An Official Organ of The Bangalore Mizo Association Registered Under Societies Act of Karnataka No.

: BLU-S188-2007-08 Date 7 May 2007

Vol. XVIII Issue No.24 Bangalore Mizo Association Pathian Nitin Chhuak Chanchinbu Date: 09th Sep., 2012 Phek Khatna

BMA AW

TUALCHHUNG
$$ Lucky Ticket BMA Lucky ticket hralhtu zawng zawng te, ticket hralh zo tawh chuan BMA Treasurer, Nl. Jenny Vanlalpari hnenah a hmalamin thehlut zel ang u. Tin, la hralh zo ve lo te pawh thahnemngai taka hralh zo tura ngen leh hriattir in ni e. $$ Member damlo: Kan member Tv. Moses Tlau, Tv. Sumeon Tlau, leh Nl. Lalruatpuii Khiangte, Dengue fever vanga damdawi ina enkawl te chu, dam takin an chhuak tawh a. Hetih laiin, Nl. Christine Lalrintluangi erawh Dengue Fever avang thovin Sharada Nursing Homes-ah admit a ni ve thung. Dam taka a chhuah theih nan I tawngtaipui ang u. $$ Pu Clement-an pemsan ta Bangalore Mizote tana mi tangkai tak, kum 2011-2012 chhunga BMA Executive Committee Member, Lt. Col. Clement Lalhmingthanga chuan ni 7 September, 2012 khan, kum thum zet a lo awmna Bangalore chhuahsanin, a thawhna hmun thar Argi, Jammu & Kashmir min pansan ta. A hnathar tluang taka a zawm nan BMA AW Editorial Board chuan duhsakna kan hlan e. _____________________________________ I lo bengvar zawk nan leh Bangalore Mizo chanchinthar I hriat theih nan, BMA website bangaloremizo.info leh BMA Facebook group BANGALORE MIZO ASSOCIATION tlawh thin ang che.

VANGPUI KUT 2012 MIZO CULTURAL NITE

Mizo-Kannadiga Cultural Exchange Hun Nghahhlelhawm
Bangalore-a Mizote Bangalore, India ram khawpui zinga nuam ber leh thang chak tak, sik leh sa nuam em em; Garden city ti hiala an hriatlar khawpuiah hian Mizote pawh kan tlangnelin nuam pawh kan ti hle awm e. A kum telin Mizo zirlai leh hnathawk pawh kan pung zel a ni. Bangalore tualmi (Kannadigas) Bangalore hi khawpui lian leh thangduang, hnam hrang hrang inchawhpawlhna a ni a. Saptawng (English) thiam tan phei chuan tawngah pawh buaina tur a awm meuh lo. Chutih rualin, he khawpui luahlumtu leh neitu Kannadiga-te hi khual min thlengtu an nih avangin inunauna tha tak kan neihpui zel hi a tul hle a ni. He khawpui tlangnel leh nuam taka chen duh chuan Mizo thiante bakah Kannidiga thian te neiin, Kannada tawng a bo lo tawka thiam tum ang u. A hlawkpuitu chu keimahni bawk kan ni. Mizo Cultural Nite 2nd October, 2012 BMA executive committee 2012-2013 meeting vawikhatna chuan, Bangalore-ah Mizo heti zat awmin, pawl (association) upa leh chak tak tak kan nei tawh a. Chutih rualin, tualmite hian kan officer hmingtha tlemte mimala an hria tih mai loh chu Mizoram tak ngial hre lo pawh an tam hle. Thla hmasaa kan Health Minister zahawm tak Pu Lalrinliana Sailo rawn zin kan zui ve pawh khan, protocol-te ngei khan Mizoram an hre teh chiam lo. Kawng engemaw tala Karnataka miten kan hnam ziarang leh nihphung min hriatsakna hun remchang tak a nih tur hriain BMA executive committee chuan, kumtina Vangpui Kut kan lawm bakah Mizo Cultural Nite huaihawt a rel a. He hunah hian Mizoram leh Karnataka Art & Cultural minister-te bakah Cultural Troupes sawm a, hun hman ho a rel a ni. Hmarchhak mite hun tawn Thla hmasa lawka hmarchhak mite chunga thilthleng avang khan Mizo Cultural Nite hi Bangalore Mizo te tan a pawimawh zual hle dawn a. He hun hlu tak hi BMA member tin ten a hlawhtlin nan theihtawp chhuahin, intawiawm vek ang u. Mizo Cultural Nite - Appeal Vangpui Kut pual hian Souvenir buatsaih a ni dawn a. He souvenir kaltlanga Cultural Nite atana sum thawh duhte tan Appeal hi chhan theih a ni dawn a. Member tam zawk chuan he ngenna lehkha hi in dawng tawh ang a. Thahnemngai takin ngenna hi I chhang ang u. Advertisement chipchiar, BMA AW phek 3-naah tarlan a ni e.

Vol. XVIII Issue No. 24 Bangalore Mizo Association Pathianni Nitin Chhuak Chanchinbu Date: 09th Sep., 2012 Phek Hnihna
Editor Tv. Lalmuanzuala Joint Editors Dr. Lalhmingmuana Sailo Tv. MC Zirsangzela Circulation Managers Nl. Lalchhanhimi Nl. Lalngaihsaki Hnamte BMA AW lak man: Thla khat Rs.20 Thla thum Rs.50 Thla ruk Rs.90 Thla sawmpahnih Rs.180

Vangpui Kut - Mizo Cultural Nite 2012

BMA AW phek hmasa bera kan tarlan tawh angin, kumin hian Vangpui Kut kan hman thin bakah kan chenna khawpui Bangalore luahtu Kannadiga-te nena hnam ziarang inentirna leh inunauna kan neih tam zawk theih nan Mizo Cultural Nite kan hmang dawn a ni. A hmun A hun : Baldwins Boys High School, Hosur Road : 02.10.2012 (Thawhleh ni) 6:30 PM Kan Zotlang ram nuam Pu B Kapthuama, IAS (Retd.) Organizing Chairman Grace Home Girls. Vangpui Kut Section Champion Pi Lalrinpuii, President, BMA

E-mail: bmanews@gmail.com Website: www.bangaloremizo.info

Program duanlawk: 1. Curtain Raiser : 2. Hunserh :

Xw||t Xw||t
Ka bawnghnute in sawi duh mang si lo, zu ka in thu ringawt in sawi mai!
He tawngkam nuihzatthlak ang reng tak hi fiamthu thawh ni khuaah sawilan a ni fo thin. Fiamthu mah ni se, awmze thuk tak a nei tlat! Mizote hian inrel kan hrat bik tia sawi tawk an awm. A ni bik miah lo, hnamdang pawh hian an hrat ve viau. Mihring hi chengho tur kan nih rual hian, midangte itisikna rilru kan nei fo hian min hruaikawi thin niin a lang. Hunawl ngah hi setana workshop ti hiala sawi te pawh an awm, a dik viau awm e. Midang kan rel ham ham tawh hi chuan, tihtur tul tak kan nei lo tlangpui. An tlinlohna leh fellohna han sawi par par te hi a nuam phian a ni ngei ang. Mahse, kan tih tur ni hauh lo leh kan tana tangkai miah si lovah hian kan intibuai fo thin em le? Kan nitin nun inenfiah fo ang u

3. Cultural Dance : 4. Prize Distribution : 5. Welcome Speech : 6. Mizoram Cultural Troupe 7. Solo : Nl. Tlingi Zongte 8. Karnataka sawrkar aiawh Karnataka Minister Memento hlan Karnataka Minister Speech Karnataka Cultural Troupe 9. Mizoram sawrkar aiawh: Mizoram Minister memento hlan BMA Directory 2012-13 Release Mizoram Minister Speech Mizoram Cultural Troupe 10. Special number : Bangalore Senior 11. Mizoram Cultural Troupe (Cheraw) 12. Zai : LR-a & Friends 13. Vote of Thanks : Tv. Johnson D Thianga, Organizing Secretary 14. Banna hla : Lentupui kai vel leh romei chhumin
Programme duanlawkte khi a tul anga tihdanglam theih an ni ang

Vangpui Kut Mizo Cultural Nite chhima member lo kal te tan hian, an hawnaa thlah kual turin Bus pali (4) hman a ni dawn a. Mi pakhat tan Bus chuan man Rs 20/- zel khawn a ni ang. Tin he hun min hmanpui tur hian Bangalore khawpui chhunga Muslim sakhaw hruaitute leh hmarchhak state hrang hrang hruaitute, harsatna kan tawh laia min tanpuitute leh kan thawhpuite, sawm an ni bawk ang. Tin, hemi zan vek hian Vangpui Kut section hrang hrang te inelnaa Section Champion Lawmman hlan a ni ang. Section tin te, he chawimawina ropui tak dawng thei turin inpuachah ang u. Vangpui Kut - Cultural Nite pual hian Souvenir buatsaih a ni dawn a. BMA Member-te leh Bangalore Mizo min duhsaktute hnenah, ngenna (Appeal) siam a ni a. Mizo Cultural Nite pual Souvenir buaipui tur hian Pu Joel Sailo & Tv. Amos Lalremtluanga ruat an ni.

Vol. XVIII Issue No. 24 Bangalore Mizo Association Pathianni Nitin Chhuak Chanchinbu Date: 09th Sep., 2012 Phek Thumna

MIZO KHAWTLANG NUN

Social Networking
Zawlbuk culture Pi leh pute titi leh lehkhabu kan chhiar atang ten hmanlai Mizo nuna Zawlbuk tangkaizia leh, zonumawi chhawmnung tura a thawhhlawkzia kan hriain kan chhiar thin awm e. Khawtlang tan mi tlawmngai leh huaisente chawimawi an niin, vantlang zah an kai thin a. Chutih rualin tlangval/rawlthar suahsual leh awm tha duh lo te zilhhauna hmun ber a ni thung. Social Networking Khawvel changkannain min han tuam tak tak a. Mitin mitangin kan mobile phone atangin khawvel hmun hrang hranga thil thleng kan enin ngaihdan kan sawi thei ta. Hmasawnna tha leh tangkai tak zawng a ni teh meuh mai. A bik takin, tunlaia Mizo thalai, nu leh pa leh naupang te thlenga kan hman uar tak Facebook chu mi tam takin kan thian hluite leh zirpui/hnathawhpui te nena chanchin inhrilhtawn nan kan hmang a, a tangkai em em a ni. Mahse Engkim hian thatna leh thatlohna a nei vek si a. Mi tam tak tana Facebook a tangkai em em laiin, thenkhat tan erawh huaikawmbawla, sual rawngbawlna remchang tak a ni thung si! Hmang ve suh kan inti ngawt thei lova. Min a hmanna tur hmanrua a neih tlat chuan, kan inkhapdaih theih ngawt lah a ni hek lo. Kan khawsak a changkang zelin, midangte kan mamawhna a tlem tial tial a. Thut hmunah thilthleng engkim deuh thaw kan hriat theih tak avangin, mi tam tak chuan tawngkama an sawi chhuah ngam leh duh lem lohte, thu tha lo tak tak an tarlang fova. Kan ram zimteah ngei pawh, kum hnih-khat lek chhungin, facebook-a thu tarlan dik tawk lo avanga Police man hial te pawh an awm ta fo mai! A pawi teh e. Pathianin a chhia leh a tha hriatna min pek hi, zah tak leh fimkhur takin hman tum theuh ang u. Tunlaia Bangalore Mizote, thil tul lem lova kan inhnial vak vak leh vantlang emaw thiante bula kan sawi chhuah duh si loh, awlsam taka kan chhut chhuah zung zung rahchhuah hi ngun takin chhut fo ila. Mizo tlawmngaihna leh Kristian tiha mawi a ni em? tia inzawt fovin, midangte tana tangkai tur a nih lem loh chuan, insum hram hram ang u.

Mizo Cultural Nite Souvenir Advertisement

Advertisement man bithliah 1. Outside back cover (full color) 2. Inside front cover (full color) 3. Inside Back cover (full color) 4. Full page Black &White 5. Half page Black &White 6. Quarter page Black & White : Rs. 20, 000/: Rs. 15, 000/: Rs. 10, 000/: Rs. 5, 000/: Rs. 2. 500/: Rs. 1, 000/-

Pawisa pek dan Cheque/DD in favor of BANGALORE MIZO ASSOCIATION, Pi Lalrinpuii, President Bangalore Mizo Association hnena thawn emaw pek mai tur a ni. Souvenir advertisement chhang tura sum pek luh hun hi September ni 20, 2012 (ningani) a ni e. __________________________________________________________

Post of the week

Chawngkhum dan tlang huat loh

Nui lawk ang Pafa inngeih

Pa pakhat, a hna vangin khawdangah a awm, driver atan a fapa a hruai bawk. Thla 3 hnuah Nu berin a rawn tlawh a. Nu: E e ee.. zing zingah pafaa zu in ruih mai, in zak chai lom ni. Pa(fapa hnenah): Kan rui lo ti raw, Bro' Fapa: I rui miah lo, Bro'. I normal thlap! (thla thum chhung an lo in-brother tawh vel)

Vol. XVIII Issue No.24 Bangalore Mizo Association Pathianni Tin Chhuak Chanchinbu Date: 09th Sep., 2012 Phek Lina

Vangpui Kut Sport Day, 2012

Programme Duanlawk
Kumtina Bangalore Mizo ten kutpui kan hlut ber leh nghahhlelh ber Vangpui kut chu kan thleng leh dawn ta. Vangpui kut peng pakhat, Infiamna ni chu tahrik ni 29, Sept 2012 Inrin ni hian nilenga neih tur a ni. Infiamna ni hawnna hun hmang turin Tv. Emanuel Lawmkima, Vangpui Kut sub-committee convener a ni ang a. Hemi ni atana items neih tur-te chu mawhphur turte tarlan an ni a. Mawhphur tura ruatte hian, tlawmngai taka BMA sawmna min ngaihpawimawhsak ngei kan beisei. March Pass: Member kal zawng zawng tan, i/c Tv. Emanuel Lawmkima & Tv. Lalhriatkima Section member inchhiar: i/c Tv. Lalhriatkima Basketball (Mipa & Hmeichhia tan): i/c Tv. B.C Lalremruata & Tv. Bethela Pautu Naupang games: i/c Pi Nicole Glasco Kawikah (Hmeichhia): Section tin atangin mi 5 theuh, i/c Nl. Zaithanmawii Insuknawr: Section tin atangin mi 2 theuh, i/c David Lalrinliana, AIT. Arpa sual: Section tin atangin mi 3 theuh, i/c Tv. Bethela Pautu. Centipede Race (ketaminu intlansiak): Section tin atangin mi 10 theuh, i/c Tv. Emanuel Lawmkima. 9. Mixed Relay Race (Spoon Race, Needle & Thread race, hnung zawnga tlan, sack race, inpaw chunga tlan): i/c Emanuel Lawmkima 10. Marathon: A duh duh tan, i/c Tv. B.C Lalremruata 11. Tui chawi: Section tin atangin mi 2 theuh, i/c Emanuel Lamkima 12. Tug of War (Mipa 7 & Hmeichhe 7): i/c Tv. Bethela Pautu. 13. Atom Bomb: Member kal zawng zawng tan, i/c Tv. Lalrinhlua, UVCE. 14. Ball Pass: Section tin atangin mi 20 (mipa 10 & hmeichhia 10) theuh, i/c Tv. B.C Lalremruata. 15. Poison Ball (Hmeichhia): Section tin hmeichhia zawng zawng, i/c Nl. Lalbiaknungi, Grace Home. 16. 3-legged race (Mipa 3 & Hmeichhi 3): i/c Tv. David Lalrinliana, AIT. Heng bakah hian Recording Secretaries atan Rev. Ramngheta, Tv. Lalrinhlua, KLE, Nl. V.L. Chhanhimi, KLE leh Tv. Lalhriatkima te an ni ang. Ni 2, Oct 2012 chawhnu dar 2:00-ah ah hian Indoor items hmanga inelna neih a ni leh ang a. Host atan Tv. B.C Lalremruata a ni ang. Hemi ni atana inelna tur leh mawhphurtu te chu heng te hi an ni: 1) Inzaisiak (solo competition): Section tin atangin mi 2 (Mipa 1 & Hmeichhia 1) theuh a tel theih ang. Endiktu atan Tv. Makima Chawngthu, Tv. HMS Dawngliana, Dr. Hrangthanchhungi leh Nl. Wendy Chawngthu-te an ni ang. Solo competition atana intihsiakna tur hla te chu hmeichhe tan Ka Nuam ve e (Vanlalruatin Zoawi Lelte tih album-a a sak) tih hla a ni ang a, Mipa tan Tlaitla Engmawi (C. Lalrinmawian Nun Hlui tih album-a a sak) tih hla a ni ang. 2) Lengkhawm zai intihsiak: Section tin. Endiktu atan Rev. Dr. Hrangkhuma, Rev. Dr.K Sapthanga, Rev. Vanlalnunmawia Zawngte, Pu Lalrinawma Chawngthu te an ni ang. Intihsaiakna hla tur chu Kristian Hlabu no.45 A Hmangaihnaa ka chawlhin tih hla a ni ang. 3) Naupang Fancy Dress: i/c Nl. Lalhmingmawii Chawngthu, UTC leh Nl. Vanlalchhanhimi, UTC te an ni ang. 4) Special Items hmanga intihsiak: Section tin ten item an duh ber an thlang thei ang a, zai erawh phal a ni lovang. (Drama, skit, etc. section te duhthlanna ah a innghat ang). Programme hi a tul anga tih danglam theih an ni ang 1. 2. 3. 4. 5. 6. 7. 8.