Documenti di Didattica
Documenti di Professioni
Documenti di Cultura
1991
K|P THIL TUMTE 1. Isua Krista rinna leh amah anna kawnga \halaite hruai 2. Kohhran kut-ke ni tra \halaite buatsaih 3. Kohhran hnathawh tihpuitlin 4. Krista Chanchin |ha puan darh
Kum 22-na, Issue No.15, Kristian |halai Pawl, Mission Vengthlang Branch, 29 th July 12, P-1
Kum 22-na, Issue No.15, Kristian |halai Pawl, Mission Vengthlang Branch, 29 th July 12, P- 2
Editorial Board
EDITOR JOINT EDITORS
CIR. MANAGERS
: JOEL LIANRINZUALA : MALSAWMTLUANGA SARAH LALNUNMAWII LOISI ZOTHANSANGZUALI : C. LALMUANKIMA WELLBORN H. THANGLIANA
Editorial
K|P Week vawi 25-na chu Pathian hruainain tluang takin kan hmang zo leh thei ta a. Member ten nuam kan ti tlangin kan hlim hle ni pawhin a lang a, a lawmawm tak zat a ni. Hetih rual hian K|P Week kan hman chhan ber kan rawngbawl ho zelna atana intihchak tawn hi rilruah hrerengin Week zo tawh mah se Week hlawhtlinna nih zui zel i tum \heuh ang u.
Inkhawm Programme
Ni 29.07.2012 (Pathianni) Puitling Sunday School : Zirlai 27-na : Kades hmuna harsatna |antu : Pi Lalsanghluani (B-7) Chawhnu Zan Zaipawl Thuhriltu Pastor Bial Fan Programme Baptisma Sacrament : Kohhran Zaipawl : Pastor Lalbiakvulmawia
K|P INKHAWM
Ni 30.07.2012 Thusawi Inkhawm Hruaitu : Nl. Lalrammawii, Branch Comm. |antu : Pu John Lalremkunga, Malakia Grp. Thusawitu : Tv.LalmalsawmaKhiangte,BranchComm. Solo : K|P Week Solo-a pathumna Ni 06.08.2012 Kumpuan Thupui Zir Hruaitu : Pu Isaac Lalremruata, Branch Comm. |antu : Tv. VL. Malsawmtluanga, Zakaria Grp. Thupui : Isua nen - Tunlai Khawvelah Hawngtu : Nl. Sarah Lalnunmawii Solo : Tv. David Vanlalpeka, Zefania Grp.
Ni 01.08.2012 (Nilai zan) |antu : Nl. Lalropari ( B-10) Thupui : Nu leh Pa chawimawi - I Hawngtu : Pi H.C. Liantluangi Item : Intermediate Department Ni 04.08 .2012 (Inrinni zan) - Rilru Sawi leh |awng\ai |antu : Pi Lalchuangkimi (B-3) Ni 05.08.2012 (Pathianni) Chawhma |antu : Pu Vanlalsawma (B-8) Zirlai 28-na : Arad lal hneh thu leh dar rul Chawhnu |antu Thuhriltu Zan Thuhriltu Special Item : Upa H. Ngurthansanga : Acapella, Nahuma Group K|P : Pi R. Zaikhumi (B-2) : Rev. Rokhuma
TLEIRAWL INKHAWM
Ni 29.07.2012 Hruaitu : Nl. Malsawmtluangi |antu : K. Lalruatsangi (Daniela Grp.) Veng pawn tlawh inbuatsaihna hun hman a ni ang Ni 05.08.2012 Hruaitu : Pu Lalnunfela |antu : Lalrinmawii Varte (Josepha Grp.) Thusawitu : Upa Hrilthansanga Solo : C. Zorinpuii (Daniela Grp.)
KOHHRAN
HMEICHHIA
Ni 31.07.2012 Hruaitu : Pi H.C. Liantluangi |antu : Pi Lalrinawmi (B-5) T. Khawntu : Pi Lalramliani & Pi Lallianpuii (B-9) Thusawitu : Pi Chhawnkimi Ni 07.08.2012 Hruaitu : Pi C. Lalhmingmawii |antu : Pi Lalengmawii (B-1) Feh Chhuah, Rilru Sawi leh |awng\ai Rual
Ni 08.08.2012 (Nilai zan) |antu : Pu H. Lallawmzuala (B-9) Thupui : Nu leh Pa chawimawi - II Hawngtu : Pu Lalsiammawia Fanai Item : Sacrament Department Ni 11.08 .2012 (Inrinni zan) |awng\ai leh Thuhril |antu : Pi Lalchungnungi (B-10) Thuhriltu : Pu C. Thanliana
Kum 22-na, Issue No.15, Kristian |halai Pawl, Mission Vengthlang Branch, 29 th July12, P- 3
Phek khatna sermon chhunzawmna... ENGTINNGE KAN RINAWM ANG? : Sam ziaktuin a sawi angin, Lalpa kan ringin, kan awmdan zawng zawng Amahah kan nghat vek tur a ni. Engpawh kan tiha kan thawh apiang, a \ha thei ang berin, taima takin kan thawk \hin tur a ni a, chu chu rinawmna tihlan dan \ha ber a ni. Eng hna pawh a hun leh hmun diktaka kan thawh \hin hi rinawmna tihlan dan \ha tak a ni bawk. RINAWMNA TIH LANNA TUR PAWIMAWHTE: Tu nunah pawh rinawmna hi a pawimawh hle. Rinawmna tello chuan tumah a nun ho theih loh. Lal Isua rinawm taka zui hi Biak In chhung atan chauh ni lovin, kan nun pumah, thih thlengin a nih avangin, kan damchhungin kan nun peng tinah rinawmna hi Pathian lakah te, midangte lakah te, mimal nunah te, chhungkuaah te, Kohhranah te, mipat hmeichhiatna te, ruihtheih thil lakah te, kan nitin hnaah te, kan rawngbawlnaah te, sum leh paiah te, thilsiamte lakah te kan lantir tur a ni. Heng kan han sawilan zawng zawng zingah hian keini Kristian |halaite hian abikin rinawmna kan tihlanna tur nia langsar zual han sawichiang lehzual ila 1) MIPAT HMEICHHIATNA-AH : Tunlai \halaite zingah ngat chuan Mipat hmeichhiatna kawnga rinawm lohna hian harsatna min thlen nasa hle mai. Mipat hmeichhiatna hman khawloh hi Pathian leh Kohhran duh loh leh huat zawng ber a ni pawh ti ila kan tisual tam pui lo ang. Hetiang kawnga rinawm lohna hian nghawng thui tak a neih \hin avangin Bible pawhin fihlim leh fimkhur turin min hrilh mawlh mawlh a ni. Thuthlung Hlui lam kan en chuan Pathian tana rinawm tlat Josefa chuan a pu nupuiin mutpuia a thlem pawhin Engtinnge he thil sual lian tak hi tiin Pathian chunga thil ka tihsual theih ang? a ti hmiah mai a ni. Chutiang ang tak chuan keini Kristian |halaite hian heng sualna hi hnar tur kan ni dawn lawm ni? Hemi laka fihlim tur chuan Thlarau rah zinga pakhat Insumtheihna kan neih a pawimawh hle awm e. Mipat hmeichhiatna kawng a rinawm lohna hian a nghawng natzia hre rengin Pathian tana rawngbawl tak tak tur leh mi hla zawk kan tihte Pathian hnena hruai thleng tur hian thianghlim taka nungin rinawm taka insumtheihna nei mi kan nih hi thil \ul tak a ni. 2) RUIHTHEIH THIL CHI HRANG HRANGAH : Tunlai khawvel \halaite zingah ruihhlo ngaihna hian bu a khuar tam hle mai. Ruihhlo leh a hnathawh avangin Pathian kan hlatin, nun kan chan nasa ta hle mai. Abikin |halai in hmang tam tak kan tih zingah pawh a ruka ruihhlo ti leh mai \hin, awmna hmun a zira danglam leh tlat \hin sawi tur kan tam hle awm e. Kan Bible-ah ngei hian hmun hrang hrangah Ruihtheih thil laka fihlim tur leh rinawm tlat tura fuihna kan hmu nual awm e. Mimal nun tichhia a, chhungkua tikeh chhia a, thlarau lam nun thlenga nghawng thei Ruihhlo bawiha \halaite heti tak maia kan tang ta mai hi tu mawhphurh nge? Engvangnge ni ang le? A chhan leh vang tam tak sawi tur kan hriain, puhmawh tur leh dem tur pawh tam tak kan hre \euh awm e. A pawimawh berah chuan heng zawng zawng laka fihlim tur hian rinawm tak a nungin Pathian hnaihin vuan tlat ila, a lo ti tawh leh ti mekte pawhin Pathian chakna ringin sim ila, la ti ve lo te phei chuan thil \halo na na na chu tih chhin loh law law hi kan himna bul ber ani tih kan hriat nawn fo a \ul hle awm e. Kan Bible chuan |halaite hian kan \hat lai kan chen hi a phal em em a, amaherawhchu kan chungah Pathianin ro a la rel ngei dawn a ni tih erawh min hrilh chiang hle thung. Kan ram leh hnam hmelma hlauhawm lo ni ta Ruihtheih thil, zawi zawia kan nun suat mektu lakah hian kan fihlim theih nan mahni \heuh kan inven a, kan inserh a \ul hle. Heng laka rinawmna lan chhuahtir hi Kristian |halaite tih ngei ngei tur/tih makmawh chu a ni.
Sermon chhunzawmna... 3) SUM LEH PAIAH : Sum leh pai hi thil hlu leh \angkai, a tel lova khawsak theihloh tluk hial a ni. Sum leh pai neia ngah tur pawhin theihtawp kan chhuah \hin. Amaherawhchu sum leh pai hi a neih dante, a neitu leh hmangtu a zirin a \hain a \ha lo thei hle mai, heng sum leh pai lakluh leh hman khawlohna hian tunlaiin \halaite zingah pawh harsatna, buaina leh manganna min thlen nasa hle. Eng hna pawh thawk mek leh la thawk zel turte kan nih avangin sum leh paia rinawm inzirtir nasat lehzual a \ul hle mai. Bible-in Tangka ngainat hi sual tinreng bul a tih hi i hre reng ang u. Sum leh paia rinawm tur chuan kan thawhhlawh leh thawhchhuah dik tak lain kan hmang finkhur ang a, thawhchhuah mila khawsak ngamna hian sum leh paia rinawm turin nasa takin min pui thei bawk. TLANGKAWMNA : Nunna Lallukhum chang tur chuan keini Kristian |halaite hian bul kan \an \hat a va pawimawh em! Tuna kan awmdan leh nundan ang hian nung ta reng ila, Nunna Lallukhum chu kan hlawh zo ang em le? Mahni \heuh inbihchian a \ul hle awm e. Khawvel thila larna leh hmingthanna, lallukhum chhe thei dawng turte mahin thih phah khawp hiala an bei ngam anih chuan, keini Kristian |halaite hian Chatuan Nunna Lallukhum chhe theilo chang tura chhel tak leh huai taka bei ngei tur kan ni. Harsatna leh thlemna chi hrang hrangte hi \halaite hian kan tawh vek a ni a, nimahsela, Pathian auh nachang kan hriat chuan thlemna rualin tlanchhuahna kawng min siamsak ngei ngei dawn tih hi a tiam tlat a ni. Kan tawrh zawh loh thlemna kan tawh hi Pathianin a phal hauh lo. Tun hmain he lam kawngah hian kan lo tlan tawh anih pawhin, hnung lama thil awmte chu theihnghilha, hmalam pang ban zawk tur kan nih hi I hre nawn fo ang u. A tawp berah chuan A ni chu Ni, Ni lo chu Ni lo tih mai hi rinawm taka awmdan tur leh rinawmna tihlan dan \ha ber a ni tiin Bible-in min hrilh. Krista hming avanga chan tur te, tuar tur te kan nei anih pawhin chan phalin, tuar huam ila, a tawpah Pathianin Nunna Lallukhum chu min pe ngei ngei dawn ani. Rinawmna tello chuan nun hi a him rei thei lova, khawpui a chhe rup rup a, chhungkua a kehchhia a, hmelma an ngampa \hin. Krista tana kan rinawmna chu |halai rawngbawlnaah te, Krista hnena midangte hruai kawngah te, Kohhran leh khawtlangah te, sum leh pai zawnna kawngah te, kan nitin hnathawh leh nundanah te lo langchhuak sela, Pathian ropuizia tarlanin a awm thei dawn a ni. Chuvangin, rinawmna hi kan ro hlu a ni a, hnam leh nun a veng a, kulh bang ropui ber a lo ni.
Kum 22-na, Issue No.15, Kristian |halai Pawl, Mission Vengthlang Branch, 29 th Jule 12, P- 4
LAW R K H AW M
Kan member Nl. Lalngilneii, Hagaia Grp. (Darnam Bial) chuan July ni 27 (Zirtawpni) khan Electric Vengthlang Biak Inah pasal a nei a, Branch hmingin lawmpuina thuziak leh Rs. 1000 hlan a ni. Bial K|P Meet vawi 7-na chu July ni 14 & 15 khan Model Veng Kohhran Biak Inah tluang takin neih a ni a. Kan Branch a\anga chanvo nei zawng zawngten an chanvo \ha takin an hlenchhuak thei a, a lawmawm hle. Bible quiz hmanga Branch hrang hrangte inelnaah kan Branch chuan lawmman pakhatna kan la a, tin, Tv. H. Ramliana chuan mimal chhang \ha lawmman pahnihna a dawng bawk a ni. Bial Meet thlengtu Model Branch hi kan Branch chuan \anpuina Rs. 1000 kan pe a ni. Kan member Tv. Johny Lalenkima, Malakia Group Secretary chu Synod Mission Board hnuaiah Arunachal East-ah Evangelist Teacher hna thawk tura lak a nih avangin July ni 16 (Thawh\anni) zan inkhawmah Branch hminga thlah a ni a, thlahna Rs. 2000 pek a ni. Malakia Group Secretary atan Tv. Jacob Lalawmpuia (Biak In Bial) chu ruat thar a ni. Home Mission Sub-Committee te hman turin Guitar thar Rs. 4200 man lei a ni a, June ni 24 zan khan a hlanna hun hman a ni. Home Mission Sub-Committee te hian a khat tawkin Home Crusade a nei bawk \hin a ni. Kan Branch Committee member Pu Lalremruatdika, damdawi ina enkawl mek chu Rs. 500 in kan tlawh. Kan member chatuan ram min pansan ta Pu Lalthawmmawia (Sena) s/o Rev. Lalhluma Sailo chu July ni 16 (Thawh\anni) zan inkhawm banah Branch hminga ralna hun hman a ni, ralna thuziak leh Rs. 1000 in kan ral. August ni 13 (Thawh\anni) zan inkhawm banah kan Branch a chanvo hrang hrang chelhtute tan Retreat/ Leadership Training neih a ni dawn a. Branch Committee leh Group leh Sub-Committee hrang hranga chanvo chelhtute ilo inring lawk ang u. August ni 10 (Zirtawpni) zana Vanapa Hall a Break Free Tour Concert neih turah kan Branch chu member 10 aia tlemlo kal tura sawm kan ni a. India ram hmun hrang hranga rimawi hmanga rawngbawlna neih \hin hi member-te zingah chhim duh kan awm a nih chuan Branch Secretary hnenah inhriattir theih a ni e. K|P member a duh apiangte tan biakpawh theih, K|P helpline rawngbawlna chu kalpui zel a ni a. Tisa leh thlarau lama harsatna tawk, \awng\aipuina mamawhte tan phone number 9436366123, 9862362097 ah te engtik lai pawhin biak pawh theih reng a ni e. July thla chhunga neih tur K|P |awng\ai Beihpui chu tluang takin kalpui mek a ni a. K|P member zawng zawngte nikhatah vawikhat tal Biak Inah \awng\aina hun hmang \heuh turin kan in ngen nawn leh e. Engtik lai pawhin \awng\aina hun hu hman theih reng a ni e.
|halaite |hian
July ni 30 (Thawh\anni) a\anga August ni 4 (Inrinni) chhungin kan Kohhran Hall-ah Nunthar Camping kan Kohhran Social Front Committee hmalaknain buatsaih a ni dawn a. Speaker atan Tv. K. Lalhunpuia, Revival Fire Team (Durtlang North) a ni ang. Camping hlawhtling tak kan neih theih nan Kohhran mipuite \hahnemngai takin i \awng\ai ang u.
|halaite |hian
Nunthar Camping
Boxer lar tak James Toney chu Boxing ring chhungah a beihpuite huat hmel taka a beih \hin avangin a lar phah phian a. A beihpuite hi hmelma beih tak tak hian a bei mai \hin a. Middleweight Champion pawh rei tak chhung a ni nghe nghe a. |umkhat chu a inhnek zo hlim hi chanchinbu mi pakhat hian, James, eng vanga \ha m m nge i nih? Ring chhungah hian engati nge thinrimna nena i khingpuite i beih \hin? tiin alo zawt a. Ani chuan, I hriat angin hei hi infiamna mai a ni a, Boxing hi nuam ka ti a, chu chu thil nih dan chu a ni mai, tiin a chhang a. Chanchinbu mi chuan eng vanga thinrim tak chunga a khingpuite bei \hin nge a nih a zawt nawn leh a. Toney chuan, Eng vanga thinrim tak chunga mi bei \hin nge ka nih i hre duh tak tak em? A chhan chu, naupangte ka nih laiin ka pa hian min tlanbosan a, kan unau zain ka nu in min enkawl seilian ta a ni. Hetia ring chhunga ka luh veleh hian ka beihpui turte chu ka pa angah ka chan a, tichuan ka haw ta tak tak a, an chungah ka thinrim ta ngawih ngawih a, thinrimin ka puakkeh ta \hin a ni, tiin a chhang ta a. Kan tu leh fate hian engtin nge min hriat chhuah ve \hin ang le?
Published by Kristian |halai Pwl, Mission Vengthlang Branch, Aizawl, Mizoram, 2012. Printed at Samaritan Printer, Mendus Building, Mission Veng. Phone - 2312921