Distribution Gratis

AIZAWL
THIANGHLIMNA
- Rev. H.Lengluta

Estd.
1986 .

An Official Organ of Baptist Church of Mizoram, Central Church, Aizawl.

(Vol. No. XXII Issue No.38 AIZAWL BAPTIST TIMES : Pathianni September 23, 2012 P-1)

KOHHRAN PROGRAMME
Dt.23.9.12 (Pathianni) Zan 7:00 PM Hruaitu : Upa H.Rothuama Solo : Tv. Vanlalmalsawma Bible chhiar : Pi Lalnunziri (Tuikhuahtlang) Thuhriltu : Rbt. Dotawna Dt. 26.9.12 (Nilaini) Zan 7:00 PM (Sharing & Testimony) Thuhriltu : Rbt. Rothuami Dt. 29.9.12 (Inrinni) Zan 7:00PM (Tawngtai Inkhawm) Hruaitu : Rev. F.Sangvela Dt. 30.9.12 (Pathianni) Zing 10:00AM Hruaitu : Upa C.Ropianga Zaipawl : Junior TKP Bible chhiar : Pu C.Lalthakima (Upper Khatla) Thuhriltu : Upa C.Lalruaia KNP-a kal : Upa C.Biakchhunga

Kumin Beirual Thuzir, 'Thianghlimna' tih chuan sawizui a hlawhin kan hlawkpuiin a lang. Hritlang na tak a ln avang leh inkhawm kal laia ruah sur thin chuan inkhawm titlem deuh mah se, kan hlawhtling thawkhatah inngai ila. A ziaktute an fakawmin zir a nuam a, kan zirlai bu theuhte vawn that tlk a nih avangin i vawngtha ang u. Kan Aizawl Baptist Times Editor-in, "September thla a la tawp lo va, kan Beirual thupui Thianghlimna hmangin thuchah han ziak ve la" min tih chu hnial phal lovin a hnuaia mi ang hian mawltein thuchah ka han ziak ve a ni. 1. Kan Pathian hi Pathian thianghlim a ni : Israel faten Tuipui Sen an kn a, Aigupta sipaite an thih vek hnu khan Mosia leh Israel fate chuan Lalpa chawimawiin hnehna hla an sa a, Mosia hla phuah an sa a ni. Pathian an chawimawina hla chu Aw Lalpa, Pathiante zingah hian, Nang ang hi tu nge awm le? Thianghlimnaa ropui leh, Fak tlk nihna lama zahawm leh, Thilmakte ti thin hi, Nang ang tu nge awm le? tih hi a ni a, Pathian thianghlim a nihna a puang chiang hle (Ex. 15:11). Hosea hnena a inpuan dan pawh, 'Kei chu mihring ni lovin Pathian ka ni si a, nangmaha awm mi thianghlima chu' tih hi a ni (Hosea 11:9). Sam ziaktu pawhin, 'Anni chuan i hming ropui tak, hlauhawm tak chu fak rawh se, Amah chu a thianghlim a ni' tiin Pathian thianghlim a nihna chu a puang bawk a ni (Sam 99:3). Heng kan han lk chhuah tlem te pawh hian Pathian thianghlim a nihna chu a tilang mai awm e. Petera pawhin Leveticus 19:2 thu lachhuakin, "Nangni in thianghlim tur a ni, kei ka thianghlim si a, tih ziak a nih kha" a ti a ni (IPet. 1:16). Kan Pathian hi Pathian thianghlim a ni. 2. Mihringte erawh chu kan thianghlim lo : Eden bawhchhiatna avangin kan Pathian anna a bo va, suala pai, khawlohnaa din kan lo ni ta a (Sam 51:6), kan Pathian pawh mihring a lo siam tk avangin a inchhir hial a, leiah hian mihring sualzia chu nasa tak a ni, tih leh an rilru suangtuahzia reng reng chu sual hlir a ni fo mai tih a lo hria a, a inchhir a ni (Gen. 6:5,6). Pathianin Mosia hmangin thianghlimna dan Sinai tlng atangin a rawn puang a, mahse mihring tumahin an thianghlimna turin an zwm thei lo. Tirhkoh Paula chuan, "Pathian mithmuhin tumah reng dn avanga thiam chang an awm lo tih a lang reng a ni" a ti a ni (Gal. 3:11). Zawlnei Isaia, Pathian thianghlim hmaa khawngaihna leh tanpui dila a tawngtaiin heti hian Pathian a au va, "Ngai teh, nang i thinur a, keinin thil kan tisual tawh a, tichuan chhandamin kan la awm thei ang em? Mi bawlhhlawh angin kan lo awm ta vek si a, kan felna zawng zawngte pawh silhfen bawlhhlawh ang a ni a" a ti a ni. Engtin nge Pathian hmaah mi a fel theih ang le? Engtin nge hmeichhe hrin a thianghlim theih ang? (Joba 25:4). Tumah mi fel tak reng an awm lo, pakhat mah an awm hauh lo (Rom 3:10). Hei hi Pathian thianghlim hmaa mihring dinhmun chu a ni mai. 3. Kan thianghlimna chu Isua Krista : Eden sual avanga thianghlim zo tawh lo, kan felna ber pawh pawnchhe bawlhhlawh ang, ti-a Pathian Thu-in a sawi hi a dik a ni. Chutiang dinhmun atanga kan thianghlimna awmchhun chu Isua Kristaa Pathianin thianghlima min
(Phek 3-naah chhunzawm)

Zing |awng\ai Inkhawm 5:45 Dt. 24.9.2012 30.9.2012

Thawhtanni : Rbt. J. Zathuama Thawhlehni : Upa j. Dengngura Nilaini : Pi Lalnunmawii Ningani Zirtawpni Inrinni Pathianni : Pu ZD Lalrotluanga : Pi F. Lalmawizuali : Rev. H. Lengluta : Upa Lalhmingthanga

Pangpar Khawitute
Tukin zinga pangpar mawi taka min khawisaktute hi Pi Rosangliani leh Pi Lalhmingmawii, Sari Group te an ni.

Tu Leh Fate Pual Tawngtai

Zirtawpni 28.9.2012 zan Tu Leh Fate Pual Tawngtai Inkhawm hruaitu Pi T. Lalsangzuali, Ruthi Group-a mi a ni ang. Vawiin Pastor Programme Rev. V. Vanlalchhunga chu Bial chhung kohhranah a remchan dan angin hun a hmang ang.

(Vol. No. XXII Issue No.38 AIZAWL BAPTIST TIMES : Pathianni September 23, 2012 P-2)

Editorial Board

Vawiin BKHP Inkhawm Programme

Hruaitu : Pi Lalrokungi, Mari Gr. Tantu : Pi Lalchhandami, Ruthi Gr.

I |AWNG|AI ANG
Beirual programme Upa Bialah chhunzawm a ni leh ta a, lawmthu sawi chungin hlawk taka Bial tinah kan hman theih nan Thlarau Thianghlim hruaina dilin i tawngtai ang u. BCM Upper Republic Pastor Bial Kristian Naupang Pawl (KNP) Inkhawmpui vawi 15-na chu September 15&16, 2012 khan Republic Vengthlangah hlung taka neih a ni a, Pathian hnenah lawmthu i sawi ang u. Kan Kohhran Thalai Kristian Pawl (TKP) member 26te chu Tripura Field tlawh turin September 20, 2012 Ningani khan Aizawl chhuahsanin an kal ta a, Pathian Thlarau awmpuina leh hruaina dilpuiin i tawngtai ang u. BCM Upper Republic Pastor Bial Inkhawmpui chu October 5 - 7, 2012 hian ITI Biak Inah neih tur a ni a, Bial rorel leh BKHP rorel tluang taka neih a nih theih nan i tawngtai ang u. September 22 - 30, 2012 hian BCM Hlimen Kohhranten Crusade leh Camping an nei mek a, Rev. C.Lalruatthanga, BLS Manager chu Speaker a ni. Speaker hmanga Lalpa'n he Crusade leh Camping hi nasa taka mal a sawm nan i tawngtai ang u. Nimin Inrinni khan Bial Baptist Mipa Pawl (BMP)-te chuan Bial BMP Joint Fellowship hlim takin an hmang a, Pathian hnenah lawmthu i sawi ang u. Kumin Aizawl West Area Baptist Council (ABC) Inkhawmpui chu October 26 28, 2012 hian BCM Biak In Shalom-ah neih tur a ni a, rorelna tluang taka neih a nih theih nan Kohhranhote i tawngtai ang u. ABC thlengtu tur Shalom Kohhrante tan Thlarau Thianghlim tanpuina dilin i tawngtai ang u.

Editor: Upa C. Biakchhunga :9774327966

Executive Editors : Rbt. Lalbiakzuala R. Lalmuanpuia Contributing Editors : TKP : F.Hmingchungnunga BKHP : Lalrinliani BMP : C. Chatuanlala KNP : Lalduhsanga Sailo Upa H. Thanhnuna : : 9774391376 : 9862647022 : 9862357475 : 9436789750 9436152954 : 9436153420 : 9862300484

Thawhlawm khawntu : Pi B. Lalbiakmawii, Hani Gr. Tawngtai rual (MBKHP Thupui) : 1. Mizoramah Thlarau Thianghlima Harhna a thlen theih nan. 2. BKHP Platinum Jubilee lawmna atan leh Mission Field tlawhna atana kan mamawh sum kan neih theih nan. Sharing & Testimony : A duh apiang tan Thingpui lumtu : Loisi Group

Jr.TKP : Danny Vanlalnghaka : 9774003664 Ex-officio: Upa Z. Dengngura : 9436360600 Email: baptistimes@gmail.com Private Circulation Only.

E di tori al Editorial
BEIRUAL IV
Beirual thla chawhnu lam Kohhran programme September 18, 2012 Upa Biala hman tur tih pawh tha takin kan hmang tlang hlawm niin hriat a ni a, a lawmawm hle mai. Biak In lama thuzir zir thei lote pawhin hlawkpui ngei turah ngai ila, a tha ang. Paula'n, "Hmu tawh reng inti ka ni lo va, famkim tawh reng inti pawh ka ni hek lo Krista Isuaa Pathian chunglam koh chhan lawmman hmu turin, tiam chin lam chu ka pan talh talh a ni Kan thlen chin atang khan hma i sawn zel ang u" a ti a (Phil. 3:12-16). Hei hi thianghlimna kawnga ringtute thang zel tura sawmna a ni.

Central Unit BKHP-ten BKHP Platinum Jubilee (2013 May) kan lawmna tur atan sum kan tuak mek a; tin, Mission Field tlawhna atan a tlem berah Chng Nuai Khat mamawh a ni. Chuvangin Member tinte thahnemngaia tan kan lak a tul tak zet a ni.

Vawiin BMP Fellowship Programme

Vawiin Sunday School ban hian BMP Member-te Intlawh Chhuah Programme neih pahin Pu Vanlallianate in, Bungkawn Vengtharah Fellowship neih tur a ni a, hruaitu tur chu Pu H. Lalnghakliana, Unit President a ni ang. Pu Vanlallianate hi Rbt. Dotawna in luah an ni. Member-te kal theuh turin kan inhriattir a, kan insawm bawk a ni e. Nimin, Irinni khan BCM Venghlui Kohhranah Bial BMP Joint Fellowship hlim taka neih a ni a, member-te kan kal tha tlangpui.

Heta Paula'n 'famkim' a tih hi 'puitling' emaw, 'tizo' emaw sawi nana a hman a ni a. Ringtute hi sawisel bo leh famkim kan ni thei LAWMTHU SAWINA lo, Isua kan rinnaa puitling tur Kan fate, F.Lalramchhana erawh kan ni. Thang upa tur ni (RC-a) leh Margaret Dinthangi Ralte lovin thang lian tur kan ni. Atawi zawngin, "A dik apiang te, a zahawm apiang te, a fel apiang te, a thianghlim apiang te, thatna reng a awm a, fakna reng a awm phawt chuan - chung chu ngaihtuah rawh u" tiin kan Pathian Thu chuan min fuih a (Phil. 4:8). Hei hi chhung lam leh pawn lam thianghlimna kawnga kan thanlenna tur chu a ni. Chuti anga min pui turin tithianghlimtu Thlarau Thianghlim i sawm ang u.

(Maggie)-te September 11, 2012-a an inneih min hriatpui leh lawmpui mai ni lova a tul ang anga min buaipuina zawng zawngah Aizawl Baptist Times kaltlangin thinlung takin Kohhranhote hnenah lawmthu kan sawi mawlh mawlh a ni. F. Rosemate nupa Bungkawn Tuikhur Veng & Rothangpuiate nupa Tuikual 'A'

(Vol. No. XXII Issue No.38 AIZAWL BAPTIST TIMES : Pathianni September 23, 2012 P-3)

BEIRUAL

PROGRAMME

(Phek 1-na a mi chhunzawmna) pawmna chauh hi a ni. Thil dang hmangin Pathianin thianghlimah min pawm ta se, Setana'n Pathian a demin a ngaihnep phah ngei ang. Mahse, Pathianin Ama Fapa ngei, tisa sual ang puin, sual thwi nan rawn tirin, tisaa sualna awm chu thiam loh a rawn chantir a, Kros-ah khenbehin a awm a (Rom 8:3). A nunna thisen ngei chu kan sual thwinaah min pawmsakin, mi thianghlimah min pawm ta a, Setana tan complain tur a awm ta lo a ni. Lal Krista thisen thianghlimah chuan, Bawlhhlawh ber pawh silfai kan ni. 4. Kan thianghlimna chu Pathian thinlungah a ni : Lal Isua thihna leh thawhlehna hi ringin, ka sual thwina a ni, ka thianghlimna a ni, tih pawm mah ila, Pathian thinlungin thianghlima min pawm ve si loh chuan a thlwn mai a ni. Mahse, Pathian thinlungin Krista inthwina thisen chu kan sual faina leh kan thianghlimnaah min pawmsak avangin, mi thianghlimte nen tualkhat, Pathian chhungte in ni, Kristaah chuan Pa hnenah thupha chawi a, khawngaihna avanga ngaihdam dilin, Krista inthwina chu kan sual thwinaah min lo pawmsak a; 'I thianghlim e, ka fa' min lo ti ta a ni. 5. Kan thinlung pawh a lo thianghlim ve ta : Krista inthwina zara Pathianin A thinlung ngeia thianghlima min pawm thu, Thlarau Thianghlim zara kan lo hriat hian, misual thinlung, lung anga sak chu tisa angin a lo nm ta a, ph lo chunga thianghlima pawm kan nih inhriatna chuan thinlung a tithianghlim ta a ni. Lalpa ka hmu ngei mai, I chakna leh theihna; Thinlung sak tinmin, Rilru a tithianghlim. ti-a hla kan sak thin ang hian. Pathian thinlungin Krista zarah thianghlimah min pawm a, chu hmangaihna chuan mihring thinlung chu sawhkehin a tithianghlim a, thinlung ber a thianghlim chuan thianghlimnaah a thang lian a, Pathian pawh vanah khian kan la hmu dawn a ni. Thinlunga thianghlimte chu an eng a thawl e, Pathian an la hmu dawn si a (Matt. 5:8). Amen.

September 25, 2012 Thawhlehni Zan : Dar 7

Upa Dr. Darchhawna, Upa Chalsiama, Rbt. K. Rosangate Bial leh Upa R. Biaksanga, Rbt. J. Zathuamate Bial. A hmun Hruaitu : : Pu Sanghnuna Pachuau In, Upper Republic Rbt. K. Rosanga

Upa K.L. Rochama, Upa Lalringate Bial leh Upa Z. Dengngura, Rbt. B. Darkhumate Bial. A hmun : Hruaitu : Bible chhiar : Upa Dr. H. Thanhranga (L) In Rbt. B.Darkhuma Nl. Lalchhanhimi

Upa F. Aikunga, Upa Dr. R.K. Lallianthangate Bial leh Upa Chhaibi, Rbt. P. Singthangate Bial. A hmun Hruaitu : : Pu Lalbiaktluanga In, Republic Hmar Veng Rbt. P.Singthanga

Upa Lalmunga Bial leh Upa Mc Liankhuma, Rbt. Dr. Rosangluaiate Bial. A hmun Hruaitu Tantu Thusawitu : : : : Churchill Lalchamliana In, Treasury Square Upa Mc Liankhuma Pi C. Vanlalhmuaki Rbt. Dr. Rosangluaia

Upa Lalhmingthanga, Rbt. T. Rothiauvate Bial leh Upa J. Lalchhanhima, Rbt. K. Lalrammuanate Bial. A hmun Hruaitu Tantu : : : Pu H. Rammawia In, Tuikual 'A' Rbt. T. Rothiauva Dr. C. Zohmingliani

Upa C. Ropianga, Upa F. Lalhmingliana, Rbt. Rothuamite Bial leh Upa C. Biakchhunga, Rbt. Dr. K. Vanlalmawiate Bial. A hmun Hruaitu : : Rev. F. Sangvela Quarters, Baptist House Rbt. Dr. K.Vanlalmawia

Upa C. Ramhluna, Rbt. Pc. Lalmalsawmate Bial, Upa H. Thanhnuna, Rbt. Dotawnate Bial leh Upa Lalhmangaiha Sailo, Rbt. Lalbiakzualate Bial. A hmun Hruaitu Tantu : : : Pi Zosangliani In Pu F.Laldingliana Pi Zosangliani

Upa H. Rothuama, Rbt. Dr. B. Zolianate Bial leh Upa C. Lalruaia, Rbt. J.S. Mawisangate Bial. A hmun Hruaitu Tantu : : : Pu F. Neihkunga In, Nursery Veng Pu Lalrivunga Pu H. Vanlalsanga

Kohhranhote hnena hriattir a nih angin Upa Bial tinah kan remchan dan azirin Beirual inkhawmna hi a theih anga tam neih theih a ni tih kan han inhriattir nawn leh a ni. Upa Biala inkhawmna hi chhung tinten i ngaipawimawh theuh ang u. Kohhran programme chi hrang hrangte hi ngai pawimawh ila, ringtuten thianghlimna kawng kan zawhnaah hma kan sawn ngei ang. Kumin Beirual chu kan zo dawn a ni ta mai a, kan thuzir leh sawihona kan neihahte kan hlawk tlng hlein a lang. Biak In lama thuzir inkhawmnaah leh Upa Biala Beirual inkhawm chhunzawmnaah mi kan kal tha lo viau naa, akalte chu an hlawk hle a ni tih hai rual a ni lo.

(Vol. No. XXII Issue No.38 AIZAWL BAPTIST TIMES : Pathianni September 23, 2012 P-4)

UPPER REPUBLIC PASTOR BIAL K.N.P INKHAWMPUI REPORT

H. Lalnunzuala, Secretary BCM Central Church Unit KNP Unit pakhatna niin Republic Vengthlang Unit-te pahnihna an ni. Central Unit KNP-te hian BUS pahnih bakah mi mal motor eng emaw zat hmangin Inrinni -ah member 140 leh Pathianni-ah member 180 vel inkhawmpui hmangin an kal thei a, zirtirtuten an tawiawm bakah Senior Adviser pawhin min rawn telpui thei a, min tiphuisui hle. Central Unit aiawhin he bial inkhawmpuiah hian malzai pahnih, Recitation pakhat bakah Worship Dance leh KNP Band-ten chanvo an nei thei a ni. Kan KNP Musician-te an fakawmin an chanvo an ti tha hle a, Inkhawmpui chhung zawng hian hneh takin zai an kaihruai a ni. Intihsiakna lamah chuan Group Recitation-ah pahnihna kan ni a, Solfa zai leh Bible Quiz-ah te pathumna kan ni bawk. KNP-te hi kan awmnate a darhsarh deuh avangin Pathianni zing inkhawm bakah zirna hun kan nei thei mang lo va, hruaitute inpekna vang leh Rbt PC Lalmalsawma leh Tv Zairemmawiaten theihtawp chhuaha hla min zirpui thin avangin hetiang dinhmun hi kan chang thei a, KNP leh hruaitute anni chungah hian an lawm hle a ni. KNP-te hian lawmmanah Dekchi liantawk an dawng.

SUNDAY SCHOOL REPORT 16 . 9 . 2012

Puitling Hming ziak : 409 Kai : 140 Kai lo : 269 Mikhual : 9 Bible Keng : 118 Kai % : 34 % Thawhlawm : 1,635 Thalai Hming ziak : 267 Kai : 80 Kai lo : 187 Mikhual : 0 Bible keng : 68 Kai % : 30 % Thawhlawm : 815 Naupang Hming ziak : 258 Kai : Bial KNP Kai lo : Inkhawmpui Mikhual : avangin Bible keng : Sunday Kai % : School lo a awm Thawhlawm : Total Hming ziak : 934 Kai : 220 Kai lo : 714 Mikhual : 9 Bible Keng : 186 Kai % : 24 % Thawhlawm : 2,450 Hming ziak thar : 0

September ni 15-16, 2012 khan BCM Republic Vengthlang Biak Inah Upper Republic Pastor Bial KNP Inkhawmpui chu hlim taka neih a ni a. Inkhawmpui thlengtu inbuatsaihna a tha a, Kohhrante tanrualzia a lang chiang hle. KNP-te an khawmpui chhung hian hnianghnar taka naupangten an ei leh in tur min buatsaihsak a, naupang leh zirtirtute an lawm hle. KNP Inkhawmpui hi September ni 15, 2012 (Inrinni) chawhma dar 10:30 khan Bialtu Pastor V. Vanlalchhunga'n a hawng a. He Inkhawmpuiah hian kan bial chhunga kohhran 6 heng- Central, Republic Venghthlang, ITI, Bethel, Bethlehem leh Venghlui Unit atangtein KNP member 510 vel kal khawmin Inrinni nilengin intihsiakna hun hman a ni. Chawhma lamin Solfa zai-a intihsiak a ni a, chawhnu lamah Group Recitation leh Bible Quiz-tea intihsiakna hun hman a ni. Pathianni chawhma lamah Sermon Inkhawm neih a ni a, Bialtu Pastor-in thuchah a sawi a, chawhnu lamah Fellowship hun hlimawm tak hman a ni a, Unit hrang hrang Report te ngaihthlak a ni. Chawhnu hunah hian Result-te puangin lawmante pawh sem nghal a ni. A pumpuiah ITI

September 15 & 16, 2012 : BCM Upper Republic Bial KNP Inkhawmpui Pic. 1 : Central Unit KNP-te solfa zai intihsiakah an zai. (September ni 15) Pic. 2 : Rev. V. Vanlalchhungan Pathianni Zing Inkhawmah Thuchah a sawi. Pic. 3 : ITI KNP Unit-te Worship Dance (September ni 16) Pic. 4 : Lalduhsanga Sailo & C. Biakhluzuali ten Fellowship an kaihruai. (September ni 16 Chawhnu) Pic. 5 : Rev. TC Laltlawmlova, Bial Chairman-in Pi Mangchini (RIP) sunnaah tawngtaina hun a hmang. (September ni 16)

Published and Edited by Upa C. Biakchhunga on behalf of BCM, Central Church Aizawl. C-400