmul a lo pawtfai chawt chawt a. Reiloteah chuan a nau hmeichhe naupang chu Rs. 10 kengin kawngpuiah a rawn chhuak nawlh a. Minute thum vel a bo vang vang hnu chuan balhla pathum leh Rs. Khat-thir kengin a rawn kir ve leh mai bawk. A upa berin a nau thil lei ngaihvena kawngpui a lo chhuk chuan an naupang ber mipa, la kal thei lo chu a lo tap tuar tuar a. Kawnga kal ten an en hrek hrek. Zingkar khawvawt kara a nu leh pa te hmel hmuh tur awm lo kha an lainatawm. Tawngthei lo Chutia naupang ka thlir reng lai chuan ka awmna sirah chuan palian vak lo hian kawngpui a rawn thelng chiah a. A hmelhriat pitar nen chuan an inbia a. Ka enchik mai lem lo. Ngai teh, an inbiak lai reng chuan pitar zawk chu kutzaizirin a tawng lawng lawng a. A biak erawh chuan zaizir hlirin a chhang thung, a tawng thei lo niin! Duh ang tawka kan han khek rawng rawng thei te, aw mawi tak (mi ten mawi min tiksak erawh ka hre lo) kan nei te hi aw a van hlu em! Nimin tlai ihkhawm bana thalaite Pathian faka kan zaikhawm te kha ropui ka van tithar em! Driver buai Kawngpuia lirthei tlan kan thlek phei a. Maruti van khalhtu chu a lirthei khalhna vawn pahin lirthei hma darthlalanga inen pahin a sam a khuih sawk sawk bawk a. A hmanhmawh hmel hle mai. Kei lah chu, inrin ni zing a ni bawka tiin inla-awlthawng ang reng takin zingkar thlifim dawngin ka thu dawr dawr si. Hnawmtinphuri nu Naupang pathum awmna lam bawk ka en phei chuan, pitar pakhat lehkhakhawng leh mi bawlhhlawh paih tawh hnu zinga tha thlankhawm pawm bawr luahin ka chanpual a awm dah lo maw? ti ni awm takin dawr bathlar chu a rawn thlek kual dan dan a. A duh ang a hmuh chu a la mai a, a kal ve leh mai bawk. Heng mi chi hrang pali te hi minute sawm pawh tling lo va ka hmuh mai te an ni. An retheihna emaw an piansualna tarlan ka tum lo va. Chutih rualin hringnun makzia, a hrethiam duh tlat lo tan phei chuan Pathian demna anka chhuah mai pawh ni lova Pathian a awm lo a ni tih finfiahna tha tawk tak pawh a ni mahna! Englekhawle, kan chungah hian engkim a thleng thei. Hlim leh lawm lai, tah leh rum hun kan tawng vek a, kan tawng zel dawn bawk Phek thumnaah chhunzawm a ni

E-mail: bmanews@gmail.com Website: www.bangaloremizo.info

Xw||t Xw||t
BMA AW chhiartu duhawm tak te, In hnathawh, zirlai leh mawhphurhna hrang hrangah Pathian hruaina in chan zel kan beiseiin kan duhsak vek a che u. Beisei phak bakin BMA AW latu pawh chho kan pung chho ve leh hret hret a, thahnemngai taka in thu leh hla thawha, sum leh hun hlu min sensak thin avangin BMA AW Editorial Board chuan lawmthu kan sawi mawlh mawlh e. Edit Hetih rual hian, BMA AW Editorial Board thawhhona tha tak neia, mawhphurhna thahnemngai taka kan mawhphurhna theuh kan hlen sang sang hi a nuam. A bik Managertakin Circulation Manager-te avanga BMA AW latu kan pung tih hi phat rual a ni lo. Fak an phu e. Chhiartute thu leh hla dawng tam deuh hlek ila a tha awm e. ChhiatniChhiatni-thatnia kan intawiawmtlang dial thin dial thin te hian Mizo nihna a tihlu kan ti thin. He nunhlu tak hi chawinung zel ila, Isreal fate sal tan laia an ram ngaia siamtu Pathian an ngai ang khan, kan ram leh hnam, kan Pathian hre renga, theih ang tawka midangte tana malsawmna nih I tum zel ang u. BMA AW chhiar nuam le.

Vol. XVIII Issue No. 32 Bangalore Mizo Association Pathianni Nitin Chhuak Chanchinbu Date: 18th Nov., 2012 Phek Thumna

Article chhunzawmna Pathian ringa, amaha nun neia; mi te entawntlak nunmawi neia, theih ang tawka midangte tana malsawmna ni zel turin Pathian hnenah I intulut fo ang u. I hun tithianghlim la, khawvel a ral mek, I hun hlu zawng zawngte Isua tan hmang rawh; Amah I an theih nan Isua en fo rawh, I thiltih zawng zawngah Amah ang turin.

Ngaihdan
M.L.T.P. ACT
K.Remruatfela K.L.E. Law College, Bangalore Sap ho awpbehna hnuaia kan talchhuaha, zalenna puan kan sin tirha ram tana mi thahnemngai ten kan ram thar inkaihhruaina tura Constitution Drafting Committee ten dan an zam kha Constitutional Law tia sawi thin a ni a. Tin, ziaka dan kan lo neih hnua mipui aiawh tura kan thlanchhuah roreltuten ram inrelbawlna tha leh zual a awm theih nana dan an siam thar hi Statutory law tia sawi a ni ve thung. Chutianga, ziaka dan awmsa ni lo, kan ai awha roreltuten dan an zam thar zinga sawi zui hlawh ber tia an sawi fo, zofaten kan hriat thiam dana Zu khap burna dan - MLTP ACT chungchang tun tumah hian a tawi kimchang thei bera tarlan kan tum dawn a ni. Zu khap burna dan M.L.T.P. Act hi kohhran hruaitute rawtna angin kum 1995 khan siam niin, a hnu kum 2na February ni 27 2007 khan Mizoram puma hman turin kenkawh a ni tan ta a ni. Chutihlaia, kan hriat tur chu he MLTP Act hian Autonomous District Council pathum, Chakma, Lai leh Mara te a huam ve lo. MLTP Act dan hman a nih chiah hian Mizoramah hian zu hi hralh leh zawrh khap tlat a ni a. Mi tupawhin state pawn atanga Z lalut emaw Mizoram atanga pe chhuak emaw kawl emaw zuar emaw lei emaw siam emaw leh zu sakna atana hman chi bungrua engpawh kawl chu Sec. 8 (1) MLTP Act ah hian kum 5 thleng lungin tan tir theihna dan a siam a, Rs 1000/- thleng chawi tir theih an ni bawk a ni. A hremna hniam ber chu thla thum aia tlem lo a ni a. Amaherawhchu, he thla thum hian kum 21 hnuai lam emaw criminal case a la convict ngai loh te chu khawngaihna a lantir theih a ni.
A chunga kan hmuh ang hian Autonomous District Council chhungah tih loh chuan zu zawrh leh lei hi khap tlat a ni a. State dang, Entirnan: Bangalore a kawtkai maia duh duha zu kan lei theih laiin Zoramah chuan danin a khap tlat a ni. Mahse, tunhnaiah phalna nei chuan Grape zu - Zawlaidi tia an sawi chu receipt nen a lei theih ni awm taka sawi a ni a, tak tak ni maw?! He MLTP Act hi thenkhat chuan na taka an sawisel luai luai laiin thenkhat chuan Zofate moral ngaihtuah chuan a awm hle a ni an ti ve thung a. Engpawhnise, keini zirlaite hian chhungkaw tlakranna thlentu lian berte zinga mi Zu hi tuna kan hman dan anga khap bur hi nge tha kan tih, State thenkhatte tih dan anga thlah zalen? Zofate moral leh identity ngun taka ngaihtuah chung ranin fim takin in ngaihdan han thawh hlawm teh u
(Tv. Fela, thuziak fing tak leh awmze nei, ngaihtuahna sen ngai tak si min pe a, kan lawm e. Ed.)

Hriselna Huang
Naute hrisel I duh em? Ui vulh rawh!
Nu leh pa, naute nei mai turte khan lo chhinchhiah teh u. Naupiang panga zinga pakhat zelin allergy an vei thin avangin, I naute duat takin allergy a vei loh/tlem nan, ui lei rawh le.

Henry Ford Hsopital-a mithiam ten an zirbingna chungchang Journal of allergy and clinical immunology-a tarlan dan chuan, nuin nau a pai laia ui/zawhte an chenpui hian, allergy siamtu pakhat IgE an taksaah a hniam zawk fe niin an sawi. Taksa ralvengtu zinga IgE hi tangkai mah se, taksa mamawh aia sang a awm chuan naupangah allergy leh thawhah (asthma) hial thlentu an ni thung a. Christine Cole Johnson chuan, inchhunga ui/zawhte kan kawl hian, naute allergy vei tur tam tak lak ata venhimna a pe niin a sawi a. Chutiang bawkin, naute zai chhuah ai chuan a pangngai hrinchhuah (vaginally) te pawh hian, natna do an chak zawk tiin an sawi bawk. Hei erawh kan thuneihna bak a ni thung. Thianghlim, fai leh hrisel taka ui/zawhte I kawl chuan, I fanau rochante tan natna do theihna a tanpui bakah, in chhugkaw tan hlimna leh lawmna an thlen ngei ang che. (Thulakna: srxawordonhealth.com)

Vol. XVIII Issue No.32 Bangalore Mizo Association Pathianni Tin Chhuak Chanchinbu Date: 18th Nov., 2012 Phek Lina

Lawmthu sawina
Ka nau, Blessy Sailo lirtheia a chetsual (accident) chungchangah, theihtawpa min tanpuia, min tawngtaipuitu zawng zawng chungah Pathian hmingin lawmthu kan sawi mawlh mawlh e. Mysore-a kan awm chhunga min buaipuitu Mysore leh Mandya Mizo zirlaite, Bangalore lama BMA, MSA, leh pawl hruaitu hrang hrang te, tin mimal min lainattu leh hmangaihtute hmel kan hmuh te khan kan thla a timuang a, kan lawm takzet e. Lalpan a let tamin malsawm che u rawh se In khawngaihna dawngtu Pi Angely Sailo

Lawrkhawm
$$ Thi Tawh anga ngaih lo haw leh Kapthanga (82) S/o. Zakamlova (L) a chhungten hun rei tak an hmuh tawh loh leh a chin an hriat tawh loh, thi tawha an ngaih chu Burma atangin an khua Mualpheng (Saitual bul) rawn panpui a ni. Mualpheng atanga thudawn danin Kapthanga hi kum 1952 khan Burma sipaiah a tang a, a chanchin hi Mualpheng a a chhungte chuan an hre zeuh zeuh a, kum 1983 khan a chhungte hnenah lehkha thawnin Mizorama a rawn haw tur thu a sawi a, mahse haw tik ni a awm ta lo a, a chanchin an hre ta lo vang vang a ni. Tunhnai khan facebook-ah a chanchin hi tarlan a niin Mizorama hawn a duh thu ziah a ni a, chu chu Kathmandu lama awm a tupa Remfela chuan lo hmuin Mizorama a chhungte a rawn hrilh a, a chhungte chuan Burma lam YZTP te an han be pawp a, YZTP hmalakna in Mizoram rawn hruai thlen a ni ta a ni. $$ Lirthei chesual avangin boral November ni 15 chhun 12:50 vel khan Vairengte Bazar haw lam Buhchangphai pan tur motor 207 MZ05/5789, K Zoramthara Buhchang khalh leh Bike MZ -05 /7745 Lalrindika, Diakkawn Kolasib khalh te chu Vairengte Godown venga Pu Lalngura (L) in kawtah an insu a, hetia an insut hnu hian an 2 hian kawngthlangah liam thla zuiin mi 1 a thi a, mi panga in hliam an tuar bawk. Hemi ni vek hian UPC (NEI) General Sunday School Director Rev R Laichhingpuia motor khalhtu Eric Lalnunmawia, Umran (Nongpoh bul) Meghalaya chu November ni 14 tlai dar 7:30 khan Numaligarh Refinery bulah motor pakhatin a sut avangin a hmunah a boral bawk. $$ LPS Youth Icon 2012 LPS Youth Icon 2012-a tel tuma Form thehlut mi 680 (mipa 431 leh hmeichhia 249) an tling a. November 19 atangin Zarkawt Recreation Centre-ah elimination round neih a ni ang. Lawmman chu Youth Icon atana thlanin - Rs 1,00,000; pahnihna - Rs 50,000; pathumna - Rs 30,000. 10-na atanga 4-nain Rs 5,000 theuh an dawng ang. Endiktu turte: Pu R Lalchungnunga (Laltea)-convener, Pu Lalrammawia, Pu David Z Hmar (Dream Hunter) leh Tetei Ralte te an ni ang.

Week! Pics of the Week!

(Chawngkhum Dan Tlang Huat loh)

Bangalore Mizo Association facebook group-ah khan he thlalak hi dah ve a ni a. Comment-tu an awm loh avang ngawtin thlalak a mi te hi an luck lo turah I ngai ngawt ang e. I ngaisual mai thei. Tv. Johny leh Tv. David te hi Bangalore Mizo zinga hre lo kan tlem viau awm e. Tawng tui tam tehchiam lo mah se, an awmna chin erawh a hriat a, thla an timuang thin. He thlalakah ngei pawh hian, nula leh tlangval zawng zawng an sahawk laiin, Cool takin hnunglamah thuthmun remin, kezungpui phut hlauh hlauhin an thu a nih hi.